Hvað á Búrma ekki?

Búrma á ekkert sem vesturlönd ásælast. Það er ekki langt síðan að fólkið í Búrma reis upp gegn þessum harðstjórum sem bera beina ábyrgð á þessu mikla mannfalli. Hvað gerði hinn vestræni heimur? Ekki neitt, eins og venjulega. Harðstjórarnir í Búrma varla saklausari en Saddam og co. Herforingjarnir í Búrma fá stuðning frá CCP til að halda áfram sínum óhæfuverkum. Ef CCP, þeas kommúnistastjórnin kapítalíska í Kína myndi segja stjórninni í Búrma að taka við neyðaraðstoð, þá myndu þeir gera það umsvifalaust. En það gerir CCP ekki. Þjónar ekki hagsmunum þeirra, nema kannski mögulega ef þeir finndu fyrir raunverulegum þrýstingi frá heimsbyggðinni, en það gerir hún ekki því heimurinn er háður ódýru drasli frá drekanum í austri eða býr í ógnarskugga hans. 

Um 60.000 börn hafa látist í Búrma núna, og miklu mun fleiri munu deyja ef fólk fær ekki aðstoð. Stjórnin þar vissi af þessu yfirvofandi voðaveðri 48 tímum áður en það brast á, en kaus að láta ekki þjóðina vita. Þarf ekki að gera eitthvað róttækt til að hjálpa fólkinu í Búrma? Er virkilega ekkert sem við getum gert?

Ég vildi að ég ætti auka eintök af sjálfri mér svo ég gæti gert meira en að tuða í þessu málefni. Ekkert hefur gegnið að fá þessa ríkisstjórn til að gera neitt fyrir Tíbet, hvað þá Búrma þegar fólkið þar var drepið og limlest fyrir að mótmæla note bene ofurhækkun á öllu sem og kúgun í hæsta gæðaflokki. Málefnið Tíbet: andvana í utanríkisnefnd, sem og Búrma - sjálfsagt mikilvægara að reka kosningarherferð til að komast í öryggisráð með geldan atkvæðisrétt. Getur einhver sagt mér hvaða gagn við gerðum í öryggisráðinu eða hvaða gagn þetta öryggisráð gerir yfir höfuð? 

Ég ætla að kveikja á kerti til að minnast allra sem hafa látist í Búrma, ég ætla að biðja fyrir fólkinu þar, ég ætla að tala um Búrma, ég ætla að læra meira um Búrma, en ég ætla ekki að skora á ríkisstjórnina að gera eitthvað, því sannað er að hún gerir ekki neitt til að styggja Kína, þeir ætla jú að styðja okkur í öryggisráðið.  

Matvælasendingar hindraðar

Þar sem ljóðið lifir enn

Ég er svo lánsöm að fá boð í það minnsta ár hvert á einhverjar skringilegar og skemmtilegar skáldahátíðir víðsvegar um heim. Eftir að hafa mætt á nokkrar miður skemmtilegar í Austur-Evrópu ákvað ég að fara aldrei aftur á slíkar samkomur. En þegar mér var boðið til Níkaragva í fyrra stóðst ég ekki freistinguna, því Suður- og Mið- Ameríka eiga enn í afar sérstæðu sambandi við ljóðið og telst það enn vera eitthvað sem almenningur þráir og virðir sem hluta af sínu daglega lífi, ekki ósvipað og við upplifum tónlist. 

Sú upplifun er mjög spennandi fyrir skáld eins og mig - því ég álít mig miklu fremur alþýðuskáld en háskólaskáld. Það er svo merkilegt að sjá hve hispurslaust fólkið þarna er gagnvart ljóðinu, en jafnframt fullt virðingar gagnvart því. Fyrir þeim er það enn helgidómur sem eftirsóknarvert er að eiga hlutdeild í.  

Þar eru ljóðin ekki krufin sem dauð þau væru, heldur lærð utan að og lifa á vörum og í hjörtum almennings. Mér fannst líka svo dásamlegt að upplifa menningu eins og Kólumbíu og Níkaragva þar sem fólk er enn saklaust og frjálst frá þessari síbylju sjálfhverfunnar sem við búum við í hinum vestræna heimi. Okkar heimur er laus við bráðavanda og því erum við í sífellu að skilgreina lúxusvandamálin okkar. Við erum orðin þrælar sjálfhyggjunnar og okkar fix felst helst í því að vera stöðugt að greina vandamálin okkar með óendanlegu miklu magni af huglægum skyndilausnum. 

Ég frábið mér því að þurfa að kryfja ljóð, ég vil fá þau beint í æð - heillast og tengjast. Ljóð eru görótt galdratæki til að leiða hug og hjarta saman meðal manna um heimbyggð alla, rétt eins og tónlist.

Ég hlakka til að hitta fólk að nýju sem elskar ljóð, ég hlakka til að vera með öruppreisn í Venesúela, þar sem ég mun lauma Tíbetljóðum í dagskránna og hitta skáld frá öllum heimshornum, en mest, allra mest hlakka ég til að lesa ljóðin mín fyrir fólk sem enn elskar ljóð án allrar tilgerðar.

 

Í tilefni dagsins: Ljóð:)

Hér er alveg glæný þýðing á skilaboðum Dalai Lama sem Ron nokkur Whitehead vafði í ljóðaformið. Ég ætla að lesa þetta upp með Ron á beat hátíðinni hans Ólafs á Stóru-Klöpp á eftir, en fyrst les ég það upp á mótmælunum fyrir utan kínverska sendiráiðið... hvernig væri nú að mæta... manni líður alltaf svo vel þegar maður hefur gert góðverk .... 

Aldrei gefast upp
sama hvað gerist
Aldrei gefast upp

Ræktaðu hjarta þitt

Of mikilli orku er eytt
í að rækta hugann
í stað hjartans
í heimalandi þínu

Ræktaðu hjarta þitt
Sýndu umhyggju
ekki aðeins gagnvart 
vinum þínum
heldur öllum

Sýndu umhyggju
Stuðlaðu að friði
í hjarta þínu og 
um heimsbyggð alla
Stuðlaðu að friði

Og ég endurtek
Aldrei gefast upp
Sama hvað er í gangi
Sama hvað gerist 
í kringum þig
Aldrei gefast upp

Mótmælin halda áfram

One World - One Dream - Free Tibet 2008

EKKI frétt á Stöð 2 um leynilöggu við sendiráð

Vikulegir útifundir til stuðnings baráttu Tíbeta fyrir mannréttinum halda áfram fyrir utan kínverska sendiráðið að Víðimel 29. Hefð hefur skapast fyrir því að hittast fyrir utan sendiráðið á laugardögum klukkan 13:00. Fundirnir eru óformlegir en fólk sem hefur áhuga á að kynna sér málefni Tíbets hvatt til að koma og spyrja spurninga. Tíbet er enn lokað. Engir fjölmiðlar hafa aðgang að landinu, engin mannúðarsamtök fá að aðgang að landinu, engir erlendir diplómatar fá aðgang að landinu. Eina fólkið sem fer inn í Tíbet eru kínverskir hermenn, en herlög gilda enn í Tíbet síðan til uppþota kom um miðjan mars. Tíbetbúar hafa sent frá sér ákall um hjálp. Við erum að bregðast við því. Þó svo þessir fundir séu fremur látlausir, hafa þeir mikil áhrif og skýrslum um þá rata til ráðamanna í Kína í viku hverri. Fundirnir verða haldnir uns íbúum Tíbet verður tryggð mannréttindi sín, landið fái í það minnsta sjálfræði og hinu skipulagða þjóðarmorði verði hætt. Meira en milljón Tíbeta hafa verðir drepnir síðan Kína réðst inn í landið fyrir meira en hálfri öld. 

Vegna fréttar Stöðvar 2 um vakt óeinkennisklæddra lögreglumanna fyrir utan sendiráðið finnst okkur rétt að árétta að við höfum leyfi frá lögreglunni fyrir þessum fundum og engin skemmdarverk hafa verið unnin af okkar hálfu við sendiráðið á meðan á fundunum stendur. Vaktin fyrir utan sendiráðið má rekja til tveggja atvika. Málað var eitt orð á vegg sendiráðsins og rauðri málningu hellt á tröppur sendiráðsins. Þessi atvik koma samstöðufundunum sem slíkum ekkert við. Þá hefur ekkert ofbeldi átt sér stað við sendiráðið eins ætla mætti af þessum fréttaflutningi sem var vægast sagt gloppóttur. 

Minni á Tíbetstuðningsfund á laugardaginn

Dalai Lama áhrifamesti einstaklingurinn að mati Time

Sendum sendiherrann heim!

Nú er ég búin að sökkva mér í heimildarmyndir um ástandið í "Kína" Kína og manni hryllir við að hafa sendiherra slíkrar þjóðar hérlendis að skála við forseta og ráðherra án þess að fá almennilegar ávítur í verki fyrir þann hrylling sem ríkisstjórn hans stendur fyrir. 

Þessi sami sendiherra sendir sína menn út á örkina með áróðursmyndbönd um að kínversk "frelsun" hafi verið mesta blessum Tíbeta á alla kínastaðina á höfuðborgarsvæðinu til að dreifa til viðskiptavina sinna. Er það ekki á mörkum þess sem kalla mætti löglegt starfssvið sendiherra? 

Þessi sami sendiherra sendi sína einkaþjóna til að vera með dónaskap við listakonu sem sýndi í Ráðhúsi Reykjavíkur og var jafnframt meðlimur Falun Gong. Ég var vitni af því. 

Þessi sami sendiherra hringir grenjandi út til Kína út af mótmælendum og krefst meiri löggæslu sem auðvitað er orðið við. 

Þessi sami sendiherra sendi áróðursmynd um ástandið í Tíbet á alla helstu fjölmiðla og sum voru svo yndæl að þýða það allt fyrir hann og birta á vefmiðlum sínum. 

Þessi sendiherra er fulltrúi ríkisstjórnar sem pyntar þegna sína, sem rænir þegna sína öllu sem þeir eiga til að græða meira, þeir kúga fólkið sitt, þeir drepa fólkið sitt og við vitum öll af því. En þeir láta ekki þar við sitja, þeir stela heilu löndunum eins og Tíbet og stunda þar þjóðarmorð í ró og næði og við vitum öll af því og í stað þess að gera eitthvað í því, þá bjóðum við þeim enn meiri ítök í landinu okkar og tvíhliða viðskiptasamninga. Hvað er í gangi!?!?!?

Er ekki kominn tími til að sleppa öllum viðskiptum við Kína til að sýna að við horfum ekki aðgerðalaus á svona glæpi? OkOK ég veit að nú mun ég fá fullt af kommentum um að ég sé einfeldningur og að USA sé líka vondu kallarnir og bla bla bla. En hey við verðum einhversstaðar að byrja. Byrjum á að senda kínverska sendiherrann heim, kannski getur hann notað sömu einkavinaflugvélina og Þorgerður Katrín sem er að fara á ópólitíska íþróttahátíð í Kína. 

Þið munið skilja af hverju ég er svona hvöss þegar þið hafið horft á eftirfarandi frétt frá Sky News:

 

Þungir dómar í Lhasa

Er öllum sama?

Endalaust sér maður fólk hafa skoðanir á einhverju sem oft á tíðum er afar lítilvægt miðað við þær hörmungar sem dynja yfir heimsbyggð alla. Þetta er frétt um börn sem voru myrt. Hvað annað er hægt að kalla þetta. Hvað ef þau hétu eitthvað, hvað ef við fengjum myndir af þeim þegar þau voru á lífi. Stoppum um stund og hugsum um þau sem manneskjur en ekki bara tölur.

Ég hef tekið eftir því að fólk hefur almennt engar skoðanir á hungri, svona morðum á börnum, þjóðarhreinsunum. Ég skil ekki af hverju. Aftur á móti er allt logandi í kringum Amy, Britney, og hvað þær nú heita allar saman.   

Fjögur börn létust í árás Ísraelshers

Verið að bjarga ímynd Ólympíuleikana

Samkvæmt því sem ég hef lesið í öðrum fréttamiðlum er verið að bjarga ímynd Kína en lítill raunverulegur áhugi að gera eitt eða neitt varðandi Tíbet. Persónulega eigum við að taka þessu af fúlustu alvöru og bjóða þeim að hittast hér, meiri möguleikar á að hægt sé að verða vitni af því hvað fer fram á þessum fundi. Ef fundurinn verður haldinn í Kína verður hann marklaus með öllu og með sanni verið að stofna lífi Dalai Lama í hættu.

Annars bendi ég öllum á að líta á færsluna Take-Away áróður Kínverja á Íslandi hjá Lárusi Vilhjálmssyni. Ég kaupi aldrei skyndimat hvort heldur vestrænn eða austrænn, þannig að ég er greinilega að fara á mis við merkilega upplifun. Hvet fólk sem kaupir svona mat til að athuga hvort að þeirra kínverski veitingastaður bjóði upp á sömu þjónustu og þeir í Hafnarfirðinum. 

Boða viðræður um Tíbet

Fundur fyrir utan kínverska sendiráðið

Laugardaginn 26. apríl klukkan 13:00 verður haldinn fundur fyrir utan kínverska sendiráðið að Víðmel 29. Fundurinn er til að minna kínversk yfirvöld að heimurinn fylgist grannt með ástandinu í Tíbet sem og til að heiðra  Panchen Lama, en hann varð 19 ára 25. apríl. Panchen Lama er næst æðsti Lama Tíbeta og var rænt af kínverskum yfirvöldum þegar hann var aðeins 6 ára gamall, ásamt allri fjölskyldu sinni. Enginn veit hvar hann er niðurkominn.

 

Kínverjar funda með fulltrúa Dalai Lama

Höfð undir af flensuskrímslinu

Hef verið að berjast við flensu alla vikuna, en hún hafði betur í gær og lagði mig, ætti að fara í rúmið en verð að skrifa fréttatilkynningu til að minna á samstöðufund eða mótmæli eða meðmæli fyrir utan kínverska sendiráðið á morgunn. Skora á alla að koma á morgunn sem láta sig málefni Tíbets varða. Við hittumst klukkan 13:00 að Víðimel 29. Ég ætla að reyna að koma en ef ég er enn með hita og eyrnabólgu þá verð ég víst að halda mig inni. Gerði þau mistök í gær að pína mig út með yngri soninn svo hann færi ekki á mis við vorið:) og sló all hressilega niður. 

Læt hér fylgja með fréttabréf sem ég fékk frá Student for free Tibet... þar eru linkar í undirskriftalista - endilega kíkið á þetta og fyrirgefið sjúklingnum fyrir að hafa ekki heilaburði til að þýða þetta ... ætla ekki að hafa þetta lengra í bili - Gleðilegt vor kæru bloggvinir. Endilega hjálpið mér að láta vita af samstöðufundinum fyrir utan sendiráðið ef ykkur blöskrar ástandið í Tíbet.

Today, Gendhun Choekyi Nyima, the 11th Panchen Lama and Tibet's second most important religious leader will turn 19 years old. He has not been seen or heard from since he was abducted by Chinese authorities in 1995 when he was only six years old. 

The same government that stole this young child from his people is now engaged in a bloody crackdown inside Tibet. As we write this, thousands of people are being detained, imprisoned and killed simply for crying out for their freedom and basic human rights. Read more below about the current crackdown inside Tibet. 

Despite decades of violent oppression by China, the past six weeks have shown the determination of the Tibetan people to fight for justice and regain their freedom. It is in this spirit that we must continue our efforts to secure the release of the Panchen Lama and every Tibetan currently suffering in Chinese prisons and detention camps across Tibet. 

TAKE ACTION: 

• Sign a petition demanding the Panchen Lama's immediate release. 
• Call the Chinese Minister of Foreign Affairs, Yang Jiechi, and register your protest: [phone] or [phone] 
• Change your profile picture to this image of the Panchen Lama. Make your Facebook/MySpace/hi5 profile page an educational tool that speaks out for his freedom. 
• Download a petition and get people on campus and in your community to take action.  
• Join a protest. For details on events already planned in your community, please contact [e-mail]. 
• Visit  www.studentsforafreetibet.org/panchenlama for more action ideas.

UPDATE ON THE SITUATION INSIDE TIBET: 

Inside Tibet the situation remains critical as Chinese forces continue to seal off all Tibetan areas from the outside world. With foreign journalists barred from the region, the full extent of China's brutal crackdown has been difficult to ascertain, however, across Tibet eyewitness reports describe a situation that recalls the darkest days of the Cultural Revolution.

Reports of house-to-house searches, late-night raids on monasteries and nunneries, mass imprisonments, and torture are widespread. People everywhere are afraid to leave their homes for fear of being arbitrarily beaten or detained. Food and supplies to the monasteries in and around Lhasa have been cut off and many people fear starvation. Click here to read more.

Fresh protests broke out in Rebkong last week, just an hour drive from Xining where the International Olympic Committee is allowing the Chinese government to take the torch.Read SFT's press release on the incident.

 

Í tilefni dagsins: Verkamaðurinn

Mótmælin fóru úr böndunum

Myndband af YouTube

Augljóst að lögreglan gekk allt of langt. Ótrúlegt að horfa á þá missa sig í piparúða úðun... eins og var hægt að sjá á RÚV. Hef aldrei séð aðrar eins aðfarir. Furðulegt að þurfa að vera að berja svona á fólki. Hef sjálf þurft að eiga við lögguna oft og mörgum sinnum út af mótmælum og sumir þeirra eru mestu gæðablóð en sumir eru bara fæddir fautar... fólk sem ætti ekki að vera í svona vinnu. Fautarnir hafa greinilega verið á vakt í morgunn. En spurning hvort að yfirmaður þeirra eigi ekki að axla ábyrgð á ofbeldinu. Veit ekkert hver tók myndbandið á YouTube en það sýnir glöggt að lögreglan gekk of langt.

„Alltof harkalegar aðgerðir“

Táragas og piparúði ekki það sama

Getur einhver upplýst hvort það var táragas eða piparúði sem var notað þarna. Mjög mikill munur þar á.  Furðulegt að lögreglunni sé ekki kennt að hemja sig betur. Hef séð þá áður missa sig alveg gagnvart mótmælendum og þá er eins og þeir geti ekki hætt að vera fautar.

Vil taka það fram þó einhverjir hafi lesið það úr mínu fyrra bloggi um þetta að ég var ekki að kalla eftir ofbeldi af hendi lögreglu gagnvart þessum mótmælendum. Furðaði mig bara á hve lögreglan var eitthvað linkindarleg gagnvart atvinnubílstjórnum miðað við hve harkalega hún hagaði sér við aðra mótmælendur.

Lögregla beitir táragasi

Hræddar löggur

Þora löggurnar bara að vera með ofbeldi gagnvart ungu fólki og friðarsinnum? Svo virðist vera. Þeir eru augljóslega skíthræddir við bílstjórana eða kannski eru þeir bara sammála þeirra málstað og fara því um þá silkihönskum. 

Ég tek það fram að ég er ekki fylgjandi ofbeldi að neinu tagi, og varð því oft nokkuð brugðið yfir yfirgangi og ofbeldi lögreglu gangvart sammótmælendum mínum í tengslum við Saving Iceland. Það er áhugavert að bera saman ReClaim the Streets Karnivalið, þar sem ungt fólk var skrautlega klætt með tónlist á pallbíl að labba Snorrabraut í fyrra. Ekki fór lögreglan neinum silkihönskum um þessa krakka. Það eru fjölmörg vitni að því hve langt í frá ofsafengin viðbrögð lögreglunnar voru og til upptökur af því. Þau lokuðu aldrei alveg Snorrabraut og fullt af hjáleiðum þarna. Þó fannst lögreglu tilefni til að handtaka fólk, lumbra á því og brjóta rúðu á einum bílnum. Þau voru á leið niður Laugarveg en fengu ekki að halda göngunni áfram. Rökin: þau sóttu ekki um leyfi og fólk kvartaði undan hávaða!

Mig langar til að fólk hugsi sig vel og lengi um af hverju löggan fær sér pulsu með bílstjórnum og í nefið en beitti þetta unga fólk ofbeldi. Mér finnst að þetta eigi bara alls ekki að líðast.

 

Suðurlandavegi lokað á ný