Frábært!

Hann á með sanni skilið að fá stuðning. Dalai Lama hefur alltaf verið boðberi friðar og ég hef aldrei heyrt hann segja styggðaryrði um kínversku þjóðina, þó hann með rétti hefur gagnrýnt og beðið kínversk yfirvöld um að sýna stillingu og mannúð gagnvart Tíbetum. 

Dalai Lama heiðursborgari Parísar

Eftirmæli: eitt af fyrstu lögunum hennar mömmu

Upptaka úr Kjallaranum 1976 - einhver skringilegasti sjónvarpsþáttur

sem hefur verið sýndur hérlendis. Sést þó ekki svo glöggt hér en varð bara að

sýna ykkur hvað hún mamma var einstaklega falleg í þessari upptöku og hve

lagið hefur aldrei misst sinn einstaka hljóm. Tímalaust lag og ljóð. 

 

Ályktun Vina Tíbets

Ályktun Vina Tíbets eftir samstöðufund fyrir utan kínverska sendiráðið laugardaginn 19. apríl 2008

 

Í dag mættum við í sjöunda sinn fyrir utan kínverska sendiráðið. Á þessum eina og hálfa mánuði sem hefur liðið síðan við hófum aðgerðir hefur lítið gerst hjá ráðamönnum landsins nema að við erum nokkuð nær því að vita afstöðu þeirra sem stýra landinu. Einn ráðherra hefur gefið skýr skilaboð og svarað bréfi okkar, ekki aðeins í orði heldur einnig í verki.

 

Aðspurður af fréttamanni hvort að það gæti ekki spillt viðskiptahagsmunum á milli þjóðanna ef hann talaði um ástandið í Tíbet við kínverska ráðamenn, hvað Viðskiptaráðherra, Björgvin G. Sigurðsson, að hann mæti mannréttindi ofar viðskiptahagsmunum.  Þessu fögnum við og vonum að hann standi við stóru orðin.

 

Málefni Tíbets var rætt í Utanríkisnefnd og lét Steingrímur J. Sigfússon bóka nokkur mikilvæg atriði sem gætu stuðlað að mannréttindum í Tíbet. Þessi fundur var haldinn 26. mars en illa hefur gengið að fá annan fund út af þessu máli og engar ályktanir verðið gefnar út.

 

Þrír þingmenn svöruðu ákalli okkar til þingheims og var því öllum þingmönnum  sent annað bréf í gær þar sem ítrekað var mikilvægi þess að gera sjálfa sig meðvitaða um stöðuna í Tíbet og kallað eftir aðgerðum. Viðbrögðin hafa verið mun betri í þetta sinn, um tuttugu hafa svarað og þar á meðal ráðherrar. Það vakti þó furðu okkar að Menntamálaraðherra virðist ekki hafa neinn hug á að ræða málefni Tíbet, samkvæmt bréfi hennar til okkar, þegar hún fer til Kína til að taka þátt í Ólympíuleikunum sem eru víst orðnir algerlega lausir við alla pólitík. Við fögnum því en minnumst þess að sama skapi að kínversk yfirvöld hafa sniðgengið Ólympíuleikana all oft í pólitískum tilgangi. Við viljum líka minna á að hlaup með Ólympíukyndilinn á rætur sínar að rekja til annars leiðtoga sem sagði að Ólympíuleikarnir væru ekki pólitískur gjörningur, en sá leiðtogi hét Hitler.

 

Við ætlumst ekki til að íþróttamenn okkar sleppi því að taka þátt í Ólympíuleikunum en betra væri að ráðamenn okkar sem ætla sér að mæta geri grein fyrir því, hvort þeirra för verði aðeins til skemmtunar eða hvort að þeir ætli að nota hana til að þrýsta á kínversk yfirvöld varðandi mannréttindi.

 

Við höfum komið með fjölmargar tillögur hvernig við getum gert eitthvað sem þjóð til að verða við hjálparkalli Tíbeta. Við skorum hér með á að þverpólitísk samstaða náist um það að við bjóðumst til að halda fyrstu samræðurnar á milli Dalai Lama og kínverskra yfirvalda. Væri það mjög í anda þeirrar ímyndar sem forsætisráðherra vill að þjóðin verði markaðssett sem, þ.e.a.s. Friðarþjóðin.

 

Vinir Tíbets

Mótmæli gegn Frökkum í Kína

Undercover in Tibet

Samkvæmt því sem ég komst að við að horfa á heimildarmyndina Undercover in Tibet - væri þess ferð til lítils ef leitað væri að sannleikanum um hvernig ástandið er raun og veru í Tíbet. Tíbetar þora ekki að tala við útlendinga um hvernig málum er háttað vegna þess að þeir eru sendir beint í pyntingabúðir kínverskra yfirvalda. 

Hvet því enn og aftur til að fólk horfi á þessa mynd sem ég er alltaf að vísa í: Undercover in Tibet

Verð að segja það Björgvini til tekna að hann gerði heimavinnuna sína áður en hann fór og hefur mér fundist hann vera afar samkvæmur sjálfum sér í því sem hann tekur sér fyrir hendur og gerir hlutina af heilindum. 

Boðinn í ferð til Tíbet

Minni á hinn vikulega fund hjá kínverska sendiherranum

Fréttatilkynning: Viðræður á milli Kína og Tíbet án tafar

Laugardaginn 19. apríl klukkan 13:00 mun fólki gefast kostur á að sýna Tíbetum stuðning í verki með því að mæta fyrir utan kínverska sendiráðið að Víðmel 29. Krafa fundarins er einföld: Viðræður á milli kínverskra yfirvalda og Dalai Lama án tafar. 

Dalai Lama hefur gegnið svo langt að falla frá kröfum Tíbeta um að endurheimta sjálfstæði landsins og hefur um nokkurt árabil lagt til við kínversk yfirvöld að Tíbetar séu tilbúnir að lifa við sjálfstjórn. Þetta gerði Dalai Lama í þeirri von að það myndi greiða fyrir að samræður myndu hefjast. En ekkert hefur miðað í þá átt. Því er mikilvægt að heimurinn þrýsti á kínversk yfirvöld að hefja þessar viðræður án tafar. Tíbetska þjóðin hefur beðið um stuðning heimsbyggðarinnar í meira en hálfa öld. Við getum sýnt þeim að okkur er ekki sama með því að mæta á vikulega samstöðufundi fyrir utan kínverska sendiráðið, skrifað greinar, kynnt okkur ástandið í landinu og hvatt þingmenn okkar til dáða. 

Til hamingju Ísland! Rio Tinto komið loks til okkar.

Lítið hefur farið fyrir umræðu um siðferði risafyrirtækja hérlendis. Hvet alla sem hafa einhvern hug á að kynna sér hvernig þessi fyrirtæki eru í eðli sínu að sjá hina stórsnjöllu mynd "the Corporation". 

Finnst rétt að kalla eftir þessari umræðu fyrst að hið afar vafasama fyrirtæki Rio Tinto hefur loks náð landfestum hérlendis. 

Kalla eftir smá rannsóknarblaðamennsku í þeirra fremur óhugnanlegu viðskiptasögu.

 

Álverið í Straumsvík starfar undir merkjum Rio Tinto Alcan

Afmæli, veislur og reykleysi

Ég er svo lánsöm að hafa fengið að lifi enn eitt árið. Ekkert stórafmæli eins og í fyrra, en það er alltaf gaman að eiga svona einn spes dag. Neptúnus eldri sonur minn er búinn að vera í eldhúsinu í þrjá tíma að gera dýrindis gulrótar afmælisköku handa mömmu sinni:)  Delphin er veikur og ég er hálf veik sjálf. Hætti að reykja fyrir viku síðan og er alveg ótrúlega þreytt. Það mun án efa brá af áður en um langt líður.

Annars var ég í alveg stórkostlega skemmtilegri afmælisveislu í gærkvöldi, hjá henni Elísabetu Jökuls vinkonu minni til margra ára. Hún er örugglega ein alskemmtilegasta vinkona mín og það var svo gaman að sjá hvað hún ljómaði í gullkjól með risastórar gleðisólir í augunum. Það var allavega svo skemmtilegt að ég er eiginlega með harðsperrur í maganum út af því að ég hló svo mikið. 

Mikill áhrifamaður...

Edward þessi hefur haft mjög mikil áhrif til hins góða í heimi okkar, því að með kenningu sinni stuðlar hann að því ljóst og leynt að auka áhrifamátt þess einfalda sannleika að einstaklingar geti breytt heiminum í kringum sig með aðgerðum eða aðgerðaleysi sínu.

Kenning hans er ef til vill enginn nýr sannleikur fyrir ýmsa sem leitað hafa á andans mið, en hann náði að útskýra kenningu sína á svo einfaldan máta að hvert mannsbarn gat tengt við það sem hann uppgötvaði. Það hafa mjög fáar kenningar af þessu tagi nema kannski afstæðiskenningin og 100 apa kenningin haft eins mikil áhrif á hugarfar mitt...

blessuð sé minning þín Edward Lorenz og 1000 þakkir. 

Höfundur „fiðrildaáhrifanna“ látinn

Mjög vel heppnað fræðslukvöld um Tíbet

Í gærkveldi skipulögðu nokkrir aðgerðamenn fræðslukvöld um Tíbet á Kaffi Hljómalind. Við Tsewang vorum með erindi og sýnd var myndin "Undercover in Tibet". Ég átti ekkert von á sérstaklega mörgum en það komu svo margir að ég hygg að einhverjir hafi þurft frá að hverfa. Húsnæðið var reyndar ekkert Háskólabíó en um 40 manns voru herbergisfyllir og gott betur:) 

Maður lærir alltaf eitthvað nýtt á að hlusta á Tsewang - á von á að meira verði um svona viðburði á næstu vikum. Nánast allir sem mættu og voru ekki þegar í félaginu okkar Vinir Tíbets skráðu sig í félagið. Fólk var almennt afar slegið yfir þessari mynd. Ég hafði samband við RÚV í gær og var mér tjáð að búið væri að panta myndina. Ég vona að hún verði sýnd hið fyrsta. En þetta er mynd sem allir þurfa að sjá til að skilja af hverju það er nauðsynlegt að verða við þessu hjálparkalli Tíbeta.

Tíbet - hvað viltu vita?

Í kvöld verður upplýsingakvöld um Tíbet haldið á Kaffi Hljómalind klukkan 20. Tíbetski stjórnmálafræðingurinn Tsewang Namgyal mun halda erindi um heimaland sitt. Birgitta Jónsdóttir fjalla um hvað við getum gert til að aðstoða Tíbeta, en segja má að þeirra staða sé krítískt og ef ekkert verður að gert munu þessi þjóð þurrkast út.

Opnar umræður eftir erindin og kvöldinu lokað með því að horfa á hina glænýju mynd "Undercover in Tibet", en hún varpar meira en nokkur orð skýru ljósi á af hverju Tíbetar eru tilbúnir að fara í margra ára fangelsi til að vekja athygli heimsins á þeirra hörmulegu kjörum.

 

Sendifulltrúi Bush mun eiga fund með Dalai Lama

Kínversk yfirvöld eru klók

Notfæra sér veikleika hins mannlega huga. Það vita auðvitað allir að það er algerlega gegn búddískri hugsun og heimspeki að fremja ofbeldi. Allir Tíbetar eru búddistar. Að halda því fram að munkar ætli sér að sprengja eitthvað er svo ótrúlega út í hött að allir hljóta að vera sammála því. 

En klókindi kínverskra yfirvalda eru einmitt þau að nú förum við ómeðvitað að tengja hryðjuverk við Tíbeta, því við höfum heyrt þetta í sömu andrá.

Ég vona bara að við náum að halda sannleikanum skýrar í hugarskoti. Mér finnst að það eigi að fordæma slíkar lygar, að tengja Dalai Lama er með ólíkindum og ætti að kæra þá fyrir að vega svona að heiðri manneskju sem alltaf hefur boðað frið gagnvart kínverskum yfirvöldum, þrátt fyrir þeirra voðaverk gagnvart þjóð hans. 

Tíbetskir munkar handteknir

Af hverju förum við ekki alla leið?

Það hlýtur að vera hægt að setja ákvæði í þessa samninga um að ekki verði skrifað undir nema að kínversk yfirvöld sýni í verki að þau taki eitthvað mark á orðum Björgvins. Annars eru þetta orðin tóm og ekki til nokkurs gagns. Þá er bara betra að vera heiðarlegur og sleppa því að tala um þetta. Allt sem kínversk yfirvöld hafa lofað að gera til að tryggja samninga hafa þau svikið. Eins og til dæmis þau skilyrði sem þeim voru sett fyrir Ólympíuleikana. 

Það þýðir ekkert að treysta þeim. Láta verkin tala er það eina sem virkar á Kína.

Annars þá hvet ég alla til að sjá eftirfarandi mynd og spyrja sig svo hvort að við ættum yfir höfuð að eiga í einhverjum tengslum við yfirvöld sem standa fyrir því sem þar kemur fram.

Undercover in Tibet. 

Viðskiptaráðherra fer til Kína í dag

Mannréttindabrotum í Tíbet mótmælt

Laugardaginn 12, apríl, klukkan 13, hefur verið boðað til mótmæla fyrir utan kínverska sendiráðið við Víðimel í Reykjavík. Tilgangur mótmælana er tvíþættur samkvæmt tilkynningu frá fundarboðendum; að þrýsta á kínversk yfirvöld að virða mannréttindi Tíbeta og hleypa alþjóðlegum mannréttindasamtökum inn í landið og að sýna Tíbetum stuðning í þeirra baráttu fyrir frelsi í sínu eigin landi. 

Nú er mánuður liðinn síðan mótmæli brutust út í Lhasa. Skelfilegar sögur berast þaðan um hvernig ástandið er í landinu þrátt fyrir að fólk þurfi að leggja sig í lífshættu til að gefa heiminum brotakenndar myndir af því hvað þessi þjóð þarf að þola undir hinum kínverska járnhæl. Flóttafólk nefnir miklu hærri tölur en hafa verið gefnar út opinberlega og tala um að 2000 manneskjur hafi verið drepnar í tengslum við mótmælin. Fólk er dregið út af heimilum sínum, börn og unglingar líka og skotnir út á götu til að hræða fólk til hlýðni. Sökin þarf oft ekki að vera meiri en að neita að afneita Dalai Lama eða eiga mynd af honum. 

Í gær höfnuðu kínversk yfirvöld beiðni Louise Arbour, mannréttindafulltrúa Sameinuðu þjóðanna um að hún fái að heimsækja Tíbet. Þeir hafa enn ekki hleypt neinum fjölmiðlum inn í landið og þeir eru hættir við að opna Tíbet fyrir ferðamönnum í byrjun maí eins og stóð til. 

Mikilvægt er að fólk kynni sér hvað er að gerast þarna, hægt er að finna nánari upplýsingar á netinu, á vefnum tibet.is.

Kvikmyndin “Vajra Sky over Tibet”

sýnd 11.apríl, hjá Guðspekifélaginu klukkan 20:30, Ingólfsstræti 22. Allir velkomnir, frítt inn.

Hér er sýnishorn úr henni.

Ólympíukyndillinn kominn til Buenos Aires

Eitthvað hafa þeir að fela

Enn og aftur hvet ég fólk til að sjá Undercover in Tibet og mynda sér svo skoðun um hvort að okkur beri að gera eitthvað eða ekki, bæði sem einstaklingar og þjóð. Á morgunn verður klukkutíma viðtal við mig á útvarpi Sögu um málefni Tíbet á milli 16 og 17. 

Við ætlum líka að halda áfram að kíkja við til kínverska sendiherrans á Víðimelnum næstkomandi laugardag klukkan 13. Nánari upplýsingar í fyrramálið.  

Arbour ekki velkomin til Kína