Elsku blaðamenn mbl.is

Gætuð þið passað upp á að láta ekki hina kínversku áróðursmaskínu nota ykkur svona. Skoðið heildarmyndina og þá sjáið þið að þeir eru að nota þetta til að kúga enn frekar múslíma í Kína. Ég hef verið að lesa kínverska fréttamiðla og sjaldan séð eins miklar lygar skrifaðar af annarri eins sannfæringu...

Skipulögðu hryðjuverk á Ólympíuleikunum

Skora á Ólaf Ragnar að horfa á Undercover in Tibet

og taka svo ákvörðun um hvort rétt sé að fara. Maðurinn hlýtur að geta notað sína stöðu til að sýna kínverskum yfirvöldum að við líðum ekki að framið sé þjóðarmorðið í Tíbet. Nú höfum við allar upplýsingar - ef við gerum ekki neitt erum við sögulega samsek.

Hélt að fólk hefði lært af því sem gerðist í Þýskalandi, en því er ekki að skipta. Allsherjar fangabúðir settar upp í Palestínu og enginn gerir neitt, þjóðarmorð í Tíbet og enginn gerir neitt. Mér finnst í raun það að sniðganga opnunarhátíðina afar lin viðbrögð. Það þarf að setja ráðamönnum í Kína stólinn fyrir dyrnar og hætta við viðskipti ef þeir láta ekki af hroka sínum og hefji í það minnsta samræður við Dalai Lama og hleypi alþjóðafjölmiðlun inn í Tíbet. Ólafur gæti beitt sér fyrir því.

Óljóst hvort forseti Íslands mætir

Mjög góð grein um Tíbet

eftir Evu Bjarnadóttur er að finna á vefritunu. Hér er slóð í greinina.

Svo fékk ég sendan link á aðra áhugaverð grein um sögu Ólympíukyndilsferðalagsins. Hann á víst hefð sína að rekja til Ólympíuleika Þriðja ríkisins en ekki til gömlu Ólympíu eða hina endurreistu. Hér er slóð í það.

Hér er svo myndband til stuðnings baráttu Tíbeta fyrir mannréttindum sínum.   

Hvenær ætlar heimsbyggðin að vakna?

Kínversk yfirvöld hafa allt of mikil ítök víðsvegar um heim og hvergi kannski eins áberandi og í Nepal þessa stundina. Kannski þá varpar Ólympíueldurinn birtu í skúmaskotin þar sem myrkraverkin eru framin. Kannski riðar Kína til falls innanfrá. Sífellt fréttir maður af meiri hrylling sem þeir bera ábyrgð á. Af hverju erum við með kínverskt sendiráð á Íslandi? Er ekki kominn tími á að senda sendiherrann heim ásamt sínu föruneyti? 

Ég held að allri heimsbyggðinni sé hætta búin af Kína ef við spornum ekki við fótunum nú þegar. Hvet fólk til að kynna sér vatnsréttindi, Tíbet og Kína og leggja svo saman einfalt reikningsdæmi til að skilja hve mikil völd þeir hafa yfir nágrannaþjóðum sínum varðandi vatnsréttindi.

Sex látnir í átökum í Nepal

Undercover in Tibet

Heimildarmynd sem var frumsýnd á hinu sérbreska Channel 4 í síðustu viku...

Hún er hér í heild sinni og átakalegri en orð fá lýst...  get ekki embeddað úr google videos í þetta kerfi en þar er hægt að sjá myndina í heild sinni... ef smellt er á þennan link. Enn og aftur hvet ég fólk til að kynna sér sögu Tíbets, hverskonar harðræði þessi friðsama þjóð hefur þurft að búa við. Hef nú verið í mikilli rannsóknarvinnu sem er langt í frá búin um sögu og menningu Tíbet og greinilegt þjóðin er að glata svo miklu dag frá degi að það er bara skammarlegt ef við sem vitum af þessu gerum ekkert. Enn ríkir þögn frá ráðamönnum þjóðarinnar og eru starfsmennirnir mínir í þinginu ekki að hafa fyrir því að svara mér. Því munum við beina aðgerðum okkar í ríkari mæli að þeim. Ég vildi bara að ég hefði meiri tíma til að sinna þessu, því dagarnir eru alltaf alltof fljótir að renna úr greipum mér. 

Mótmæli í San Francisco

Þetta er nú bara fyndið...

...og grátlegt í senn. Svona pukurháttur samt dæmigerður fyrir hérlend yfirvöld. Allt gert til að friðþægja kínversk yfirvöld. Við hefðum kannski sést með tíbetskan fána við jarðar flugvallarins...  ekki mikið annað í stöðunni. Sennilega hefðum við ekki gert neitt... enda ekki verið að hlaupa um með þetta hér. Annars þá vona ég að þessu kyndill fari ekki um Tíbet, eins og hin tíbetska þjóð hefur óskað eftir. En þekkjandi yfirboðara Kína, þá munu þeir fara um með kyndilinn Tíbet til að sýna hver ræður.

Var annars að lesa eins konar ekki fréttir frá Kína um Tíbet - ótrúlegt hve mikið þeir ljúga að þjóð sinni og vesalings fólkið hefur ekkert frelsi til að ná sér í fréttir annars staðar. Ekki skringilegt að heimsmynd þeirra sé nokkuð brengluð.

Ólympíukyndillinn kominn til San Francisco

Ég var á þessum fyrirlestri og

hann var um margt líkur kvikmyndinni hans sem ég hef séð í tvígang, en ástandið er orðið miklu mun verra en þegar myndin var gerð. Það er engum blöðum um það að fletta að við verðum að gera eitthvað NÚNA. Mér fannst alveg furðulegt að aðeins var tími fyrir 2 spurningar úr sal og því náðist ekki að spyrja kappann um málefni sem snéru beinlínis að Íslandi og það var jafnframt sláandi að hlusta á lofrulluna um landið okkar sem er svo langt í frá að standa undir þeirri ímynd sem honum hafði verið gefin.

Mér leikur líka forvitni á að vita af hverju var boðið upp á kaffi í óendurvinnanlegum pappaglösum og hvað verður um allar þær plastflöskur sem fólk var duglegt að kasta frá sér í ruslið. Ef við ætlum okkur að breyta einhverju varðandi umhverfismál. Þá verðum við að byrja hjá okkur sjálfum. Skoða hvernig við umgöngumst úrgang, bíla, hvernig neytendur erum við og allt þetta sem eru glæðurnar sem kynda undir þennan jarðvarma. Við erum náttúruafl sem hefur farið um með eyðileggingu. Al Gore talar um að við höfum hugsanleg tíu ár áður en það verður um seinan að snúa við blaðinu, ef við gerum eitthvað NÚNA.

Hvet þá sem ekki komust á fyrirlesturinn að fara og ná sér í myndina hans An inconvenient truth - hún vakti mig svo um munaði.  

Öfgarnar aukast segir Al Gore

Því meira sem ég kynnist Tíbet

Þessu meira geri ég mér grein fyrir hve mikilvægt er að það verði ekki þarna menningarlegt þjóðarmorð.

Það er ágætt viðtal við mig um hið nýstofnaða félag Vinir Tíbets á visir.is 

Það er mikið ánægjuefni að við sem þjóð séum að fá tækifæri á að kynnast menningu þessarar merku þjóðar sem og að vináttutengsl á milli okkar verða treyst.  

Kyndilhlaupi haldið áfram

Stofnfunds Vina Tíbets skýrsla

Stofnfundur félagsins Vinir Tíbets fór fram á Kaffi Hljómalind í gær og mættu á fundinn um 30 manneskjur. En stofnfélagar eru um 35. Stofnfélagar eru með sanni breiðfylking þeirra er láta sig málefni Tíbets varða. Lög félagsins voru samþykkt og stjórn kosin. Birgitta Jónsdóttir var kosin formaður, Sigurður Darri Skúlason gjaldkeri, Jón Valur ritari, meðstjórnendur eru Tsewang Namgyal og Aðalheiður Þórisdóttir.

Tilgangur félagsins er m.a. að rækta tengsl á milli Íslendinga og Tíbeta, kynna menningu og sögu landsins og ástandið eins og það er í dag. 

Félagið hyggst standa fyrir ýmsum viðburðum til að ná þessum takmörkum sínum og ber þar helst að nefna ljósmyndasýningar, kvikmyndasýningar, fræðslukvöld og tónleika, sem og greinaskrifum. Félagið er systurfélag freetibet.org og mun starfa í anda þess. 

Vinir Tíbets halda úti tveimur vefsvæðum, www.tibet.is og groups.to/vinirtibets

Ég er mjög ánægð með endanlega niðurstöðu fundarins og einbeittan vilja þeirra sem þarna voru til að vera sannir Vinir Tíbets í raun. Það er mikilvægt að við sofnum ekki á verðinum. Nú er ástandið þannig í Tíbet að maður fær hroll fyrir hjartað þegar maður fær hinar brotakenndu upplýsingar þaðan.

Heyrði í gær eftirfarandi frá íslenskri konu sem hafði fyrir viku hitt flóttakonu frá Tíbet. Stúlkan sagði að þó kínversk yfirvöld hefði lokað á símasamband við Tíbet, þá væri stundum hægt að ná í gegn. Hún var viðþolslaus af ótta því nokkrum dögum áður hefði nágrannastúlka hennar verið dregin út af götu af heimili sínu af kínversku lögreglunni og hún skotin fyrir framan alla, sennilega hafi hún átt mynd af Dalai Lama en það er nóg til að fá svona meðferð. Þetta er líka alþekkt aðferð kínverskra yfirvalda til að hræða fólk til hlýðni. Flóttastelpan var svona hrædd, því hún hafði ekkert náð í foreldra sína og óttaðist mjög hlutskipti þeirra. Hún sagði líka að tala látinna út af mótmælunum séu miklu nær 2000 en 140. Ég skil bara ekki hvernig heimsbyggðin getur bara haldið áfram að horfa fram hjá þessu voðaástandi og að það sé hlaupið með Ólympíukyndilinn eins og ekkert sé og tekið undir slagorð Kína "Einn heimur, einn draumur." Hvernig er þeirra draumur? 

Ólympíueldsins gætt í París

En samrýmist þetta Ólympíuandanum?

 Vinsamlegast fyrirgefið mér að hafa ekki tíma til að þýða þetta, en það eru hræðilegir hlutir að gerast í Tíbet. Miklu verri en við getum ímyndað okkur, hvað er heimurinn að spá að láta kínversk yfirvöld komst upp með að loka Tíbet svona og stunda sín myrkraverk án þess að við gerum nokkurn skapaðan hlut.  

London, April 5: Four Tibet independence activists were detained this morning after two activists abseiled off Westminster Bridge and unfurled a 74 square meter protest banner reading, "One World, One Dream: Free Tibet 2008," mocking China's Olympics slogan "One World, One Dream." 

The action took place on the eve of the controversial arrival of China's Olympic torch relay in London, amidst mounting pressure on the International Olympic Committee to remove all Tibetan areas from the relay route. 
Over a thousand Tibetans and supporters are expected in the streets of London on Sunday to condemn China's ongoing crackdown on freedom protests inside Tibet. 

The action by Tibet activists comes as reports of violent crackdown by Chinese authorities on Tibetan demonstrators emerge out of Tibet. Chinese paramilitary forces opened fire on a crowd of unarmed monks and laypeople in southeastern Tibet On April 3, killing at least 8 people.

"The Chinese government wants the British public to celebrate China at a moment when Tibetans are being gunned down by Chinese forces for doing nothing more than speaking out for freedom," said Pema Yoko, National Coordinator of Students for a Free Tibet UK, a British born Tibetan and one of the activists detained. 

"With Tibetans being rounded up, brutalized and killed, it is unconscionable for the International Olympic Committee to allow China to take the Olympic torch through Tibet," she said.

Chinese authorities in Tibet have stated their intention to ensure stability during the torch relay 'at all costs,' which means increased militarization of Tibetan areas. According to the Chinese authorities' own figures, thousands of people have been detained in recent weeks, with speedy show trials promised before May 1. 

“China's attempt to politicize the London leg of the torch relay was heightened this week when China's ambassador to Britain, Fu Ying announced her participation in the relay. Also, British Prime Minister Gordon Brown is scheduled to officially receive the torch at 10 Downing Street,” the free Tibet group said in a statement. 

"It is appalling that Gordon Brown plans to receive the Olympic torch tomorrow. As someone with Chinese and British roots, I feel strongly that Britain must take a firm stance against China's abuses in Tibet," said Conall Hon (26), member of Students for a Free Tibet to abseil off the bridge. "If the Chinese government wants acceptance from the international community, it must immediately stop its baseless attacks on the Dalai Lama and start working toward a meaningful solution to the Tibetan issue."

China's deadly attack on Tibetans in Tongkor Township (Karze County) in southeastern Tibet on April 3rd came after Chinese authorities detained two monks for possessing photos of the Dalai Lama following a raid by over 3,000 armed police at Tongkor monastery. The police opened fire on the crowd of over 700 people, nearly half of whom were monks, gathered to protest the arrests. All Tibetan areas remain closed off to independent media, but eyewitness reports from all across Tibet describe horrific beatings, suicide attempts by monks locked inside their monasteries, house-to-house searches, and large groups of Tibetans being boarded onto trains at Lhasa's new railway station. As the situation inside Tibet remains critical, several peaceful protests and actions are planned for tomorrow's relay here in London. 

Eldurinn komst alla leið

Stofnfundur Vina Tíbets á eftir

Þeir sem hafa ekki tök á að komast en vilja gjarnan vera félagar, endilega hafið samband við mig og ég finn leið til að skrá ykkur svo þið getið tekið þátt í starfinu eða fengið nánari upplýsingar um Tíbet. Hægt er að senda mér tölvupóst [e-mail] eða hringja í mig, er í símaskránni:)

Ég mun svo senda skýrslu eftir fundinn annað hvort í kvöld eða fyrramálið og láta vita hvernig fór. Fjöldi fólks búið að segjast ætla að mæta og ég vona að það verði svo. Fundurinn byrjar klukkan 13, á Kaffi Hljómalind, Laugavegi 23. Allir velkomnir.

Er núna að þýða yfirlýsingu sem var gefin út í morgunn eftir H.H. Dalai Lama  - veit ekki hvort að mér takist að klára það fyrir fundinn en ég ætla að reyna að fá hana birta á prenti í þessari viku, ef það tekst ekki þá set ég hana bara hér á bloggið mitt góða. Bendi þeim sem vilja lesa sér til um skoðun mína á hinum alþjóðlegu Svindlleikum að kíkja á samnefnda grein sem ég skrifaði í gær.

Ólympíueldurinn í Lundúnum

Hinir alþjóðlegu Svindlleikar

Ég er mikið búin að vera að spá í þessu Ólympíuleikum. Ég verð að viðurkenna að ég horfi nú ekkert sérstaklega mikið á sjónvarp og því síður á íþróttir. Sér í lagi þegar kemur í ljós að þessi miklu afrek eru yfirleitt út af ólöglegri lyfjatöku íþróttamanna. Þetta er orðin sífellt útsmognari iðnaður, þar sem allt er lagt í sölurnar fyrir: að svindla á lyfjaprófum. Ekki er það neitt sérstaklega mikið í hinum Ólympíska anda. 

Kannski ætti að kalla þetta hina alþjóðlegu Svindlleika. Það væri meira við hæfi. Ekki bara svindla íþróttamenn, heldur líka Ólympíunefndin. Hún hefur orðið uppvís af svindlum líka. Þá er það ekkert nema sjónhverfingar að setja kínverskum ráðamönnum skilyrði sem í engu verður fylgt. 

Þeir hafa þverbrotið þau göfugu skilyrði sem þeim voru settir. Trúði því einhver að þeir myndu framfylgja þeim. Bara við það eitt að byggja hallirnar sem svindlarar með margmilljón króna sponsið sitt sýna sterasnilli hafa þeir þverbrotið mannréttindi. Þegar þjóðhöfðingjar fara í sturtu á fínu hótelunum sínum eru þeir að stela vatni frá bændum sem búa nú þegar við hungursneyð. 

Hvernig getum við verið svo miklir hræsnarar að setja frama ofar mannslífum? Já en þau eru búin að æva allt sitt líf til að taka þátt í þessu. Hversu margir Íslendingar eiga von á verðlaunapening í ár?

Hversu mikil hræsni er að lofsyngja Ólympíuleikana sem eitthvað heilagt, þegar fjöldi íþróttamanna verða að skila sínum góðmálmapeningum út af svindli og vitað er að aldrei kemst upp um alla. Verum í það minnsta heiðarleg og köllum þessa leika réttu nafni. 

Hættum líka í guðs bænum að segja að íþróttir og pólitík sé tvennt aðskilið og þess vegna eigum við að senda Geir í sinni einkaþotu á opnunarhátíðina. Við getum auðveldlega gert eitthvað gagn í þessum heimi, ef við hefðum hugrekki til. Skora á Geir að sitja heima. Nota peningana í eitthvað skynsamlegt, eins og til dæmis að kaupa hús undir eitthvað af þessu gamla fólki sem þarf að búa á spítalagöngum.

 

Frakkar setja skilyrði

Að vera aðgerðasinni

Stundum koma upp atburðir sem riðla öllu og maður finnur sig knúinn til að gera eitthvað í því. Þessu meira sem ég kynni mér sögu Tíbet, þessu meira sem ég les mér til um ástandið í landinu, þessu mikilvægara finnst mér að sitja ekki aðgerðalaus. 

Stundum spyr fólk mig af hverju ertu ekki að mótmæla hinu eða þessu í stað þess sem ég er að gera. Ég gleymi alltaf að segja það sem er augljósast: "Af hverju ert þú ekki að því?" Það að gera eitthvað krefst ekki prófgráðu í aðgerðum. Það að gera eitthvað til að breyta því sem manni finnst að mætti betur fara er jafn einfalt og að taka ákvörðun um að fara að stunda meiri hreyfingu. 

Maður þarf ekkert að hafa náðargáfu til að gera eitthvað, en maður þarf stundum að hafa náð leikni í að taka hlutunum ekki persónulega, því það er oft þannig að þeir sem ákveða að vekja athygli á einhverjum málstað og þrýsta til dæmis á ráðamenn og konur fá einatt yfir sig skítkast af einhverju tagi. Ég fékk yfir mig áhugaverðar gusur þegar ég tók þátt í að skipuleggja fyrstu mótmælabúðir Saving Iceland. 

Nágranni minn og bloggfélagi Gísli talar alltaf um fólkið sem tengist Saving Iceland sem skítuga hippa eða eitthvað í þeim dúr og talar jafnan niður til okkar sem við værum skítaskán á rjóma samfélagsins. En þegar ég var að hamast í að vekja athygli á hve hallaði á náttúruna okkar og réttinn til að mótmæla því þá var það þannig að við vorum sárafá í þessu og þeir sem láta sig svona umdeild mál varða opinberlega fá auðvitað yfir sig allskonar birtingarmyndir af reiði og oft vanþekkingu þeirra sem að manni veitast.

Við erum ekki mörg hérlendis sem erum svokallaðir aðgerðasinnar. Þetta eru yfirleitt sömu andlitin sem mæta á mótmæli og eru leynt og ljóst að vinna að friðarmálum, náttúrvernd og mannréttindum. Það þykir ekki par fínt að mæta á mótmæli, það gæti einhver séð mann:) Kannski er það einmitt út af svona skrifum eins og Gísli og fleiri með hans hugarfar halda úti að fólk er feimið við að sýna sig í stuðningsaðgerðum fyrir friði, mannréttindum eða verndun jarðarinnar okkar.

Ég man að eftir fyrsta mótmælasumarið þá voru aðgerðasinnarnir sem höfðu komið að utan til að hjálpa okkur, fremur þunglyndir, þeim leið sem þau hefðu ekki áorkað miklu með sínum aðgerðum, verið hrakin burt frá Kárahnjúkum og voru undir umsátri frá lögreglunni sem handtók fólk til að afhenda því ógildan miða frá útlendingastofnun. Enginn hafði verið kærður en þó voru þau elt af óeinkennisklæddum lagana vörðum og vaðið inn á þá staði sem þau héldu til með nokkrum látum og ógnunum lögreglu.

Ég man að ég sagði við þau að þau hefðu haft gríðarlega mikil áhrif með sínum aðgerðum fyrir austan, en þar stoppuðu þau umferð vinnuvéla til að vekja athygli á því sem þar var að gerast. Þau höfðu farið yfir ákveðinn þröskuld hérlendis og gefið öðrum hugrekki til að gera hið sama. Og segja má að aðferðir þær sem bílstjórar hafa stundað undanfarið séu að einhverju leiti bein afleiðing aðgerða þeirra sem komu hingað til bjargar Íslandi, hinni ósnortnu náttúru landsins sem á undir stöðug högg að sækja. 

Ég kynntist þessu fólki ágætlega, bauð sumum þeirra að gista hjá mér uns þau voru komin í öruggt skjól. Þetta unga fólk var ekki bara yndislegt og hjálplegt, heldur bráðskarpt fólk sem lætur sig varða um aðra hluti en aðeins að skara eld að sinni köku. Það hefur ríka samfélagsvitund og lifir samkvæmt sinni köllun. Það er auðvitað allt öðruvísi í sínum daglegu lifnaðarháttum en hinn klassíski góðborgari, því þau reyna að nota hinn svokallaða neysluheim sem minnst. Ástæða þess að ég er ekki ennþá á fullu í umhverfismálunum er einföld, það eru komnir svo margir á fullt í þessa baráttu, því almenningur er hægt og bítandi að vakna upp við þá staðreynd að þetta er eitthvað sem varðar okkur öll:) En betur má ef duga skal. Hver hörmungarfréttin dynur yfir varðandi þessi mál og við verðum að hætta þessum sofandahætti og gera eitthvað. Best er að velja sér eitt málefni, því þegar maður fer að kynna sér samfélagsmál og umhverfismál, þá kemst maður að því að potturinn er brotinn nánast allsstaðar.

Íslendingar hafa oftast verið frekar hlédrægir þegar kemur að mótmælum, sér í lagi undanfarna áratugi. Það er enginn að gera neitt þó bankarnir séu að leika sér að okkar hagkerfi eins þeir væru í Monopoly með fjárhagsöryggi þjóðarinnar. Allt í einu er góðærið búið og neyslan jafn ávanabindandi og heróín. Næsta fix er komið, álver í Helguvík. Til hamingju kæra þjóð, fráhvörfin munu bíða um stund, eða hvað? 

Hér er fréttatilkynningin í heild sinni

Stofnfundur Vina Tíbets og hin vikulega mótmælastaða

Tíbet er enn lokað af, fjölmiðlafólk og ferðamenn fá enn ekki aðgang að landinu. Símasamband og netsamband er enn rofið.
Herlög er enn í gildi og á næstu dögum verða yfir 1000 Tíbetar ákærðir fyrir þátttöku í mótmælum í Lhasa. Fjöldamörg dæmi eru um það að munkar hafi framið sjálfsvíg fremur en að þurfa að sitja undir þeim pyntingum sem bíða þeirra í kínverskum fangelsum.

Undanfarna laugardaga hefur fólk tekið sig saman og mótmælt mannréttindabrotum í Tíbet og komið saman til að sýna Tíbetum í verki að þeim er ekki sama um þessa merku þjóð. Þjóð sem verið er að fremja menningarlegt þjóðarmorð á. Þjóð sem var hernumin fyrir 50 árum og enginn þjóð í heiminum haft dug í sér til að styðja á víðtækan hátt.

Á mánudaginn var, tókum við þátt í alþjóðaaðgerðadegi til stuðnings Tíbet og afhentum ráðamönnum þjóðarinnar ákall til stuðnings Tíbet. Við kölluðum eftir því að þögninni um þetta mál myndi linna. Heldur hefur verið um fáa fína drætti að ræða frá stjórnaliðum. Eini flokkurinn sem hefur sýnt að þeir láta sig málefni Tíbet varða, eru einmitt þeir sem flestir hefðu síst átt von á að tækju á þessu máli - VG. Á miðvikudaginn var fundur haldinn í Utanríkisnefnd Alþingis og þar bókaði VG því sem næst allar okkar ábendingar um hvað íslenska ríkistjórnin og þingheimur gæti gert til að liðsinna Tíbet. Þetta eru ekki róttækar kröfur en afar mikilvægar til að binda enda á þá kúgun og hrottaskap sem á sér stað í Tíbet núna. Mikilvægt er að það sé brugðist strax við. Því má segja að VG sé eini flokkurinn sem sé að bregðast við ákallinu sem við sendum þingheimi.

SUS hefur lagt til að við sniðgöngum opnunarhátíð Ólympíuleikana og tökum við heilshugar undir það. En það er átakalegt að Sjálfstæðisflokkurinn skuli ekki þegar á reynir styðja mannréttindi Tíbeta og löngun þeirra til að búa við lýðræðislegt stjórnarfar.

Við skorum á allar hinar pólitísku ungliðahreyfingar að standa saman fyrir þverpólitískri aðgerð – til að sýna að við setjum mannréttindi ofar viðskiptahagsmunum, til að sýna að mannréttindi séu ofar pólitískum stefnum og straumum.

Laugardaginn 5. apríl klukkan 13, boðum við enn og aftur til mótmæla fyrir utan kínverska sendiráðið. Mótmælastaða okkar er til að sýna kínverskum yfirvöldum að við gleymum ekki mannréttindabrotum þeirra svo glatt, sem og að taka þátt í hinni alþjóðlegu bylgju stuðnings til handa Tíbetum og þeirra baráttu fyrir frelsi og mannréttindum.

Á sunnudaginn mun verða haldinn stofnfundur Vina Tíbets. Hann verður haldinn á Kaffi Hljómalind, Laugavegi 23, klukkan 13 og öllum frjálst að mæta sem vilja styðja við þetta málefni eða bara næla sér í aukna fræðslu um Tíbet.

Stofnfundur Vina Tíbets

Fréttatilkynning: Stofnfundur Vina Tíbets og hin vikulega mótmælastaða

Tíbet er enn lokað af, fjölmiðlafólk og ferðamenn fá enn ekki aðgang að landinu. Símasamband og netsamband er enn rofið. Herlög er enn í gildi og á næstu dögum verða yfir 1000 Tíbetar ákærðir fyrir þátttöku í mótmælum í Lhasa. Fjöldamörg dæmi eru um það að munkar hafi framið sjálfsvíg fremur en að þurfa að sitja undir þeim pyntingum sem bíða þeirra í kínverskum fangelsum.

Undanfarna laugardaga hefur fólk tekið sig saman og mótmælt mannréttindabrotum í Tíbet og komið saman til að sýna Tíbetum í verki að þeim er ekki sama um þessa merku þjóð. Þjóð sem verið er að fremja menningarlegt þjóðarmorð á. Þjóð sem var hernumin fyrir 59 árum og enginn þjóð í heiminum haft dug í sér til að styðja á víðtækan hátt.

Á mánudaginn var, tókum við þátt í alþjóðaaðgerðadegi til stuðnings Tíbet og afhentum ráðamönnum þjóðarinnar ákall til stuðnings Tíbet. Við kölluðum eftir því að þögninni um þetta mál myndi linna. Heldur hefur verið um fáa fína drætti að ræða frá stjórnaliðum. Eini flokkurinn sem hefur sýnt að þeir láta sig málefni Tíbet varða, eru einmitt þeir sem flestir hefðu síst átt von á að tækju á þessu máli - VG. Á miðvikudaginn var fundur haldinn í Utanríkisnefnd Alþingis og þar bókaði VG því sem næst allar okkar ábendingar um hvað íslenska ríkistjórnin og þingheimur gæti gert til að liðsinna Tíbet. Þetta eru ekki róttækar kröfur en afar mikilvægar til að binda enda á þá kúgun og hrottaskap sem á sér stað í Tíbet núna. Mikilvægt er að það sé brugðist strax við. Því má segja að VG sé eini flokkurinn sem sé að bregðast við ákallinu sem við sendum þingheimi.

SUS hefur lagt til að við sniðgöngum opnunarhátíð Ólympíuleikana og tökum við heilshugar undir það. En það er átakalegt að Sjálfstæðisflokkurinn skuli ekki þegar á reynir styðja mannréttindi Tíbeta og löngun þeirra til að búa við lýðræðislegt stjórnarfar.

Við skorum á allar hinar pólitísku ungliðahreyfingar að standa saman fyrir þverpólitískri aðgerð – til að sýna að við setjum mannréttindi ofar viðskiptahagsmunum, til að sýna að mannréttindi séu ofar pólitískum stefnum og straumum.

Laugardaginn 5. apríl klukkan 13, boðum við enn og aftur til mótmæla fyrir utan kínverska sendiráðið. Mótmælastaða okkar er til að sýna kínverskum yfirvöldum að við gleymum ekki mannréttindabrotum þeirra svo glatt, sem og að taka þátt í hinni alþjóðlegu bylgju stuðnings til handa Tíbetum og þeirra baráttu fyrir frelsi og mannréttindum.

Á sunnudaginn mun verða haldinn stofnfundur Vina Tíbets. Hann verður haldinn á Kaffi Hljómalind, Laugavegi 23, klukkan 13 og öllum frjálst að mæta sem vilja styðja við þetta málefni eða bara næla sér í aukna fræðslu um Tíbet.

Vinir Tíbets

Hvetur til þess Ólympíukyndilinn fari ekki til Tíbet