Sendum sendiherrann heim!

Nú er ég búin að sökkva mér í heimildarmyndir um ástandið í "Kína" Kína og manni hryllir við að hafa sendiherra slíkrar þjóðar hérlendis að skála við forseta og ráðherra án þess að fá almennilegar ávítur í verki fyrir þann hrylling sem ríkisstjórn hans stendur fyrir. 

Þessi sami sendiherra sendir sína menn út á örkina með áróðursmyndbönd um að kínversk "frelsun" hafi verið mesta blessum Tíbeta á alla kínastaðina á höfuðborgarsvæðinu til að dreifa til viðskiptavina sinna. Er það ekki á mörkum þess sem kalla mætti löglegt starfssvið sendiherra? 

Þessi sami sendiherra sendi sína einkaþjóna til að vera með dónaskap við listakonu sem sýndi í Ráðhúsi Reykjavíkur og var jafnframt meðlimur Falun Gong. Ég var vitni af því. 

Þessi sami sendiherra hringir grenjandi út til Kína út af mótmælendum og krefst meiri löggæslu sem auðvitað er orðið við. 

Þessi sami sendiherra sendi áróðursmynd um ástandið í Tíbet á alla helstu fjölmiðla og sum voru svo yndæl að þýða það allt fyrir hann og birta á vefmiðlum sínum. 

Þessi sendiherra er fulltrúi ríkisstjórnar sem pyntar þegna sína, sem rænir þegna sína öllu sem þeir eiga til að græða meira, þeir kúga fólkið sitt, þeir drepa fólkið sitt og við vitum öll af því. En þeir láta ekki þar við sitja, þeir stela heilu löndunum eins og Tíbet og stunda þar þjóðarmorð í ró og næði og við vitum öll af því og í stað þess að gera eitthvað í því, þá bjóðum við þeim enn meiri ítök í landinu okkar og tvíhliða viðskiptasamninga. Hvað er í gangi!?!?!?

Er ekki kominn tími til að sleppa öllum viðskiptum við Kína til að sýna að við horfum ekki aðgerðalaus á svona glæpi? OkOK ég veit að nú mun ég fá fullt af kommentum um að ég sé einfeldningur og að USA sé líka vondu kallarnir og bla bla bla. En hey við verðum einhversstaðar að byrja. Byrjum á að senda kínverska sendiherrann heim, kannski getur hann notað sömu einkavinaflugvélina og Þorgerður Katrín sem er að fara á ópólitíska íþróttahátíð í Kína. 

Þið munið skilja af hverju ég er svona hvöss þegar þið hafið horft á eftirfarandi frétt frá Sky News:

 

Þungir dómar í Lhasa

Er öllum sama?

Endalaust sér maður fólk hafa skoðanir á einhverju sem oft á tíðum er afar lítilvægt miðað við þær hörmungar sem dynja yfir heimsbyggð alla. Þetta er frétt um börn sem voru myrt. Hvað annað er hægt að kalla þetta. Hvað ef þau hétu eitthvað, hvað ef við fengjum myndir af þeim þegar þau voru á lífi. Stoppum um stund og hugsum um þau sem manneskjur en ekki bara tölur.

Ég hef tekið eftir því að fólk hefur almennt engar skoðanir á hungri, svona morðum á börnum, þjóðarhreinsunum. Ég skil ekki af hverju. Aftur á móti er allt logandi í kringum Amy, Britney, og hvað þær nú heita allar saman.   

Fjögur börn létust í árás Ísraelshers

Verið að bjarga ímynd Ólympíuleikana

Samkvæmt því sem ég hef lesið í öðrum fréttamiðlum er verið að bjarga ímynd Kína en lítill raunverulegur áhugi að gera eitt eða neitt varðandi Tíbet. Persónulega eigum við að taka þessu af fúlustu alvöru og bjóða þeim að hittast hér, meiri möguleikar á að hægt sé að verða vitni af því hvað fer fram á þessum fundi. Ef fundurinn verður haldinn í Kína verður hann marklaus með öllu og með sanni verið að stofna lífi Dalai Lama í hættu.

Annars bendi ég öllum á að líta á færsluna Take-Away áróður Kínverja á Íslandi hjá Lárusi Vilhjálmssyni. Ég kaupi aldrei skyndimat hvort heldur vestrænn eða austrænn, þannig að ég er greinilega að fara á mis við merkilega upplifun. Hvet fólk sem kaupir svona mat til að athuga hvort að þeirra kínverski veitingastaður bjóði upp á sömu þjónustu og þeir í Hafnarfirðinum. 

Boða viðræður um Tíbet

Fundur fyrir utan kínverska sendiráðið

Laugardaginn 26. apríl klukkan 13:00 verður haldinn fundur fyrir utan kínverska sendiráðið að Víðmel 29. Fundurinn er til að minna kínversk yfirvöld að heimurinn fylgist grannt með ástandinu í Tíbet sem og til að heiðra  Panchen Lama, en hann varð 19 ára 25. apríl. Panchen Lama er næst æðsti Lama Tíbeta og var rænt af kínverskum yfirvöldum þegar hann var aðeins 6 ára gamall, ásamt allri fjölskyldu sinni. Enginn veit hvar hann er niðurkominn.

 

Kínverjar funda með fulltrúa Dalai Lama

Höfð undir af flensuskrímslinu

Hef verið að berjast við flensu alla vikuna, en hún hafði betur í gær og lagði mig, ætti að fara í rúmið en verð að skrifa fréttatilkynningu til að minna á samstöðufund eða mótmæli eða meðmæli fyrir utan kínverska sendiráðið á morgunn. Skora á alla að koma á morgunn sem láta sig málefni Tíbets varða. Við hittumst klukkan 13:00 að Víðimel 29. Ég ætla að reyna að koma en ef ég er enn með hita og eyrnabólgu þá verð ég víst að halda mig inni. Gerði þau mistök í gær að pína mig út með yngri soninn svo hann færi ekki á mis við vorið:) og sló all hressilega niður. 

Læt hér fylgja með fréttabréf sem ég fékk frá Student for free Tibet... þar eru linkar í undirskriftalista - endilega kíkið á þetta og fyrirgefið sjúklingnum fyrir að hafa ekki heilaburði til að þýða þetta ... ætla ekki að hafa þetta lengra í bili - Gleðilegt vor kæru bloggvinir. Endilega hjálpið mér að láta vita af samstöðufundinum fyrir utan sendiráðið ef ykkur blöskrar ástandið í Tíbet.

Today, Gendhun Choekyi Nyima, the 11th Panchen Lama and Tibet's second most important religious leader will turn 19 years old. He has not been seen or heard from since he was abducted by Chinese authorities in 1995 when he was only six years old. 

The same government that stole this young child from his people is now engaged in a bloody crackdown inside Tibet. As we write this, thousands of people are being detained, imprisoned and killed simply for crying out for their freedom and basic human rights. Read more below about the current crackdown inside Tibet. 

Despite decades of violent oppression by China, the past six weeks have shown the determination of the Tibetan people to fight for justice and regain their freedom. It is in this spirit that we must continue our efforts to secure the release of the Panchen Lama and every Tibetan currently suffering in Chinese prisons and detention camps across Tibet. 

TAKE ACTION: 

• Sign a petition demanding the Panchen Lama's immediate release. 
• Call the Chinese Minister of Foreign Affairs, Yang Jiechi, and register your protest: [phone] or [phone] 
• Change your profile picture to this image of the Panchen Lama. Make your Facebook/MySpace/hi5 profile page an educational tool that speaks out for his freedom. 
• Download a petition and get people on campus and in your community to take action.  
• Join a protest. For details on events already planned in your community, please contact [e-mail]. 
• Visit  www.studentsforafreetibet.org/panchenlama for more action ideas.

UPDATE ON THE SITUATION INSIDE TIBET: 

Inside Tibet the situation remains critical as Chinese forces continue to seal off all Tibetan areas from the outside world. With foreign journalists barred from the region, the full extent of China's brutal crackdown has been difficult to ascertain, however, across Tibet eyewitness reports describe a situation that recalls the darkest days of the Cultural Revolution.

Reports of house-to-house searches, late-night raids on monasteries and nunneries, mass imprisonments, and torture are widespread. People everywhere are afraid to leave their homes for fear of being arbitrarily beaten or detained. Food and supplies to the monasteries in and around Lhasa have been cut off and many people fear starvation. Click here to read more.

Fresh protests broke out in Rebkong last week, just an hour drive from Xining where the International Olympic Committee is allowing the Chinese government to take the torch.Read SFT's press release on the incident.

 

Í tilefni dagsins: Verkamaðurinn

Mótmælin fóru úr böndunum

Myndband af YouTube

Augljóst að lögreglan gekk allt of langt. Ótrúlegt að horfa á þá missa sig í piparúða úðun... eins og var hægt að sjá á RÚV. Hef aldrei séð aðrar eins aðfarir. Furðulegt að þurfa að vera að berja svona á fólki. Hef sjálf þurft að eiga við lögguna oft og mörgum sinnum út af mótmælum og sumir þeirra eru mestu gæðablóð en sumir eru bara fæddir fautar... fólk sem ætti ekki að vera í svona vinnu. Fautarnir hafa greinilega verið á vakt í morgunn. En spurning hvort að yfirmaður þeirra eigi ekki að axla ábyrgð á ofbeldinu. Veit ekkert hver tók myndbandið á YouTube en það sýnir glöggt að lögreglan gekk of langt.

„Alltof harkalegar aðgerðir“

Táragas og piparúði ekki það sama

Getur einhver upplýst hvort það var táragas eða piparúði sem var notað þarna. Mjög mikill munur þar á.  Furðulegt að lögreglunni sé ekki kennt að hemja sig betur. Hef séð þá áður missa sig alveg gagnvart mótmælendum og þá er eins og þeir geti ekki hætt að vera fautar.

Vil taka það fram þó einhverjir hafi lesið það úr mínu fyrra bloggi um þetta að ég var ekki að kalla eftir ofbeldi af hendi lögreglu gagnvart þessum mótmælendum. Furðaði mig bara á hve lögreglan var eitthvað linkindarleg gagnvart atvinnubílstjórnum miðað við hve harkalega hún hagaði sér við aðra mótmælendur.

Lögregla beitir táragasi

Hræddar löggur

Þora löggurnar bara að vera með ofbeldi gagnvart ungu fólki og friðarsinnum? Svo virðist vera. Þeir eru augljóslega skíthræddir við bílstjórana eða kannski eru þeir bara sammála þeirra málstað og fara því um þá silkihönskum. 

Ég tek það fram að ég er ekki fylgjandi ofbeldi að neinu tagi, og varð því oft nokkuð brugðið yfir yfirgangi og ofbeldi lögreglu gangvart sammótmælendum mínum í tengslum við Saving Iceland. Það er áhugavert að bera saman ReClaim the Streets Karnivalið, þar sem ungt fólk var skrautlega klætt með tónlist á pallbíl að labba Snorrabraut í fyrra. Ekki fór lögreglan neinum silkihönskum um þessa krakka. Það eru fjölmörg vitni að því hve langt í frá ofsafengin viðbrögð lögreglunnar voru og til upptökur af því. Þau lokuðu aldrei alveg Snorrabraut og fullt af hjáleiðum þarna. Þó fannst lögreglu tilefni til að handtaka fólk, lumbra á því og brjóta rúðu á einum bílnum. Þau voru á leið niður Laugarveg en fengu ekki að halda göngunni áfram. Rökin: þau sóttu ekki um leyfi og fólk kvartaði undan hávaða!

Mig langar til að fólk hugsi sig vel og lengi um af hverju löggan fær sér pulsu með bílstjórnum og í nefið en beitti þetta unga fólk ofbeldi. Mér finnst að þetta eigi bara alls ekki að líðast.

 

Suðurlandavegi lokað á ný

Frábært!

Hann á með sanni skilið að fá stuðning. Dalai Lama hefur alltaf verið boðberi friðar og ég hef aldrei heyrt hann segja styggðaryrði um kínversku þjóðina, þó hann með rétti hefur gagnrýnt og beðið kínversk yfirvöld um að sýna stillingu og mannúð gagnvart Tíbetum. 

Dalai Lama heiðursborgari Parísar

Eftirmæli: eitt af fyrstu lögunum hennar mömmu

Upptaka úr Kjallaranum 1976 - einhver skringilegasti sjónvarpsþáttur

sem hefur verið sýndur hérlendis. Sést þó ekki svo glöggt hér en varð bara að

sýna ykkur hvað hún mamma var einstaklega falleg í þessari upptöku og hve

lagið hefur aldrei misst sinn einstaka hljóm. Tímalaust lag og ljóð. 

 

Ályktun Vina Tíbets

Ályktun Vina Tíbets eftir samstöðufund fyrir utan kínverska sendiráðið laugardaginn 19. apríl 2008

 

Í dag mættum við í sjöunda sinn fyrir utan kínverska sendiráðið. Á þessum eina og hálfa mánuði sem hefur liðið síðan við hófum aðgerðir hefur lítið gerst hjá ráðamönnum landsins nema að við erum nokkuð nær því að vita afstöðu þeirra sem stýra landinu. Einn ráðherra hefur gefið skýr skilaboð og svarað bréfi okkar, ekki aðeins í orði heldur einnig í verki.

 

Aðspurður af fréttamanni hvort að það gæti ekki spillt viðskiptahagsmunum á milli þjóðanna ef hann talaði um ástandið í Tíbet við kínverska ráðamenn, hvað Viðskiptaráðherra, Björgvin G. Sigurðsson, að hann mæti mannréttindi ofar viðskiptahagsmunum.  Þessu fögnum við og vonum að hann standi við stóru orðin.

 

Málefni Tíbets var rætt í Utanríkisnefnd og lét Steingrímur J. Sigfússon bóka nokkur mikilvæg atriði sem gætu stuðlað að mannréttindum í Tíbet. Þessi fundur var haldinn 26. mars en illa hefur gengið að fá annan fund út af þessu máli og engar ályktanir verðið gefnar út.

 

Þrír þingmenn svöruðu ákalli okkar til þingheims og var því öllum þingmönnum  sent annað bréf í gær þar sem ítrekað var mikilvægi þess að gera sjálfa sig meðvitaða um stöðuna í Tíbet og kallað eftir aðgerðum. Viðbrögðin hafa verið mun betri í þetta sinn, um tuttugu hafa svarað og þar á meðal ráðherrar. Það vakti þó furðu okkar að Menntamálaraðherra virðist ekki hafa neinn hug á að ræða málefni Tíbet, samkvæmt bréfi hennar til okkar, þegar hún fer til Kína til að taka þátt í Ólympíuleikunum sem eru víst orðnir algerlega lausir við alla pólitík. Við fögnum því en minnumst þess að sama skapi að kínversk yfirvöld hafa sniðgengið Ólympíuleikana all oft í pólitískum tilgangi. Við viljum líka minna á að hlaup með Ólympíukyndilinn á rætur sínar að rekja til annars leiðtoga sem sagði að Ólympíuleikarnir væru ekki pólitískur gjörningur, en sá leiðtogi hét Hitler.

 

Við ætlumst ekki til að íþróttamenn okkar sleppi því að taka þátt í Ólympíuleikunum en betra væri að ráðamenn okkar sem ætla sér að mæta geri grein fyrir því, hvort þeirra för verði aðeins til skemmtunar eða hvort að þeir ætli að nota hana til að þrýsta á kínversk yfirvöld varðandi mannréttindi.

 

Við höfum komið með fjölmargar tillögur hvernig við getum gert eitthvað sem þjóð til að verða við hjálparkalli Tíbeta. Við skorum hér með á að þverpólitísk samstaða náist um það að við bjóðumst til að halda fyrstu samræðurnar á milli Dalai Lama og kínverskra yfirvalda. Væri það mjög í anda þeirrar ímyndar sem forsætisráðherra vill að þjóðin verði markaðssett sem, þ.e.a.s. Friðarþjóðin.

 

Vinir Tíbets

Mótmæli gegn Frökkum í Kína

Undercover in Tibet

Samkvæmt því sem ég komst að við að horfa á heimildarmyndina Undercover in Tibet - væri þess ferð til lítils ef leitað væri að sannleikanum um hvernig ástandið er raun og veru í Tíbet. Tíbetar þora ekki að tala við útlendinga um hvernig málum er háttað vegna þess að þeir eru sendir beint í pyntingabúðir kínverskra yfirvalda. 

Hvet því enn og aftur til að fólk horfi á þessa mynd sem ég er alltaf að vísa í: Undercover in Tibet

Verð að segja það Björgvini til tekna að hann gerði heimavinnuna sína áður en hann fór og hefur mér fundist hann vera afar samkvæmur sjálfum sér í því sem hann tekur sér fyrir hendur og gerir hlutina af heilindum. 

Boðinn í ferð til Tíbet

Minni á hinn vikulega fund hjá kínverska sendiherranum

Fréttatilkynning: Viðræður á milli Kína og Tíbet án tafar

Laugardaginn 19. apríl klukkan 13:00 mun fólki gefast kostur á að sýna Tíbetum stuðning í verki með því að mæta fyrir utan kínverska sendiráðið að Víðmel 29. Krafa fundarins er einföld: Viðræður á milli kínverskra yfirvalda og Dalai Lama án tafar. 

Dalai Lama hefur gegnið svo langt að falla frá kröfum Tíbeta um að endurheimta sjálfstæði landsins og hefur um nokkurt árabil lagt til við kínversk yfirvöld að Tíbetar séu tilbúnir að lifa við sjálfstjórn. Þetta gerði Dalai Lama í þeirri von að það myndi greiða fyrir að samræður myndu hefjast. En ekkert hefur miðað í þá átt. Því er mikilvægt að heimurinn þrýsti á kínversk yfirvöld að hefja þessar viðræður án tafar. Tíbetska þjóðin hefur beðið um stuðning heimsbyggðarinnar í meira en hálfa öld. Við getum sýnt þeim að okkur er ekki sama með því að mæta á vikulega samstöðufundi fyrir utan kínverska sendiráðið, skrifað greinar, kynnt okkur ástandið í landinu og hvatt þingmenn okkar til dáða. 

Til hamingju Ísland! Rio Tinto komið loks til okkar.

Lítið hefur farið fyrir umræðu um siðferði risafyrirtækja hérlendis. Hvet alla sem hafa einhvern hug á að kynna sér hvernig þessi fyrirtæki eru í eðli sínu að sjá hina stórsnjöllu mynd "the Corporation". 

Finnst rétt að kalla eftir þessari umræðu fyrst að hið afar vafasama fyrirtæki Rio Tinto hefur loks náð landfestum hérlendis. 

Kalla eftir smá rannsóknarblaðamennsku í þeirra fremur óhugnanlegu viðskiptasögu.

 

Álverið í Straumsvík starfar undir merkjum Rio Tinto Alcan