Brask í boði ríkisins

Það er margt gruggugt sem enn á sér stað hjá ríkisbönkunum. Þar er enn við völd fólk sem handstýrði hruninu á betri launum hjá ríkinu en sjálfur forsætisráðherra landsins. Svo heldur braskið áfram í boði ríkisins, samanber þessi frétt: "Karen Millen stofnaði samnefnt fyrirtæki ásamt fyrrum eiginmanni sínum Kevin Stanford árið 1981. Árið 2001 keyptu íslenskir aðilar og félög á þeirra vegum 40% hlut í fyrirtækinu Karen Millen. Stærsti íslenski eigandinn var Kaupþing en meðal annarra fjárfesta voru þeir Sigurður Bollason og Magnús Ármann, einn stærsti hluthafinn í Byr.

Árið 2004 var Karen Millen seld til Oasis Group, sem var í meirihlutaeigu Baugs Group. Voru viðskiptin metin á 15,8 milljarða króna og greitt fyrir Karen Millen með peningum og hlutabréfum og eignuðust hluthafar Karen Millen 25% hlut í hinu sameinaða fyrirtæki.

Síðar fór Karen Millen undir keðjuna Mosaic Fashions sem nú er gjaldþrota, en Baugur átti helmingshlut í keðjunni sem var fjármagnaður af Kaupþingi. Nýtt félag, Aurora Fashions sem er í eigu Nýja Kaupþings og lykilstjórnenda Mosaic, tók í mars yfir helstu eignir félagsins, það er Karen Millen, Warehouse, Oasis, Coast og Anoushka G.

Karen Millen og Byr

Athugasemdir

[Jón Óskarsson (IP-tala skráð) 24.5.2009 kl. 10:08]

Furðulega alltaf þessi umræða að þetta og hitt sé í boði ríkisins. Hélt að vel meinandi fólk vissi betur. 

Þjóðin á þessar eignir því hún tók þær upp í skuld og reynt er að hámarka virði þeirra fyrir sölu sem er betri kostur en hætta rekstrinum.

Allt sem gert er orkar tvímælis en menn missa sjónar á aðalatriðum því þeir hengja sig í smáatriðin. 

[Birgitta Jónsdóttir, 24.5.2009 kl. 10:25]

það orkar tvímælis að ríkisreknir bankar séu enn að skipta við fyrirtæki sem eru í rannsókn vegna vafasamra viðskiptahátta.

[Pétur (IP-tala skráð) 24.5.2009 kl. 10:26]

Ágætis þumalputtaregla, ekki síst fyrir þingmenn, að kynna sér mál áður en hneykslast er á þeim. Sleppa kannski bara málaflokkum sem maður hefur ekkert vit á.

[Jón Snæbjörnsson, 24.5.2009 kl. 10:32]

Verslar þú ekki sjálf hjá þessum fyrirtækjum Birgitta undrast þó mest suma sem enn versla í Bónus og Hagkaup ?

[Jóhann (IP-tala skráð) 24.5.2009 kl. 10:38]

Hverjir eru þeir lykilstjórnendur Mosaic sem eiga í Aurora Fashions með Kaupþingi?

[Páll A. Þorgeirsson (IP-tala skráð) 24.5.2009 kl. 10:42]

Gott að sjá að þú ert "lifandi" þrátt fyrir þingmanninn.  Það virðist "grafarþögn" hjá flestum öðrum nýliðum á þingi.  Sennilega er það "flokkurinn sem stjórnar" þeim og gætir þess að þeir tali nú ekki frá sér allt vit. 

Það kæmi mér ekki á óvart að "braskið" næði á einhvern hátt til ráðamanna þjóðarinnar mér finnst vinnubrögð ríkisstjórnarinnar ákaflega lítið trúverðug á ýmsan hátt.  Fyrir nokkrum vikum kom fram í fréttum að ýmsir "ráðamenn" hefðu fengið "óvenjulega" þjónustu hjá  bankastofnunum.  Það mál virðist dautt í dag eða er það eitthvað sem ekki þolir "dagsins ljós".  Varla hafa fréttamenn kastað því yfir landsmenn án þess að hafa eitthvað fyrir sér í þeim málum. 

Farnist þér vel á þingi og mundu að þú er þjónn þjóðarinnar. 

[Birgitta Jónsdóttir, 24.5.2009 kl. 10:46]

ég reyni að forða mér frá því að versla í bónus og hagkaup þó það komi fyrir endrum og eins - versla helst við fjarðarkaup og melabúðina.

Pétur minn - það sem ég hneykslast á er eitthvað sem maður þarf nú ekki að hafa mikið vit á: í nýju bönkunum var ráðið fólk innan um bakdyr sem var hátt sett í gömlu bönkunum.

Það mun án efa margt koma upp á yfirborðið varðandi vafasama viðskiptahætti þeirra sem áttu hin og þessi fyrirtæki sem eru svo krosstengd við banka og fyrirmenn í þessum microheimi viðskiptaheims og þingheims, að reyna að ná utan um þetta allt saman er eins og að reyna að faðma tröll. 

En það er kannski rétt - þeir sem eru ekki sérfræðingar ættu helst að halda sér saman:)

[Jón Óskarsson (IP-tala skráð) 24.5.2009 kl. 10:51]

Birgitta.  Hvaða fyrirtæki skipta bankarnir við sem eru í rannsókn vegna vafasamra viðskiptahátta ? 

Voru ekki Baugsfyrirtækin komin í þrot og eru ekki þrotabúin rekin til að hámarka virði þeirra og selja síðan þegar rétt verð fæst.  Það er aðgerð fyrir heimilin í landinu því þá fellur minna af útrásarskuldinni á þau.

Ef þú ert að meina meðferð meints hlutar Karen Millen í Byr þá finnst mér það andskoti langt sótt að bera það upp á ríkisstjórnina að hún hafi  verið með puttana í því máli. Viss um að ráðherrar lásu um þetta í fjölmiðlum um leið og ég og þú.

Það er auðvelt að slá upp með billegum fyrirsögnum.  Þessi er ein af þeim sem er í tísku.  "Í boði ríkisins." 

[Anna María (IP-tala skráð) 24.5.2009 kl. 10:54]

Haltu þínu striki Birgitta. Þú er frábær. Ég hef haft áhyggjur af því að þú myndir breytast um leið og þú settist inn á þing og sætir í bólstruðu stólunum en þær áhyggjur virðast óþarfar.

[Sóldís Fjóla Karlsdóttir, 24.5.2009 kl. 12:45]

"Haltu þínu striki Birgitta. Þú er frábær."

Þetta afritaði ég úr færslunni hérna  á undan. Og ég er 100% sammála.....Önnu Maríu.

Eg sá þig  ásamt Samfylkingarkonu í Kastljósi núna nýverið og sú er búin að læra pólitíska talið,segir allt mögulegt um ekkert. Stattu þig áfram, þú ert fín og stendur þig vel.

[Sigríður Jósefsdóttir, 24.5.2009 kl. 13:04]

Ég óska þér til hamingju Birgitta með að hafa fjárhagslegt bolmagn til að versla í Melabúðinni og Fjarðarkaup.  Þorri almennings hefur það ekki, og neyðist til að versla í lágvöruverðsverslunum.

[Sigurgeir Jónsson, 24.5.2009 kl. 13:08]

Fólk verður að skilja að aðferðir við byltingar taka breytingum en mesta hættan sem sem byltingarsinnar verða að varast er eigið fólk í röðum byltingarsinna.Það er ljóst að auðvaldsinnar eru á fullu við stjórn ríkisins.Þeir hafa hreiðrað um sig í röðum ríkisstjórnarflokkanna og jafnvel í byltingarflokknum sjálfum sem er nýkominn á þing .Að sjálfsögðu þarf að hreinsa til þar.Að smygla sér í raðir ríkisauðvaldsins og auðvaldsins getur verið klókt ef fólk missir ekki sjónir á því takmarki að hreinsa auðvaldið úr þjóðfélaginu.Hefja verður mótmæli strax gegn leppum ríkisauðvaldsins, hvalveiðum og spjöllum á óspilltri náttúru landsins.Lifi forystumaður byltingarinnar, lifi byltingin.

[Viðar Ingvason (IP-tala skráð) 24.5.2009 kl. 13:12]

Birgitta þú skrirar: "Það er margt gruggugt sem enn á sér stað hjá ríkisbönkunum. Þar er enn við völd fólk sem handstýrði hruninu á betri launum hjá ríkinu en sjálfur forsætisráðherra landsins. Svo heldur braskið áfram í boði ríkisins," Þetta er kjarni málsins. Því fyrr sem við knýjum þetta sjúka kerfi í þrot því betra.

RÚV segir frá grein um Jón Ásgeir Jóhannesson í Sunday Thelegraph í dag:

http://ruv.is/heim/frettir/frett/store64/item267942/

Hvers vegna er ekki búið að hneppa þennan mann í gæsluvarðhald?

[ThoR-E, 24.5.2009 kl. 13:15]

Voðalega er þessi Jón Óskarsson neikvæður.

Það  mætti halda að hann hefði einhverja hagsmuna að gæta í þessu máli.

Mjög sérstakt með suma að ef þeir eru ósammála að þá reyna þeir að gefa í skyn að viðkomandi viti ekkert um þessi mál og ætti bara að sleppa því að tjá sig um þau.

Ótrúlegar svona fígúrur.

-

Keep up the good work Birgitta.

[Jón Óskarsson (IP-tala skráð) 24.5.2009 kl. 13:58]

AceR

Mínir hagsmunir eru þessir:  Launamaður sem enn hefur vinnu, félagsmaður í VR með laun á við meðal kennara. Íbúð með láni frá Íbúðalánasjóði og Lífeyrissjóði, 10 ára gamall bíll.  

Allt í skilum þó vísitalan hafi sett strik í afborgunarreikninginn.

Mér finnst bara hvimleitt þegar fólk notar orðalagið "í boði ríkisins" eins og það sé af hinu vonda að þjóðin hafi tekið eignir upp í skuldir útrásarinnar.

Fulltrúar okkar eru að streða við að halda þessum fyrirtækjum gangandi svo fólk hafi vinnu og geti borgað af lánum sínum og keypt ofan í sig að borða þó það hafi ekki efni á að versla í Melabúðinni. 

[Magnús Helgi Björgvinsson, 24.5.2009 kl. 13:59]

Svona bara til að fyrirbyggja hvort ég er að misskilja málið! Erum við ekki að tala um að Karen Miller sjálf (persónan) tók hluta af kaupverði keðjunar sinnar sem hlutabréf í einhverju af þessum fyrirtækjum. Hún á nú í gegnum þetta hlut í Byr. Er Birgitta að segja að hún þ.e. Karen hafi gert eitthvað af sér?

Og höfðu bankarnir ekki keypt hlut í þessu áður en banka bólan fór af stað þ.e.

" Árið 2001 keyptu íslenskir aðilar og félög á þeirra vegum 40% hlut í fyrirtækinu Karen Millen. Stærsti íslenski eigandinn var Kaupþing en meðal annarra fjárfesta voru þeir Sigurður Bollason og Magnús Ármann, einn stærsti hluthafinn í Byr."

[Baldvin Björgvinsson, 24.5.2009 kl. 15:00]

Því miður er það svo að það er ennþá sama þjófapakkið að stjórna bönkunum. Það voru bara nokkrir efstu stjórnendurnir fjarlægðir.

Það eru enn einstaklingar að vinna í ríkisbönknum á launum sem hvergi nærri því er að finna á launatöxtum ríkisstarfsmanna, ekki einu sinni forstætisráðherra er með viðlíka laun.

Þetta er sama fólkið og tók þátt í því að setja bankana og þjóðina á hausinn, þetta er sama fólkið og heldur áfram að ræna fólk með ofsaofurvöxtum og eignaupptöku.

Þetta er sama fólkið og átti að reka fyrst af öllum en var ráðið fyrst af öllum í "nýju" bankana í kennitöluflakki ríkisins.

Siðferði íslensks viðskiptalífs hefur náð áður óþekktum lægðum...

Siðferði Birgittu hefur hins vegar staðist enn sem komið er og gerir vonandi áfram. Hún þekkir ennþá muninn á réttu og röngu.

[Skríll Lýdsson (IP-tala skráð) 24.5.2009 kl. 16:01]

mikið skelfilega er ég þreyttur á þessu röfli um peninga orðið, það er einsog fólk haldi að allt í kringum þetta hrun helgist af einhverjum náttúruöflum sem ekkert er hægt að ráða við enda hefur ráðafólk verið ötult við að nóta stór lýsingarorð eins og fjárhagslegar "náttúruhamfarir,brotsjór,fárviðri" en það eru öfl sem við ráðum ekkert við og með því að hamast á þessum lýsingarorðum í tengslum við peningarhrunið fær fólk það á tilfinninguna að það sé máttlaust gagnvart þessu því þetta eru jú "náttúruhamfarir".

þetta hrun varð vegna peningakerfis sem MANNSKEPNAN BJÓ TIL og eru ekki náttúrulögmál á neinn hátt, það er vel hægt að færa hluti til fyrri vegar ef vilji er til en þeir sem halda um vaxtastjórnunarsprotan eru ekki tilleiðanlegir í slíkt því þá tapa þeir sem búið er að búa til í peningakerfum heimsins. Peningar eru í eðli sínu eingöngu vöruskiptamiðlunar form en það er búið að smíða risavaxið batterí í kringum þetta tæki sem gerir ekkert annað en að búa til kostnað í kringum sjálft sig og dreifir honum útfrá sér einsog eitri.

í hagkerfum heimsins geta peningar eingöngu orðið til sem skuld vegna lántöku sem síðan er hleypt inní kerfin af seðlabönkum heimsins, þúsundkallinn sem þú heldur á varð til í kerfinu afþví að einhver tók lán..öðruvísi kemst hann ekki í umferð.

Góðar stundir.

[ThoR-E, 24.5.2009 kl. 16:54]

Allt í góðu Jón.

Miðað við það sem gengið hefur á hjá nýju bönkunum að undanförnu .. að þá finnst mér alveg í lagi að gagnrýna þau vinnubrögð.

Allt átti að vera uppi á borðinu.. en við almenningur sem eigum bankana.. fáum ekkert að vita hvað gengur á í skilanefndunum.

Ef við tökum BYR "mistökin" sem dæmi ...   ... er ekki í lagi að gagnrýna svona vafasöm vinnubörgð ??? 

[Viðar Ingvason (IP-tala skráð) 24.5.2009 kl. 16:58]

@baldvin

Þær einföldu staðreyndir sem þú nefnir og eru öllum ljósar staðfesta að forréttindahóparnir hafa enn betur í baráttunni um völdin á Íslandi. Birna sjónhverfinganorn í Glitni er talandi dæmi í þessu samhengi.

[Birgitta Jónsdóttir, 24.5.2009 kl. 17:04]

Þetta hugarfar kvendisins segir ef til vill allt sem segja þarf: "Styður Millen þann hóp sem vill að áfram hvíli leynd yfir lánabókum sjóðsins og hvaða reglur gildi um útlán sjóðsins, segir breska blaðið ennfremur."

Annars þakka ég líflegar umræður en segi eins og skrílið varðandi hugmyndir fólks um peninga:)

Sigríður ég var og er enn á launum sem svara um 125.000 á mánuði eftir skatta, fæ ekki þingfarakaup fyrr en um þessi mánaðarmót - en ég er snillingur að láta peningana mína duga með því að sleppa því að borða ruslfæði og panta pizzur heim, með því að láta hverja krónu renna um fingur mér áður en ég eyði henni og vera skrambi þakklát fyrir að búa ekki á Gaza eða í Írak.

[Birgitta Jónsdóttir, 24.5.2009 kl. 17:05]

Því miður er þetta rétt hjá þér Viðar... forréttindahópar og hagsmunahópar virðast ráða öllu hér.

[hey (IP-tala skráð) 24.5.2009 kl. 17:12]

Svo heldur braskið áfram í boði ríkisins.

Er það ekki þetta sama ríkisvald sem hinn nýji þingflokkur var að nudda sér utan í um daginn til þess að hljóta fleirri nefndarsæti.

'i daglegu máli kallast það pólitísk hrossakaup.

Hlutirnir eru greinilega fljótlærðir á þingi.

[Björn Leví Gunnarsson, 24.5.2009 kl. 17:56]

Er það þetta sem forstjórar og þessir guttar fá borgað fyrir... flytja fyrirtæki fram og til baka og út um allt?

Ég kom upp með smávegis dæmi fyrir nokkrum árum þegar ég vann í þjónustudeild hugbúnaðarfyrirtækis. Þjónustudeildin viðhélt gæðum og verðmætum með því að sjá til þess að hugbúnaðurinn gerði það sem honum var ætlað að gera ... sparaði tíma og fyrirhöfn.

Forritunardeildin bjó til verðmæti með því að finna upp nýjar leiðir til þess að spara tíma og fyrirhöfn.

Markaðsdeildin bjó ekki til neitt... sá bara um að passa að peningar færu hingað en ekki þangað. Eru í raun bara afætur á viðskipti.

[Guðni Stefansson (IP-tala skráð) 24.5.2009 kl. 23:41]

Er tími til að sækja um aðild að ESB og fara í samningaviðræður meðan ekki er búið að gera upp bankana, svindlið og hrunið?

Þurfum við ekki niðurstöðurnar áður en við getum sameinast um umsókn?

Er nægt traust í samfélaginu til að treysta nokkrum manni fyrir samningsumboði?

Á Össur að leiða samninga áður en búiið er að sanna sakleysi hans í sambandi við kaupin a 5% í Kaupþingi?

Á Fréttablaðð að vera aðalupplýsingagjafi okkar í ESB málinu áður en við vitum hvar Jón Ásgeir fékk peningana til að kaupa það?

Er hægt að ræða ESB áður en samfylkingin gerir hreint fyrir sínum dyrum og skiptir um fólk?

[Baldur Gudnason (IP-tala skráð) 24.5.2009 kl. 23:41]

 Sæl Birgitta.

 Gæti verid ad draumaríkisstjórn Samfylkingar, Sjalfstædisfloks og Framsóknar eftirfarnadi út.

Óska ríkisstjórn

1. Jón Àsgeir J, Forsætisrádherra hann er svo snöggur ad taka ákvardanir.

2. Björgólfur Thor, Fjámálarádherra á i engum vanda med ad selja einhverrja thúfu upp á heidi, og skaffa gjaldeyri.

3. Bjarni Ármann, Félagsmálarádherra hann er svo gódur i ad skila peningum til baka, eins og er ætlast af minnihlutahópum í dag.

4. Magnús Ármann, Heilbrigisrádherra hann thekkir dópid svo vel, af eigin raun og einkaklúbbana/nektarstadina.

5. Pálmi Haraldsson sem samöngumálarádherra, eini adilinn i hópnum sem kann ad leggja samann minus + minus verda margar milljónir í plus (samanber Sterling og Meersk)

6. Thorstein Vilhelmsson sem sjávarútvegsrádherra.

7. Óla í Samskipum sem Dómsmálarádherra

 Nei mér dettur thetta bara svona i hug.

Kvedja og takk fyrir i dag. 

[Baldur Gudnason (IP-tala skráð) 25.5.2009 kl. 00:23]

 Eftir fáeinar vikur mun Jóhanna og Steingrímur med hjálp Kristjans Möllers syngja thennan söng med bænaraugum til XD og XB sjá myndband. 

http://www.youtube.com/watch?v=5GZlJr1c48k

[Bjarki (IP-tala skráð) 28.5.2009 kl. 11:28]

Sæl Birgitta. Þó að það tengist ekki þessari færslu langar mig til að spyrjast fyrir um afstöðu Borgarahreyfingarinnar til þeirra tveggja þingsályktunartillagna sem lagðar hafa verið fram varðandi ESB-málið. Stjórnartillagan gerir ráð fyrir ótakmörkuðu umboði (fyrir utan þokukenndan áskilnað um samningsmarkmið) utanríkisráðherra til þess að leggja inn umsókn og byrja að semja. Hin tillagan frá Framsóknar- og Sjálfstæðisflokkum gerir ráð fyrir að utanríkisnefnd Alþingis verði falið að undirbúa mögulega aðildarumsókn og ferlið í kringum hana. Nú er spurningin hvort að Borgarahreyfingin er hrifnari af ráðherraræði eða þingræði.