Leita í fréttum mbl.is

Gjörningurinn: Þéttum raðir stjórnarliða

Forseti

Hér tek ég þátt í gjörningnum þéttum raðir stjórnarliða. Ég spyr: hvernig má skapa traust í brotnu samfélagi okkar? Ég held að vantrausts yfirlýsing sett fram af vanhugsun og sérhagsmunum sé ekki til þess fallið.Ég á í engum vandræðum með að lýsa yfir vantrausti á þessa ríkisstjórn og meðan ég er að því að þá vil ég nota tækifærið og lýsa yfir vantrausti á Sjálfstæðisflokkinn.

Forseti Ég skora á þing og þjóð að fylkja sér um samfélagssáttmálan okkar sem mun endurspeglast í tillögum stjórnlagaráðs. Ég skora á okkur öll að gera allt sem í okkar valdi stendur til að hefja hér alvöru uppstokkun á kerfinu og beita okkur fyrir réttlætismálum eins og afnám verðtryggingar, segja skilið við AGS, upptöku nýs gjaldmiðils og að setja fram alvöru tölur um lágmarksframfærslu og fylgja þeim tillögum. Kreppan er rétt að byrja. Það er ekki hæg að réttlæta að halda áfram á þeirri braut sem við erum nú.

Ríkisstjórnin heldur sennilega velli og hún mun halda áfram á þeirri vegferð sem hún hefur verið á síðan hún tók við þessu erfiða búi og það er ljóst að ekki mun líða á löngu áður en að önnur vantrausts tillaga verður borin fram nema að ríkisstjórnin hafi dug og þor til að stokka upp hjá sér.

Því legg ég svo til og mæli með að hæstvirtur forsætisráðherra og hæstvirtur fjármálaherra segi af sér. Ég mæli ekki með að þingrof verði samþykkt því það er einfaldlega sett til höfuðs stjórnarskrárbreytinum og almennum lýðræðisumbótum sem og umbótum í kvótakerfinu.

Já það er með óbragði í munni sem ég stend hér og stend frammi fyrir þeim valkosti að ef ég sit hjá er ég að styðja við núverandi ástand og ef ég samþykki vantraust þá er ég að taka þátt í örvæntingufullum leikþætti formanns sjálfsstæðisflokksins. Hvorugur kosturinn er mér ásættanlegur því höfðum við farið fram á að atkvæðagreiðslunni um vantraust verði skipt í tvennt. Kosið verður um vantraust sérstaklega og síðan um þingrof 11. maí. Utanþingstjórn gæti verið lang skynsamlegasti kosturinn ef svo ólíklega vill til að vantraust verði samþykkt. Þingrof er eðlilegra í samhengi við þjóðaratkvæðagreiðslur um stjórnarskrárbreytingar en ekki núna.


« Síðasta færsla | Næsta færsla »

Athugasemdir

1 Smámynd: Jón Steinar Ragnarsson

Ég legg til að þið leitið hófanna um að sameinast órólegu deild VG, þó ekki væri nema kvennadeildarinnar þar.  Þessari ógnarstjórn verður að ljúka.  Kjósendur munu hafa vit á því að hunsa Sjálfstæðis og framsóknarflokk ef aðeins býðst einn ábyrgur og traustverðugur kostur.

Ég skil áhyggjur ykkar yfir því að hreyfingin þurrkist út ef þing verður rofið, þess vegna þurfið þið að fara að huga að nýrri samsetningu og nýrri hreyfingu. Það eru kostir í stöðunni. Þið þurfið bara að drífa í aðgerðum, annars mun fólk skilja það sem svo að andstaðan við vantraust snúist eingöngu um sæti ykkar og líf hreyfingarinnar í því formi sem hún er. 

Mér finnst á öllu að þetta sé ekki lengur borgaralegt og opið afl, heldur þéttur og lokaður hringur sem berst fyrir eigin stöðu og afkomu.

Jón Steinar Ragnarsson, 13.4.2011 kl. 21:52

2 Smámynd: Jón Steinar Ragnarsson

Ég sting upp á Lilju Mós sem fjármálaráðherra og að menn taki alvarlega tillögu hennar um nýja krónu. Liljukrónuna. Það er vitrænasta tillagan í gjaldmiðilsmálum, sem hefur komið fram í öllu þessu argaþrasi.

Jón Steinar Ragnarsson, 13.4.2011 kl. 21:56

3 Smámynd: Jón Steinar Ragnarsson

Það er ekki bæði hægt að halda og sleppa Birgitta. Þetta er alvarlegt stokkhólmseinkenni, sem hrjáir vinstrimenn á þingi. Á að styðja yfirganginn og ofbeldið áfram af þeirri ástæðu einni að þetta fólk kennir sig við vinstri?  Eru þið kominn í sama hjólfarið og restina af fjórflokknum?

Málflutningurinn um þessa tillögu einkennist af Orwellísku doublespeak og manni verður í sumu hugsað til George gamla Bush þegar allir þessir paradoxar hrynja af vörum manna.

Hér þarf að sýna dirfsku eins og í Icesave og höggva á hnútinn með hugrekki.

Battered Wife syndrome svífur yfir vötnum hér.  Steingrímur og Jóhanna verða að fara. 88% þjóðarinnar er þeirrar skoðunnar og því verðið þið að hlusta.

Jón Steinar Ragnarsson, 13.4.2011 kl. 22:16

4 Smámynd: Ásthildur Cesil Þórðardóttir

Þú varst flott í gær Birgitta, og ég er sammála Jóni Steinari um Villikettina og Hreyfinguna og vil fá Frjálslynda flokkinn þar einn undir sameiginlegu tákni, þið hafið sýnt að fólkið í landinu getur treyst ykkur til góðra verka og Sigurjón sýndi það þegar hann var þingmaður að hann stóð á sinni sannfæringu líka.  Þið eruð framtíðin.

Ásthildur Cesil Þórðardóttir, 14.4.2011 kl. 10:28

5 Smámynd: Jón Steinar Ragnarsson

Í samhengi stjórnlagaþings, þá vil ég benda þér á þennan pistil. Lestu hann vandlega og reyndu að sjá að það er verið að draga ykkur á asnaeyrunum hér. 

Endurbætur á stjórnarskrá eru nauðsynlegar í fjölmörgu tilliti og þar er ég sammála þér, en hér eru önnur hulin markmið að baki hjá Samfylkingunni, svo þetta verður að fara í nýjan farveg síðar. Liður 7. í fyrirfram ákveðinni dagskrá þessa þings er eina meginástæðan fyrir frumvarpi Jóhönnu. Allt annað er prjál og skraut. Þú verður að fara að átta þig á þessu Birgitta, annars ertu að ýta undir þetta glóbalistaagenda Samfylkingarinnar.

Hvert einasta mál og afstaða sem þau hafa verið að hamra á hefur það eitt að markmiði að koma okkur í ESB. Allt annað hefur og mun og hefur setið á hakanaum á meðan.

Ég bið þig svo að lesa vel í gegnum niðurlag framvinduskýrslu framkvæmdastjórnar ESB til þingsins í Brussel frá 4. apríl s.l.

Þar ættirðu að geta lesið á milli línanna að hér er verið að fremja landráð, hversu tuggið sem þér finnst það hugtak eftir skiljanlega ofnotkun liðinna missera.

Meira að segja yfirskynið um að færa kvótann í hendur þjóðarinnar miðar að því að ná fullum yfirráðum yfir þessari auðlind, svo það megi framselja stjórn og vald yfir þessu til ESB. Það hefur Ólína Þorvarðardóttir líka fullyrt að sé forsendan.

Ég vona að þið farið að vakna af þyrnirósarsvefninum.

Ég er meðmæltur yfirráðum okkar yfir auðlindunum en málið er að hvergi í lögum er skilgreint að kvóti sé eign þeirra sem hafa. Það er verslun með hann og veðsetning, sem þarf að koma böndum á í fyrsta skrefi, svo geta menn farið að huga að fastari skorðum og réttlátari dreifingu. Núna eru markmiðin sú að framselja þetta fjöregg til Brussel og þar hafa kvótakóngar rétt fyrir sér. Hitt er svo annað mál hvort þeir eiga einhvern rétt til að höndla með þetta og setja í veð fyrir tuskubúðum eða selja sín á milli. Þar vantar bara fastari lagaskorður til að breyta því.

Þetta er ekki eins einfalt og sett er fram. Því miður. Ég legg til að þið lesið þetta sem ég tengi á vel og ræðið innan þingflokksins og leggið til hliðar klisjukennt hatur á "græðgisöflunum" um stund. Hér þurfið þið að halda köldu höfði og málefnalegu. Framtíð þessarar þjóðar veltur á því, hvorki meira né minna.

Jón Steinar Ragnarsson, 15.4.2011 kl. 02:49

6 Smámynd: Jón Steinar Ragnarsson

Í skýrslu Evrópunefndar – Forsætisráðuneyti 2007 er að finna eftirfarandi texta:

Aðild að ESB felur í sér framsal á ríkisvaldi til yfirþjóðlegra stofnana, sem er óheimilt samkvæmt íslensku stjórnarskránni og því þyrfti að breyta stjórnarskránni til að Ísland gæti gerst aðili að ESB.

Þetta er ástæða stórnlagaþings Birgitta.

Jón Steinar Ragnarsson, 16.4.2011 kl. 08:27

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir
Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst. 

Netfang: birgitta@this.is

Bækur

Bækurnar mínar

  • Bók: Tuttugasta öldin og lærdómar hennar
    Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
    Þýddi þessa ásamt Jóni Karli Stefánssyni
  • Bók: Lífsreglurnar fjórar - the Four Agreements
    don Miguel Ruiz: Lífsreglurnar fjórar - the Four Agreements (ISBN: 9979768835)
    Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
  • Bók: Dagbók kameljónsins
    Birgitta Jónsdóttir: Dagbók kameljónsins (ISBN: 9979973307)
    Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.

Heimsóknir

Flettingar

  • Í dag (29.3.): 1
  • Sl. sólarhring: 2
  • Sl. viku: 10
  • Frá upphafi: 508655

Annað

  • Innlit í dag: 1
  • Innlit sl. viku: 10
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Nýjustu myndir

  • ...011-02-25_l
  • ...unknown
  • ...581_1050977
  • ...x-_28-of-81
  • ...490581
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband