Áskorun til forseta Íslands

Hér er áskorun til forseta Íslands um að samþykkja ekki fjárlagafrumvarp ríkisstjórnainnar.

Ef þú ert sammála þá vinsamlegst klipptu afrit af áskoruninni og límdu í tölvupóst til

[e-mail],

[e-mail]

Vinsamlega senda "Cc" á netfangið

[e-mail] - svo við getum fengið einhverja hugmynd um hversu margir taka þátt.

ÁSKORUN

TIL

FORSETA ÍSLANDS

Við landsmenn förum þess einarðlega á leit við yður, hæstvirtan forseta Íslands Ólaf Ragnar Grímsson, að þér í krafti embættisins hafnið samþykki á fjárlögum þeim sem núverandi ríkisstjórn hefur lagt fram.

Fjárlagafrumvarpið mun velta gríðarlegum skuldaklafa yfir á almenning í landinu til margra ára, skuldum sem til var stofnað af óheilindum af hálfu athafnamanna sem störfuðu í skjóli stjórnmálaflokka, stjórnsýslu og stofnanaumhverfis sem hafa algerlega brugðist hlutverki sínu.

Frumvarpið er mesta aðför sem nokkru sinni hefur verið gerð að sjúkrahúsum, heilbrigðisstofnunum, öldrunarheimilium, framhaldsskólum, háskólum og flestum öðrum þeim stofnunum sem almennt gera Ísland að vestrænni menningarþjóð. Það eykur misskiptingu í samfélaginu, leggur auknar álögur á þá sem minnst mega sín og neyðir fleiri en ella til að draga fram lífið á bótum sem ekki duga til framfærslu.

Frumvarpið festir í sessi þá ætlun ríkstjórnarinnar að láta almenning í landinu borga brúsann fyrir fjármálaóreiðu, ábyrgðarleysi og óheilindi fjárglæframanna og vina þeirra í núverandi og fyrrverandi ríkisstjórn í stað þess að sækja þá til saka sem raunverulega ábyrgð bera.

Frumvarpið mun einnig staðfesta hagstjórn Alþjóðagjaldeyrissjóðsins yfir Íslandi næstu árin og binda börn okkar og jafnvel barnabörn á skuldaklafa um langt árabil. Frumvarpið er samið að tilmælum Alþjóðagjaldeyrissjóðsins og undir þrýstingi og jafvel kúgun frá ESB og er því aðför að fullveldi Íslands.

Núverandi ríksstjórn ber að stórum hluta ábyrgð á hvernig komið er og er rúin trausti. Þar sem hún var kjörin við allt aðrar aðstæður og til allt annara verka er hún í sjálfu sér umboðslaus til að takast á við verkefnið. Þar sem núverandi Alþingi hefur að því er virðist nánast lagt sjálft sig niður, þá er það óskoruð krafa okkar að þér synjið frumvarpinu samþykkis og að það muni í framhaldinu finna viðeigandi sess á öskuhaug sögunnar.

Ef einhvern tíma í sögu lýðveldisins hefur tilefni verið til slíkrar aðgerðar er það nú. Við landsmenn eigum skýlausan lýðræðislegan og siðferðislegan rétt til þess að fá að segja hug okkar um þetta frumvarp og þar með framtíð þjóðarinnar, í þjóðaratkvæðagreiðslu.

Landsmenn gegn ríkisstjórninni

Forseti hafni fjárlagafrumvarpi

Athugasemdir

[Þorsteinn H. Gunnarsson (IP-tala skráð) 17.12.2008 kl. 20:33]

 Úr stjórnarskrá

 26. gr. Ef Alþingi hefur samþykkt lagafrumvarp, skal það lagt fyrir forseta lýðveldisins til staðfestingar eigi síðar en tveim vikum eftir að það var samþykkt, og veitir staðfestingin því lagagildi. Nú synjar forseti lagafrumvarpi staðfestingar, og fær það þó engu að síður lagagildi, en leggja skal það þá svo fljótt sem kostur er undir atkvæði allra kosningarbærra manna í landinu til samþykktar eða synjunar með leynilegri atkvæðagreiðslu. Lögin falla úr gildi, ef samþykkis er synjað, en ella halda þau gildi sínu.

[Heidi Strand, 17.12.2008 kl. 20:51]

Er búin að senda.

Hvenær förum við til Bessastaðir?

[Ævar Rafn Kjartansson, 17.12.2008 kl. 21:00]

Hann ætti að hafna lögunum og segja svo af sér. Sýna hinum lénsherrunum fordæmi. En því miður þykir honum vænna um titilinn en þjóðina.

[Þorsteinn H. Gunnarsson (IP-tala skráð) 17.12.2008 kl. 21:42]

Fari svo að forseti hafni lögunum, ber honum skylda til að bíða eftir niðurstöðu úr þjóðaratkvæðagreiðslunni. Fari svo að lögin veri felld hefur forsætisráðherra aðeins þrjá kosti að mínu mati. Að breyta lögunum og bera þau aftur upp við þingið, að segja af sér eða að rjúfa þing og boða til kosninga.

 

Fari svo að lögin verði samþykkt fer gamanið að kárna á Bessastöðum. Þá er forsetinn komið í andstöðu við þjóðina, þyrfti að segja af sér en gæti það ekki vegna þess að það væri engin til að taka við. Við höfum nefnilega engan varaforseta. Og það þarf atbeina forseta til að mynda ríkisstjórn.

 

[Kreppa Alkadóttir., 17.12.2008 kl. 21:45]

Ætla að vona að sem fæstir skrá sig enda sjaldan séð heimskulegri áskorun!
Hvað viljið þið í staðinn aldrei hafið þið nein svör eruð bara á móti öllu til að vera á móti öllu.

[Guðrún Jónsdóttir, 18.12.2008 kl. 08:32]

Auðvitað ætti maðurinn að neita skrifa undir lögin og segja af sér í leiðinni. Þá getur hann farið með vinum sínum auðmönnunum burt

[Katrín Snæhólm Baldursdóttir, 18.12.2008 kl. 08:45]

Vona að sem flestir skrifi undir..fjarvera forseta er æpandi. Hvar stendur maðurinn eiginlega og hvar er nú sameiningartákn þjóðar á ögurtímum. Mæli með að Kreppa og hennar líkar fái að fylgja með þegar þessu pakki verður fleygt úr landi.

[molta, 18.12.2008 kl. 10:46]

búinn

[Anna Ragna Alexandersdóttir, 18.12.2008 kl. 11:01]

Ólafur ætti að segja af sér.

Var það ekki hann sem heiðraði útrásarvíkingana. Já það var hann sem gaf grænt ljós á að hirða allt fé Íslensku þjóðarinnar.

Nú er Tryggvi Jónson farinn úr bankanum. Næst verður Það forsætisembættið og allt það bruðl. Hvað höfum við með þetta peningaúrstreymi að gera væri ekki betra að nota þá peninga í þarfari hluti fyrir okkur vinnandi þjóð.

[Gullvagninn (IP-tala skráð) 18.12.2008 kl. 11:01]

Skrifa undir

[Ragnar Gunnlaugsson, 18.12.2008 kl. 11:17]

Þetta virðist afar gáfuleg tillaga, sennilega stoppuðu þá allar ríkistofnanir fljótlega upp úr áramótum þar sem þær hefðu enga laga heimild til fjárveitinga úr ríkissjóð.

[molta, 18.12.2008 kl. 11:29]

Já, eins og þeir fari 100% eftir lögum, aldrei heyrst um stofnanir sem fara framúr lögunum, neinei, bara allt lokað og læs þegar buddan er tóm.  

[Sólveig Stefánsdóttir (IP-tala skráð) 18.12.2008 kl. 13:12]

Búin

[Heimir Lárusson Fjeldsted, 18.12.2008 kl. 18:15]

Það væri líkt Bessastaðarugludallinum að verða við bón ykkar.

[Ásthildur Cesil Þórðardóttir, 19.12.2008 kl. 11:55]

Er búin að senda.