Ég ætla að dansa indíánadans um verslunarmannahelgina

Ég hef aldrei verið mikið fyrir það að fara út úr bænum um verslunarmannahelgina en ætla að bregða út af vananum í ár og taka þátt í þessu. 

 

Hjörtu okkar og hjarta jarðarinnar eru eitt.

 

Sunray námskeið  haldið að Búlandi A Landeyjum

Verslunarmannahelgina 1-3  ágúst.

 

INDÍÁNA ÆFINGAR,  dans HÖFUÐÁTTANNA,

OG HUGLEIÐSLA

 

Á tímamótum mikilla umbreytinga á jörðinni og hjá mannkyninu fáum við nú tækifæri til að marka spor friðar og jafnvægis  í sérvöldum huldum náttúruperlum  í næsta nágrenni við Búland.

 

Ven Dhyany Ywahoo hefur tjáð okkur að Ísland sé að kalla eftir hjálp hún hefur beðið okkur að hlusta á landið okkar.

 

Við hjónin á Búlandi  ákváðum að bregðumst við því með  því að bjóða  þátttakendum Sunray  aðstöðu  á Búlandi.

 

Angelika  Salberg   Sunray kennari leiðir námskeiðið.

Ven Dhyany Ywahoo Indíánahöfðingja Cherokee ættbálksins

var  barn  að aldri valin af þeim eldri innan ættbálksins, til að kenna áfram heilög fræði forfeðra þeirra um samspil mannsins við himininn,  jörðina og mannkynið.

 

Þetta nám hæfir öllum  aldurshópum. Hafir þú áhuga á að taka þátt í að  styrkja, styðja  og hreinsa okkar yndislega land af áhrifum sem hafa orðið af manna eða náttúruvöld þá er þetta.

Einstakt tækifæri til gera eitthvað algerlega öðruvísi, komast í snertingu við sjálfan sig  án vímuefna í faðmi  fjölskyldunnar og náttúrunnar.

Verð:  21.000 fyrir hjón

Einstaklingar 11.000

Ókeypis fyrir 18 ára og yngri.

 

Skráning.

Guðný Halla / Guðmundur  4878527 - 8936698   -8684500

[e-mail]

 

Kerti fyrir Tíbet

 

Vinir Tíbets taka þátt í stærstu ljósaaðgerð í heimi þann 7. ágúst klukkan 21:00 á Lækjartorgi og þér er boðið. Ef þú hefur ekki tök á að koma á Lækjartorg getur þú kveikt á kerti á þessum tíma og sett í gluggann þinn til að sýna Tíbetum stuðning í frelsisbaráttu þeirra. Nánari upplýsingar og skráning fer fram á candle4tibet.org. 

Áþekkar ljósaaðgerðir munu fara fram út um allan heim og hafa yfir 515.000 skráð sig. Ljós í myrkrinu fyrir Tíbet á meðan setning Ólympíuleikana fer fram.

 

Æðislegar myndir:)

Ég er viss um að ef ég hefði svona mynd upp á vegg hjá mér og hún væri eitt það fyrsta sem ég myndi sjá þegar ég vaknaði, þá færi ég brosandi inn í hvern dag:) 

Mennirnir hans Einars slá rækilega í gegn

Áherslur í fréttaflutningi

Í skjóli embættis síns hefur Friðrik Sophusson stuðlað að því að landeigendur við Þjórsá hafa sætt áþekkum aðgerðum og hann upplifði í morgun. Þeir sem vilja ekki beigja sig undir vilja Landsvirkjunar þurfa að þola heimsóknir frá starfsfólki Friðriks í viku hverri þar sem því er ýmist hótað eða reynt að tæla það að gefa eftir með gylliboðum. 

Er það allt í lagi? Er ekki verið að ráðast að þeirra friðhelgi? Er Friðrik ekki ábyrgur fyrir þessum ofsóknum? Ef ekki hver þá? Ég hef setið fundi með forustusauðum Alcoa, Landsvirkjunar og Bechtel, þar sem Íslandsvinum var boðið fé til að auglýsa okkar tjaldbúðir ef við gætum skít í Saving Iceland. Auðvitað afþökkuðum við, en mér finnst þetta dæmigert fyrir vinnubrögð þessara fyrirtækja.

Nú fær Friðrik heilmikið rými til að tjá sig, en í annarri frétt sem birtist stuttu síðar um heimsókn SI til höfuðstöðva Landsvirkjunar er ekkert lagt í fréttina. Ég hef tekið eftir því að fjölmiðlum er hreinlega réttar heimildir á silfurfati og þeir trekk í trekk gera ekkert til að rannsaka heimildirnar. Það er sláandi að lesa um aðbúnað verkafólks Alcoa í öðrum löndum. Það er líka sláandi að þessi fyrirtæki sem eiga að vera bjargvættir þjóðarinnar fá aldrei gagnrýna umfjöllun þar sem farið er ofan í saumana á lygum þeim sem þau stunda.

Man að það hafði samband við mig fólk sem hafði unnið um langa hríð fyrir Alcan. Það sagði mér að ef þú slasast, eins og til dæmis fótbrotnar eða brennist en getur unnið á skrifstofunni við að hefta blöð, þá er ekki þörf á að tilkynna slysið sem vinnuslys. Þannig gat Alcan auglýst mánuð eftir mánuð sem vinnuslysalausan mánuð á meðan að raunin var allt önnur. Af hverju er þetta til dæmis ekki skoðað?

Ég las reglurnar sem starfsmenn Alcan þurftu að starfa eftir og þar kom fram að þeir megi ekki tala við fjölmiðla á meðan þeir starfa þar ef þeir hafa eitthvað að gagnrýna. Mér finnst það ekki í lagi.

Ég skora á einhvern hugrakkan blaðamann eða konu að kafa vel ofan í sögu Rio Tinto, Alcoa og Landsvirkjunar og skrifa heilsteypta grein um þessi fyrirtæki. Það væri jafnvel hægt að hafa seríu þar sem fyrirtækin eru skoðuð. Svo væri gaman að fá að lesa greinar um Báxítvinnslu. Það er oft reynt að tóna niður veruleikann í kringum Báxítvinnslu og þá hrikalegu skaðsemi sem henni fylgir.  

Nú eiga margir eftir að hrópa á vefnum um að þeir hefðu haft hluttekningu með málstað Saving Iceland en þessi aðgerð hafi gert útslagið og þeir munu nú snúa baki í Saving Iceland vegna þessa. Svona grunnt liggur alltaf á hjá svo mörgum. Þeir nota fyrstu afsökun til að halda áfram að gera ekki neitt. 

Þáðu ekki boð um fund

Fréttatilkynning frá Saving Iceland

Saving Iceland í höfuðstöðvum LV - Virkjanaáformum í Þjórsá og samstarfi
við Alcoa mótmælt!

REYKJAVÍK – Rétt í þessu fóru 30 aktívistar frá Saving Iceland hópnum inn
í höfuðstöðvar Landsvirkjunar, Háaleitisbraut 68, og trufluðu þar vinnu
til að mótmæla virkjunaráformum fyrirtækisins í Þjórsá og samstarfi þess
við Alcoa. Fyrr í morgun vatki Saving Iceland Friðrik Sophusson, forstjóra
Landsvirkjunar og afhenti honum brottfarartilkynningu.

,,Við fordæmum áætlun Landsvirkjunar um að reisa þrjár virkjanir í Þjórsá
og eina í Tungnaá, sem m.a. er gert til þess að svara orkuþörf álvers Rio
Tinto-Alcan í Hafnarfirði (1,2), þrátt fyrir að stækkun álversins hafi
verið hafnað í íbúakosningum vorið 2007. Allt bendir nú líka til þess að
virkjað verði í Skjálfandafljóti og Jökulsá á Fjöllum, vegna þess að Alcoa
hyggst nú reisa enn stærra álver á Bakka en áður var áætlað (3,4). Þar að
auki eru framkvæmdir fyrirtækisins við Þeystareyki búnar að hafa í för með
sér gífurlega eyðileggingu jarðhitasvæðisins(5). Til að bæta gráu ofan á
svart eru framkvæmdirnar á Norðurlandi til þess eins að framleiða orku
fyrir fyrirtæki sem sjálft viðurkennir að vera vopnaframleiðandi (6) og
hefur margoft hlotið athygli fjölmiðla vegna hrikalegra mannréttindabrota
sinna (7). Landsvirkjun ætti ekki að bjóða Alcoa velkomið til landsins”
segir Jaap Krater frá Saving Iceland.

Öfgafull misnotkun á réttindum verkafólks:

Alcoa segist vera frábær vinnuveitandi, sem fer vel með starfsfólk sitt.
En raunveruleikinn er öðruvísi:

,,Of þarf starfsfólk að míga á sig, jafnvel kúka í föt sín eftir að hafa
aftur og aftur verið meinað að nota baðherbergið. Baðherbergin eru einnig
skítug, án ljósa og án klósettpappírs. Starfsfólk sem er ‘of lengi’ á
klósettinu getur lent í því að vera dregið út af vörðum. Það eru meira að
segja dæmi um að konur hafi þurft að girða niður um sig til þess að sanna
að þær séu á blæðingum, svo þær megi nota baðherbergið oftar en tvisvar á
dag” segir í skýrslu um meðhöndlun Alcoa á starfólki í verksmiðju sinni í
Hondúras (7.)

,,Með aðeins tíu mínútna fyrirvara, getur starfsfólki á næturvöktum verið
skipað að vinna sex klukkutíma í viðbót, sem heldur þeim í verksmiðjunni í
næstum því 14 klukkutíma. Yfirvinna er ekki borguð sérstaklega og þeir sem
neita geta átt á hættu að verða reknir. [...] Meðallaunin eru 74 sent á
tímann, upphæð sem er um það bil þriðjungur þess sem venjuleg fjölskylda
þarf til að halda sér uppi” segir í skýrslunni.

Starfsfólk hefur staðið fyrir mótmælum, en Alcoa mælir alls ekki með
stofnun verkalýðsfélaga. ,,Alcoa notar morðhótanir, ólöglegar
fjöldauppsagnir, svarta lista og hótanir um að loka verksmiðjunni til þess
að koma í veg fyrir að starfsfólk þori að nýta sér rétt sinn til að
skipuleggja” segir í skýrslunni.

Einnig hafa verið skrifaðar skýrslur um mannréttindabrot og brot á
réttindum starfsfólks í Mexíkóskum verksmiðjum (8). Kaldhæðnislega, er
Alcoa nú að losa sig við 1240 starfsmenn í Hondúras og Mexíkó, vegna
minnkandi eftirspurnar eftir áli fyrir framleiðslu stórra bíla í kjölfar
hækkandi olíuverðs (9).

Alcoa og hergagnaiðnaðurinn:

Alcoa styður beint við aðgerðir bandaríska hersins, t.d. í Írak. ,,Alcoa
Defense er stoltur samstarfsaðili bandaríska hersins og
hergagnaiðnaðarins” sagði Dave Dobson forseti Alcoa Defense. ,,Við hlökkum
til að stuðla að auknu öryggi hermanna okkar, með því að gera farartækin
léttari, hraðari og sterkari” (10).

,,Allir Alcoar (all Alcoas) vinna hart að því að að þessi verkefni gangi
hratt í gegn til stuðnings hermannanna okkar” sagði Mark Vrablec,
framleiðslustjóri Alcoa Davenport Works (11).

Önnur nýleg dæmi um tengsl Alcoa og bandaríska hersins segja m.a frá
framleiðslu orrustuskipa og annarra vopnaðra farartækja (13). Fleiri dæmi
um tengsl Alcoa við hergagnaframleiðendur, t.d. Lockheed Martin má finna í
greninni ‘Lygar og útúrsnúningar’ eftir Snorra Pál Jónsson Úlfhildarson
(14).

,,Semsagt, rafmagn frá fyrirhuguðum virkjunum Landsvirkjunar fer beint
til fyrirtækis sem tekur beinan þátt í stríðinu í Írak og Afganistan,”
segir Jaap Krater frá Saving Iceland.

Um Saving Iceland
:

Síðasta Laugardag stöðvaði Saving Iceland vinnu á fyrirhugaðri álverslóð
Norðuráls/Century Aluminum í Helguvík og á Mánudaginn sl. stöðvaði
hópurinn umferð til og frá álveri Norðuráls í Hvalfirði. Aðgerðirnar eru
allar partur af fjóra aðgerðasumri Saving Iceland, gegn stóriðju á Íslandi
og annars staðar í heiminum.

Saving Iceland varð til þegar íslenskir umhverfissinnar kölluðu eftir
alþjóðlegri aðstoð við að vernda íslensk öræfi – ein þau síðustu í Evrópu
– frá stóriðju. Álfyrirtækin Alcoa, Century Aluminum og Rio Tinto-Alcan
vilja öll reisa ný álver hér á landi eða stækka núverandi álver sín. Ef
það verður að veruleika þarf að eyðileggja öll helstu jarðhitasvæði
landsins og virkja næstum því hvert jökulfljót (sjá
http://www.savingiceland.org/sos).

Í ár hafa fjórðu aðgerðabúðir Saving Iceland verið settar upp á
Hellisheiði, þar sem Orkuveita Reykjavíkur er að stækka núverandi
jarðhitavirkjun sína, m.a. til þess að mæta kröfum Norðuráls um aukna orku
fyrir álver á Grundartanga og í Helguvík.

Frekari upplýsingar:
http://www.savingiceland.org
[e-mail]

Miriam Rose (869 3782)
Snorri Páll Jónsson Úlfhildarson (857 3521)
Jaap Krater (867 1493)

Heimildir

(1) Landsvirkjun (2008). Alcan and Landsvirkjun reach agreement on
electricity price.
http://www.landsvirkjun.com/EN/article.asp?catID=130&artId=1027
(2) Iceland Review (2008). Trial Delays Hydropower Projects in Iceland.
http://www.icelandreview.com/icelandreview/daily_news/?cat_id=16567&ew_0_a_id=308981
(3) Visir.is (2008). Ný virkjun á stærð við Kárahnjúkavirkjun.
http://visir.is/article/20080718/FRETTIR01/597112643/1066
(4) Visir.is (2008). Enn stærra álver á Bakka hugnast Ingibjörgu ekki.
http://visir.is/article/20080722/FRETTIR01/354398429/0/Classifieds01
(5) Saving Iceland (2008). Energy companies destroying Þeistareykir.
http://savingiceland.puscii.nl/?p=1317
(6) ALCOA Defense website. http://www.alcoa.com/defense/en/capabilities.asp
(7) National Labor Committee with Community Comunication Honduras (2007).
The Walmart-ization of Alcoa. http://www.nlcnet.org/article.php?id=447.
(8) Comité Fronterizo de Obreras (2008). Alcoa in México.
http://www.cfomaquiladoras.org/english%20site/alcoa_en_mexico.en.html
(9) Reuters (2008). Alcoa Inc.'s Alcoa Electrical And Electronic Systems
To Restructure Honduran And Mexican Operations.
http://www.reuters.com/finance/industries/significant?industryCode=51213&categoryId=225
(10) Alunet International (2008). Alcoa to Supply Armor Plate for New Army
Vehicle http://www.alunet.net/shownews.asp?ID=2334&type=1
(11) ALCOA (2008). Alcoa Provides Aluminum for Humvees Used In Iraq.
http://www.alcoa.com/defense/en/news/releases/humvee.asp
(12) Cavas, C. (2007). Alcoa Joins U.S. Navy LCS Program. Defense News
10/10/2007. Cfr.
http://www.alcoa.com/defense/en/news/releases/navy_lcs.asp
(13) ALCOA (2008). Lockheed Martin Announces Alcoa As Principal Team
Member To Compete For Joint Light Tactical Vehicle Program.
http://www.alcoa.com/global/en/news/whats_new/2007/jltv_program.asp.
(14) Snorri Páll Jónsson Úlfhildarson, Lygar og útúrsnúningar,
http://savingiceland.puscii.nl/?p=1543&language=is

Mótmæla við Landsvirkjun

Hverjum dettur í hug að trúa Xinhua?

Ég skil ekki hvernig stendur á því að trekk eftir trekk les ég fréttir á mbl.is sem eru þýddar umhugsunarlaust beint úr fréttaskeytum Xinhua. Þessi fréttastofa er alræmd fyrir að flytja rangar fréttir til að réttlæta ofbeldi lögreglu í Kína gagnvart óæskilegum aðilum, til dæmis þeirra aðila sem krefjast þess að fá bætur fyrir að hús þeirra voru jöfnuð við jörðu fyrir ólympíuleikana. 

Mér finnst alveg furðulegt að birta svona fréttir án þess að rannsaka betur hvað liggur að baki þeim. Mér finnst þetta óvönduð fréttamennska. 

Til dæmis eru allar fréttir frá Xinhua um ástandið í Tíbet svo mikill áróður til að réttlæta kúgunina sem þar ríkir að maður veit ekki hvort að maður eigi að hlægja yfir augljósum lygunum eða gráta vegna þess að þær gætu ratað hráar inn á mbl.is. 

Hugðust gera árás á ólympíumannvirki

Frábær fundur

Það var fullt út úr dyrum í Reykjavíkur Akademínunni áðan og ánægjulegt að sjá svona góðan þverskurð af fólki sem þarna var mætt. Fróðlegur og sláandi fyrirlestur hjá þeim báðum, en þeir skiptust á að tala. Ég læt hér fylgja fróðlega grein eftir Snorra Pál sem birtist í mogganum í dag og ég bið fólk um að gefa sér tíma til að lesa hana. Það er kominn tími til að við horfumst í augu við þá staðreynd að álið sem hér er framleitt á sér upphaf og enda.

Álframleiðslan í hnattrænu samhengi

Snorri Páll Jónsson
Morgunblaðið, 23. Júlí 

Í bæklingnum ‘Norðurál og samfélagið‘ sem Norðurál gaf út er m.a. sagt frá hnattrænu ferli álframleiðslu. Century Aluminum, eigandi Norðuráls, er með sínar báxítnámur í Jamaíka og hyggst nú opna eina slíka í Vestur Kongó í samvinnu við eina spilltustu ríkisstjórn heims. 

Það vekur strax athygli að í bæklingi Norðuráls er ekki nokkru orði minnst á báxít og samkvæmt skýringarmynd sem á að sýna framleiðsluferli áls frá byrjun til enda, hefst álframleiðslan þegar súráli er landað í stórt hafnarsíló.

Hvers vegna skyldi svo vera? Er Norðurál svo umhverfisvænt fyrirtæki að það þarf ekki einu sinni að grafa eftir báxíti til þess að framleiða ál? Hefur Norðurál einhverjar aðrar aðferðir en önnur álfyrirtæki? Nei, það er neflilega þetta sem kallað er grænþvottur. 

 Það er stórfurðulegt að höfundum þessa bæklings - forsvarsmenn Norðuráls - skuli detta í hug að reyna að blekkja lesendur á eins ódýran hátt. Á meðan Alcoa montar sig af báxítgreftri sínum í textanum ‘Allt hefst á leðju’ virðist Norðurál vera að reyna að fela þá staðreynd að fyrirtækið er viðriðið eyðileggingu regnskóga, drykkjarvatns og heilsufars fólks og dýra á Jamaíka. Hvorki í bæklingnum fyrrnefnda né á heimasíðu Norðuráls er minnst á báxít, forsendu þess að álframleiðsla eigi sér stað. Þess í stað er sagt frá því að ál finnist víða í náttúrunni, m.a. í leir og bergi á Íslandi. 

 

Hvað nú? Er fyrirtækið að gefa í skyn að álframleiðsla þess sé íslensk; að álið frá Norðuráli sé ‘hrein íslensk vara’? Þvílík blekking! Álframleiðsla er alþjóðleg og áhrif hennar sömuleiðis. 

Það sem hingað til hefur vantað í umræðuna um álframleiðslu hér á landi er alþjóðlega samhengið; hnattrænar afleiðingar stjóriðju. Það er ekki hægt að tala um álframleiðslu sem íslenskt fyrirbæri þó álver séu reist hér á landi og keyrð áfram af íslenskum náttúruspjöllum. Ál-vara ferðast þvert og endilangt um hnöttinn áður en hún endar á áfangastað. Hráefni í sprengju finnst á Jamaíka eða Indlandi, er svo unnið á Íslandi, sprengjan kláruð í Bandaríkjunum og á endanum er henni fleygt á þorp í Írak. Íslenskt hvað? 

Í viðtali við Morgunblaðið sl. Laugardag segir Bubbi Morthens að það séu alvarlegri vandamál en álversframkvæmdir hér á landi, svo sem fátækt og atvinnuleysi, og gagnrýnir svo Björk og Sigur Rós fyrir að halda ekki tónleika gegn fátækt. Þetta er eflaust algengt viðhorf hér á landi. 

En málið er ekki svo einfallt að það sé annað hvort um að velja fátækt eða álver, atvinnuleysi eða álver. Álfyrirtækin eru hluti af kapítalísku hagkerfi sem byggist á því að einhverjir græði á meðan aðrir tapi. Starf í álveri getur mögulega haldið uppi fjölskyldu hér á landi en á sama tíma leitt af sér hörmungar annars staðar í heiminum. Að afneita þeim afleiðingum og horfa algjörlega framhjá þeim er eigingirni. Skiptir það engu máli hvaðan peningar koma, hver græðir á hverju? Ef svo er, getum við þá ekki allt eins reist vopnaverksmiðju og barnknúna saumastofu hér á landi? 

Í bæklingnum segir einnig að eina raunverulega leiðin til að draga úr losun gróðurhúsalottegunda og annarar mengunnar sé ,,að menn dragi sjálfir úr notkun á tækjum og efnum sem stuðla að menguninni, svo sem plasti, stáli, áli o.s.frv. Á meðan eftirspurn eftir áli heldur áfram að vaxa þarf að reisa ný álver einhvers staðar í heiminum.” 

Það er auðvelt fyrir iðnað sem stendur fyrir eins mikilli eyðileggingu og áliðnaðurinn gerir, að reyna að höfða til persónulegrar neyslu fólks og kenna henni um þau umhverfisspjöll sem alþjóðakapítalismi leiðir af sér. Það er alveg rétt að einstaklingar geta auðveldlega dregið verulega úr neyslu sinni en þessi fullyrðing Norðuráls er samt sem áður útúrsnúningur. Fyrirtækið setur sig í spor einhvers konar góðgerðarhóps, sem bara svarar kalli almennings; ,,Á meðan þið þið biðjið um ál…framleiðum við það!” 

Ál er nú lofað og upphrópað sem einhvers konar galdralausn við umhverfisvandamálum. Álfyrirtækin boða engar raunverulegar breytingar, ekkert róttækt neyslustopp, heldur sömu neyslu í sama magni… bara allt úr áli. Jakob Björnsson, fyrrverandi orkumálastjóri, skrifaði fyrir ekki svo löngu síðan grein í Morgunblaðið, þar sem hann talaði fyrir hönd íslensku þjóðarinnar og sagðist ekki vera tilbúinn til að slaka á þeim lífsgæðum sem við búum við. Fyrir utan það að hann hefur auðvitað enga heimild til þess að tala fyrir hönd 300.000 manns, er það alveg ljóst að ef lífsgæði okkar stuðla að fátækt og umhverfisraski annars staðar í heiminum, er það ekki okkar einka ákvörðun hvort við slökum á eða aukum þessi svokölluðu ‘lífsgæði’. 

Það þarf að beina augunum frá íslenskum neytendum, að þeim sem álframleiðslan skaðar? Norðurál ætti að tala þá íbúa Jamaíka sem hafa misst land sitt, heilsu og drykkjarvatn vegna álframleiðslu; innfædda í Orissa héraðinu á Indlandi þar sem menningarleg þjóðarmorð eiga sér stað; fórnarlömb stríðsrekstur sem að stórum hluta til er drifinn áfram að álframleiðslu. Norðurál ætti að spyrja þetta fólk hvort þeim sé sama - hvort þau gefi samþykki á ‘græna og hreina’ álframleiðslu á Íslandi.

 

Fjölmenni á Saving Iceland fundi

Hvað þýðir þetta?

Töluvert miklar umræður hafa verið í netheimum í dag áður en þessi tilkynning kom frá skrifstofu forsetans. Þar á meðal á mínu bloggi. Hvet ég fólk til að lesa það ásamt fjölmörgum öðrum greinum sem hafa birst á netinu í dag. 

Samkvæmt þeim upplýsingum um ástand mála í Kína, finnst manni forkastanlegt að Ólafur Ragnar ætli að sína sig þarna. Með því er hann að góðkenni þann hroða sem hefur átt sér stað í aðdraganda þessara ólympíuleika.

Ég er ekki á móti því að íþróttamenn keppi á íþróttahátíðum og hef fullan skilning á því að með því að fara er draumur margra að rætast sem ef til vill hefur blásið þeim keppnismóð í brjóst um langa hríð. 

Mér finnst svolítið skringilegt samt að hið íslenska ólympíusamband sem Ólafur er verndari hafi látið íþróttafólkið skrifa upp á samning þar sem íþróttafólkinu er gert að tjá sig ekki á einn eða annan hátt um pólitík. Þá er fokinn sá draumur um að okkar fólk þori að sýna smá mótspyrnu þegar það tekur við öllum medalíunum. 

Ég skora á íslenska íþróttafólkið að verða sér út um upplýsingar um mannréttindabrot sem hafa verið framin í nafni þessara íþróttahátíðar og taka svo laumulega ákvörðun um að pönkast smá;) gera eitt T fyrir Tíbet í beinni með höndunum. 

Ég skora líka á Ólaf að endurskoða hug sinn gagnvart þessu boði. Hann hlýtur í það minnsta að geta farið fram á eitthvað smáræði eins og til dæmis að geðfötluðum verði heimilt að mæta á ólympíuleikana. 

Forseti Íslands til Kína

Allir hinir sem eru líka óvelkomnir

Sá á dögunum lista yfir þá sem ekki eru velkomnir á Ólympíuleikana, en ég finn hann ekki núna, man að þeir sem fá ekki að mæta eru auðvitað Tíbetar, meðlimir Falun Gong, kínverskir múslímar, geðfatlaðir, fólk með AIDS, fólk með kynsjúkdóma, hórur, aðgerðasinnar, fólk sem hefur gagnrýnt kínversk yfirvöld, þá eru jafnframt lagðar hömlur á hvaða fréttamenn fá aðgang, en hey þú mátt taka með þér eitt gæludýr en mælt er með því að skilja smábörn eftir heima. 

Þú mátt eiga von á því að vera sendur heim ef þú ert með bol með þér sem hugsanlega mögulega gæti verið pólitískur eða appelsínugulur. Þá er víst betra að taka ekki með sér upplýsingar úr landi sem flokkast gætu sem kínverskar trúnaðarupplýsingar um land og þjóð, þessar upplýsingar gætu verið: hve margir misstu vinnu í gær, hve margar konur vinna í þessari verksmiðju, eða eitthvað álíka torskilið. Ef þú ert svo óheppinn að gera eitthvað sem er bannað, sem er æði margt þá er næsta víst að enginn lögmaður vilji verja þig. Þeir sem hafa tekið að sér að verja til dæmis Tíbeta fá ekki endurnýjuð leyfin sín.

En þetta er ekki neitt miðað við það harðræði sem fólkið í Peking hefur þurft að þola út af undirbúning ólympíuleikana. Hér eru nokkur dæmi: Hús hafa verið rudd úr vegi, svo hægt sé að byggja ólympíuþorp og keppnishallir. Fólkið sem bjó þar hefur verið þvingað til að yfirgefa heimili sín og ekki fengið neinar bætur. Margir hafa flúið Peking vegna þess að þeim er bannað að hafa veitingahús sín opin eða stunda aðra vinnu sem fellur ekki að smekk yfirvalda og gæti skaðað þá nútíma ímynd sem yfirvöld vilja að heimurinn hafi af þeim. Fólk hefur sætt pyntingum eða sett í fangelsi fyrir að mótmæla því að heimili þeirra séu tekin af þeim. Heimilislaust fólk, Tíbetar, Falun Gong meðlimir, gagnrýnendur harðstjórnarinnar eru annað hvort sent út fyrir borgarmörk eða úr landi. 

Geðfatlaðir óvelkomnir á Ólympíuleikana

Fréttatilkynning frá Saving Iceland

Alltaf gott að fá ítarefni og gott væri ef fólk myndi nú lesa alla greinina áður en það tjáir sig:)

Ég vil hvetja fólk til að lesa blogg hjá Evu Hauks undir yfirskriftinni: Þetta er bara ekki rétta aðferðin:  http://sapuopera.blog.is/blog/sapuopera/entry/595663/

GRUNDARTANGI – Rétt í þessu lokuðu 20 manns frá Saving Iceland hreyfingunni, umferð til og frá álveri Norðuráls/Century og verksmiðju Íslenska Járnblendifélagsins (Elkem) í Hvalfirði. Fólkið hefur læst sig saman í gegnum rör og þannig skapað mennskan vegtálma. ,,Við mótmælum umhverfistengdum og heilsufarslegum afleiðingum námugraftar og súrálsframleiðslu Century á Jamaíka og áætlunum fyrirtækisins um nýtt álver og súrálsverksmiðju í Vestur Kongó. Fyrirhugaðar stækkanir Norðuráls og Elkem hér á landi munu leiða af sér eyðileggingu einstakra jarðitasvæða og einnig hafa í för með sér losun gífurlegs magns gróðurhúsalofttegunda" segir Miriam Rose frá Saving Iceland (1).

Century í Vestur Kongó
Árið 2007 skrifaði Century undir viljayfirlýsingu við ríkisstjórn Vestur Kongó um byggingu álvers, súrálsverksmiðju og báxítnámu þar í landi (2). Starfsemin verður keyrð áfram af gasi og krefst 500 MW af rafmagni. Century skoðar nú hvar hentugast er að staðsetja báxít-námuna og hyggst hefja byggingu álversins eins fljótt og auðið er (3).

,,Við trúum því að Vestur Kongó hafi allt það hráefni sem þarf til að starfrækja álframleiðslu með hagnaði" segir Logan W. Kruger frá Century.

,,Kruger hefur rétt fyrir sér" segir Snorri Páll Jónsson Úlfhildarson frá Saving Iceland. ,,Transparency International segir Vestur Kongó hafa eitt spilltasta stjórnarfar í heiminum. Og það eru einmit þannig ríkisstjórnir sem álfyrirtækin vilja helst stunda viðskipti við…" (4)

,,Það er afar ólíklegt að þeir fátæku muni nokkuð hafa upp úr þessari þróun, en munu þess í stað verða fyrir umhverfislegum áhrifum framkvæmdanna. Tekjur frá olíuframleiðslu hafa ekki skilað sér til þeirra, hvers vegna ætti það að vera eitthvað öðruvísi með báxítið?" segir Snorri.

,,Hvað varðar báxít námurnar í Vestur Kongó, er alveg ljóst að Century hyggst starfrækja stærðarinnar opna námu í líkingu við það sem önnur stórfyrirtæki vilja gera í Orissa á Indlandi og á Jamaíka, Guyana og Guinea" segir Samarendra Das, indverskur rithöfundur og sérfræðingur um áliðnaðinn, en Samarendra mun fjalla um menningarleg þjóðarmorð í tengslum við álframleiðslu á ráðstefnu Saving Iceland í Reykjavíkur Akademíunni næstkomandi Miðvikudag (sjá viðbót A).

,,Alls staðar í heiminum þar sem báxítgröftur fer fram á sér stað samhliða eyðilegging umhverfisins, jafnframt sem lifibrauð fólks og heilsa þess eru tekin af þeim. Fólk búsett á Íslandi þarf að átta sig á því hvaðan báxítið sem álið er framleitt úr, kemur" segir Samarendra.

Century á Jamaíka: umhverfis- og heilsufarsógn
Fyrirtækin St. Ann Bauxite og Kaiser í eigu Century, Alcoa, Rio Tinto-Alcan og Rusal (sem á 1/3 í Century) eiga öll aðild að báxítgreftri á Jamaíka og eru sek um umtalsverða eyðileggingu regnskóga og mengun drykkjarvatns (5,6,7). Century vill nú opna nýja námu og súrálsframleiðslu í samstarfi við kínverska fyrirtækið Minmetals, en hið síðarnefnda er þekkt fyrir fangaknúnar verksmiðjur og alvarleg mannréttindabrot í Kína og annars staðar í heiminum (Sjá viðbót B).

Elkem – Íslenska Járnblendifélagið: Mengunarslys í hverri viku
Íslenska Járnblendifélagið vill nú stækka verksmiðju sína á Grundartanga í Hvarfirði, fyrir frekari framleiðslu á kísiljárni fyrir stáliðnaðinn. Verksmiðjan er nú þegar einn mesti mengunarvaldur hér á landi og losar mest magn gróðurhúsalofttegunda; aukin framleiðsla myndi leiða af sér gífurlega mengunar-aukningu (1). Í Júlí 2007 var sagt frá því að Elkem hafi 'fyrir slysni' losað stærðarinnar mengunarský frá verksmiðju sinni. Samkvæmt fréttinni orsakaðist slysið af mannlegum mistökum og haft var eftir Þórði Magnússyni, talsmanni fyrirtækisins, að sams konar slys gerist nokkrum sinnum í viku. Sigurbjörn Hjaltason, hreppstjóri Kjósahrepps, segir þessi 'slys' yfirleitt eiga sér stað að nóttu til (8).

Um Saving Iceland
Síðasta Laugardag stöðvaði Saving Iceland vinnu í heilan dag á lóð fyrirhugaðs álvers Norðuráls í Helguvík. Sú aðgerð, sem og þessi, er hluti af fjórða sumri beinna aðgerða gegn stóriðju á Íslandi og annars staðar í heiminum. Í júlí 2007 stöðvaði fólk á vegum hópsins einnig vinnu umferð til og frá álverinu á Grundartanga.

Saving Iceland varð til þegar íslenskir umhverfissinnar óskuðu eftir hjálp erlendis frá, til að vernda íslensk öræfi - ein þau síðustu í Evrópu - frá stjóriðju. Rétt eins og Norðurál/Century, vilja Alcoa og Rio Tinto-Alcan nú reisa fleiri álver hér á landi. Til þess þarf að eyðileggja öll virk jarðvarmasvæði á landinu auk þess að reisa virkjanir í hverri stórri jökulá (sjá viðbót C).

Í ár hafa fjórðu aðgerðabúðir Saving Iceland verið settar upp á Hellisheiði, nálægt jarðvarmavirkjun Orkuveitu Reykjavíkur en virkjunina er nú verið að stækka, m.a. til að koma til móts við kröfu Norðuráls um aukna orkuframleiðslu.

Nánari upplýsingar:
 http://www.savingiceland.org
 savingiceland at riseup.net

Viðbætur:
A.) Miðvikudaginn 23. júlí kl. 19:30 stendur Saving Iceland fyrir ráðstefnu þar sem indverski rithöfundurinn og sérfræðingur um álframleiðslunna kemur fram ásamt Andra Snæ Magnasyni rithöfundi. Umfjöllunarefni ráðstefnunnar eru áhrif álframleiðslu á þriðja heiminn auk þess sem hugmyndin um einhvers konar 'hreina og græna' álframleiðslu hér á landi verður brotin á bak aftur. Ráðstefnan fer fram í Reykjavíkur Akademíunni, Hringbraut 121. Þeir sem hafa áhuga á að tala við Samarendra, taka við hann viðtal o.sv.fr. geta haft samband við einn af ofargreindum talsmönnum SI.

B.) Árið 2004 hafði Minmentals í huga að taka yfir kanadíska námufyrirtækið Noranda, en var hafnað árið 2005 vegna alvarlegra áhyggja um mannréttindabrot kínverska fyrirtækisins. Þessi skýrsla segir nánar frá mannréttindabrotum Minmetals:

Dhir, Aaron A. (2006). 'Of Takeovers, Foreign Investment and Human Rights: Unpacking the Noranda-Minmetals Conundrum', Banking and Finance Law Review, 22, 77-104.

C.) Fyrir frekari upplýsingar um áætlaðar stóriðjuframkvæmdir á Íslandi, sjá: http://www.savingiceland.org/sos

Heimildir:
(1) Icelandic Ministry of the Environment (2006). Iceland's fourth national communication on climate change, report to the UNFCCC. http://unfccc.int/resource/docs/natc/isl… [Accessed 20-6-08]
(2) AZ Materials News (2007). Century Aluminium to Build Aluminium Smelter in Republic of Congo. http://www.azom.com/News.asp?NewsID=7734 [Accessed 20-6-08]
(3 ) Afrique en Ligne (2008). Congo to build aluminium smelter in Pointe-Noire. http://www.afriquenligne.fr/news/africa-… [Accessed 20-6-08]
(4) Transparency International (2006). Corruption Perceptions Index 2006. Transparency International, Berlin.
(5) Zadie Neufville, April 6, 2001, 'Bauxite Mining Blamed for Deforestation'. See http://forests.org/archive/samerica/baux…. [Accessed 20-6-08]
(6) Mines and Communities report,'Bauxite Mine Fight Looms in Jamaica's Cockpit Country', 24th October 2006. http://www.minesandcommunities.org/artic…. [Accessed 20-6-08]
(7) Al Jazeera (2008). Environmental damage from mining in Jamaica, June 11, 2008 News. Available through http://www.youtube.com/watch?v=vJa2ftQwf…. [Skoðað 20-6-08]
(8) MBL.is (2007). Reykur frá járnblendiverksmiðjunni Grundartanga. http://mbl.is/mm/frettir/innlent/2007/07… [Skoðað 20-7-08]

Stöðva umferð við Járnblendiverksmiðjuna

Fréttatilkynning frá Saving Iceland

Ég er búin að vera að lesa misvitur komment við þessa aðgerð og ætla því að hvetja fólk til að lesa fréttatilkynninguna frá SI áður en það opinberar vanþekkingu sína. Markmiðið með svona aðgerðum er að vekja athygli á málefninu. Að miðla upplýsingum til almennings, upplýsingum sem fólk á rétt á að vita og myndi væntanlega mynda sér upplýsta skoðun í kjölfarið. Vil minna það fólk sem talar um að henda fólkinu úr landi að það vorum Íslenskir umhverfissinnar sem kölluðu eftir aðstoð erlendis frá vegna þess að við erum jú að kljást við alþjóðafyrirtæki. 

SAVING ICELAND STÖÐVAR VINNU Á LÓÐ NORÐURÁLS Í HELGUVÍK

HELGUVÍK - Snemma í morgun stöðvuðu um 40 einstaklingar frá meira en tíu
löndum, vinnu á fyrirhugaðri álverslóð Norðuráls/Century Aluminum í
Helguvík. Hluti hópsins læsti sig við vinnuvélar og aðrir klifruðu krana.
Aðgerðinni er ætlað að vekja athygli á eyðileggingu jarðhitasvæða á
suð-vestur horni landsins og mannréttinda- og umhverfisbrotum Century í
Afríku og á Jamaíka .

Rétt eins og Century, vilja fleiri álfyrirtæki t.d. Alcoa og Rio
Tinto-Alcan reisa ný álver hér á landi. Verði framkvæmdirnar að veruleika
þarf að virkja hverja jökulá og jarðhitasvæði landsins.

Starfsemi fyrirhugaðs álvers Norðuráls í Helguvík krefst frekari
eyðileggingar á einstökum jarðhitasvæðum á Hellisheiði og Reykjanesi (1).
Framkvæmdir hófust í Júní án þess að heilstætt umhverfismat hafi farið
fram, og þrátt fyrir að fyrirtækið hafi hvorki orðið sér út um alla þá
orku sem álverið þarfnast né þau leyfi sem gera starfsemi þess mögulega,
t.d. leyfi fyrir losun gróðurhúsalofttegunda (2).

Umhverfismatið fyrir álverið í Helguvík var gert af verktakafyrirtækinu
HRV sem hefur tekið þátt í hönnun álvera Alcoa og Norðuráls (3).

‘Það er stórskrýtið að verkfræðistofa sem hefur fjárhagslegra hagsmuna að
gæta varðandi byggingu álversins skuli framkvæma umhverfismatið. Í
skjalinu koma fram furðulegar fullyrðingar, t.d. þegar gert er lítið úr
mengunarþáttum álversins vegna þess hversu vindasamt er í Helguvík' segir
Snorri Páll Jónsson Úlfhildarson frá Saving Iceland.

‘Rétt eins og gerðist í tengslum við byggingu álvers Alcoa Fjarðaráls,
virðist ríkisstjórn Íslands engan áhuga hafa á því að fylgja löglegu og
sanngjörnu ferli. Þess í stað lætur hún eins og framkvæmdin sé
óhjákvæmileg og skapar það ótrúlegt sinnuleysi í samfélaginu. Á sama tíma
hafa mannréttindabrot Century að mestu leyti fengið að vera ósýnileg'
segir Snorri.

Mannréttinda- og umhverfiglæpir
Century er bandarískt fyrirtæki að uppruna en stærsti eigandi þess er hið
ný sameinaða Sviss-Rússneska námufyrirtæki Glencore-RUSAL. Century
Aluminum er viðriðið allmörg verkefni í Afríku og í Karabíska hafinu sem
umhverfis- og mannréttindasamtök berjast gegn.

Á Jamaíka á Century hlut í 4.8 milljón tonna báxít-námu, sem veldur
gífurlegri eyðileggingu regnskóga (4,5,6,7). Fyrirtækið hyggst einnig
reisa aðra námu og súrálsverksmiðju í samstarfi við kínverska fyrirtækið
Minmentals, sem á þátt í fangaknúnum verksmiðjum og ógeðfelldum
mannréttindabrotum í Kína sem og annars staðar í heiminum (8).

Í Febrúar 2007, skrifaði Century undir viljayfirlýsingu við ríkisstjórn
Vestur Kongó um að reisa báxítnámu, súrálsverksmiðju og álver í Pointe
Noire en framkvæmdirnar krefjast 500 MW af orku og verða allar knúnar
áfram af gasi (9).

‘Það er mjög ólíklegt að þeir fátæku græði nokkuð á þessari þróun heldur
munu þess í stað verða fyrir barðinu á umhverfisáhrifunum. Tekjur af olíu
hafa aldrei endað hjá þeim, hvers vegna ætti það að vera eitthvað öðruvísi
með báxítið? Transparency International hefur sagt ríkisstjórn Vestur
Kongó vera eina þá spilltustu í heiminum en það eru einmitt þannig
ríkisstjórnir sem álfyrirtækin vilja helst stunda viðskipti við...' segir
Snorri (10).

‘Fjárhagsleg svik álfyrirtækjanna hafa leitt af sér eyðileggingu efnahags
og umhverfis í ótal löndum, sem bitnar svo á þúsundum borgara. Áður en
framkvæmdirnar hefjast fer alltaf fram löng og kostnaðarsöm áróðursherferð
þar sem nýjum tímum velmegunar er lofað' segir Samarendra Das, indverskur
rithöfundur og sérfræðingur um áliðnaðinn (11). Samarendra mun á næstu
dögum halda fyrirlestra á nokkrum stöðum á landinu, m.a. í Reykjavíkur
Akademíunni þann 23. júlí ásamt Andra Snæ Magnasyni rithöfundi (12).

Nánari upplýsingar:
Snorri Páll Jónsson Úlfhildarson s. 857 3521
Miriam Rose s. 869 3782
Jaap Krater s. 8671493
Netfang: [e-mail]

---

Heimildir:

(1) Skýrsla frá Landvernd, Nóvember 2007, 'Athugasemdir vegna
umhverfisáhrifa orkuöflunar fyrir álver í Helguvík, sbr. frummatsskýrslur
Orkuveitu Reykjavíkur fyrir Bitruvirkjun og virkjun við Hverahlíð.'

(2) Í töflunni hér að neðan segir Skipulagsstofnun frá því hvar Norðurál
hyggst fá orkuna fyrir álverið í Helguvík. Starfsemin þarfnast 435 MW sem
mun koma frá jarðhitasvæðum á Reykjanesi og Hellisheiði. Einnni af
áætluðum jarðvarmavirkjunum, Bitruvirkjun, hefur nú verið slegið á frest
vegna umhverfisáhrifa. Orkumagn á Reykjanesi er ekki á hreinu og
umhverfismat hefur ekki átt sér stað. Árið 2007 var einungis vitað um 60%
af nauðsynlegri orku (sjá heimild 1.) en það var áður en Bitruvirkjun var
slegið á frest.
Fyrir nánari upplýsingar um skort á almennilegu umhverfismati má sjá grein
í The Ecologist, Október 2007, ‘Aluminium Tyrants' eftir by Jaap Krater,
Miriam Rose og Mark Anslow.


(3) HRV, Umhverfismat fyrir álver Norðuráls í Helguvík.
http://savingiceland.puscii.nl/wordpress/wp-content/uploads/2008/07/hrv-helguvik-impact-assessment.pdf

(4) Heimsaíða Century. http://www.centuryca.com/st_ann.html

(5) Zadie Neufville, 6. Apríl 2001, 'Bauxite Mining Blamed for
Deforestation'. Sjá http://forests.org/archive/samerica/bauxmini.htm.

(6) Skýrsla frá Mines and Communities,'Bauxite Mine Fight Looms in
Jamaica's Cockpit Country', 24. Október 2006. Sjá
http://www.minesandcommunities.org/article.php?a=6513.

(7) 'Century Aluminum in Jamaica mining deal', 15. Maí 2006, Silicon
Valley / San Jose Business Journal.

(8) Árið 2004 hafði Minmentals í huga að taka yfir kanadíska
námufyrirtækið Noranda, en var hafnað árið 2005 vegna alvarlegra
athugasemda um mannréttindabrota Minmentals. Þessi skýrsla segir frá
frekari mannréttabrotum fyrirtækisins:

Source: Aaron A. Dhir, 'Of Takeovers, Foreign Investment and Human Rights:
Unpacking the Noranda-Minmetals Conundrum', Banking & Finance Law Review,
Vol. 22, pp. 77-104, 2006.

(9) http://sec.edgar-online.com/2007/03/01/ ... tion11.asp
og http://www.afriquenligne.fr/news/africa ... 83302.html

(10) Transparency International (2006). Corruption Perceptions Index 2006.
Transparency International, Berlin.

(11) Samarendra Das, 'Mining sacred mountains to fuel the war on terror'.
Júní 2008. See
http://savingiceland.puscii.nl/wordpress/wp-content/uploads/2008/07/2008voicesofthewilderness2lowres.pdf

(12) Miðvikudaginn 23. Júlí, kl. 19:30 heldur Saving Iceland ráðstefnu þar
sem indverski rithöfundurinn og sérfræðingur um áliðnaðinn, Samarendra Das
kemur fram ásamt Andra Snæ Magnasyni rithöfundi. Þeir munu að mestu ræða
um hnattrænar afleiðingar álframleiðslu, þá sérstaklega í þriðja heiminum
þar sem báxítgröftur fer fram. Einnig mun goðsögnin um svokallaða ‘græna
og hreina' álframleiðslu hér á landi verða brotin á bak aftur.
Fyrirlesturinn fer fram í Reykjavíkur Akademíunni, Hringbraut 121.

Lögregla ræðir við mótmælendur

Viðrar vel til mótmæla

Fyrir þá sem halda að ég sé hætt að mæta fyrir utan kínverska sendiráðið að Víðimel á laugardögum klukkan 13 skal það upplýst að ég mun gera það uns kröfum mínum er mætt. Kröfurnar eru einfaldar: hleypið alþjóða mannréttindasamtökum sem og fjölmiðlum inn í Tíbet NÚNA.

Allir velkomnir. Það viðrar vel til að hittast og huga að því hvernig við getum gert eitthvað til að vekja athygli á málefnum Tíbets. Síðasta laugardag vorum við fá enda var rigning en núna er svo gott veður að ég trúi ekki öðru en að það verði fleiri sem eru til í að sýna kínverskum yfirvöldum að okkur er ekki sama um þau mannréttindabrot sem framin eru í Tíbet. Þó fjölmiðlar hafi nánast hætt að fjalla um Tíbet, halda voðaverkin áfram að gerast.

Við erum líka að skipuleggja fjáröflun fyrir flóttamannamóttökustöð í Dharmasala. Læt hér fylgja smá upplýsingar um þessa miðstöð.

Móttökustöðin í Dharamsala var opnuð árið 1990 til að bregðast við auknum fjölda nýrra flóttamanna sem flúið höfðu Tíbet til að leita hælis í Indlandi. Stanslaus straumur fólks hefur verið í móttökustöðina frá opnun hennar og fer enn vaxandi. Talið er að um 3000 manneskjur nái að flýja Tíbet á hverju ári. 1/3 flóttafólksins eru börn og unglingar sem koma í 90% tilvika án forráðamanna. Allir eru þeir aðframkomnir af hungri og vosbúð eftir mánaðargöngu yfir hæstu fjöll heimsins. Þá er það fremur algengt að flóttafólkið missi tær, fingur eða fætur vegna frostbita. Móttökustöðin í Dharamsala er mikilvægur áfangi í að takast á við nýtt líf eftir þessa miklu háskaför að ógleymdum ómannúðlegum ástæðum flóttans frá hinu hernumda landi.

Á hverjum degi er móttökustöðin yfirfull af nýkomnum flóttamönnun en þar er þeim veitt húsaskjól, fæði og læknishjálp. Eftir nokkrar vikur í móttökustöðinni er flóttafólkið aðstoðað við að finna sér samastað í einhverja af þeim byggðum sem Tíbetar hafa byggt upp í Indlandi.

Móttökustöðin hjálpar nýkomnum flóttamönnum við að finna sér atvinnu, skóla eða klaustur. Auk þess veitir stöðin þjálfun og fjárhagsaðstoð til þeirra flóttanna sem reyna að koma á stofn eigin fyrirtækjum.

Ein saga af þúsund áþekktra fundin úr dagbók ferðamanns um ferðalag hans til Dharmasala nýverið.

"Ég er nýkomin frá flóttamannamóttökustöðinni þar sem ég tók viðtöl við tvo nýkomna flóttamenn. Snortin af sögu þeirra þvældist ég um göturnar til að fá ferskt loft og yfirsýn. Höfðu þær nýlokið göngu sem tók þær mánuð yfir Himalayafjöllin. Hin 23 ára gamla nunna, Ngima hafði farið vegna þess að hún hafði verið gerð brottræk úr klaustrinu sínu og hafði hún jafnframt verið þvinguð til að leggja kufli sínum vegna þess að hún neitaði að hafna Dalai Lama sem trúarleiðtoga. Svo var það Dadon, hún var bara 12 ára og hafði verið send af foreldrum sínum í þessa ferð svo hún ætti möguleika á að fá menntun á sínu eigin tungumáli, og læra um sögu og menningu sína.

Á meðan á flóttanum stóð, lenti hópurinn þeirra sem samanstóð af 30 flóttafólki í miklum snjóstormi. Ngima þurfti að bera 9 ára gamla stelpu sem hafði byrjað að dragast aftur úr hópnum. En barnið dó á bakinu á Ngima. Án annarra úrræða urðu þau sem eftir lifðu að skilja eftir líkama stúlkunnar sem og fjögurra annarra barna sem létust af vosbúð í snjónum sem náði þeim upp að mitti.

Dadon, eins og flest flóttafólkið gekk yfir fjöllin í tennisskóm, með fátæklegar eigur sínar í pokum. Hún missti allar tærnar sínar vegna frostbita. Þegar ég hitti hana var hún full tilhlökkunar vegna þess að draumur hennar um að fá að hitta Dalai Lama var við það að rætast. Allir flóttamenn sem dveljast í flóttamannamóttökustöðinni fá að hitta hann áður en þeim er komið fyrir í skólum eða klaustrum."

Markmið flóttamannmiðstöðvarinnar er að bjóða upp á ókeypis aðstöðu fyrir nýkomna flóttamenn fyrstu 30 dagana. Margir hafa orðið fyrir hremmingum eftir að þeir komu til Nepal, en maóískir hermenn sitja gjarnan fyrir þeim og stela af þeim því litla sem þau eiga, berja þau og nauðga konum og stúlkum.

Þá er það einnig markmiðið að bjóða upp á fría sjúkra meðhöndlun og endurhæfingu fyrir þá sem hafa verið pyntaðir. Þá er það almenna heilsugæslu og bólusetningar fyrir alla nýja flóttamenn, sér í lagi óléttar konur og ung börn.

Mikilvægt er að hjálpa börnunum að aðlagast og finna skóla fyrir þau sem og fóstur fyrir munaðarleysingja.

Mikið starf er framundan og er gegnumstreymið af flóttafólki stöðugt að aukast. Þessi markmið muni ekki nást að fullu nema með fjárhagsaðstoð velviljað fólks og stofnana. En S.Þ. styrkja flóttamannamiðstöðina en það hrekkur ekki til.

 

  

Tískufyrirbrigðið að vera á móti mótmælum

Ég hef orðið vör við það í kjölfar allra mótmæla sem ég hef tekið þátt í að fólk missir nánast strax drifkraftinn til að halda áfram. Nú er meira en vika síðan síðustu mótmæli voru haldin vegna Paul Ramses og virðist sem málið sé þegar gleymt og grafið. Hvar eru allir þeir sem skrifuðu nöfn sín á undirskriftarlista og mættu á mótmæli í Skuggasundi? Er einhver að hringja í BB eða HG og spyrja þá hvernig framvindan er? Það er ekki á ábyrgð örfárra að viðhalda mannréttindum og lýðræði, það er í höndunum á öllum þeim sem finnst eitthvað athugavert við hvernig því er framfylgt. 

Það er afar hættulegt að gefa frá sér ábyrgðina á þennan hátt. Þeir sárafáu sem eru alltaf að skipuleggja hin og þessi mótmæli eða undirskriftarlista eða upp á komur til að vekja athygli á vanköntum samfélagsins fá ekki laun fyrir það eða umbun og því er maður oft fljótur að brenna upp eða þarf að taka á öðrum aðkallandi málum.

Ég mæli með því að áður en fólk byrjar að tuða um að einhver ætti að gera þetta eða hitt að sá hinn sami spyrji sig, "hvað get ég gert?" Það er nefnilega heilmargt sem fólk getur gert án þess að þurfa einhvern til að segja sér það. Það er mikilvægt að fólk hætti að leita að forystusauðum og finni innra með sér þann kraft og hugrekki til þarf til að hefja aðgerðir gegn því sem miður fer í samfélaginu.

Sem betur fer er fullt af fólki sem gerir eitthvað en það er ekki nóg. Ég kalla eftir aðgerðum frá almenningi sem talar og talar en gerir ekki neitt og grípur fyrsta mögulega tækifæri til að láta afvegaleiða sig með svo blygðunarlausum smjörklípum að manni verður ómótt. Það er bara ömurlegt að horfa upp á fólk ákveða að hætta að styðja einhvern málstað sem brann á þeim út af því að einhver skrifaði nafnlaust bréf til að ófrægja viðkomandi. Hversu djúpt ristir mannúðin ef fólk trúir ekki sinni hjartans sannfæringu, fyrir mér var aldrei spurning um hvort Paul Ramses væri svartur, hvítur, kristinn, múslimi, heiðarlegur eða óheiðarlegur. Krafa okkar var einföld og skýr, við kröfðumst þess að um mál hans yrði fjallað hérlendis þar sem fjölskylda hans er. En svo kom blessað bréfið á vef icenews, og svo fór Björn að tala um evru og skyndilega var harmleikur Ramses fjölskyldunnar lítilsverður miðað við efnahagsástandið og hvort að evra eða dollari væri eina leiðin til að bjarga okkur úr árans andstyggðarkreppunni. 

Ég hef horft upp á svipað ferli trekk í trekk og aldrei vantar afsakanirnar fyrir framkvæmdarleysinu. Það virðist tilgangslaust að mótmæla og eða andmæla eða sýna samstöðu. Meira segja þá má varla nota þetta orð án þess að fólk tengi það við eitthvað ægilega neikvætt. Það er í tísku að vera á móti orðinu mótmæli og oft sagt að með slíkum aðgerðum sé maður að skemma fyrir málstaðnum. Reynt hefur verið að búa til ný orð sem fanga betur Protest en illa gengur að finna slíkt. Var það ekki einhver uppáhalds Íslendingur sem sagði "vér mótmælum allir"? Ég ætla að halda áfram að gera eins og hann og mótmæla ef mér finnst vegið að mannréttindum, náttúru, eða öðrum hjartans málum. Stundum hef ég séð bein áhrif af mótmælum og stundum virðist þetta vera helber tímasóun. En ég vil allavega leggja mitt á vogarskálarnar frekar en að gera ekki neitt og bíða eftir að einhver annar geri það. Ég vil frekar standa fyrir utan kínverska sendiráðið á hverjum laugardegi í góðum félagsskap en horfa á endurtekið efni í sjónvarpinu.

Ef ég veit af því að ísinn er þunnur en lítur út fyrir að vera traustur, ætti ég þá bara að labba í burtu og segja við sjálfa mig að einhver annar setji varúðarskilti?  

 

 

Af hverju gerir hann það ekki sjálfur?

Ég hef alltaf furðað mig á því þegar ég er að mótmæla einhverju eða vekja athygli á óréttlæti af einhverju tagi að það koma alltaf hjarðir af fólki sem spyrja mig, "af hverju mótmælir þú ekki þessu eða hinu?" Ég er loksins komin með rétta svarið fyrir þetta fólk, "af hverju gerir þú það ekki sjálf/ur?"

Finnst alltaf frekar hjárænulegt þegar fólk gagnrýnir aðra fyrir að mótmæla ekki einhverju sem brennur á þeim. Finnst það lélegt taktík til að taka fókusinn af getuleysi sínu í að gera eitthvað í málunum sjálfur.

 

 

Björk ætti frekar að syngja gegn fátækt

Kerti fyrir Tíbet og Styrktartónleikar

Þar sem líður senn að Ólympíuleikunum hafa Vinir Tíbets skipulagt viðburði við upphaf og enda leikanna, til að vekja athygli á málstað Tíbeta og ekki síst sýna samstöðu með þeim á meðan á þeim stendur.

- Sett hefur verið af stað átak um allan heim sem kallast Candle for Tibet ( www.candle4tibet.org ) eða Kerti fyrir Tíbet og munu þá milljónir manns um heim allan kveikja á kertum til að sýna stuðning sinn við Tíbeta og friðsamlega frelsisbaráttu þeirra. Kertagjörningurinn fer fram 7. ágúst kl 21.00 og Vinir Tíbets ætla að taka þátt í þessu með því raða upp kertum í miðbæ Reykjavíkur.
Við hvetjum alla til að taka þátt í þessum viðburði með því að mæta á Lækjartorg og kveikja á kertum með okkur, en þeir sem geta ekki verið með eru hvattir til að taka þátt með því að kveikja á kertum á heimilum sínum eða fyrir utan þau þann 7. ágúst kl 21.00, en þetta er kvöldið fyrir opnunarhátíð Ólympíuleikanna.

- Vinir Tíbets skipuleggja um þessar mundir Styrktartónleika sem haldnir verða þann 24. ágúst í Salnum í Kópavogi. Gestir mega eiga von á frábærri sýningu þar sem landsþekktir listamenn koma fram, með tónlistaratriði, ljóðalestur, gjörninga og ávörp. Við búumst við að allir vinir Tíbets og áhugamenn um málefni þess láti sjá sig þetta kvöld og styrki um leið gott málefni.

 

Allur ágóði tónleikanna rennur til Tibetan Reception Centre í Dharamsala, Indlandi, sem er móttökuskýli og fyrsti áfangastaður fyrir tíbeska flóttamenn sem nýkomnir eru úr lífshættulegri göngu sinni yfir Himalayafjöllin í leit að frelsi og betra lífi utan Tíbets.

 

Þessir viðburðir verða auglýstir betur á næstu dögum og vikum. Vonumst til að sjá sem flesta.

 

Með friðarkveðjum,

Vinir Tíbets