Sýnum samstöðu

1.11.2008 | 09:02

Hvet alla sem ofbjóða þá valdníðslu og spillingu sem við höfum búið við og þurft að horfa upp á síðan þessi neyð brast á að mæta.

Ánægð að sjá að ræðumenn og konur eru úr röðum "þessa" almennings sem alltaf er verið að tala um en lítið hefur fengið tækifæri til að tjá sig. Ég ætla að reyna að komast á undirbúningsfund klukkan 12, fyrir næstu borgarafundi, sem mér fannst alveg stórkostlegt framtak og vil gjarnan leggja lið. Ég mun sennilega stökkva í gönguna um miðbik hennar, hef ekki haft tíma til að búa til fána eða skilti, nema í tölvunni minni á milli verkefna:)

Ég er ánægð að sjá að allir eru að fylkja liði - þjóðin þarf að standa saman, við höfum sýnt í fortíðinni að við getum það. Sýnum í verki að við erum búin að fá nóg. Við höfum engu að tapa. Mótmælin byrja í dag klukkan 14 við Hlemm, gengið verður niður Laugaveg að Austurvelli. Á Austurvelli hefjast mótmælin klukkan 15 með stuttum og snörpum ræðum frá almenningi.

Það eru nokkrir hópar í samfélaginu okkar sem hafa EKKI fengið mikla athygli og mig langar að minna á: atvinnuöryggi verktaka og réttur til bóta, öryrkjar sem búsettir eru erlendis, innflytjendur og ellilífeyrisþegar.

Sá þessa fréttatilkynningu áðan frá Herði:

Frá 11. október kl. hefur hópur fólks staðið fyrir mótmælafundum á Austurvelli vegna ástandsins sem skapast hefur í þjóðfélaginu undir yfirskriftinni "Breiðfylking gegn ástandinu". Hópurinn, sem hefur það markmið að sameina þjóðina og stappa stáli í fólk, hefur fengið til liðs við sig ræðumenn sem víðast að úr þjóðfélaginu og hvatt félagssamtök til að standa saman og mæta á fundina.

Víða eru að myndast hópar sem heimsækja fundina og fulltrúar þeirra ávarpa fundargesti. Einn öflugasti og áhrifaríkasti hópurinn fram til þessa dags kallar sig “Nýja tíma” og hefur sýnt óvenju aðsópsmikla djörfung við að beina almenningi á fundinn á Austurvelli. Nýir tímar munu að þessu sinni safna fólki saman á Hlemmi klukkan 14.00 laugardaginn 1. nóvember og leiða göngu niður Laugaveginn og á fundinn á Austurvelli. Við fögnum því framtaki og styðjum þennan hóp heilshugar.

Á undan fundinum, meðan fólk safnast saman, leikur hljómsveitin KURR

Ræðumenn:
Pétur Tyrfingsson
Lárus Páll Birgisson

Ávörp flytja:
Óskar Ástþórsson, leikskólakennari
Díana Ósk, frá Foreldrahúsi
Ragnhildur G. Guðmundsdóttir, eldri borgari og formaður Mæðrastyrksnefndar

Fundarastjóri: Hörður Torfason

	Efna til mótmæla
Ábyrgðarmaður færslu Tilkynna um óviðeigandi tengingu við frétt

Meginflokkur: Stjórnmál og samfélag | Aukaflokkar: Ferðalög, Vefurinn, Viðskipti og fjármál | Breytt s.d. kl. 09:38 | Facebook

Athugasemdir

Jenný Anna Baldursdóttir, 1.11.2008 kl. 09:51

Verð líka með ykkur í anda, því miður komumst við landsbyggðarfólkið illa á þessa mótmælafundi, bæði getur verið langt og dýrt fyrir okkur að keyra,,,,,,og auðvitað dýrt, þó manni langi sannarlega að vera með. Svo er sagt ja það voru ekki nema 500 manns að mótmælsa fyrir alla þjóðina og haldið að við séum bara sátt í smábæjum okkar út á landi :( en ó nei það er ekki svo og miklar umræður eðlilega

Erna Friðriksdóttir, 1.11.2008 kl. 12:48

Nú er breytinga þörf. Ísland lengi lifi!

Guðmundur Ásgeirsson, 1.11.2008 kl. 13:47

Ég er alveg miður mín að hafa ekki komist. Langaði svo að heyra í þessu fólki og vera með. Er heima í flensu og gat mig hvergi hreyft En þetta er nú langt frá því að vera búið.

Laufey Ólafsdóttir, 1.11.2008 kl. 18:10

Ég er med í anda frá danmørku. Væri meira en til í ad vera med til ad mótmæla. Held líka ad thad gefi fólki andlegan styrk, í stad thess ad sitja heima og gera ekekrt annad en ad klaga, thá er allavega sýnt í verki ad manni finnist thetta ekki í lagi.

Sólveig Kristín Gunnarsdóttir, 1.11.2008 kl. 23:22

Ég held að nú þurfi meira til.

Johann Trast Palmason, 2.11.2008 kl. 07:57

Laufey mín, ég vona að þú náir þér upp úr flensunni sem fyrst... en það er rétt þetta er langt í frá að vera búið.

Hvað heldur þú að þurfi að gera meira Jóhann Þröstur? Ég held að ef það hafi einhverju sinni verið þörf á meiri borgaralegri óhlýðni, þá sé sá tími runninn upp. Hægt að líta á aðferðir Ghandi, þær skiluðu árangri á endanum.

Ég hefði viljað sá miklu fleiri þarna í gær, þó hópurinn hafi vissulega verið stór. Í gær rann kreppan upp með öllum sínum þunga. Fjöldi fólks sem ekki fékk útborgað eða fékk reisupassann hjá sínum fyrirtækjum.

Talað um 7% atvinnuleysi í janúar - vöruskort og sitt hvað sem ætti nú að ýta fólki út í aðgerðir.

Birgitta Jónsdóttir, 2.11.2008 kl. 08:12

þá verðum við bara að vera með borgararalega óhlýðni áður en þeir fá þessar heimildir... byrjum á að henda BB út:) hvar er hægt að finna þessar upplýsingar á mannamáli?

Birgitta Jónsdóttir, 3.11.2008 kl. 07:05

Hvað felst í borgaralegri óhlýðni og hvað felst í refsiverði háttsemi ??? innihaldið er hvað ??? Einhverjar geðþjótar ákvarðanir yfirvalda ??? Nei það lofar ekki góðu ef yfirvaldið ætlar að fara að skipta sér að mótmælendum, þá fer allt fyrst í loft upp, svo ég held að yfirvaldið ætti að halda sér hlé megin, og vera ekki að stugga við mótmælendum, það endar bara á ein veg, þeir eru í nógu miklum skít þó þeir séu ekki að koma sér í meiri skít... mæta svo allir á Austurvöll á laugardaginn.

Sigurveig Eysteins, 4.11.2008 kl. 06:18

Ég náði myndum af hópnum en komst því miður ekki í gönguna alla leið...Ætti kanski að bæta þessum myndum inn á færsluna mína ..passar sennilega með þar..

EF ÞETTA VÆRI Á MIÐÖLDUM ÞÁ VÆRU SKO X AÐILAR Í RÖÐUM Í GAPASTOKK NIÐUR Á AUSTURVELLI!!

Agný, 4.11.2008 kl. 23:57

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst.

Netfang: birgitta@this.is

Tenglar

Nýja Ísland

Ég les:

Tíbet

Fréttir frá Tibet
Tibet Info Net An Independent Information Service on Contemporary Tibet
Undercover in Tibet Ný heimildarmynd frá Channel 4 um hvernig ástandið er í raun og veru í Tíbet
Leaving Fear Behind Viðtöl við Tíbeta í Tíbet stuttu fyrir mótmælin í mars
Cry of the Snow Lion Margverðlaunuð heimildarmynd um Tíbet
Yeti - heimildarmynd
Yogis of Tibet Heimildarmynd um Jógameistara Tíbets sem eru óðum að hverfa
Students for a Free Tibet
Dalai Lama
Tibetan Uprising
Kerti fyrir Tíbet
Tibet TV
Central Tibetan Administration
Om mani padme hum

Ýmsar slóðir

sem ég man eftir í andartakinu

The Hunger Site
THE MEATRIX
Myspace síðan mín
Úgáfan Beyond Borders Alþjóðleg útgáfa sem ég stofnaði árið 1999 í netheimum
Hitt bloggið mitt
Félagið Ísland-Palestína
Womb of Creation Vefurinn minn sem ég hef haldið við síðan 1995
Myspace síðan hennar mömmu
Saving Iceland
Be the change:)
Náttúra vefur með umhverfisvitund
Nattura info
Care 2 make a Difference

Bækur

Bækurnar mínar

Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
Þýddi þessa ásamt Jóni Karli Stefánssyni
don Miguel Ruiz: Lífsreglurnar fjórar - the Four Agreements (ISBN: 9979768835)
Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
Birgitta Jónsdóttir: Dagbók kameljónsins (ISBN: 9979973307)
Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.