Sendið IMF bréf

Bréf sem fjölmargir eru að senda IMF: 

Dear sirs

I, the undersigned citizen of Iceland request that you do not submit the IMF loan to the government of Iceland until it has been investigated who is responsible for the economic collpase of the country and until those found responsible have been removed from all authoritative positions

Warm regards,

XXXX XXXXXXXXXX

Ef ykkur hugnast að senda bréfið þá skaltu skrifa undir og senda það á [e-mail]. Ég hvet alla að senda svona bréf. Réttlætið þarf fram að ganga með góðu eða illu.

Mikil óvissa um Ísland

Fréttaritarinn Björn Bjarna

Rétt skal vera rétt. Eggjum var kastað af einum einstaklingi, það hafði ekkert að gera með skjaldborgarmótmælin á vegum Nýrra tíma. Jón Magnússon sá það sjálfur að þarna var bara einn maður með einn lítinn eggjabakka að fá útrás fyrir reiði sína.

Það er alltaf betra að kanna hvað er að baki slíkum fréttum áður en dregnar eru rangar ályktanir. Ég ætla hvorki að mæla á með eða móti eggjakasti. En vegna þess að ég tók þátt í að koma þessari skjaldborg saman þá finnst mér betra að upplýsa að ekki var kallað eftir eggjakasti né neinu öðru kasti. Þetta voru þögul mótmæli og tilraun til að standa vörð um lýðræðið sem virðist eiginlega vera dautt.

Ég persónulega hefði ekkert á móti því að henda eggjum, steinum, fjöllum í spillingarliðið en eins og kurteis og spéhræddur Íslendingur myndi ég seint láta það eftir mér. 

p.s. fyrst að Björn er svona duglegur fréttaritari, þá gæti hann kannski upplýst okkur um af hverju Rússar vilja lána okkur mest, jafnvel meira en allir hinir samanlagt og af hverju hér eru nærri 30 rússneskir auðmenn að skemmta sér og hafa tekið 101 hótelið hans Jóns Ásgeirs á leigu út af fyrir sig?

p.s. p.s. rússneskir sjónvarpsfréttamenn tjáðu mér að enginn af ráðherraliðinu vildi tala við þá. Lýðræðið okkar fannst þeim vera keimlíkt sínum. 

Eggjum kastað í ráðherrabifreið Björns Bjarnasonardi

Vanhæft fólk

Sagt er að ríkisstjórnir séu spegill þjóðarsálar. Hvað finnst ykkur, er þetta vanhæfa fólk spegillinn ykkar? Enginn tekur á sig ábyrgð - við eigum að taka alla ábyrgðina segja þau með því að láta blóðmjólka okkur enn frekar. 

Róm er að brenna kæra þjóð og það er búið að taka bitið úr sverðum okkar - rétt eins og hjá nývíkingum er berjast af mikilli færni sýndarbardaga. Erum við að gera hið sama, er allt málskrúðið okkar bitlaus sverð. Það er ekkert annað hægt að gera en að brýna sverðin og leggja til atlögu án miskunnar. Sverð okkar eru raddir okkar, sverð okkar eru fjöldi okkar, sverð okkar eru samhæfðar aðgerðir okkar. Það er ekki nóg að brotabrot mæti á laugardögum, það er ekki nóg að blogga, það er ekki nóg að mæta á borgarafundi. Við þurfum að gera eitthvað samhæft og stórt á hverjum degi. Við þurfum að horfast í augu við lygalaupana. Mætum fyrir utan þinghúsið í dag og horfumst í augu við þingheim og krefjumst þess að þau láti hæfara fólki það verk í hendur að reisa landið við. 

Í dag fá spilafíklarnir í yfirstjórn landsins milljónir að láni til að spila krónupóker með sem við eigum að borga, hvort heldur að krónan muni sökkva eða fljóta.

Ég bið ykkur kæra fólk sem þykist hafa vald til að stjórna að fara. Þið eruð svo upptekin af því að hvítþvo ykkur að þið eruð ekki stjórntæk.

6 fundir með seðlabankastjórn

Elsku þjóðin mín ...

... nú verðum við öll sem eitt að hætta að gera ekki neitt.  Hvet alla til að lesa þetta skjal hér og bregðast svo við á viðeigandi hátt: með aðgerð en ekki bara tuði. Þeir sem komast ekki í neðangreinda aðgerð geta skipulagt sínar eigin aðgerðir, þeir geta gert eitthvað í sínu byggðarlagi, þeir geta skrifað ráðamönnum bréf, skrifað greinar í blöð, safnað undirskriftum, búið til áskorun til þingheims að gera eitthvað ellegar eru þau öll jafn samsek þessu hræðilega glæfraspili með framtíð landsins sem er vægast sagt ekki björt ef óráðsían heldur áfram. Við höfum ekki efnislega né andlega efni á fleiri mistökum. 

“Sláum skjaldborg utan um Alþingi”

 

 
mynd Jóhann Þröstur

Vilji okkar er að við högum okkur eins og siðmenntuð þjóð. Að við hröðum rannsókn á þessum grafalvarlegu málum, hugsanlegum lögreglurannsóknum og dómsmálum sem mest má til að þjóðin finni aftur til innri friðar og geti hafið það uppbyggingarstarf, sem framundan er. Ef það gerist ekki mun samfélag okkar bíða varanlega skaða, skaða sem við teljum ósanngjarnan, siðlausan og engan veginn bjóðandi komandi kynslóðum!
 
Við viljum fá að velja fært fólk en ekki flokka fyrir framtíð okkar og afkomenda okkar!
 
Við bendum á rétt okkar að krefjast inngripa af hendi Alþingis sbr. 14. Gr. Stjórnarskrárinnar og 1. grein landslaga, Það þýðir að láta ákveðna ráðherra svara til saka og það tafarlaust.

Við viljum að Ríkisstjórnin víki því strax frá og að hér verði skipuð tímabundin þjóðstjórn til að bjarga því sem bjargað verður.

Fjölmörg ríki hafa sýnt áhuga á að koma okkur til hjálpar en það er óframkvæmanlegt á meðan núverandi ríkisstjórn situr og sýnir engan veginn á sér fararsnið.
 
Botninum er löngu náð, þjóðin sættir sig ekki lengur við lögbrot, lygar, spillinu og falsanir sem eru bornar hér á borð daglega fyrir almenning á Íslandi. Ríkisstjórnin hefur ekki lengur traust okkar, hún starfar ekki lengur í umboði okkar og ekkert réttlætir setu hennar lengur inn veggja Alþingis.
 
Hún verður því að hlýða kalli þjóðarinnar og víkja, afneitun og þrot ráðamanna er gersamlega orðið þjóðinni til háborinnar skammar um allan heim.
 
Íslenskur almenningur, heimili og fyrirtæki glíma við ónýta krónu og grafalvarlegan gjaldeyrisvanda í kjölfar bankahrunsins.
 
Sá vandi leggst ofan á skæða verðbólgu, lækkandi húsnæðisverð, gríðarlega vexti, hækkandi húsnæðislán, kvíða, óöryggi, vaxandi fátækt og félagsleg vandamál.

Flestir þeir, sem kunna að bera ábyrgð á því hvernig komið er, hafa haft sjálfdæmi um að vera áfram við völd, skipuleggja neyðaraðgerðir og móta efnahagsstefnu.

Á sama tíma er Alþingi, löggjafarvaldið og æðsta umboð kjósenda, algerlega óstarfhæft og vanhæft á alla kanta.

Þingmenn úr öllum flokkum kvarta yfir ráðherraræði og upplýsingasvelti, til að mynda fékk stjórnarandstaðan að lesa um þegar frágengna samninga við IMF , líkt og restin af þjóðinni í dagblaðinu DV. Í Úkraínu fær almenningur að vita nákvæmlega allt um lántökuna hjá IMF en ekki við íslendingar, við erum eina þjóðin í heiminum sem fáum ekki að vita neitt sem við eigum samkvæmt
lögum rétt á að fá að vita en hér eru lögin margbrotin daglega á almenningi þessa lands og erlendir ráðamenn eru orðlausir yfir þeirri ósvífni sem okkur er sýnd - daglega, í ofan álag þá flokkumst við sem þjóð undir  það eftirsóknarverða hugtak "að vera lýðræðisríki" sem við erum ekki og við krefjumst þess að lýðræðislegur réttur okkar verði virtur hér og nú, með tilvitnun í íslensk lög og þeim ber að fylgja:

Alþingi getur sótt ráðherra til saka og látið rétta yfir þeim

Það er unnt að gera á grundvelli 14. greinar stjórnarskrárinnar.
Þar segir:

„Ráðherrar bera ábyrgð á stjórnarframkvæmdum öllum.

Ráðherraábyrgð er ákveðin með lögum.

Alþingi getur kært ráðherra fyrir embættisrekstur þeirra.

Landsdómur dæmir þau mál.“

1. gr.

Landsdómur fer með og dæmir mál þau, er Alþingi ákveður að höfða gegn ráðherrum út af embættisrekstri þeirra.


Á grundvelli þessarar greinar stjórnarskrárinnar voru sett lög árið 1963 um ráðherraábyrgð og landsdóm

Sjá lögin í heild sinni á vef alþingis: www.althingi.is

Fyrsta grein laga um landsdóm hljóðar svo:

„Landsdómur fer með og dæmir mál þau, er Alþingi ákveður að höfða gegn ráðherrum út af embættisrekstri þeirra.“

Eftir hrun þriggja stærstu banka þjóðarinnar og gríðarlegt tap þjóðarbúsins, með tilheyrandi rýrnun lífskjara virðast lög um ábyrgð ráðherra frá 1963 auðveldlega geta átt við um störf og gjörðir þeirra nú.

Hirðuleysi ráðherra varðar við lög og þeim ber að fylgja eftir!

Í fyrstu grein laganna segir að ráðherra megi krefja ábyrgðar hafi hann „annaðhvort af ásetningi eða stórkostlegu hirðuleysi farið í bága við stjórnarskrá lýðveldisins, önnur landslög eða að öðru leyti stofnað hagsmunum ríkisins í fyrirsjáanlega hættu“.

Í áttundu grein d-liðar sömu laga segir að það varði ábyrgð ráðherra „ef hann verður þess valdandi að nokkuð það sé ráðið eða framkvæmt er skert getur frelsi eða sjálfsforræði landsins“.

Loks verður ráðherra sekur eftir b-lið 10. greinar sömu laga „ef hann framkvæmir nokkuð eða veldur því að framkvæmt sé nokkuð, er stofnar heill ríkisins í fyrirsjáanlega hættu, þótt ekki sé framkvæmd þessi sérstaklega bönnuð í lögum, svo og ef hann lætur farast fyrir að framkvæma nokkuð það, er afstýrt gat slíkri hættu, eða veldur því, að slík framkvæmd ferst fyrir“.

Í þrettándu grein laganna segir að hafi ráðherra bakað almenningi eða einstaklingi fjártjón með framkvæmd eða vanrækslu, sem refsiverð er samkvæmt lögunum, skal dæma hann til að greiða skaðabætur jafnframt refsingunni.
 
 
Hvetjið alla til að mæta, taka sér hádegishlé og sýna samstöðu  – Þetta eru Friðsamleg Mótmæli!
 
Tökum höndum saman og myndum SKJALDBORG utan um Alþingishús okkar íslendinga klukkan 12:00 á morgun, miðvikudag - þann 19. nóvember.
 
Ríkisstjórnin víki NÚ Þegar!
 
 
www.nyirtimar.com
http://www.facebook.com/inbox/?ref=mb#/event.php?eid=34050269559

Arnór: Áfallið meira hér

Skömm

Það er eina orðið sem ég finn til að lýsa því hvernig mér líður sem Íslending þessa dagana. Kannski finnst þarna líka skömm. Ég skammast mín fyrir að búa í landi þar sem hælisleitendur eru meðhöndlaðir eins og glæpamenn. Ég skammast mín að búa í landi þar sem við hikum ekki við að hlaupast frá okkar eigin manngerðu vandamálum og ætlumst til að önnur lönd taki við okkur sem efnahagslegum flóttamönnum. Höfum við sýnt því erlenda fólki sem hér hefur komið í sömu erindagjörðum virðingu eða mannúð?

Það vita allir svarið við því. 

Ég fór og heimsótti hælisleitendur um daginn og ég fór heim með svo mikla hryggð í hjartanu, því vonleysi mannanna þar um að fá réttláta meðferð hér var algert. Margir hafa verið hér árum saman í heljargreipum óvissu um örlög sín. Nú er íslenska þjóðin að upplifa mikla óvissu um örlög sín, því ættum við að geta fundið þann stað í hjarta okkar sem skilgreindur er sem samhygð og við ættum að sýna fólkinu sem hefur búið hér í ótta og smán vinarbragð og krefjast þess að það fái tækifæri á að hefja nýtt líf þar sem það þarf ekki að óttast pyntingar og hryllilegan dauðadaga. 

Ég styð þessa friðsamlegu leið Mehdi Kavyan til að fá athygli á þeirri ómennsku sem hann þarf að búa við hér og vildi með sanni að ég gæti gert eitthvað til að hjálpa honum og þessum örfáu manneskjum sem hér hafa sótt um hæli til að fá að vera hluti af samfélaginu okkar. Sendi þessu hugrakka fólki birtu og samkennd. En það er ekki nóg. Hvað get ég gert meira?

Vill frekar deyja en snúa aftur

Fasistalandið mitt

Samkvæmt skilgreiningum á fasisma - þá er næsta ljóst að við búum ekki við lýðræði heldur fasisma. Það sem er kannski ömurlegast við þetta alltsaman að það tókst að koma honum á, án þess að beina byssum að þjóðinni. Við létum plata okkur svo rækilega að við samþykktum skilyrðislaust vef sifjaspella á milli ríkisvalds og atvinnulífs sem er svo þéttriðinn og náin að útkoman er eitthver sá versti óskapnaður sem sögur fara af í hinum vestræna heimi.

Fólk saurgar nafn lýðræðis með því að halda því fram að við búum við slíkt stjórnarfar.

Merkilegt nokk þá er DV eina blaðið sem er að stunda rannsóknar og skúbb blaðamennsku sem snúast um eitthvað er varðar þjóðarhagsmuni og upplýsir almenning um hvað leynist handan við málskrúðið. Það er virðingavert.

ef þið googlið define:Fascism er þetta fyrsta línan sem kemur upp: A philosophy or system of government that is marked by stringent social and economic control, a strong, centralized government usually ...

DV birtir yfirlýsingu stjórnvalda til IMF

Lygahringrás

Það er góð og gild regla að ljúga ekki, það getur verið snúið að ljúga mikið, því það er erfitt að halda utan um alla lygaþræðina og muna hverjum maður laug að. Nú er búið að ljúga svo mikið af þjóðinni að ráðamenn eru komnir í margfalda lygahringi. Það er nánast ómögulegt fyrir almenning að fylgjast með þessum lygaþráðum án þess að missa augun af rauða þræðinum sem mætti kalla almannahagsmuni.

Ég sé eiginlega bara sérhagsmunagæslu og valdasjúkt fólk sem hefur framið landráð. Af hverju var ICESAVE málið ekki tekið fyrir á alþingi. Ég mæli með því að alþingismenn labbi út í dag í mótmælaskyni. Mér finnst ansi innantómt hjá þingmönnum að kvarta og kveina yfir því að fá ekki að taka þátt í lýðræðinu en vera svo ekki tilbúið að gera eitthvað róttækt til að breyta ástandinu. Ef þið hafið ekkert að gera - leggið þá niður vinnu, farið í verkfall, hættið að kóa með ástandinu. 

Það verður aftur borgarafundir haldinn og hann verður á Nasa í kvöld klukkan 20. Þá fær maður kannski tækifæri að spyrja eða fá einhver skýrari svör. Hér er fréttatilkynningin: 

OPINN BORGARAFUNDUR #3 á NASA við Austurvöll, mánudaginn 17. nóvember klukkan 20:00.

Í pallborði verða ritstjórar og fréttastjórar helstu fjölmiðla landsins, auk fulltrúa frá Blaðamannafélagi Íslands.

Hvetjum ríkisstjórn Íslands og alla alþingismenn til að mæta á svæðið, hlusta á sína kjósendur og vera með í umræðunni. Hvetjum ennfremur alla fjölmiðlamenn og konur til að mæta og taka þátt.
 
Til hvers?
- Til að hinn almenni borgari geti komið hugmyndum sínum og skoðunum á framfæri á óvissutímum.

- Öllum stjórnmálamönnum, seðlabankastjórum, bankastjórum, fréttastjórum og öðru fjölmiðlafólki er boðið að mæta til að svara spurningum Íslendinga, milliliðalaust.
 
- Til að almenningur fái skýr skilaboð og sé ekki hafður útundan í umræðunni.
 
- Til að leita spurninga og svara um efnahagsástandið.
 
Fyrirkomulag:
Fjórir frummælendur hefja umræðuna (5 mínútur hver):

Irma Erlingsdóttir, bókmenntafræðingur
Eggert Briem, stærðfræðingur
Björg Eva Erlendsdóttir, blaðamaður
Davíð A. Stefánsson, bókmenntafræðingur

Þegar frummælendur hafa lokið máli sínu er orðið gefið laust og hver sem vill fær tvær mínútur til að tjá sig úr sal eða spyrja þátttakendur í pallborði spurninga.
 
Fundarstjórn og tímavarsla verður sem fyrr tekin föstum tökum í nafni lýðræðislegrar umræðu.

Sýnum stuðning með þátttöku – spyrjum og heimtum svör – látum í okkur heyra.
 

 

Icesave-deilan leyst

Hvað er verið að fela?

Í Ungverjalandi og í Úkraínu var fjallað um skilmála IMF láns þeirra á þinginu. Af hverju ekki hér? Hvað er verið að fela? Af hverju er ekki lýðræðislega fjallað um skilyrði lánsins hér - nú  er næsta víst að allir sem vilja getað hjá IMF séð skilmálana. Af hverju er þess krafist að við fáum ekkert að vita? Ef það er skilyrði frá sjóðnum þá finnst mér það afar ólýðræðislegt og geræðislegt.

Annars þá var ég sammála Andra Snæ í gær þegar hann sagði að það væri ef til vill mikið vinabragð þjóða þeirra sem valdaklíkan hér hefur leitað til að veita þeim ekki lán. Fólk í hinum stóra heimi skilur ekki af hverju allt spillingarsettið er enn við völd. Ég skil það ekki heldur og finnst eins og það sé verið að vonast til að allt sjóði upp úr hér nema að valdhafar séu svo þjáðir af hubris syndrome að þeim sé fyrirmunað að sjá þann skaða sem þeir hafa tekið þátt í að skapa.

Lánsumsókn Íslands hjá IMF afgreidd á miðvikudag

Töfralausnir ekki til

Ég hef tekið eftir því að nánast sama við hvern ég tala, að það er alltaf sama viðkvæðið: við treystum ekki núverandi flokkakerfi og það á jafnt við það gamla sem og hið nýja flokka sem munu vafalaust spretta upp eins og gorkúlur á næstu misserum. Það er bara þannig að núverandi kerfi er handónýtt og við ættum að taka það eins og aðrar gatslitnar tuskur og henda því í ruslið. Byrja að vefa nýjan klút og kalla hann íslensku leiðina og þora að horfast í augu við, að þetta bananalýðræði, sem við búum við, bjuggum við sjálf til með sofandahætti og einskærri leti. En rétt eins og við bjuggum til þennan óskapnað getum við tekið hann í sundur, enda úldinn og fúinn og morandi í bakteríum spillingar. 

Ég hef verið þessarar skoðunar á mörg ár og hlotið nokkra vandlætingu fyrir, en það er aukaatriði. Ef maður leyfir sér að hlusta á þann merkilega hlut sem oft er kenndur við innsæi, kemur í ljós að maður hefur yfirleitt rétt fyrir sér. Því ætti maður kannski að vera duglegri að þora að láta í sér heyra ef maður sér að eitthvað er meira en lítið skringilegt og rangátt,  þó svo að það kalli á tilraunir til mannorðsmorðs eða aðhláturs: litli fávitinn: betra er að vera fáviti en í náhirðinni.

Þær raddir gerast sífellt háværari um að ríkistjórnin segi af sér og sú aðstoð sem við erum ekki að fá og bíðum eftir komi, mun ekki koma, nema að einhver sæti ábyrgð í stjórnsýslunni. Mér finnst ekkert vit í því að láta bara einn eða tvo hverfa, það væri heiðarlegast og stórmannlegast ef fólkið sem nú er við völd sýni okkur í verki að við búum við lýðræði en ekki einræði og segi af sér. 

Reynt hefur verið að hræða fólk um að ofan á allt saman þolum við ekki stjórnarkreppu? Ég get ekki betur séð en að hér ríki stjórnarkreppa. 

Mér sýnist ISG vera komin með ESB jafn mikið á heilann og hún var með öryggisráðið á heilanum. Það kemst ekkert annað að. Eðlilegast væri að við fengjum að kjósa um hvort að við förum í aðildarviðræður. Kosningar um slíkar ákvarðanir kalla eftir opinni umræðu og fræðslu. Ég veit ekki hvort að ég vilji eða vilji ekki fara í ESB. Ég hef hreinlega ekki nægilega þekkingu á þessu, veit ekki nægilega vel hverjir kostir þess og gallar eru. Ég kalla því eftir kosningu um það svo ég geti fengið vonandi á mannamáli þessar upplýsingar til að vega og meta með innsæi mínu. 

Ég hef heimildir fyrir því, að þegar við gengum í EES, frá prentsmiðjunni sem sá um að prenta allar upplýsingarnar sem útskýrðu í þaula kosti og galla og hvað það allt innibar, að enginn náði sér í allt lesefnið nema Hjörleifur Guttormsson. Þannig að gengið var til þeirrar aðildar án þess að þingheimur upplýsti sig eða þjóðina. Það er afar alvarlegt mál. Það er EKKI lýðræðislegt. Ég kýs ekki til að láta taka frá mér valdið sem felst í því að vera upplýstur. En við höfum verið deyfð og týnd í góðæri sem aldrei var raunverulegt, því góðæri á ekki að snúast um að fá meira veð í vinnu okkar, lán kalla á veð í framtíðarvinnu okkar. Góðærið byggðist á myntkörfulánum og verðtryggðum lánum.

Það eru engar töfralausnir til á þeim vandamálum sem við stöndum frammi fyrir. En það er einlæg krafa að fá að vita nákvæmlega hvað við stöndum frammi fyrir. Það er almenningur ekki að fá og þess vegna er almenningur reiður og óttasleginn.

Að þurfa að hlusta á einræðisherra og kvendi halda því fram að það sjái ekki ástæðu til þess að hér verði efnt til kosninga sýnir fádæma valdahroka og almenningur upplifir það þannig að enginn leið er að losna við skemmdarvargana nema með handafli. Það er hættuleg og óþörf staða. 

ISG og Geir sýnið nú í verki að þið metið þjóðarhag ofar ykkar hagsmunum og meitluðu skoðunum. Látið okkur fá lýðræðið til baka annars er næsta ljóst að við verðum að taka það til baka.

Við erum valdið - ekki þið

Við erum ríkið - ekki þið

Við erum fólkið 

Ást og virðing

Birgitta

Framfaraflokkurinn stofnaður á næstu dögum

Skjaldborg um Alþingishús OKKAR!

Ég ætla að taka þátt í þessari aðgerð - þurfum að láta þingheim vita að við erum ekki sátt við þá þögn og spillingu sem þar ræður ríkjum...

Friðsamleg Mótmæli við Alþingishúsið klukkan á morgun !

"Sláum skjaldborg utan um Alþingishús okkar Íslendinga"

Tökum höndum saman og myndum SKJALDBORG utan um Alþingishúsið

klukkan 12:00 á morgun, miðvikudag - 12. nóvember

Ríkisstjórnin víki Nú Þegar!

Fékk eftirfarandi í pósthólfið mitt í morgunn:

"Nú rétt í þessu voru að berast ábendingar frá OECD að ef að Ríkisstjórnin víki ekki frá nú þegar sé staða okkar sú skelfilegasta sem menn hafa séð gerast í vestrænu ríki síðan í seinni heimstyrjöldinni!

Núna sem aldrei fyrr verðum við að standa saman og láta allan heiminn vita af því að við íslendingar látum ekki bjóða okkur meir en komið er af skelfilegum atburðum sem einkennast af spillingu, valdagræðgi og hroka yfirvalda sem hafa sett okkur út á kaldan klaka og er nú mest umhugað að bjarga eigin skinni en ekki hagsmunum hins almenna íslendings. Viljum við leyfa þeim að halda þessu ÁFRAM? Er ekki komið nóg? Erlend stjórnvöld og stofnanir vilja ekki lána okkur peninga þar sem þeir treysta ekki núverandi Ríkisstjórn. Þetta kostar okkur gífurlegar fjárhæðir með hverri mínútu sem líður og menn vilja ekki víkja vegna ótta við að upp komist um spillinguna sem þeir halda utan um. Hverju höfum við að tapa? Erum ekki nú þegar rúin trausti og orðin gjaldþrota, er það ekki nóg? Eftir hverju erum við að bíða?"

 

Óvanalegt að þingmenn segi af sér

Hvað með alla hina?

Það sem bent er á í bréfinu sem Bjarni skrifaði þó ekki, er það sem fjölmiðlar ættu að einbeita sér að. Að sjálfsögðu er það fréttnæmt að Bjarni segi af sér, enda eitthvað sem margir munu virða við hann um langa hríð. Þetta eru stórfréttir í íslenskri pólitík. Hér sitja menn og konur sem fastast burtséð hve stór brot þeirra eru.

Margir hafa talað um landráð forsætisráðherra, en hann brosir bara og heldur fyrir eyrun og segist ekki ætla að hlusta á okkur sem hann vinnur fyrir. Hér verður ekki kosið. Þó er það augljóst að við erum búin að segja honum upp fyrir löngu, því að landið mun ekki fá neina aðstoð að utan nema við losum okkur við toppana. Hver vill lána brennuvörgum?

Svo veruleikafirrt er þetta sjónspil að dregnar eru upp eldgamlar skoðanakannanir sem eiga að segja okkur að hann njóti 50 og eitthvað % fylgis. 

Ég hef vitað lengi hve undarlegar áherslur eru hér í fjölmiðlaumfjöllun og aðeins við ritstjóra að sakast. Af hverju skrifuðu þeir ekki í fyrirsagnir: "Úreltar skoðanakannanir sýna stuðning við Geir" í stað "Ríflega helmingur ánægður með Geir"? 

 

 

Bjarni segir af sér

Ættartré ríkisvalds og bankabákns

Kæri bloggheimur

Í bígerð er að útbúa ættartré nokkuð - þar sem tengsl ríkisvaldsins eru rakin á myndrænan hátt við einkavinavæðinguna. Óska eftir upplýsingum um slík tengsl - fyrsta tréð mun fyrst og fremst fjalla um banka- og ráðherratengsl. En allar upplýsingar eru vel þegnar um tengsl almennt frá ríkisvaldi inn í einkageira. Hægt að senda mér þessar upplýsingar á netfangið: [e-mail]

Hef verið þögul á blogginu undanfarið - en hef verið að sinna mínum borgaralegu skyldum á annan hátt. Finnst fátt eins mikilvægt núna og að miðla réttum upplýsingum til almennings -mér til mikillar ánægju hefur netið sannað ágæti sitt - en þar fær maður þær upplýsingar sem maður þarf en ekki í íslenskum fjölmiðlum. Margir bloggarar hafa verið ötulir við að miðla réttum upplýsingum og það eina sem vantar upp á vegna þess að magnið af upplýsingum er svo mikið er staður sem helstu punktar eru teknir saman. Verið er að þróa slíka upplýsingagátt og mun ég láta ykkur vita þegar hún kemst í loftið.

Fyllum bæinn af fólki!

Sýnum samtakamátt - sýnum samstöðu - ástandið snertir alla - ekki bíða þangað til að það er of seint að gera eitthvað.

Mótmæli á Austurvelli í dag

Fyllum bæinn í dag!

Fékk eftirfarandi bréf í póstinum áðan og hvet ALLA til að lesa það og láta ekki sitt eftir liggja. Þeir sem ekki komast ættu að eyða deginum í að fræða sig um hið raunverulega ástand sem við stöndum frammi fyrir og horfa á Zeitgeist Addendum, Greed Game, End of Money. Elsku besta þjóðin mín - rísið upp úr doðanum og gerið eitthvað - að gera ekki neitt er ekki í boði - þögn og aðgerðaleysi er sama og samþykki. Klukkan 13 verður Borgarafundur í Iðnó - klukkan 15 byrja mótmælin.

En hér er bréfið frá henni Cillu:

Kæru landsmenn!
 
Erlendir fjölmiðlar og stjórnvöld bíða eftir því að Íslendingar rísi upp og taka ábyrgð á því óhugnanlega ástandi sem hefur skapast - mótmæli af krafti og þá eru þeir tilbúnir til að leggja okkur lið en ekki fyrr - Því doði og áhugaleysi landsmanna er þeim algerlega óskiljanlegt fyrirbæri !
 
Norðmenn, Svíar og fleiri hafa lýst því yfir að þeir hafi takamarkaðan áhuga á að hjálpa heilli þjóð sem kýs það að hjálpa sér ekki sjálf.
 
Því verða allir þeir sem ekki eru samþykkir því að þessi hörmungarsaga fái að halda áfram - að sýna samstöðu og mótmæla því ástandi sem er að jarða íslensku þjóðina - núna !
 
En að þeirra mati gildir þögn sama og samþykki !
 
Mótmælin á morgun fara fram á Austurvelli klukkan 15:00 þar sem allir taka saman höndum og slá skjaldborg utan um alþingishús okkar Íslendinga,  hlusta á ræðuhöld og láta umheiminn vita að nú sé okkur virkilega nóg boðið !
 
Oft var þörf en nú en það dauðans alvara að berjast gegn þessu ástandi !
 
Til að láta allan heiminn sjá hvað í okkur býr og hverjir skulu svara til saka fyrir að koma þjóð okkar hálfa leið í gröfina!
 
Ef þjóðin getur fyllt bæinn á menningarnótt þá getur hún það vel núna!
 
Annað er ekki í boði!
 
Baráttukveðja
Sigurlaug Ragnarsdóttir
F.h nýrra tíma - allra landsmanna!

Sameinast gegn Kaupþingi

Opinn borgarafundur á laugardaginn

OPINN BORGARAFUNDUR - um stöðu þjóðarinnar - í Iðnó, laugardaginn 8.nóvember frá 13.00-14.30
 
Til hvers?
- Til að hinn almenni borgari geti komið hugmyndum sínum og skoðunum á framfæri á óvissutímum.
 
- Á síðustu vikum hefur almennum borgurum hvergi gefist kostur á að tjá sig eða spyrja ráðamenn beinna spurninga.
 
- Öllum stjórnmálamönnum, seðlabankastjórum og bankastjórum verður boðið að mæta til að svara spurningum Íslendinga, milliliðalaust.
 
- Til að almenningur fái skýr skilaboð og sé ekki hafður útundan í umræðunni.
 
- Til að leita spurninga og svara um hvað framtíðin ber í skauti sér.
 
Fyrirkomulag
Fundarstjóri verður Gunnar Sigurðsson, leikstjóri.
Fjórir frummælendur hefja umræðuna (5-10 mín hver):

Lilja Mósesdóttir hagfræðingur, Pétur Tyrfingsson sálfræðingur, Ingólfur H. Ingólfsson fjármálaráðgjafi og Halla Gunnarsdóttir blaðamaður

Þegar frummælendur hafa lokið máli sínu er orðið gefið laust og hver sem vill fær tvær mínútur til að tjá sig úr sal eða spyrja spurninga. Svarendum eru gefnar tvær mínútur til þess að svara.
 
Hverjum stjórnmálaflokki verður boðið að hafa einn fulltrúa á sviði til að svara spurningum. Við boðum formenn eða varaformenn eða að þeir sendi sinn fulltrúa og hvetjum sem flesta þingmenn að mæta .

Fundurinn verður festur á myndband til sýninga á netmiðlum og fyrir sjónvarp.Settir verða upp hátalar bæði í forsal og fyrir utan Iðnó

Fundurinn verður tekinn upp af RUV og sendur út Þriðjudaginn 11. nóv kl. 21.00  á Rás 1 í þættinum Í heyranda hljóði sem er í umsjón Ævars Kjartansonar
 
Settur verður fundarritari og tekin saman ályktun í lok fundar ef þurfa þykir.
 
Takmarkaður sætafjöldi – sýnum stuðning með þátttöku – spyrjum og heimtum svör – látum í okkur heyra.
 
F.h. undirbúningshóps: Gunnar Sigurðsson leikstjóri ([e-mail] - s: 897 7694) og Davíð A. Stefánsson bókmenntafræðingur ([e-mail] - s: 864 7200).

Þeir sem vilja skrá sig á póstlista borgarafunda og taka þátt í undirbúningsstarfi geta skráð sig á [e-mail]

Nýbúið er að opna gagnlegan vef fyrir borgarafundina á vefsvæðinu: http://borgarafundur.org þar er hægt að m.a. skrá sig á póstlista, sjá myndskeið frá fyrsta fundinum og leggja inn hugmyndir í hugmyndabankann.

 

	„Það er enga vinnu að hafa“
Ábyrgðarmaður færslu Tenging við þessa frétt hefur verið rofin vegna kvartana.