Hræddar löggur

Þora löggurnar bara að vera með ofbeldi gagnvart ungu fólki og friðarsinnum? Svo virðist vera. Þeir eru augljóslega skíthræddir við bílstjórana eða kannski eru þeir bara sammála þeirra málstað og fara því um þá silkihönskum. 

Ég tek það fram að ég er ekki fylgjandi ofbeldi að neinu tagi, og varð því oft nokkuð brugðið yfir yfirgangi og ofbeldi lögreglu gangvart sammótmælendum mínum í tengslum við Saving Iceland. Það er áhugavert að bera saman ReClaim the Streets Karnivalið, þar sem ungt fólk var skrautlega klætt með tónlist á pallbíl að labba Snorrabraut í fyrra. Ekki fór lögreglan neinum silkihönskum um þessa krakka. Það eru fjölmörg vitni að því hve langt í frá ofsafengin viðbrögð lögreglunnar voru og til upptökur af því. Þau lokuðu aldrei alveg Snorrabraut og fullt af hjáleiðum þarna. Þó fannst lögreglu tilefni til að handtaka fólk, lumbra á því og brjóta rúðu á einum bílnum. Þau voru á leið niður Laugarveg en fengu ekki að halda göngunni áfram. Rökin: þau sóttu ekki um leyfi og fólk kvartaði undan hávaða!

Mig langar til að fólk hugsi sig vel og lengi um af hverju löggan fær sér pulsu með bílstjórnum og í nefið en beitti þetta unga fólk ofbeldi. Mér finnst að þetta eigi bara alls ekki að líðast.

 

Suðurlandavegi lokað á ný

Athugasemdir

[Sigurjón Þórðarson, 23.4.2008 kl. 10:54]

Það má lesa það á milli línanna Birgitta að þú viljir að það verði gætt jafnræðist í valdbeitingu og að það verði tekið fastar á vörubílstjórunum.

[Landi, 23.4.2008 kl. 10:55]

Það verður fróðlegt að sjá hvað almenningur gerir og hvernig hann bregðist við ef lögreglan beitir þesum kylfum og skjöldum,er verið valdið að kalla yfir sig einhverju sem á eftir að verða mun umfangsmeiri og jafnvel harðari aðgerðir almennings.

[Hreiðar Eiríksson (IP-tala skráð) 23.4.2008 kl. 10:56]

Hvort sem um er að ræða friðarsinna, Falun Gong, umhverfisverndarsinna eða bílstjóra þá tel ég það mjög alvarlegt að lögreglu skuli beitt gegn fólki sem er að nýta sér lýðræðislegan rétt sinn til að viðra skoðanir sínar.  Reyndar er þetta bara gert þegar skoðanir almennings fara ekki saman við skoðanir valdhafanna.  Til dæmis voru menn með mótmælaspjöld fjarlægðir af Austurvelli á 17. júní fyrir nokkrum árum.  Þeir máttu ekki tjá skoðanir sem voru andstæðar skoðunum forsætisráðherra.  Þegar forsætisráðherra lauk máli sínu klappaði stór hluti áhorfenda og tjáði þannig skoðun sína á málflutningum.  Enginn þeirra var handtekinn þrátt fyrir tjáningu skoðana.  Jú, af því að menn voru í þessu tilviki að tjá skoðanir sem voru jákvæðar í garð valdhafa

Er ekki kominn tími til þess að landinu sé stjórnað samkvæmt vilja og hagsmunum almennings eins og menn héldu að meiningin væri við lýðvelsisstofnunina.  Á þjóðin að sætta sig endalaust við valdarán stjórnmálaflokkanna sem virðist sífellt vera að festa sig í sessi.

[e-mail]

[Lísa Margrét Kristjánsdóttir (IP-tala skráð) 23.4.2008 kl. 10:56]

Hefur lögreglunni kannski verið falið það vald að brjóta niður tjáningar- og málfrelsi landans. Ég styð bílstjórana heils hugar vegna þess að þeir eru ekki bara að berjast fyrir sig sjálfa heldur alla þá sem þurfa að kaupa bensín á landinu. Ef bensínverð lækkaði þá er aldrei að vita nema flugfargjöld lækkuðu í verði líka. Ég er full aðdáunar á fólki sem gefur sér tíma til þess að mótmæla harðræði og misbeitingu á valdi.. Ekki hef ég haft mig upp af rassinum til að gera nokkurn skapaðan hlut

[Ásgeir Ólafsson (IP-tala skráð) 23.4.2008 kl. 11:20]

Afsakið frönskuna enn  Mikið djöfull eruð þið "gay"  Tómar hippa-mussur og treflar.  Að loka inn og útgönguleiðum úr höfuðborginni er Stórt lögbrot og menn verða ákærðir fyrir hryðjuverk því að þetta eru hryðjuverk í fullum skilning lagana, "aðgerðir sem miðast af að skapa hræðslu og ringulreið og tefla öryggi borgara í hættu" Ég persónulega vona að lögreglan taki af fullum þunga á þessum vörubílstjórum og kæri þá einmitt fyrir HRYÐJUVERK.  Þetta kemur Tjáningar eða málfrelsi ekki baun við, þeir meigja seigja það sem að þeir vilja, tjá sig með öllum mögulegum leiðum enn EKKI skapa hættu og hræðslu meðal almennra borgara.

[Kristján Sveinsson (IP-tala skráð) 23.4.2008 kl. 11:45]

Bifreiðastjórarnir valda óviðkomandi fólki hættu, kostnaði, töfum og  leiðindum með yfirgangi sínum og ofbeldisverkum. Þetta hefur margsinnis sýnt sig. Þeir eru einungis að vekja athygli á sínum þrönga málstað og hann er ekki annar en sá að þeir verða fyrir tekjutapi eins og svo fjöldamargir aðrir vegna hins háa olíuverðs. Það var ekki ríkisstjórn Íslands sem setti verðið á olíufatinu í 118USD. Og skattarnir á eldsneyti eru ekki nema rétt mátulegir. Hvaðan á annars að taka fé til framkvæmda og samfélagsverkefna? Vörubílstjórarnir gætu lagt niður störf í mótmælaskyni. Það er lögleg mótmælaleið ef rétt er að þvi staðið.

Lögreglan á að setja mótmælaaðgerðum bifreiðastjóranna skýr mörk sem miðast við það að mótmælendur fylgi lögum og reglum í aðgerðum sínum. Ella verða þeir að mæta réttarkerfinu. Þetta verður að gerast sem fyrst áður en vitleysan gengur lengra.

K.S.

[Kristín Jónsdóttir (IP-tala skráð) 23.4.2008 kl. 12:00]

Svar til Ásgeirs, sæll mikið óskaplega ert þú vel að þér í orðavali það vilja allir hlusta á mann sem er svona málefnalegur og kurteis og ég fagna því að þú sért ekki Tómur hrokagikkur ,skapbráður og ókurteis dressmannsluri og að lokum óska ég þér velfarnaðar,því sennilega þarftu á því að halda kæri Ásgeir

[Ásgeir Ólafsson (IP-tala skráð) 23.4.2008 kl. 12:16]

Svar til Kristínar, Þakka þér kærlega fyrir það.  Nei nei þú þarft ekkert að óska mér velfarnaðar, ég hef nóg af honum í þessu frábæra ríki sem að við búum í.  "Enn er Dressmanluri" eithvað sem er andstæðan við "hippamussur" og "Trefla" ??

 Ég þarf ekki að loka vegum og skapa hættu til að tjá málfrelsi mitt, ég nota það hérna.

[Kristín Jónsdóttir (IP-tala skráð) 23.4.2008 kl. 14:05]

Sæll Ásgeir ( svar við Dressmannsluri)

Dressmannsluri er maður sem er með límheila skiljist sem!! þeir sem hafa enga eða ekki djúpa persónulega reynslu en bóklega muna jú upplýsingar en hafa engar sjálfsmyndaðar skoðanir og segja mjög gjarnan,,,,,,en það stendur hér og veifa lögum og bókum í andlitið á manni einsog heilagri ritningu fela sig bakvið góð gleraugu með valdamikið skrifborð fyrir framan sig,,,,,gleyma húmanískri nánd eða skilningi klæða sig í jakkaföt og bindi úr Dressmann því það jú  fit the profile.Og það er töff að blogga en skilar ekki eins miklu..............Ég las sem oft áður blogg hjá konu sem á mjög veikt barn nema hvað að hún hafði gert litla stafsetningarvillu,hún var að lýsa vanlíðan sinni og barnsins yfir öllu sem gekk á og gengur á í þeirra lífi nema þar skráir kona sig inn til að benda henni á stafsetningarvilluna og útskýrir hana heilmikið,og hvernig heldur þú að móðirin hafi tekið því ? jamm,,,,í hvaða flokki heldur þú að þessi" klára " íslenskuleiðréttingapúki hafi verið í ?en nóg um það ..............

Vonandi ert þú ekki einn af fjölmörgum Dressmannslurunum Ásgeir því þetta er fólkið okkar sem setur lögin og stjórnar hér öllu á bakvið tjöldin og við hin nögum neglurnar og horfum á,,  verðum svo kolklikk ef einhver dirfist að tefja rammann okkar og þægindahringinn því við viljum ekki fara úr honum.Á meðan aðrir berjast fyrir okkur þá sitjum við hér og körpum um hvað má og má ekki og bið ég því frekar um mussu og trefil ,eða eitthvað allt annað sem virkar betur þú og ég . Kveðja Kristín

[Hreiðar Eiríksson (IP-tala skráð) 23.4.2008 kl. 17:18]

Það er einkennileg árátta að snúa skoðanaskiptum upp í persónulegt skítkast.  Ekki hvað síst þegar sömu aðilar gagnrýna í öðru orðinu mein "lögbrot" við nýtingu vörubifreiðastjóra á tjáningarfrelsi sínu en nota síðan sama tjáningarfrelsið til að ata fólk aur á internetinu og - jú - brjóta með því lög.

Borgaraleg óhlýðni er að mínu mati nauðsynlegt fyrirbæri í lýðræðislegu samfélagi.  Mannréttindi eru grundvöllur lýðræðisins.  Á Íslandi höfum til talið okkur standa vel í mannréttindamálum en svo er ekki í raun.  Í raun ættum við að skammast okkar og laga til hjá okkur áður en við a.m.k. segjum öðrum þjóðum til í mannréttindamálum. 

[Birgitta Jónsdóttir, 23.4.2008 kl. 18:58]

Merkiegt þetta með orð - sumir kjósa að lesa eitthvað á milli lína sem hlýtur að eiga heima í þeirra eigin ranghugmyndum. Af hverju ætti ég að styðja meiri valdníðslu þó ég fordæmi hana á öðrum hópum. Ég bara furða mig á mismunandi viðbrögðum hjá mismunandi samfélagshópum. En því miður þá virðist lögreglan hafa ákveðið að eina lausnin sé að beita tilhæfulausu ofbeldi. Það sem gerðist þarna í dag er skammarlegt og ég fordæmi það.

[Hreiðar Eiríksson (IP-tala skráð) 24.4.2008 kl. 16:16]

Ég er sammála.  Þetta var röng, yfirdrifin og óþörf beiting ofbeldis.  Lögreglan á að þjóna almenningi en ekki ráðast á almenning.