Það er mjög öflugt AA starf á Hrauninu sem og í Hegningarhúsinu

Auðvitað er mikil neysla á þessum stofnunum, en aldrei fyrr né síðar hefur verið eins öflugt AA starf inn á þessum stofnunum. Það hefði alveg mátt koma fram í þessari frétt. Það eru fyrst og fremst fangarnir sjálfir sem standa fyrir þessari vakningu í fangelsum landsins og samkvæmt því sem ég kemst næst þá eru starfsmenn himinlifandi vegna þessa, því fólk í bata er bæði heiðarlegra og ábyrgara á sinni hegðan.

Að sjálfsögðu eru ekki allir fangar í prógrammi, en það er samt tækifæri fyrir alla að snúa blaðinu sínu við, og ekki má gleyma því, þó heimur dópista sé harður, þá eru þetta engir aumingjar sem hafa ákveðið að taka á sínum málum. Hægt að sækja sér stuðning þar ef maður er að farast úr hræðslu gagnvart sínum veikleikum og brestum. En ef maður er með svona hugarfar eins og virðist viðloðandi við þá sem teknir eru í viðtöl hjá fjölmiðlum, þ.e.a.s. fórnarlambshugarfarið þá er næsta víst að illa fari.

Hvernig væri nú að fjölmiðlar taki sig saman í andlitinu og hætti að vera að birta endalaus viðtöl við fólk sem hangir inn í þessu hugarástandi, sumir kalla það paranoju á háu stigi sem fólk fær ef það er í mikilli neyslu. Aðrir kalla það einfaldlega sjálfsvorkunn.

Eitt er það sem gjarnan gleymist í þessu öllu er að fangar á Litla-Hrauni hafa að því virðist ótakmarkaðan aðgang að læknadópi sem fangelsislæknirinn skrifar út á þá. Mig minnir að einn af Breiðavíkurmönnunum hafi látið loka sig í einangrunarklefa til að sleppa undan neyslufreistingum. Fannst það bráðsnjallt hjá honum og sýndi mikinn viljastyrk. Þá var líka ekki eins öflugt AA starf í gangi í fangelsinu og fólk þurfti meira og minna að vera eitt í þessu, en það er bara ekki þannig núna.

Erfitt að vera edrú á Hrauninu

Athugasemdir

[S Laufey Karlsdóttir (IP-tala skráð) 10.1.2008 kl. 08:59]

Vil taka undir með með Birgittu að það sé öflugt AA-starf á hrauninu og líka það að ef maðurinn sem skirfar að hann sé kvíðinn að fara hann þá vil ég benda honum á að ekkert er að óttast ef hann er búin að vera edrú og vera í AA þá getur hann fengið eflaust einhvern AA-félaga til að heimsækja sig einu sinnu í viku og lesa með honum í fræðunum og taka bara einn dag í einu því tíminn mun vera fljótur að líða hafa með sér góðar bækur sem tengjast AA og vera jákvæður frá fyrsta degi og gleyma ekki hvaðan hann kom og hvert hann mun stefna ef hann fer í neyslu aftur.

þakka þér Birgitta fyrir þetta plogg sem vert er að athuga.Það eru eflaust margir sem þurfa afplánundóm, þegar þeir eru búnir að vera edrú í góðan tíma veit að það er ekki auðvellt að fara inn undir þessum kringumstæðum en veit um mann sem var búin að vera edrú um góðan tímasvo varð hann að fara inn vegna dóms, hann sat inn í góðan tíma en notaði þann tíma til að lesa fræðunum og fékk heimsóknir og lappaðu svo út af hrauninu edrú og flottur og er enn í dag og ef eitthvað þá gaf hann hinum góða fyrirmynd.

Svo vil ég bara óska þessum manni velfarnaðar í lífinu og taka bara einn dag í einu og vera jákvæður því áður en hann veit af er hann komin út og edrú og flottur allt undir honum einum komið hvernig hann vill tækla hlutina.

[Kristín Snorradóttir, 10.1.2008 kl. 09:54]

Góður pistill...

því er nú þannig farið að þar sem fíklar eru er dóp, hvort sem er á götunni, í meðferðum eða fangelsum en sem betur fer er líka AA á öllum þessum stöðum, svo þetta er alltaf spurning um val.

[Tryggvi Þórhallsson, 10.1.2008 kl. 13:08]

Eina vandamálið er að afplánun hefst ekki strax.

Hún á að hefjast um leið og dómur fellur.

Það er fáránlegt þegar fíklar sem hafa náð bata eru að taka út refsingar sínar mörgum mánuðum jafnvel árum eftir að dómur fellur.

Fyrir utan það að dómurinn fellur mörgum mánuðum eða jafnvel árum eftir að brot er framið. Það er ekki miklar líkur á að brotamaður tengi refsingu sína við brotið þegar málum er háttað með þessum hætti. 

[Birgitta Jónsdóttir, 10.1.2008 kl. 13:54]

Ég er alveg sammála þér Tryggvi. Hefði verið nær að fjalla um þá brotalöm í kerfinu heldur en að taka það sjónarhorn sem greinilega á að fá fólk til að lesa þessa aumu fréttamennsku.

[Benni (IP-tala skráð) 10.1.2008 kl. 14:05]

Þið eruð nú merii fuglarnir og hafið greinlega enga hugmynd um hvað og hvernig raunveruleg fíkn er. AA er líakra trúarbragði er engin töfralaus sem lagar hlutina.

Ég skil vil greyið mannin sem er að fara á Hraunið. Gerir þú það?

[Birgitta Jónsdóttir, 10.1.2008 kl. 14:50]

Ég hef ágæta innsýn inn í fíkn og allan þann heim. Hefur þú það Benni? Hvað veist þú sem ég veit ekki? En mér líkar ekkert illa að vera fugl. Og ég veit með sanni alls ekki allt. Og þú mátt vel hafa þínar skoðanir.

Ég er reyndar ekki beint hrifin af fangelsum sem slíkum. Hef ekki hitt marga sem hafa orðið að betri mönnum með því að vera geymdir á slíkum stöðum.

[Skaz, 10.1.2008 kl. 22:04]

Fyrst að þetta er orðið að metingi hver kannast mest við fíkn og fíkla ætti ég að skipta mér af? Ja jú kannski, kannast við fíkn, fíkla og ó já hversu vel ég kannast við að hætta og að hjálpa fólki að hætta.

Geymdir.....þarna hittirðu naglann á höfuðið Birgitta. Íslensk fangelsi eru "geymslur" fyrir fólk sem brýtur reglurnar.

Þetta viðhorf um "refsivist" vs "betrunarvist" erum við að laga fangana okkar og segja þeim hvað þeir gerðu rangt og betra þá í von um að þeir bæti ráð sitt eða erum við að reka þá útaf þar sem að þeir passa ekki inní samfélagið og eru bara til ama og eiga engann rétt á spila með okkur "hinum".

Og já AA er trúarbragð að flestu leyti nema nafninu til og "öflugt AA starf" segir ekkert nema að það sé stundað af áhuga af þeim sem stunda það segir ekkert til um hversu margir gera það. Trúarbragðakeimurinn af AA og það að halda sig við reglur er dulítið sem er kaldhæðið og fælir margan manninn frá. 

Jú við erum hér að tala um fólk sem þarna er komið inn vegna þess að það braut reglurnar í fyrsta lagi. Eigum við að ætlast til þess að það geti fylgt reglum um efni sem þeim leið svo, svo vel af og hjálpar deginum að líða?

Sálfræði aðstoð og aðgengi að henni á Hrauninu er djók, starfsfólkið reynir sitt besta en líklegast er auðveldast að benda bara á aðalvandamálið.....peningar, engir það er að segja...