Dregur nær tónleikum og Bergþórulag dagsins

Ég mun fram að minningartónleikum til heiðurs Bergþóru Árnadóttur setja inn nýtt lag á hverjum degi sem verður flutt á tónleikunum inn á bergthora.blog.is. Hvert lag verður bara inni í einn dag í senn, ég set jafnframt inn nafn flytjanda og ljóðið. Hvet alla til að taka frá nokkrar mínútur dag hvern og leggja við hlustir og lesa eitt gott ljóð í kaupbæti:)

Ég er orðin mjög spennt að heyra og sjá dagskránna. Enda alveg frábært samansafn af tónlistarfólki sem mun taka þátt.

Annars er ég líka spennt yfir öðru sem ég hef verið að setja saman. Ég fann alveg frábæra skáldkonu þegar ég var í Níkaragva í fyrra og þegar hún sendi mér handrit af óútgefnu handriti, þá varð ég hreinlega að gefa bókina út. Ég er að leggja lokahönd á uppsetningu bókarinnar en hún verður gefin út í litlu handgerðu upplagi í byrjun febrúar og flest eintökin fara til Níkaragva með skáldkonunni Margréti Lóu sem fer út í þetta sinn til að taka þátt í algerlega ótrúlega sérstakri skáldahátíð þar í landi. Mér finnst alltaf svo mikil gjöf að fá að hjálpa öðru fólki að láta drauma sína rætast:) En bókin hennar Helen Dixon er ein af bestu ljóðabókum sem ég hef verið svo lánsöm að lesa.

Beinar Aðgerðir og Borgaraleg Óhlýðni

Siggi nokkur pönk var að gefa út bókina Beinar Aðgerðir og Borgaraleg Óhlýðni, ætla að tryggja mér eintak, þó svo maður hefur lesið fjölmargar bækur um þessi hluti þá er alltaf gaman að lesa þá í samhengi við okkar sérstæða og gjörspillta samfélag:) Mæli með að þeim sem er nóg boðið í tengslum við valdaránið í borgarstjórn fengju sér þessa bók... Læt tilkynninguna sem ég fékk frá honum fylgja...

"Út er komin ný bók frá Anarkistaútgáfunni Andspyrnu. Hún heitir "Beinar Aðgerðir og Borgaraleg Óhlýðni" og er kynning á friðsamlegum mótmælum, beinum aðgerðum og borgaralegri óhlýðni sem verkfærum almennings til varnar sínu samfélagi. Meðal annars er sagt frá hvernig rannsaka má fyrirtæki, skipuleggja grasrótarhópa og undirbúa aðgerðir, stöðva vinnu, hindra aðgang að afmörkuðum svæðum, fjallað er um mótmælabúðir, réttarstöðu mótmælenda, consensus og kulnun í aktivistahlutverki.

Þessi bók kemur út á réttum tíma, þar sem mikil umræða hefur átt sér stað um náttúru og tilgang mótmælaaðgerða og óflokksbundinnar stjórnmálaþátttöku, sem náði ákveðnu hámarki þegar mótmælendur stöðvuðu fund nýs meirihluta í borgarstjórn í síðustu viku.

Af bókarkápu:Andspyrna við valdbeitingu og óréttlæti er náttúrulegt og eðlilegt ferli í samfélögum manna.  Því erum við ekki að berjast fyrir náttúruna þegar við myndum andspyrnuhópa gegn stóriðju heldur erum við náttúran að svara fyrir sig.  

Við erum heldur ekki beint að berjast fyrir betra samfélagi þegar við myndum hópa sem verja mannréttindi, heldur erum við samfélag að verja sig.  

Bók þessi fjallar um beinar aðgerðir og borgaralega óhlýðni sem verkfæri þeirra sem vilja hafa áhrif í sínu samfélagi en hafa hvorki opinber völd né áhuga á þeim. 

Hér er meðal annars fjallað um og leitað svara við eftirtöldum atriðum: Hver er munurinn á friðsamlegum mótmælum, borgaralegri óhlýðni og beinum aðgerðum? Hverning má stöðva vinnu á afmörkuðum svæðum og gæta eigin öryggis um leið?  Hvernig er gott að standa að skipulagi aðgerða  og aðgerðahópa.  Hvernig geta borgarar myndað þrýstihópa, rannsakað starfsemi fyrirtækja og ef til vill hent rjómatertum í stjórnmálamenn. Er hægt að taka yfir götur og breyta þeim í útivistarsvæði?  

Við getum aldrei myndað hið fullkomna samfélag-en það er rétt að reyna hvað maður getur til þess. 

-Í raun fjallar þessi bók um ábyrgð og hugrekki. 

"Beinar Aðgerðir og Borgaraleg Óhlýðni" er ríkulega skreytt myndum og skýringamyndum. Hún er 100 bls og kostar rétt rúmlega 1000 kr (fer nokkuð eftir mismunandi álagi ólíkra útsölustaða). Hún fæst m.a. í Hljómalind, 12 Tónum, Nexus, Ranimosk og nokkrum verslunum Pennans/Máls og Menningar."

 

Ó, borg, mín borg, söng paradísafuglinn og hló og gelti

Mikið hefur verið rætt um borgarmálin og var ég rétt í þessu að horfa á alveg bráðskemmtilegt Silfur Egils tileinkuðu farsa að hætti Dario Fo. Ég hló miklu mun meira af því sem þar fór fram enn af umdeildum Spaugstofuþætti, sem note bene, mér fannst bara ekkert leiðinlegur, þó þeir hefðu mátt fara mildari höndum um núverandi borgarstjóra. 

Það var með ólíkindum að horfa upp á sumt fólkið sem þarna var, réttlæta það sem undan er gengið. Finnst einmitt það sem Dagur vék að vera afar heilbrigð sýn á þessi mál. Ólafur er notaður sem skjöldur, á meðan aðal átökin ættu að vera á milli xD og xS.

Hvert klúðrið á fætur öðru hefur ungast út eftir valdaránið í vikunni. Ég hef reyndar haft litla trú á því að ég búi við lýðræði undanfarin ár, en hef aldrei áður fengið jafn mikla sönnun á því að ég búi við einveldi. 

Mér fannst sorglegt að fylgjast með fulltrúum Íslandshreyfingarinnar í þessum þætti. Þau virðast alveg jafn áfjáð í völd eins og hinir, sama hve fórnarkostnaðurinn er mikill. Hvað með borgarbúa, hvað með alla borgarstarfsmennina sem þurfa enn einu sinni að byrja upp á nýtt út af síbreytingum sem ekki aðeins núllstilla allt of margt, heldur eru jafnframt afar kostnaðarsöm fyrir okkur. Hvernig er hægt að réttlæta 600 milljónirnar fyrir Laugaveg 4-6, svona stuttu áður en Menntamálaráðherra myndi afgreiða málið. Hvernig er hægt að réttlæta að við fáum ekki að kjósa um nýja borgarstjórn, þegar svo stórt hlutfall borgarbúa vill ekki þetta fólk í þau embætti sem þau hafa tekið sér með glórulausri valdafíkn? Það sem mér finnst kannski alvarlegast enn sem komið er, var að borgarstjórninn setti konu yfir barnaverndarnefnd að henni forspurði og sú hin sama hafði bara alls ekki hug á því embætti. Þetta er einmitt viðkæmasta nefndin og afar mikilvægt að hún sé starfshæf. Þá finnst mér einkennilegt hve mikið er um að sama fólkið sé sett yfir nefndir, en forsenda þess að afgreiða málefni á nefndarfundum er, hefði ég haldið að formaður nefndar sé til staðar. Úff þetta er nú meira ruglið.

Ég finn að ég er óhemju gröm yfir þessu og vildi óska þess að samborgarar mínir leggi nú meira á sig en að tala bara um þetta. Við megum ekki gera þeim þetta valdarán auðvelt. Mér finnst ég eiga rétt á að fá að kjósa og hygg að ég muni senda allavega eitt eða tvö bréf á dag á þessa borgarstjórn og biðja um slíkt.  

Af tónleikum og lífsins gangi

Spennandi tímar framundan í tengslum við minningartónleikana hennar mömmu. Rás 2 ætlar að taka þá upp. Óli Palli sagði að það hefðu verið svo mikil viðbrögð við þættinum hennar Andreu Jóns um mömmu að við værum með allt of lítinn tónleikastað:) Það yljaði mér um hjartarætur að heyra það. Gott að minning hennar lifi, og allra best ef tónlistin hennar lifi... 

Nú er að koma heildarmynd á tónleikana. Við erum næstum því búin að útdeila lögunum á söngvarana, en eigum enn eftir að skera nokkuð niður af lögum, svo þetta verði nú ekki allt of langir tónleikar. Ég er alveg rosalega spennt að sjá hvernig lögin munu lifna við í flutningi annarra. Mamma var nú alltaf frekar nísk á að láta lögin sín í annarra hendur og raddbönd...

Ekki fékk ég ritlaun til að geta unnið að ævisögu mömmu. Ég verð þá bara að bretta upp ermarnar og vinna að henni þegar borgin sefur. Bókin sú arna er að taka á sig mynd í hugarskoti eftir að hafa verið að þaulskoða myndafjöll, bréf og tala við vini hennar og samferðamenn. Ég get alla vega lofað ykkur því að þetta verður ekki eins og nein ævisögubók sem þið hafið áður lesið. Ætla að reyna að hafa hana í þeim anda sem við mamma höfðum talað um áður en hún dó. Fullt af skemmtilegum sögum, myndum og viðtölum bíða þess að verða dregnar saman í einskonar þrívíða lífsbók:) Hún mun verða jafn ríkulega þrædd myndum og skáldsagan mín og ætla ég að láta myndir og orð tvinnast saman helst á hverri síðu.

Ég ætla núna fram að tónleikum að skella lagi dagsins inn í tónhlöðu Bergþóru sem er að finna á blogginu hennar, ásamt ljóði. Þá mun ég tilgreina hvaða söngvari tekur viðkomandi lag á tónleikunum...  

tónhlöðuna er að finna á bergthora.blog.is 

 

Skora á nýja borgarstjórn

að breyta lögunum svo hægt verði að kjósa um nýja borgarstjórn NÚNA. Borgarbúar hafa lýst vantrausti á ykkur og höfða ég til réttlætiskenndar og siðferðisvitundar ykkar. Ef þið gerið það ekki, þá er augljóst að þið hafið ekki áhuga á raunverulegu lýðræði nema þegar ykkur hentar og er slíkt kallað einræði.

Mér finnst það mikill galli á stjórnkerfinu hér að ekki sé hægt að boða til kosninga í miðju kjörtímabili þegar augljóst er vantraust er á annað hvort borgarstjórn eða ríkisstjórn. Það er kominn tími til að hafa þessi lög lýðræðislegri.

 

 

25,9% Reykvíkinga styðja nýjan meirihluta

Nóg boðið - skrifa undir!

NÚ ER OKKUR NÓG BOÐIÐ! Við undirrituð mótmælum þeim vinnubrögðum sem viðhöfð voru við myndun meirihluta Sjálfstæðisflokks og Ólafs F. Magnússonar. Við mótmælum borgarstjóra með 6527 atkvæði á bak við sig sem enginn veit hvort eru til komin vegna Frjálslynda flokksins, málefna hans eða kjörþokka Ólafs sem einstaklings. Hluti þessara atkvæða var augljóslega ætlaður Margréti Sverrisdóttur sem ekki styður nýjan meirihluta Ólafs F. Magnússonar og Sjálfstæðisflokks. Við látum þetta ekki yfir okkur ganga hljóðalaust. GERUM ALLT SEM Í OKKAR VALDI STENDUR TIL AÐ SPYRNA VIÐ FÓTUM OG SÝNA Í VILJA OG VERKI AÐ ÞETTA VILJUM VIÐ EKKI! Til stendur að safna undirskriftum og afhenda nýjum meirihluta á opnum fundi Borgarstjórnar á fimmtudag. Þar sem ekki er "Í BOÐI" að blása til nýrra kosninga er okkur ekki stætt á örðu en að sýna fram á hversu lítinn stuðning þessi meirihluti hefur og hversu lítinn stuðning þessi vinnubrögð hafa! Ef Ólafur vitnar í sín 6527 atkvæði skulum við gera slíkt hið sama - söfnum jafnmörgum undirskriftum!!! Sendið áfram og skrifið undir, http://www.petitiononline.com/nogbodid/

Ingibjörg Sólrún: telur nýjan meirihluta óstarfhæfan

Tryggð

Einu sinni þegar amma var að kvarta yfir því hve afi gat verið erfiður á köflum, spurði ég hana, "af hverju skildir þú ekki bara við hann?" Þá leit hún á mig með furðusvip og sagði, "maður yfirgefur ekki veika vini sína."

Að einhverju leiti finnst mér þetta jaðra við brjálsemi, og samt fannst þér þetta eitthvað svo falleg hugsun og hefur án efa fleytt þeim yfir erfiða hjalla. Hef verið mikið að skoða mátt hugans og hve auðveldlega maður getur fallið í pyttina ef maður heldur sér ekki meðvitaður um hvað hann er mikill bragðarefur: hugurinn.

Ég er mjög hrifin af gömlu fólki. Það mætti auðsýna eldra fólki miklu mun stærri hlutverk og virðingu í samfélagi okkar. Amma hefur alltaf haldið tryggð við afa, þrátt fyrir alla hans bresti og oft á tíðum alveg svakalega undarleg samskipti. Þá var þarna einhver fegurð sem enn er til staðar þó hann sé ekki lengur meðal okkar.

 

Trúnaður

Var að tala við ömmu í gær og við komumst að þeirri niðurstöðu að ef eitthvað virðist hafið algerlega í vaskinn í nútímanum, þá er það trúnaður meðal manna. Þetta er bæði áberandi í samböndum á milli fólks sem virðist gefast upp við fyrsta mótbyr og hið sama má segja á atvinnumarkaði.

Ekkert virðist sjálfsagðara en að slíta samböndum út af hinum smávægilegustu þráhyggjum, þó svo að eftirköstin geti oft verið afar meiðandi í barnafjölskyldum. Oft eru sambandsslit af hinu góða, sér í lagi ef um ofbeldi er að ræða en oft eru ástæðurnar fyrir makaskiptum svo langsóttar og á svo mikilli eigingirni byggðar að meira að segja ég verða hálf kjaftstopp:)

Svo virðist sem nútímamaðurinn sé einskonar rekald sem höndlar afar lítið mótlæti. Flest okkar vandamál hérlendis eru til dæmis svokölluð lúxus vandamál. Við eigum nóg að bíta og brenna og afþreyingin er svo mikil að enginn ætti í raun og veru að þurfa að upplifa þetta tóm sem maður hefur stundum dottið í. En það er sama hve mjög manni langar að flýja sinn innri mann, þá er það hreinlega ekki hægt. Því má segja að fólk noti einmitt streituvalda, sem oft eru tengdir breytingum til að fá um eitthvað annað að hugsa en sjálfan sig. Það er að sumu leiti hið besta mál, en þetta virðist hafa farið út í frekar mikla öfga hér á eyjunni okkar. Breytingar eru oftast af hinu góða og gott verkfæri til að öðlast þroska. En breytingar sem eru eingöngu notaðar sem flóttatæki frá sér sjálfum er innantómar og engum til gagns. 

Heiðarleiki er nátengdur þessu fyrirbæri ístöðuleysis. Orð skulu standa er hugtak sem er algerlega úrelt. Svo í orði sem á borði er að sama skapi búið að glata merkingu sinni. Hef svo oft rekið mig á það að fólk segir eitt og meinar eitthvað allt annað. Svokölluð heiðarleika hentistefna ríkjandi stefna hér, sama hvert maður lítur. Það er í lagi að ljúga smá, stundum!? Hvenær er lygi hvít og hvenær er hún svört. Er ekki lygi alltaf lygi? Það er með ólíkindum hve sannleikurinn er fljótur að snúast í höndunum á fólki og það virðist alveg sama þó fólk sé að tala um ástandið á fjármálamörkuðum eða ástina. 

Ég hef sjálf logið, vegna þess að ég óttast viðbrögð annarra ef ég segi sannleikann, ég hef logið vegna þess að mér finnst vont að viðurkenna að ég hafi gert mistök. En það er ekkert sem réttlætir það. Og mér hefur aldrei liðið vel ef ég hef logið sama hve mikið ég hef reynt að réttlæta það. Lygi og sérhverfa eru einhverjir ömurlegustu mannlegu eiginleikarnir. Að gera slíkt getur kennt manni sitthvað en það þýðir ekki að maður getur ekki orðið fullnuma í því og snúið sér að því að stefna að vægðarlausum heiðarleika. En kannski er heiðarleikinn einmitt eitthvað sem er algerlega afstætt og ekkert okkar hefur sömu mælikvarðana á hvað heiðarleiki er.

Getur maður treyst einhverjum sem ekki treystir sjálfum sér? Getur maður elskað einhvern sem ekki elskar sjálfan sig, án þess að ljúga að sjálfum sér og er maður þá eitthvað skárri?

 

Skemmtilegasta árshátíðin til þessa

Fór á alveg geðveikislega skemmtilega árshátíð í gærkvöldi með Hollywood thema. Ég hló svo mikið að ég er næstum ennþá með hlaupasting. Þetta var árshátíð Alanó og ef eitthvað fólk kann að skemmta sér þá er það fólkið sem var þarna samankomið. 

Maturinn var meiriháttar og ég af öllu fólki dansaði við diskó enda mitt "date" á árshátíðina góðu, að syngja diskóið og er hann svo góður í þeirri iðjan að meira segja ég, forni pönkarinn gat brotið odd af oflæti mínu og sungið hástöfum með og gert heiðarlega tilraun til að skoppa við diskó.

Þrátt fyrir að hafa verið hryggbrotin fyrir réttri viku er ég ákaflega jákvæð og sannfærð um að allt sé eins og það eigi að vera, því alltaf þegar maður horfir á heildarmyndina þá er hún allt öðruvísi en nærmynd nútímans. Lífsins þræðir vefa sig í hin ólíklegustu mynstur og ekkert er sem maður ætlar.

Ég er alltaf að fá efnivið í fleiri bækur. Spurningin er hvenær ég finni tíma til að skrifa þær:)

 

 

 

 

Blessaður karlinn

Þótti nú alltaf svolítið vænt um hann þó ég hefði aldrei hitt hann í persónu. Ég aftur á móti fyrir hönd Hróksins hélt úti undirskrifalista undir yfirskriftinni "Free Bobby" og var vel með á nótunum varðandi allt þetta mál í Japan. Það var farið illa með hann þar og án efa ýtt undir veikindi hans. Gleðilegt að hann fékk að vera hérna hjá okkur smælingjunum undir lokin. Hann átti marga alvöru vini hér.

Bobby Fischer látinn

Lífsins þráður

 

Styrkist strengur

í gagnverki lífsins

 

Vefur hljóm

einum þræði spunninn

sem ofar öllu

er samofinn kennd

sem er í senn

jarðhræring

snjóflygsa

 

Bráðnar inn í mig

hrærir mig til tára

til hláturs

og ég sleppi

öllu sem ég var

til að verða

loks

titrandi strá

á berangri lífsins

í fullkomnu æðruleysi

gagnvart vályndum veðrum

eða blíðum sumarvindum

 

Og þessi þráður

hljómar eins og

hinni hreini tónn

í hamslausu flæði

með hljómagangi lífsins

án mannlegrar hugsunar

án orða

 

Kvika kennda

og heiðskíru

Frumlegasta Nígeríubréfið sem ég hef fengið

Var að fá þetta skemmtilega Nígeríubréf. Hef fengið ansi mörg í gegnum árin vegna þess að tölvupóstfangið mitt er komið til ára sinna. Fékk það árið 1995 og hef haldið því æ síðan. Fæ þar af leiðandi um 500 ruslpósta á dag. Neyðist til að líta snöggt í gegnum síjuna vegna þess að oft slæðast alvöru bréf inn á milli. 

 

From:   [e-mail]

Subject: REIMBURSEMENT PROGRAMME IN FAVOUR OF NIGERIAN SCAM VICTIMS?

Date: 16. janúar 2008 18:52:05 GMT+00:00

Reply-To:   [e-mail]

 

THE BENEFICIARY.

SCAM VICTIMS/$150,000 REIMBURSEMENT.

OUR REF: 10667FV

YOUR REF: 06654

 

ATTENTION,

 

                                 SCAM VICTIMS REIMBURSEMENT PROGRAMME BY U.N/EFCC.

 

We write to bring to your notice as a delegate from the Nigerian Government Reimbursement Committe under the strict supervision of the United Nations to

pay 230 Nigerian 419 scam victims the sum of $150,000 USD (One Hundred and Fifty Thounsand Dollars) each. You are however listed as one of the beneficiaries for these payments. You are expected to get back to us for your immediate reimbursement.

 

As a result of this laudable recommedations, you are hereby informed that during the last U.N. meeting held in Abuja, Nigeria, it was alarmed so much by the

rest of the world on the loss of funds by various foreigners to the scam artists operating in syndicates all over the world today. In other to redeem the good image of our country, the newly elected President (President Umaru Yar'Adua) has ordered the immediate payment of $150,000 USD to each of the affected victims in accordance with the U.N recommendations. Due to the corrupt and inefficient Banking Systems in Nigeria, these payments are to be made by ZINETH BANK PLC, Nigeria and CO-OPERATIVE BANK PLC, UK as the corresponding paying bank under the funding assistance of the Central Bank of Nigeria.

 

Presently, 184 Beneficiaries have been paid, more than 50% of the victims are from the United States, while about 40% are from other parts of the world. Your

particulars were among those mentioned by some of the Syndicates that were apprehended in Lagos, Nigeria as one of the victims of the operations, you are

hereby warned not to communicate or duplicate this message to anybody for any reason whatsoever as the U.S. secret service in conjunction with The Economic

and Financial Crimes Commission (EFCC) that are in action to track this criminals down. Once again, you are expected to keep it secret until these criminals are all apprehended. The Economic and Financial Crimes Commission (EFCC) (Motto: No Body is above the Law) have combined effort with the United Nation Anti-crime Commission to alleviate the plight of these victims as well as redeeming the image of our honorable oil rich country.

 

Many Banks, Universal firms, Companies and individuals have been in bankrupcy today due to the activities of these hoodlums. However, a thorough investigation have revealed that these people has vitimized over 500,000 innocent people across the world, after collecting their money falsely, many as a result of this have committed suicide, while others are now living in abject poverty.

 

As regards these ongoing developmental strive, we have over 200 suspects at hand, 135 in kirikri prisons. While many are awaiting trial, we are still in

search of others who think they are wise by looting people via the internet, and hope that you will assist by giving any vital information that could lead to the apprehension of these con artists.

 

You can receive your reimbursement via any of these options you Choose, DRAFT/CHEQUE/ATM PAYMENTS, WESTERN UNION or WIRE TRANSFER. We shall be waiting to hearing from you been certain that your response will be that you are satisfied and willing to claim your $150,000 USD (One Hundred and Fifty Thounsand Dollars) reimbursement funds.

 

Your urgent response toward our email will be highly appreciated by us and beneficial to you.

 

Yours faithfully,

MR ADEBAYOR WILLIAMS.

 

Processing/Transfer Officer,

FRAUD VICTIMS/$150,000 BENEFICIARIES DEPT.

ZINETH INTERNATIONAL BANK PLC.

SjálfsElska

 

Ég er ekki einmanna

mér finnst gott að vera ein

alveg jafn gott og að vera með einhverjum

 

Sambönd eru vinna, vinna, vinna

í manni sjálfum

Þar fær maður spegilinn í andlitið

þegar maður síst vill það

 

Lífið er vinna vinna vinna

að uppljómun

 

Skref fyrir skref í vægðarlausum heiðarleika gagnvart sjálfum sér

gagnvart þeim sem vilja hlusta

 

Í dag gekk ég um í fallandi snjó

allt var svo bjart og hljótt

einskonar himnaríki 

Og ég fann fyrir óumræðanlegri hamingju

hamingju sem kemur frá þeim stað sem kallast

að vera ástfanginn af andartakinu

af öllu sem ég legg augu mín á

og langa ekkert frekar en að vera til í þessu andartaki

 

Og ég veit að lykillinn að hamingjunni liggur ekki í manni, konu, húsi, bíl

hann er þessi tilfinning sem maður fær þegar

maður segir Takk

þessi tilfinning að geta horfst í augu við sig

án ótta, skammar eða vanlíðunar og hrópað inn í þögnina

 

ég elska mig

Vá, hvað þetta er út fyrir öll mörk

Þetta er algerlega líkkistunaglinn í óþol mitt gagnvart strætisvagna "þjónustunni" í borginni. Mun ég ekki stíga aftur í strætisvagn fyrr en þessu linnir. Nóg er nú áreitið og yfirgangssemin í auglýsingum þó ekki þurfi maður að hafa skilti á sér sem segir, öll ruslsamskipti afþökkuð!

Lifandi auglýsingar

Eitt ár í lífi Birgittu er eins og sjö ár hjá öðrum

sagði eitt sinn spök eldri kona við mig. Og það er margt til í þessu. Þegar ég lít yfir eitt ár frá og með nú hefur ótrúlega margt gerst og ég ætti með sanni að vera í viðstöðulausu taugaáfalli. Því lífið svo sannarlega gefur og lífið svo sannarlega tekur. 

Ég nenni ekki að fara í smáatriði yfir þessi áföll á svona opinberum vettvangi en segja má að draumur minn hafi verið byggður á lygum, þá sér í lagi lygum er snúa að mér sjálfri. Ég hef víst erft það frá henni móður minni að vera allt of hrekklaus og trúa öllu sem mér er sagt. Í ofan á lag er ég algerlega vonlaus í því að ljúga. Það sést langar leiðir ef ég reyni að svara beinskeyttri spurningu með hvítri eða svartri lygi.

En alltaf þegar eitthvað tekur enda, þá þýðir það nýtt upphaf. Hver einasta reynsla er tækifæri á að verða fullnuma í sérhverjum kringumstæðum. Ég hef fengið nokkur hressileg áföll á þessu ári í miðjum deadlinum og á einhvern undraverðan máta tekist að halda fókus og sjá mitt í þessum krísum jákvæða pólinn á þeim. Fyrir það er ég þakklát. Segja má að þátttaka mín í samtökum sem eiga sér slagorðið "eymd er valkostur" hafi gefið mér þann styrk að þora að velja eitthvað annað en eymd og sjálfsvorkunn.

Ég er búin að vinna eins og brjáluð manneskja við að setja upp 64 síðna bækling sem fylgja á heildarútgáfu á tónlistinni hennar mömmu. Ég þurfti að fara aftur og aftur í gegnum fjöll af ljósmyndum til að gæða hann myndrænu lífi og það í sjálfu sér var frekar erfitt. Það eru svo margir draugar í þessum myndahrúgum. Frekar óþægilegt að vera alltaf minntur á að maður man ekki einu sinni lengur hvernig röddin þeirra hljómaði eða blik augna þeirra. Þess vegna er ég svo þakklát að eiga tónlistina hennar mömmu og sjónvarpsþættina.

Annars þá er ég mjög stolt af útliti og áferð á heildarútgáfunni. Það var algert kraftaverk að ná að láta þetta allt smella í fyrirfram gefna stærð. Að treysta innsæi er eiginleiki sem ég er þakklát fyrir að kunna að láta mig flæða áfram í lífsins ólgusjó eins og dropi sem ekki er ofaukið og hafa gaman að í leiðinni. Það hefur verið gefandi að vinna með fornvini mömmu, honum Aðalsteini Ásberg. Ég er mjög ánægð með að þetta er gefið undir hans útgáfu, mamma hefði verið mjög ánægð með það. 

Framundan er að vera innan handar við tónleika undirbúning og byrja á að taka viðtöl fyrir æviminningabókina. Þetta ár verður árið sem ég helga ævistarfi mömmu. Hlakka ég bæði til að upplifa það og þegar það tekur enda:)