Fréttatilkynningin í heild sinni

Þjóðfundur 1. desember á Arnarhóli klukkan 15:00

„Borgarahreyfingin hvetur alla landsmenn til að sýna samstöðu og krefjast breytinga á stjórn landsmála og breytinga á stjórnsýslu með því að leggja niður vinnu og mæta á Þjóðfund á Arnarhóli klukkan 15:00 mánudaginn 1. desember.

„Borgarahreyfingin stendur algerlega utan við alla stjórnmálaflokka og telur að núverandi stjórnvöld sem og stjórnarandstaða hafi glatað trausti landsmanna," segir ennfremur.

Frummælendur verða:
Einar Már Guðmundsson rithöfundur
Margrét Pétursdóttir verkakona
Snærós Sindradóttir nemi
Þorvaldur Gylfason hagfræðingur

Blaz Roca (Erpur) rappar um þjóðmál

Borgarahreyfingin hvetur til þess að öll samtök launþega veki athygli félagsmanna sinna á fundinum og að Samtök atvinnulífsins sýni vilja sinn til þjóðarsáttar og hvetji aðildarfélög sín til að gefa starfsfólki leyfi frá störfum," segir að lokum.

Íslendingar boðaðir á þjóðfund

Athugasemdir

[Þórarinn Þ Gíslason (IP-tala skráð) 27.11.2008 kl. 21:32]

Sæl Birgitta .

Ég á ekki samleið með ANARKISTUM og mæti því ekki. Og ef að Nýtt Ísland á að vera prýtt með Anarkistum en ekki Kristnum(þjóðkirkjan og fleiri) tel ég að ekki fari vel.

Þetta er mín einlæga skoðun.

[Ólafur I Hrólfsson (IP-tala skráð) 27.11.2008 kl. 21:34]

Að hvetja til stjórnarskipta núna er slíkt glapræði að það setur að manni hroll við þá tilhugsun að þeir sem þannig tala séu ekki undir lækniseftirliti á þar til gerðum stofnunum.  Áróðurinn sem hefur verið rekinn er ótrúlegur og "mótmælendur" njóta þess að óábyrgur fjölmiðlalýður lepur allt slíkt upp.  Það er líka óábyrgur lýður sem heimtar kosningar núna.  Í skoðanakönnun nýlega kemur fram mikil andstaða við slíkt og ef ég man rétt vill um helmingur landsmanna ekki kosningar fyrr en að loknu kjörtímabilinu.  Það verður fróðlegt að heyra í úrtöluliðinu - niðurrifsöflunum í landinu þegar rykið sest og fólk fer að sjá út úr blóðhlaupnum augunum og það gerir sér grein fyrir því að allt þeirra úrtölu og niðurrifsvæl er orðið þeim enn meira til skammar en áður - slakið á - hættið þessum mótmælum og bjóðið fólki frekar í göngutúra um höfuðborgarsvæðið - það skilar mun meiri árangri og jákvæðari - hættið að draga fólk niður i ykkar andlega fúafen og neikvæðni. ÁFRAM GEIR - ÁFRAM ÍSLAND

[Jakobína Ingunn Ólafsdóttir, 27.11.2008 kl. 21:56]

þeir sem nú sitja við stjórnvölinn hafa verið að horfa aðgerðarlausir á eignir landsmanna brenna upp. Þeir eru ekki hæfir til þess að meta eigin gjörðir eða samvisku heldur þurfa að fá sérfræðingar til þess að rannsaka sig. Þeir setja 200 milljarða til þess að verja bankanna en 2 milljarða til þess að verja fjölskyldurnar.

Sá sem telur að við eigum ekki skilið að fá fólk við stjórnvölinn sem tekur fólk fram yfir kerfi og völd þarf að fara í læknisskoðun.

Við erum með ónýta ríkisstjórn. Landið er stjórnlaust og þjóðin er óvarin gegn spillingaröflunum.

[Jakobína Ingunn Ólafsdóttir, 27.11.2008 kl. 22:00]

ÓLAFUR ÞÚ ERT:  úrtöluliðið - niðurrifsöflunum í landinu og þegar rykið sest og þú ferð að sjá út úr blóðhlaupnum augunum og gerir þér grein fyrir því að allt þitt úrtölu og niðurrifsvæl er orðið þér enn meira til skammar en áður

[Ólafur I Hrólfsson (IP-tala skráð) 27.11.2008 kl. 22:03]

Ég tek undir með Þórarni Þ. Gíslasyni - þakkir til þín

Jakobína talar um að stjórnvöld hafi setið aðgerðarlaus hjá og horft á eignir landsmanna brenna upp.  Kona - á hverju ert þú -  Í sumar sem leið fór Geri í það að ræða lán frá Rússum - í fleiri vikur hefur hann og hans fólk unnið myrkranna á milli til þess að lágmarka tjón sem glórulausir ævintýramenn eru höfundar og framkvæmdaraðilar að. Allt sem stjórnvöld eru að gera er að snúa ofan af þessu óhæfuverki.  Aðgerðarlaus????????  Það þarf mjög yfirgripsmikla vanþekkingu til þess að komast að þeirri niðurstöðu.

[Jakobína Ingunn Ólafsdóttir, 27.11.2008 kl. 22:11]

Hvers konar smásálarskapur er þetta. Hvað er flott við það að skríða betlandi til Rússa. Geir og vinir hans eru höfundar af þessum Íslands-kapitalisma sem rekinn hefur verið hér í tólf ár. Þeir ræktuðu garðinn sem þeir hleyptu síðan glórulausum skepnum á leik í. Yfirvöld eru að steypa börnum okkar í skuldir. Þau eru ekki að leysa neinn vanda, þau eru að færa vandann yfir á almenning og afkomendur okkar. Það þarf glórulausa vanþekkingu til þess að koma ekki auga á það.

[Gunnar Már (IP-tala skráð) 27.11.2008 kl. 23:02]

Ólafur þetta er hárrétt hjá Jakobínu. Það eina sem Geir er að rembast við að gera er að sópa rykinu yfir skemmdirnar. Sem hann og Sjálfstæðisflokkurinn eru hönnuðir og ábyrgðarmenn að. Að vinna baki brotnu við að taka lán er ekki eitthvað sem á að hrósa sérstaklega fyrir þegar sá hinn sami er ástæða skuldana.

Allir aðrir flokkar hefðu getað sótt um þessi lán og í raun með mun minni fyrirhöfn. Það er þekkt út um allann heim að Stjórnvöldum á Íslandi og Seðlabanka er ekki treyst. Þessvegna stýrir IMF málum að miklu leiti hér.

Ef fólk kýs Sjálfstæðisflokkinn aftur til valda í þessu landi þá eru Íslendingar ekki með háa greindarvísitölu.

Í raun er eina vörn Sjálfstæðismanna núna hræðsluáróður í anda Bush og þeirra stjórnvalda sem eru nú að hverfa frá völdum í USA.

Vaknið Íslendingar eins og Bandaríkjamenn hafa núna gert. Svona spillingarlið á ekki að stýra landi.

[Árni Gunnarsson, 27.11.2008 kl. 23:18]

Geir og félagar höfðu nægan tíma til að bregðast við og forða þessu hroðalega slysi. Fyrir tveim árum eða meira voru erlendir hagspekingar og erlendar greiningardeildir fjármálastofnana komnar með sterkar vísbendingar um að einmitt alþjóðlegt fjármálahrun á borð við þetta yrði okkar litla hagkerfi ofviða vegna yfirskuldsetninga. íslenskra fyrirtækja erlendis. Og allar götur síðan hafa margir okkar hagspekinga og reyndra bankastjóra hamrað á þessum viðvörunum, ásamt mörgum þingmönnum stjórnarandstöðunnar.

Það er tilgangslaust að ljúga því lengur að okkur að þetta hafi enginn getað séð fyrir. Þessi mannskæða lygi pólitískra ómerkinga versnar aðeins við endurtekningar.

[Magnús Helgi Björgvinsson, 27.11.2008 kl. 23:47]

Árni og hvað hefði stjórnin átta að gera fyrir 2 árum? Það sögðu flestir að bankarnir væru á góðu róli. Síðan komu kosningar með sínum loforðum eins og venjulega. Hvað áttu ný stjórnvöld að gera? Áttu þau að reka bankana úr landi? Hvað hefðu þeir sem lánuðu þeim sagt við því? Átti að flytja skuldir bankana í dótturfélög? Tel hæpið að þeir sem lánuðu bönkunum hefðu sætt sig við það.

Auðvita hefur þessi bankasaga verið allsherjar klúður. Við gáfum mönnum bankana sem kunnu ekkert með þá að fara. Við setum lámarksreglur sem auðvelt var að komast hjá. Sjálfstæðisflokkurinn taldi að innra eftirlit bankana væri málið. Við skyldum fjármáleftirlitið eftir sem smá skrifstofu í samanburði við stærð bankanna.

Þannig yrði það væntanlega ef kosið yrði nú. Það mundu allir keppast um að boða minna atvinnuleysi, auknar framkvæmdir, hærri bætur en næsti flokkur og svo mundi þetta all byrja upp á nýtt.

Er ekki vit í að þessi stjórn reyni og fái nokkra mánuði til að marka nýja stefnu fyrir Ísland. Þannig að við höfum einhverja mynd af framtíðinni og getum kosið á milli hennar og hugmynda hinna flokkana. Sem og að fólk með aðrar hugmyndir getur náð að hópa sig saman og mynda stjórnmálaafl sem vinni að þeirra framtíðarsýn. 

Nú í dag eru það aðallega Ástþór, Sturla bílstjóri og þessháttar sem eru búnir að lýsa yfir vilja til að bjóða fram nýja flokka. En eru þetta mennirnir sem við viljum treysta fyrir framtíð okkar.

Ég vill aftur fá möguleika á flokki sem byggir á velferð, virku lýðræði og legði áherslu á að á Íslandi væri jöfnuður hafður að leiðarljósi. 

t.d. væri þróað í snarhasti öruggt kerfi sem gerði þjóðaratkvæðagreiðslur auðvelda og þær yrðu um öll stærri mál. 

Flokk sem stæði nú vörð um eignir okkar og gætti þess að þeim væri ráðstafað af skynsemi og með sem mestum arði og helst að stórhluti bankana yrði í erlendir eign. Treysti ekki fjárfestum hér!

[Jakobína Ingunn Ólafsdóttir, 28.11.2008 kl. 00:05]

Á ÞESSI ríksstjórn að marka nýja stefnu.

Ríkisstjórnin sem klúðraði efnahag landsins

Ríkisstjórning sem lét glórulausa ævintýramenn um að hafa eftirlit með sjálfum sér

Ríkisstjórn sem mærði glórulausa ævintýramenn

Ríkisstjórn sem hefur komið á hér mestum ójöfnuði meðal vestrænna þjóða

Ríkisstjórn sem hefur rúið þjóðina frelsi

Má ég byðja um að til þess bærir móti nýja stefnu fyrir þjóðina en ekki þeir sem sýnt hafa í verki að þeim er ekki treystandi.

[Ingibjörg SoS, 28.11.2008 kl. 00:16]

Svona nú, mætum bara!

fyrr getum við ekki markað okkur skoðanir, og enn síður dæmt.

SVONA, GEGNIÐ NÚ

[Þór Jóhannesson, 28.11.2008 kl. 00:17]

Þessi endalausi hræðsluáróður um að allt fari fjandans til ef við kjósum er hættur að hljóma í eyrum hugsandi fólks - HVAÐ er hægt að KLÚÐRA meira en þegar hefur verið gert og núverandi yfirvöld ERU að gera?

Mætum á þjóðfund allra íslendinga!

[J. Einar Valur Bjarnason Maack , 28.11.2008 kl. 00:17]

Ólafur, geturu sent mér heimilisfang þitt til þess að auðvelda það að stilla þér upp við vegg þegar byltingin kemur?

[J. Einar Valur Bjarnason Maack , 28.11.2008 kl. 00:18]

PS. Þórarinn, Ésú var meiri anarkisti en nokkur kirkjustofnun hefur þorað að viðurkenna, nú skaltu gjalda guði það sem guðs er og keisaranum það sem tilheyrir keisaranum; byltingu.

[Æja Honkanen (IP-tala skráð) 28.11.2008 kl. 02:20]

Hann verður seint mokaður flórinn eftir framsóknarflokkinn sem var líkt og krabbamein á þjóðinni og nú þegar meinið er að þurrkast út þá taka aukaverkanirnar við og það ekkert lítið, maður varla þorir að hugsa hvað kemur í ljós þegar raforkusamningar við stóriðju verða skoðaðir ef það verður nokkurn tíma, síðast þegar framsókn laug sig í stjórn þá fékk  auglýsingarhöfundurinn Atli Ásmundsson að launum sendiherrastöðu i winnipeg og ímark verðlaun fyrir að selja tunnu fulla af rotnum eplum

[Johann Trast Palmason, 28.11.2008 kl. 02:21]

fyndið að fyrsta sem ég las i kommentakerfinu var að enhver ætti ekki leið með anarkistum... fyndið það væri lika hægt að segja ég a ekki leið með Íslendingum...

[Hvumpinn, 28.11.2008 kl. 05:29]

Hreyfingin fyrir nýju lýðveldi á Íslandi, Raddir fólksins, Borgarafundur.org Neyðarstjórn kvenna, Þjóðmálahópurinn frá lýgræði til lýðræðis, Framtíðarlandið, Anarkistar, Nýir tímar, Nóvemberhópurinn, Ábyrgð, Vald og Þjóð, Nýtt lýðveldi, Not in Our Name, Dagblaðið Nei

Hvaða "samtök" eða klúbbar eru þetta?  Eru þetta hvert svona 3-4 mann "samtök" eins og Samtök um Betri Byggð?  Ég ætla að stofna samtök um sjálfan mig.  Vil ekkert hafa með samtök þar sem Birgitta, Eva Hauks og sonurinn og þess háttar lið kemur við sögu. Skrípaleikur.

Hvumpinn, samtök í sjálfu(m) sér.

[Birgitta Jónsdóttir, 28.11.2008 kl. 06:33]

Það hefur aldeilis verið mikið fjör hér á meðan ég svaf:)

Ætla að svara þessu með bloggfærslu...

[Kjartan Pétur Sigurðsson, 28.11.2008 kl. 07:57]

75) KJÓSIÐ OG GEFIÐ NÚVERANDI MEÐLIMUM RÍKISSTJÓRNARINNAR STIG - Hér er nýtt kosningakerfi þar sem hægt er að kjósa og gefa einstökum þingmönnum stig fyrir árangur í starfi. Ný tækni gefur nýja möguleika, en tæknilegar framfarir skila mestu í velmegun almennings KJÓSIÐ HÉR: http://www.photo.is/rikisstjorn.html.

76) KJÓSIÐ EÐA VELJIÐ NÝJA RÍKISSTJÓRN - Lengi hefur vantað möguleika á að kjósa FÓLK í stað FLOKKA. Nú er loksins hægt að koma með tillögu að hæfu og vönduðu fólki þar sem hatröm flokkspólitík er látin lönd og leið KJÓSIÐ HÉR: http://www.photo.is/nyrikisstjorn.html.

77) NÚ ER HÆGT AÐ GEFA BORGASTJÓRN REYKJAVÍKUR STIG FYRIR VEL UNNIN STÖRF - Fróðlegt væri nú að sjá stöðu á einstökum borgarfulltrúum eftir allar hnífstungur í bakið síðustu mánuðina KJÓSIÐ HÉR: http://www.photo.is/borgarstjorn.html.

78) HÉR ER LISTI YFIR NÝJA OG GAMLA STJÓRNENDUR í BANKAKERFINU - Er ekki ráð að hafa vakandi augu yfir þeim sem eiga að passa upp á peningana okkar og eiga stóran þátt í hruni þjóðrinnar? KJÓSIÐ HÉR: http://www.photo.is/bankar.html.

79) HÉR ER LISTI YFIR HINA FRÆGU ÚTRÁSAVÍKINGA - Fróðlegt væri að sjá hvað þjóðin gefur hverjum og einum mörg stig! KJÓSIÐ HÉR: http://www.photo.is/utras.html.

[Bara Steini, 28.11.2008 kl. 12:55]

Stöndum öll saman.

Ég "anarkistinn" mun verja þig þórarinn þ gíslasson

og eignir þínar með mætingu.

Við erum öll i sama sökkvandi bátnum og ALLIR þurfa að róa til þess að kafteinn skipsins káli okkur ekki.

[Theódór Norðkvist, 28.11.2008 kl. 13:24]

Mér er sama hver hvetur Íslendinga til að berjast fyrir tilverurétti sínum, þó ég sé ekki sammála öllu sem viðkomandi stendur fyrir. Okkur ber að taka undir þannig hvatningu, hvaðan sem hún kemur.

Hinir duglegu og hugrökku eru því miður í minnihluta. Duglausu huglausu letirassarnir eru í meirihluta og nokkrir þeirra eyða allri sinni orku í að eyðileggja baráttuna fyrir þeim sem vilja berjast og ekki safna bara spiki.

Niðurrifsliðið mun samt njóta góðs af baráttu hinna hugrökku og ég bið þá um að hafa vit á að þegja ef þeir nenna ekki að berjast fyrir lífinu, frekar en eyðileggja fyrir hinum.