Upplyfting

Ég vil byrja á að þakka þeim innilega fyrir sem stóðu að þessum fundi. Það er mikil vinna að skipuleggja svona og mér finnst eitthvað fallegt og gott við sjálfsprottna hluti sem sýna að það er enn lífsmark með lýðræðisvitund þjóðarinnar.

Mér fannst erindin öll annað hvort góð eða afar upplýsandi og hlakka til þegar þau verða sett inn á YouTube svo aðrir hafi tök á að heyra þau. Það munu verða fleiri svona fundir var okkur tjáð og það er frábært. 

Það ætti að vera þeim eina ráðamanni sem var eitthvað púað á ágætis áminning að fólk er ekki sátt við vinnubrögð hans - það sem fór fyrir brjóstið á fólki var að hann byrjaði á að varpa ábyrgðinni á bankahrunið erlendis. Fólk vill að einhver hafi dug og hugrekki til að viðurkenna mistök sín, það bera allir stjórnaliðar ábyrgð, rétt eins og við öll, því ríkið er jú við. Fólk ber vitaskuld mismikla ábyrgð og þarf þar að leiðandi að axla hana. Það að Illugi vildi ekki gangast við neinni ábyrgð hleypti illu blóði í fólk og ég skil það mæta vel. Síðan virti hann ekki þann tíma sem allir fengu til að tjá sig og það voru mistök hjá honum. 

Ég hef ekkert út á þennan fund að setja, fannst mikið af áhugaverðum punktum hafa komið fram og gott að heyra almenning tjá sig og tala saman á fundi sem slíkum. Mér fannst það hugrekki hjá fólki að tala og mér fannst það líka hugrekki hjá stjórnarliðum að láta sjá sig og bjóða fólki að spyrja. Næst finnst mér þó að þeir sem stjórna þessum þjóðarbúskap ættu að láta sig hafa það að mæta okkur - þeir eru jú að vinna í umboði okkar og eiga að svara kalli okkar og koma niður úr fílabeinsturnum sínum.

Það voru EKKI gerð hróp og köll að þeim 10 alþingismönnum sem voru þarna, aðeins að Illuga sem passaði sig ekki á að við vildum fá að heyra auðmýkt og vott að iðrun fyrir óráðsíuna.

Ég fór heim með von í hjarta og löngun til að gera meira, vona að það verði skapaðir óflokksbundnir fundir, þar sem fólk getur unnið að því hvernig við viljum að hið nýja Ísland verði. En fyrst elsku þjóðin mín verðum við að skoða hvaða þátt við áttum í fallinu, því samfélagsvitund okkar virðist vera jafn fúin og inniviðir samfélagsins. Við erum samfélagið og við getum breytt því með því að leggja eitthvað af mörkunum.

Húsfyllir í Iðnó - hiti í fundargestum

Athugasemdir

[Guðrún (IP-tala skráð) 28.10.2008 kl. 08:29]

Ég vil meina að bankakreppan sé ekki mér að kenna. Hún er þeim að kenna sem fóru með peningana okkar úr landi og keyptu sér bæði hús og snekkjur fyrir þá. Þoli heldur ekki skrílslæti.

[Katrín Snæhólm Baldursdóttir, 28.10.2008 kl. 08:29]

Ég kom íka heim með þessa innri tilfinningu um að vilja gera eitthvað meira. Bjóða mig fram til verka...vera með í að móta nýtt samfélag. Hvernig veit ég ekki ..en eitt veit ég. Að nú er tækifærið og við eigum að nota það vel.

[Birgitta Jónsdóttir, 28.10.2008 kl. 08:39]

Bankakreppan er okkur að kenna upp að því marki að við sinntum ekki okkar borgaralegu skildum, heldur hélt fólk áfram að kjósa yfir sig sama fólkið aftur og aftur þó blikur væru á lofti og oft og einatt væri gengið þvert á vilja þjóðarinnar í stórum málum. Þó viðvörunarbjöllur væru allsstaðar þá gerði almenningur ekki neitt, og er enn að gera ekki neitt sem sýnir þeim sem horfðu fram hjá þeirri vá sem að okkur steðjaði. Við megum ekki gleyma að VIÐ erum ríkið, mátturinn og dýrðin:) Við erum ekki valdalaus ef við stöndum saman.

Katrín, ég er svo innilega sammála þér... ég held að nú sé tími fólksins sem hefur ríka samfélagsvitund - eins svo fjölmargir sem saman voru komnir í gær - til að koma með lausnir og tillögur sem eru til velfarnaðar fyrir allt samfélagið, við erum enn að falla og það er enn eitthvað í að við getum hafið uppbyggingu og upprisu en þetta er góður farvegur til að búa til það samfélag sem við þráum og dreymum um. 

[Gullvagninn (IP-tala skráð) 28.10.2008 kl. 08:51]

Ég hlakka til að sjá eitthvað frá þessum fundi á youtubbbinu, og þakka þér fyrir að reporta frá honum, enn einu sinni sannast, að lítið er að marka fjölmiðla, þeir eru enn í þeim gír að spúa bara út súpu sem almannatengslafulltrúar hafa soðið saman.  Upplýsingarnar frá þeim hafa stýrimarkmið, eins og seðlabanki, stýrimarkmið á skoðunum, í stað þess bara að segja frá og upplýsa, sem ætti að vera markmið fjölmiðla.

[Gullvagninn (IP-tala skráð) 28.10.2008 kl. 08:53]

 Birgitta: "Bankakreppan er okkur að kenna upp að því marki að við sinntum ekki okkar borgaralegu skildum.."

Þegar ég heyri menn í fjölmiðlum í örvæntingu kalla á það að "þeir" læri nú eitthvað á þessu, þá tel ég það villigötur.

Það er fólkið sjálft sem þarf að læra, læra að treysta ekki "sérfræðingum", fólkið þarf að hafa annað augað á því sem er að koma frá alþingi, og hlaupa af stað í mótmæli, strax og þeir byrja að sveigja af leið.

Við þurfum að veita þeim aðhald, þeir mega ekki fá að treysta því að stóra skepnan sé vel sofandi, þeir þurfa að heyra urrið í okkur utan af austurvelli :P

[Birgitta Jónsdóttir, 28.10.2008 kl. 15:26]

nákvæmlega við verðum að taka okkur valdið aftur seniour gullvagn... hed að það sé mikilvægt að almenningur axli þá ábyrgð að hafa sofið á verðinum, ég er alls ekki að kenna neinum um en það er hluti af bataferli og þroska að viðurkenna mistök sín og bresti:) gera innri hreingerningu og lýðræðis og samfélagsvitund okkar var bara nánast horfin... við þurfum að læra af þessu og taka þátt í þessari samfélagsmótun og viðreisn sem þarf að eiga sér stað... mæli með því að allir skrifi niður hvaða breytingar þeir vilji í samhenginu og lífi sínu...

Skorrdal gæti ekki verið meira sammála þér:)