Ákall til þjóðarinnar

Ákall til þjóðarinnar - Davíð Oddsyni vikið frá störfum

Við mótmælum öll – Hittumst á Austurvelli á laugardag kl. 15. Vertu þáttakandi, ekki þolandi. Hvetjið alla sem ykkur eru nærri til að mæta líka. Við fáum kannski bara þetta eina tækifæri.
Ákall til þjóðarinnar - Davíð Oddsyni vikið frá störfum – Eina leiðin til að þjóðin haldi sjálfsvirðingu sinni nú er að hún sameinist í fjölmennum mótmælum með ein skýr skilaboð til stjórnmálamanna. Skýr skilaboð um að þjóðinni stendur ekki á sama, skilaboð um að hún sé þátttakandi en ekki þolandi í þeirri atburðarás sem nú fer í hönd. Skýr skilaboð sem valdhafar geta brugðist við strax, að Davíð Oddssyni verði vikið úr starfi Seðlabankastjóra.

Davíð Oddson ber mesta pólitíska ábyrgð á því að bankarnir voru einkavinavæddir á sínum tíma og hleypt í útrás með veikburða eftirlitskerfi. Síðan stillti hann sér upp til að fylgjast með þeim sem Seðlabankastjóri án faglegar þekkingar. Með röð mistaka í hagstjórn Seðlabankans undir forustu Davíðs og ótrúlegan einleik hans síðustu vikur er þjóðin gjaldþrota, rúin trausti og virðingu í alþjóðasamfélaginu.

Nýjir tímar - Vertu þáttakandi, ekki þolandi

http://www.nyirtimar.com/

p.s. þetta er ekki á mínum vegum en ég styð þetta heilshugar og ætla að mæta... það er kominn tími til að sýna að við látum ekki troða meira á okkur.

Rekin úr búð í Danmörku

Athugasemdir

[Gamli kennarinn (IP-tala skráð) 16.10.2008 kl. 18:06]

http://www.nyjirtimar.com/

.... og algert lágmark að stafsetja rétt vefslóðina. 

Látum vera með villur í textum 

www.nyirtimar.com  hefði verið berta  

[Birgitta Jónsdóttir, 16.10.2008 kl. 18:17]

ég límdi þetta bara inn á vefinn og get varla talist ábyrg fyrir stafsetningavillum en bendi þér á að ef þú hefur ekkert betra að gera en að nöldra að nöldra við þá sem eru að skipuleggja þetta.

[Birgitta Jónsdóttir, 16.10.2008 kl. 18:19]

hlynur auðvitað þarf að spúla út bæði í seðlabanka sem og annarsstaðar - ef þú vilt gera eitthvað til að breyta því ástandi sem hér er - gerði þá eitthvað annað en að nöldra... ég er komin með upp í kok af fólki sem hangir í smáatriðum á meðan það er verið að taka þjóðina í óæðri endann og getur ekki gert neitt uppbyggilegra en að kvarta yfir þeim sem þó eru að gera eitthvað

[Guðjón Sigþór Jensson, 16.10.2008 kl. 18:48]

Davíð hefur með athafnaleysi sínu að tryggja og treysta gjaldeyrisvarasjóð landsins valdið okkur gríðarlegu tjóni. Einnig hefur eftirlit með bönkum brugðist og sjálfsagt ber Davíð einnig mikla ábyrgð á að bindiskylda var nánast strikuð út.

Legg því eindregið til að sama aðferð verði viðhöfð og þegar Napóleón var gerður óskaðlegur með því að koma Davíð og Kó á eyju. Sjá: http://mosi.blog.is/blog/mosi/entry/675581/

Gangi ykkur vel við mótmælin á Austurvelli. Verð fjarri - því miður.

Kveðja

Mosi

[Ragnhildur (IP-tala skráð) 16.10.2008 kl. 20:50]

Á visi.is má lesa eftirfarandi skilaboð frá hópi fólks sem ætlar að mótmæla á Austurvelli á laugardaginn;

„Davíð Oddsson ber mesta pólitíska ábyrgð á því að bankarnir voru einkavinavæddir á sínum tíma og hleypt í útrás með veikburða eftirlitskerfi. Síðan stillti hann sér upp til að fylgjast með þeim sem Seðlabankastjóri án faglegar þekkingar. Með röð mistaka í hagstjórn Seðlabankans undir forustu Davíðs og ótrúlegan einleik hans síðustu vikur er þjóðin gjaldþrota, rúin trausti og virðingu í alþjóðasamfélaginu,"

Ég er ekki par hrifin af DO en finnst þó að hér verði aðeins að staldra við. Hann á ekki að bera meiri pólitíska ábyrgð fremur en aðrir í hans flokki né þeim flokkum sem setið hafa með sjálfst.fl. í núverandi ríkisstjórn og þeirri síðustu, þó honum finnist hann vera stór og mikill karl þá var hann nú ekki svo stór að geta ráðið þessu öllu einn. Ég er sammála því að hann sé ekki að standa sig sem seðlabankastjóri og ætti því að fara frá í því embætti en það á ekki að refsa honum eða kenna honum einum um hvernig hefur farið í útrásinni, það er of mikil einföldun.

Það á svo að koma í veg fyrir það í framtíðinni að ríkisstofnanir eða sendiráðsembætti séu notaðar sem geymslustaðir fyrir útbrunna stjórnmálamenn hvaðan sem þeir koma. Það á einfaldlega að ráða í störfin eftir auglýsingu, hæfasta fólkið á hverjum tíma.

Við verðum að gæta þess að fara ekki á nornaveiðar og nafngreina sérstaklega einhverja fáa einstaklinga í þessum útrásarhópi seka þegar í raun er um ca. 100 manna útrásarhóp að ræða og hluti af þeim saklausir af öllu saknæmu. Í þessum hópi er að finna bankastjóra, Alþingi og Ríkisstjórn, seðlabankastjórana, fjármálaeftirlitið ofl.

Í sjónvarpinu, Kstljósi, var farið yfir feril útrásarinnar og rætt við marga sem í dag standa í björgunaraðgerðum. Það var skrýtið að sjá suma þar lofa þessa útrás sármóðgaðir yfir hrakspám greiningadeilda erlendra banka um bólu sem gæti sprungið en sitja svo í þeirri stöðu nú að bólan sprakk og þeir að reyna að bjarga einhverju.... ég hafði nú á orði að RÚV gæti sparað sér útgjöld við áramótaskaup, þetta yfirlit var eins og eitt slíkt skaup.

Aðgát skal höfð í nærveru sálar og munum að allir eru saklausir uns sekt er sönnuð en þá á að taka á þeim aðilum og gera upptækar eigur þeirra sem hafa hugsanlega verið fengnar með ólögmætum hætti en ekki fyrr. 

[Brjánn Guðjónsson, 16.10.2008 kl. 21:11]

Dabbi er auðvitað holdgervingur. það þarf að sópa honum burt ásamt mörgum öðrum

[Þórarinn Sigurður Andrésson, 16.10.2008 kl. 21:32]

ég vil nú bara aðeyns koma því að, að Davíð Oddsson hefur ekki neitt að gera í því embætti sem hann er í!!

Allt sem hann gerir þessa dagana og síðustu misseri er bæði landi og þjó til skammar og bætir ekki ímynd þjóðar sem á í erfiðleikum eins og við erum að ganga í gegnum núna.

Davíð er einn af þeim sem kom mestum látum af stað um daginn í sambandi við bretana he he en ég verð að hætta núna vegna þess að ég fæ hausverk þegar ég hugsa um Davíð!! einskonar ofnæmi.

Tóti Ripper 

[Thee, 16.10.2008 kl. 22:18]

Voðalega verður sorglegt að horfa upp á ykkur mótmæla á laugardaginn. Þið sjáið ekki hvað er í gangi, haldið að þetta sé bara einhver kreppa. 

[S.H. (IP-tala skráð) 16.10.2008 kl. 22:54]

Ni "riksdemostranter" löper som tikar  - av drift och utan reflektion!

[Hildur Helga Sigurðardóttir, 17.10.2008 kl. 05:50]

Skaðinn er skeður...

[Kjörkuð (IP-tala skráð) 20.10.2008 kl. 15:18]

Sæl Birgitta!

Er fyllilega sammála þér en ég varð fyrir gífurlegum

vonbrigðum með Dr. Gunna í Silfrinu í gær þar sem hann

lýsti því yfir að hann hafi nú ekkert meint með því að setja nafnið sitt undir samtökin, bara verið að lána það? Hvenær á þessum fíflagangi að linna? Hvað er maðurinn að hugsa? Ítök fjölmiðla eru svo sterk að hann lýsir frekar frati á mótmælin sem hann skrifar undir til að þóknast yfirmönnum sínum og halda vinnunni. Ef þetta er ekki lýsandi dæmi þess hvernig málum er háttað hér á landi þá veit ég ekki hvað. Hann ætti að skrifa skammarpistil um sig sjálfan í næstu bakþönkum ef hann hefur þá einhverja bakþanka, sk. siðferðiskennd, þar að segja? Fólk sem skrifaði undir nafnalista Nýrra tíma á netinu sem var á spam formi er ekki ánægt. Þeim lista verður að eyða og byrja upp á nýtt. Hér á landi ríkir engin mótmælahefð frekar en umræðuhefð sem aðrar vestrænar þjóðir hafa tileinkað sér og þróast öldum saman. Legg til að menn hætti að bulla í fjölmiðlum, fari að tileinka sér hefðir annara þjóða sem vita hvað lýðræði er og hvaða verkfæri við almenningur höfum til að rétta bátinn við, áður enn han sekkur endanlega og láti verkin einu tala. Slík framkvæmd kallast því ágæta nafni : Lýðræði!