Röng frétt

18.6.2008 | 05:35

Var að lesa mér til um þetta á vef anarkista og þar kemur í ljós að þessi fyrirsögn og frétt er röng. Fáninn var ekki skorinn, heldur bandið sem heldur honum uppi til að koma hinum fánanum á bandið. Íslenska flaggið var alveg ósnortið og ekkert vanhelgað eins og bloggheimur hefur verið að lepja upp eftir þessari frétt.

Ég bara skil ekki svona vinnubrögð hjá vinsælustu netfréttaveitu landsins. Ég tek það fram að ég hef nákvæmlega enga skoðun á þessari aðgerð sem slíkri og hef ekki tíma til að þrasa um vanvirðingu eður ei því ég er sjálf að standa fyrir annarri aðgerð í dag og tengist hún auðvitað Tíbet.

Í dag ætlum við að taka þátt í alþjóðaaðgerðum til að vekja athygli á ástandinu í Tíbet - hætt hefur verið við að hlaupa með kyndilinn um skjálftasvæðin í Tíbet í dag en kínversk yfirvöld ætla að fara með hann til Lhasa næstkomandi laugardag. Þrátt fyrir miklar tilraunir til að hafa áhrif á IOC til að þrýsta á CCP um að hætt verið við að fara með kyndilinn til Tíbets hafa þeir hunsað þá ósk, en óttast er að þessi athöfn verði tilefni mótmæla í Tíbet og það þýðir aðeins eitt: fleiri handtökur og jafnvel morð á þeim sem andmæla þessari táknrænu athöfn um yfirráð CCP á Tíbet. Við höfum fengið að láni alvöru Ólympuleikakyndil frá síðustu Ólympíuleikum og ætlum að fara frá kínverska sendiráðinu til stjórnarráðsins. Hittumst við kínverska sendiráðið klukkan 17:30 í dag.

	Skar íslenska fánann á Stjórnarráðinu
Ábyrgðarmaður færslu Tilkynna um óviðeigandi tengingu við frétt

Meginflokkur: Stjórnmál og samfélag | Aukaflokkur: Bloggar | Facebook

Athugasemdir

Verð með þér í huganum duglega baráttukona.

Ásthildur Cesil Þórðardóttir, 18.6.2008 kl. 09:52

Og tilgangurinn með þessari ekki vanhelgun á Íslenska fánanum á 17 júní er hver ?

Birna Dis Vilbertsdóttir (IP-tala skráð) 18.6.2008 kl. 09:52

Birna mín kíktu á aftaka.net og lestu þar yfirlýsinguna...

en það sem ég er að benda á er að fréttin var röng... fáninn var ekki skorin í ræmur, hann var yfirhöfuð ekki skorin neitt..

hef ekki tíma til að fara í vangaveltur um tilgang fánaaðgerðarinnar

bendi þér á að lesa þér til um tilganginn inn á vef anarkista... aftaka.org

takk Ásthildur mín:)

Birgitta Jónsdóttir, 18.6.2008 kl. 10:22

Ég skildi ekki skammstafirnar þínar, en ég er viss um að þú hafir farið með rétt mál.

Kær kveðja. Björn bóndi. (KkBb).

Sigurbjörn Friðriksson, 18.6.2008 kl. 13:12

Það skammarlegasta við þennan atburð er að mbl.is flytur staðhæfulausa æsifrétt af honum og hefur ekki enn leiðrétt hana.

Ég gerði athugasemd við pistilinn á aftaka.org og held það þurfi ekki að segja meira um fréttaflutning mbl.is.

Kalli (IP-tala skráð) 18.6.2008 kl. 14:19

Það yrði saga til næsta bæjar ef mbl.is segði satt og rétt frá svona atburði.

Jens Guð, 18.6.2008 kl. 18:52

CCP, er það ekki fyrirtæki sem gerir út tölvuleik á netinu?

Brjánn Guðjónsson, 18.6.2008 kl. 19:34

Vona að gangan hafi gengið vel og verið fjölmennt, hugsaði til þin um sexleitið, baráttuforkur!!

alva (IP-tala skráð) 18.6.2008 kl. 23:35

Þetta var yndælisganga - fullkomið fánaveður

Mættu allt of fáir, hefði viljað vita af skýrslu AI fyrr, en hún birtist í dag og í henni kom fram að yfir 1000 manneskjur í Tíbet eru horfnar eftir mótmælin þar í landi undanfarið...

Birgitta Jónsdóttir, 19.6.2008 kl. 14:14

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst.

Netfang: birgitta@this.is

Tenglar

Nýja Ísland

Ég les:

Tíbet

Fréttir frá Tibet
Tibet Info Net An Independent Information Service on Contemporary Tibet
Undercover in Tibet Ný heimildarmynd frá Channel 4 um hvernig ástandið er í raun og veru í Tíbet
Leaving Fear Behind Viðtöl við Tíbeta í Tíbet stuttu fyrir mótmælin í mars
Cry of the Snow Lion Margverðlaunuð heimildarmynd um Tíbet
Yeti - heimildarmynd
Yogis of Tibet Heimildarmynd um Jógameistara Tíbets sem eru óðum að hverfa
Students for a Free Tibet
Dalai Lama
Tibetan Uprising
Kerti fyrir Tíbet
Tibet TV
Central Tibetan Administration
Om mani padme hum

Ýmsar slóðir

sem ég man eftir í andartakinu

The Hunger Site
THE MEATRIX
Myspace síðan mín
Úgáfan Beyond Borders Alþjóðleg útgáfa sem ég stofnaði árið 1999 í netheimum
Hitt bloggið mitt
Félagið Ísland-Palestína
Womb of Creation Vefurinn minn sem ég hef haldið við síðan 1995
Myspace síðan hennar mömmu
Saving Iceland
Be the change:)
Náttúra vefur með umhverfisvitund
Nattura info
Care 2 make a Difference

Bækur

Bækurnar mínar

Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
Þýddi þessa ásamt Jóni Karli Stefánssyni
don Miguel Ruiz: Lífsreglurnar fjórar - the Four Agreements (ISBN: 9979768835)
Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
Birgitta Jónsdóttir: Dagbók kameljónsins (ISBN: 9979973307)
Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.