Vona að það verði gert

31.1.2007 | 06:08

eitthvað í því að fræða fólkið í firðinum um kosti og galla stækkunar og hvað gæti komið í staðinn ef Alcan kýs að pakka saman og fara eftir tíu ár eins og þeir hafa hótað. Það er líka áhugavert að skoða að álverið í Helguvík á að vera byggt í stærð sem er ekki samkvæmt Alcan rekstrarhæf eining. Hið sama má segja um álverið við Húsavík. Því ættum við að horfast í augu við að við erum að sigla inn í þannig ástand að við þverbrjótum Kyoto sáttmálann.

Sú framtíðarsýn að sjá Ísland sem álland er mér fjarri huga, legg svo til og mæli með að við sjáum fyrir okkur hvernig landi við viljum búa í. Sé fyrir mér stóraukið átak í að auka veg lífrænnar ræktunar. Moldin okkar er enn hrein miðað við flest svæði Evrópu. Þá ættum við að bjóða gróðurhúsabændum samskonar afslætti á raforku og við höfum verið að bjóða hinum erlendu álfyrirtækjum. Við getum sett á stofn heilsuhæli við Húsavík og Vísindaháskóla. Eco ferðamennska er einnig mjög spennandi atvinnugrein og sérhæfingar bænda í að búa til sínar afurðir sem eru kenndar við þeirra bæi gæti gefið meira en þeir eru að fá núna með því að dæla öllu saman í landbúnaðarfjöllin. Þá mættum við einbeita okkur að því að fá almennilega nettengingu við landið þannig að fyrirtæki eins og google líti á landið sem raunhæfan valkost. Eitthvað á þennan veg er draumaeyjan Ísland í huga mér.

Möguleikarnir eru óendanlegir, gæti setið hér í allan dag og dælt út úr mér hugmyndum en verð víst að fara í vinnuna mína sem er einmitt alveg frábær og og hefði aldrei orðið til ef fólk sem átti sér draum hefði ekki hrint honum í framkvæmd.

Einstaklingar geta breytt heiminum. Þú líka:)

	Skora á Hafnfirðinga að fella tillögu um deiliskipulag
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Vísindaháskóli og bændur sem þurfa 16 milljarða króna styrk til að halda sér í rekstri. Er það eitthvað sem fólk á Íslandi vill. Aukið útsvar frá skattgreiðendum í gegnum Verndartolla, til þess að gera bændur "samkeppnishæfari". Frekar bið ég um stóran iðnað til þess að færa peninga inn í hagkerfið.

Jón Gestur Guðmundsson, 31.1.2007 kl. 11:25

Þú hefur greinilega mjög gamaldags mynd af framtíðinni. Hver er að tala um verndartolla.

Birgitta Jónsdóttir, 31.1.2007 kl. 15:44

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst.

Netfang: birgitta@this.is

Tenglar

Nýja Ísland

Ég les:

Tíbet

Fréttir frá Tibet
Tibet Info Net An Independent Information Service on Contemporary Tibet
Undercover in Tibet Ný heimildarmynd frá Channel 4 um hvernig ástandið er í raun og veru í Tíbet
Leaving Fear Behind Viðtöl við Tíbeta í Tíbet stuttu fyrir mótmælin í mars
Cry of the Snow Lion Margverðlaunuð heimildarmynd um Tíbet
Yeti - heimildarmynd
Yogis of Tibet Heimildarmynd um Jógameistara Tíbets sem eru óðum að hverfa
Students for a Free Tibet
Dalai Lama
Tibetan Uprising
Kerti fyrir Tíbet
Tibet TV
Central Tibetan Administration
Om mani padme hum

Ýmsar slóðir

sem ég man eftir í andartakinu

The Hunger Site
THE MEATRIX
Myspace síðan mín
Úgáfan Beyond Borders Alþjóðleg útgáfa sem ég stofnaði árið 1999 í netheimum
Hitt bloggið mitt
Félagið Ísland-Palestína
Womb of Creation Vefurinn minn sem ég hef haldið við síðan 1995
Myspace síðan hennar mömmu
Saving Iceland
Be the change:)
Náttúra vefur með umhverfisvitund
Nattura info
Care 2 make a Difference

Bækur

Bækurnar mínar

Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
Þýddi þessa ásamt Jóni Karli Stefánssyni
don Miguel Ruiz: Lífsreglurnar fjórar - the Four Agreements (ISBN: 9979768835)
Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
Birgitta Jónsdóttir: Dagbók kameljónsins (ISBN: 9979973307)
Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.