Mótmælaskýrsla og mjög alvarlegar fréttir frá Tíbet

Mótmælin í dag gengu vonum framar. Ég tók ákvörðun í morgunn um að gera þetta eftir að hafa fengið bréf frá fólkinu í aftöku um að þau væru til í að hjálpa mér. Svo var Ögmundur svo elskulegur að ræða um mótmælin í þeim viðtölum sem hann fór í dag og hvatti mig til að skrifa grein um ástandið í Kína sem hann setti inn á vefinn sinn og setti svo út á póstlistann sinn.

Allt þetta hjálpaði mikið til að fá þann fjölda sem kom þó að nánast enginn aðdragandi hefði verið að mótmælunum.  Ég mætti korter í fimm og stuttu eftir það kom lítill hópur af Tíbetum. Ég var sérstaklega ánægð að sjá þau og spjalla við þau. Finnst mikilvægt að gera næstu mótmæli í samstarfi við þau. Það hlýtur að vera hræðilega erfitt fyrir þau að fá svona litlar fréttir af ástvinum sínum og fátt betra en að gera eitthvað þegar maður bíður í óvissu sem léttir á spennunni.... eins og mótmæla óréttlætinu og kúguninni. 

Ég spurði löggunar hve margt fólk væri þarna að þeirra mati og þeir sögðu um 70 og myndi ég þá áætla tæplega 100 vegna þess að fólk kom og fór á meðan við stóðum þarna. Ég hafði útbúið ræðu á tölvuna mína en prentarinn þurfti endilega að verða bleklaus þegar ég ætlaði að prenta hana út. Ég varð því bara að spila ræðuhöld af fingrum fram og hélt hana reyndar á ensku til að allir skildu hvað ég væri að segja.

Nokkrir tóku til máls, meðal annars einn af Tíbetunum og útskýrði hann aðeins söguna í kringum þetta allt. Þá tók Birna Þórðar líka til máls og hann Snorri sem og fróðleiksbrunnurinn Jón Valur, en hann hefur skrifað fjölda greina um Tíbet sem innihalda gagnlegar upplýslingar og hægt að finna það á moggabloggi. 

Allskonar fólk frá allskonar bakgrunni var að finna þarna, pönkarar og þingmenn, skáld og vísindamenn, verkafólk og kennarar, börn og heldra fólk og sérstæðir kvistir:) Það er greinilegt að það brennur á fólki að fá að tjá sig um þetta málefni og ég skal svo sannarlega gera mitt besta til að skapa tækifæri til þess, en ég hvet líka aðra að fara að fordæmi mínu og gera bara svona að eigin frumkvæði, kalla til aðstoðar ef til þarf og finna hvað það er gefandi að fá hugmynd og framkvæma hana vegna þess að allt er betra en að sitja heima og í bullandi gremju;)

Ég tók einhverjar myndir og smá vídeó en batteríin þurftu endilega að klárast þannig að ég hleð þeim inn í dag... tækin ekki alveg með mér í dag en það er allt í lagi því dagurinn hefði ekki getað orðið betri.

Það var margt annað sem ég hef þörf á að tjá mig og ætla því miður að skilja ykkur eftir með eitthvað sem ætti að hvetja ykkur áfram í að gera eitthvað, fékk eftirfarandi bréf áðan frá póstlista the Tibetan Uprising movement... ég vara við myndunum sem vísað er í og ætti þeir sem eru viðkvæmir alls ekki að skoða þær. Ég hef séð ýmislegt en barsmíðarnar sem drógu munkana úr hofinu í Kriti til dauða voru svo ómennskar að ég á engin orð til að lýsa harmi mínum. Munið að þessir munkar voru vopnlausir, að í öllum þeim mótmælum sem hafa átt sér stað í Tíbet undanfarið þá eru það borgarar sem hafa brugðist við með skemmarverkum ekki munkarnir. En þeir sem þora ættu að skoða þessar myndir og minnast svo orða kínverskra yfirvalda að þeir hafi ekki beitt ónauðsynlegu ofbeldi. Einn hafði greinilega verið barinn í kynfærin þannig að það var blóði drifið...

Kæru vinir Tíbet og mannréttinda, látum í okkur heyra, skrifum sendiráðinu, sendum þeim þessar myndir og segjumst að við séum að fylgjast með obeldi og mannréttindabrotum þeirra, en ef þér blöskrar ástandið, í guðana bænun, ekki gera ekki neitt.... 

Subject: A Helpless Cry and fresh Images from Inside Tibet

 

Below is a desperate call from a journalist colleague of mine who's having a hard time dealing with the situation for Tibetans, both inside and outside- as I'm sure many of us are.. Please take a look at the link of photos.. that just arrived! 

peace, wasfia

Viewers discretion required.

http://www.phayul.com/photogallery/flash/2008/

----------------------------------------------------

 

Dearest all,

At the moment I am just too saddened by the situation in Tibet. China claims only 10 lifes lost in Tibet but in reality it is more. When I see the poor response from UN and countries like Russia say it is a domestic problem or internal problems, I feel we are too helpless. I feel there is no human values or I feel the ideals of non-violent has no values.

I feel we are pathetic and desperate to have or gain strong

International supports anyhow. Tell me what can we do more? We are really helpless. Everyday I am hearing the death tolls in Tibet is

mounting up so rapidly. And on the other side these athiest China

tells lie to the world. Today at the protest at the main temple in

Mc'leod I saw atleast more than 10 people fainting while they are

protesting. And after seeing some pictures of the death bodies from Kriti monastery in eastern Tibet I am pretty much disturbed.

With the great hope from you and your friends please try to tell the world that China is doing genocide in Tibet. They want to erase our ethnicity from the world.

Please visit phayul.com picture news, we have posted some pictures of some people killed in Tibet. I can't see it again and again.

God bless Tibet!

with much love,

Tenzin Dasel

www.phayul.com 

takk fyrir að lagfæra fyrirsögnina:)

og alla ykkar umfjöllun um ástandið í Tíbet... 

Ungmenni hvað?

Ég var að koma heim af mótmælunum sem voru vægast sagt frábær. Ég er nú ekkert ungmenni. Að verða 41 árs og ekki var eldri konan sem ég var að tala við frá Tíbet neitt ungmenni, þó hún hafi geislað af fegurð og þakklæti. Elsku besta mbl.is ekki kalla mig ungmenni, þó ungleg ég sé. 

Meira um fundinn seinna, þarf víst að elda kvöldmat handa börnum mínum:)

Þúsund þakkir allir sem komu, lögrelglan áætlaði um 70 manneskjur hafi tekið þátt í mótmælunum... 

Mótmæla við sendiráð Kínverja

Þetta er ég ánægð með:)

vona að það verði brugðist við STRAX

ég hafði mig í að þora að hringja í eina Tíbetan sem ég veit um hérlendis og bauð honum að koma á mótmælin í dag... held að hann hafi orðið pínu hissa, hann ætlar alla vega að koma...

svo er ég ákaflega þakklát Ögmundi að auglýsa fundinn svona stíft...

það blæs í mig miklum krafti, ég er að reyna að vinna mjög flókið verkefni ofan í þetta allt saman og verð að viðurkenna að ég á erfitt með að einbeita mér að því...

hvet fólk sem ætlar að koma og mótmæla í dag klukkan 17, að taka með sér útikerti ... ætla að kveikja á nokkrum slíkum til að minnast þeirra Tíbeta sem týna lífinu sínu í dag eða verða teknir höndum í  tengslum við mótmæli þeirra undanfarið.

Óska eftir fundi í utanríkismálanefnd vegna Tíbet

Hver á Tíbet?

Vaknaði klukkan hálf fimm í morgunn til að skrifa grein sem Ögmundur hvatti mig til að skrifa um ástandið í Tíbet. Hann var svo almennilegur að setja hana inn á vefsvæðið sitt áðan og auglýsa fyrir mig mótmælin sem ég er að standa fyrir í dag fyrir utan kínverska sendiráðið. 

Smellið hér til að lesa greinina mína á vefnum hans Ögmundur. Ég er bara nokkuð ánægð með hana. Besti tími til skrifta svona í morgunsárið áður en veröldin  í kringum mig vaknar.

Ég hef rekið mig á að það er eitthvað svona hægri vinstri dæmi í kringum Tíbet. Það á ekki að vera þannig. Finnst þess vegna frábært að sjá að Ögmundur er ekki undir slíka hugsanakreddur ofurseldur. Það er mikilvægt að fólk átti sig á að burtséð frá því hvar í flokki það stendur að fordæma ber brot á mannréttindum og þjóðarmorð. 

Því vildi ég gjarnan að við myndum einbeita okkur að því hvað við getum gert til að styðja við Tíbeta, fremur enn að byrja á einhverju hægri vinstri flokka nuddi. Það er bara ekki viðeigandi.

Ég er að skipuleggja mótmælin við sendiráðið og vekja athygli á því sem er að gerast í Tíbet til að styðja Tíbeta og það eru einu forsendur þessa aðgerða minna.  

Vona að enginn fari að kaupa lygarnar

í kínverska landsstjóranum í Tíbet, er búin að vera að skoða þær fáu ljósmyndir sem ég hef getað fundið á netinu.

Fjölmiðlar fá ekki aðgang að landinu og lokað hefur verið á símasamband og netið til Tíbet. Hef ekki fundið mikið myndefni, nema frá kínverska ríkissjónvarinu. Fann þó þessa af særðum manni í Lhasa eftir mótmælin 14. mars.

Minni á mótmæli sem verða í dag fyrir utan kínverska sendiráðið Víðimel 29, klukkan 17. 

Kínverskir hermenn „beittu ekki valdi“

Mótmæli boðuð fyrir utan kínverska sendiráðið í dag

Ég er að undirbúa mótmæli fyrir utan kínverska sendiráðið í dag klukkan 17. Í kvöld renna út tímamörk kínverskra yfirvalda, mótmælendum í Lhasa er gert að gefa sig fram til kínverskra yfirvalda eða sæta pyntingum. Þetta mun vera þekkt og nokkuð árángursrík aðferð hjá þeim.

Þeir vilja klína skipulagningu á mótmælum og uppþotinu sem varð í Lhasa á Dalai Lama, sem þó alla tíð hefur kallað eftir opnum samskiptum við Kína, en án árangurs. Ég held að þema fundarins ætti að vera á þeim nótum að við fordæmum ofbeldið og krefjum þá um að hleypa alþjóðlegum fjölmiðlum inn í Tíbet sem og fulltrúum mannréttindasamtaka til að athuga ástandið og aðbúnað fanga. Kínverjar voru í gær að smala fólki hús úr húsi til handtöku, þeir handtóku aðallega ungt fólk. Það er búið að loka á símasamband og netsamband til Tíbet og búið er að loka landinu. Fólk fær ekki að fara út af heimilum sínum í Lhasa og vegna þess að mótmælin voru ekki skipulögð þá var fólk ekki að hamstra matvæli. Það stendur því frammi fyrir því að svelta ef ekkert verður að gert.

Tíbet tilheyrir Tíbetum. Kína út úr Tíbet. 

Þeir sem vilja vera í sambandi við mig út af mótmælunum geta skrifað mér á [e-mail], vil helst ekki setja símanúmerið mitt á bloggið... 

Mótmæli víða um heim

Mótmæli fyrir utan kínverska sendiráðið í dag

Ég er að undirbúa mótmæli fyrir utan kínverska sendiráðið í dag klukkan 17. Í kvöld renna út tímamörk kínverskra yfirvalda, mótmælendum í Lhasa er gert að gefa sig fram til kínverskra yfirvalda eða sæta pyntingum. Þetta mun vera þekkt og nokkuð árángursrík aðferð hjá þeim.

Þeir vilja klína skipulagningu á mótmælum og uppþotinu sem varð í Lhasa á Dalai Lama, sem þó alla tíð hefur kallað eftir opnum samskiptum við Kína, en án árangurs. Ég held að þema fundarins ætti að vera á þeim nótum að við fordæmum ofbeldið og krefjum þá um að hleypa alþjóðlegum fjölmiðlum inn í Tíbet sem og fulltrúum mannréttindasamtaka til að athuga ástandið og aðbúnað fanga. Kínverjar voru í gær að smala fólki hús úr húsi til handtöku, þeir handtóku aðallega ungt fólk. Það er búið að loka á símasamband og netsamband til Tíbet og búið er að loka landinu. Fólk fær ekki að fara út af heimilum sínum í Lhasa og vegna þess að mótmælin voru ekki skipulögð þá var fólk ekki að hamstra matvæli. Það stendur því frammi fyrir því að svelta ef ekkert verður að gert.

Tíbet tilheyrir Tíbetum. Kína út úr Tíbet. 

Þeir sem vilja vera í sambandi við mig út af mótmælunum geta skrifað mér á [e-mail], vil helst ekki setja símanúmerið mitt á bloggið...