Kínverska löggan gengur í skrokk á gamalli nunnu

Las áðan frétt um að kínverskir gæðamenn hafi gengið í skrokk á gamalli nunnu í Tíbet fyrir það eitt að neita að hafna sínum trúarleiðtoga, Dalai Lama. Þá las ég það einnig að 1200 manns hafi verið teknir höndum fyrir mótmæli, 100 sé saknað og staðfest að 79 hafi verið drepnir. Þetta á aðeins við um í Lhasa. Ekki er vitað um hlutskipti Tíbeta annars staðar í landinu en mótmæli hafa verið stöðug undanfarnar tvær vikur. 

Enn er landið lokað og við Íslendingar hugsum frekar um viðskiptahagsmuni en mannréttindi ef marka má orð Utanríkisráðherra okkar. Hún segir eitt Kína, ég segi frjálst Tíbet.

Var að kíkja á veðurspánna og samkvæmt henni mun viðra vel til þess að koma saman fyrir utan kínverska sendiráðið. Ég er enn að springa úr gremju gagnvart þessu ófyrirleitna og viðbjóðslega áróðursmyndbandi sem kínverski sendiherrann sendi á fjölmiðla.

Á morgunn mun Poetrix rappa um réttlæti og óréttlæti, Jón Sæmundur mun frumsýna baráttuboli til stuðnings Tíbet. Ég hlakka mikið til að sjá þá. Held að hann hafi þá örugglega í gulu. Ég er að hugsa um að lesa nýtt ljóð sem ég samdi í vikunni á ensku. Og svo kemur vonandi Jón Valur og heldur aftur ræðustúf... hann er svo fróður um málefni Tíbet.

 

Fréttatilkynning: Mótmælum mannréttindabrotum í Tíbet

Tíbet hefur verið lokað af, fjölmiðlafólki og ferðamönnum hefur verið
vísað frá landinu. Símasamband og netsamband verið rofið.
Herlögum hefur verið komið á og fólk handtekið fyrir þá einu sök að
eiga mynd af trúarleiðtoga sínum, Dalai Lama í fórum sínum.

Undanfarið hafa mikil mótmæli brotist út í Tíbet, þau mestu í sögu
landsins. Í það minnsta 1000 manneskjur hafa verið handteknar í Lhasa.
Þeir sem þekkja til mannréttindabrota kínverskra yfirvalda vita að
þetta fólk mun sæta miklu ofbeldi í fangelsunum. Dæmi eru um það
að munkar hafa fremur skorið sig á púls en að þurfa að sitja undir
þeim pyntingum sem bíða þeirra í kínverskum fangelsum.
 

Á laugardaginn 29. mars klukkan 13, boðum við til mótmæla fyrir utan

kínverska sendiráðið. Tilgangur mótmælana er tvíþættur:
Að þrýsta á kínversk yfirvöld að virða mannréttindi Tíbeta og hleypa
alþjóðlegum mannréttindasamtökum inn í landið og sýna
Tíbetum stuðning í þeirra baráttu fyrir frelsi í sínu eigin landi.

Dalai Lama hvetur til viðræðna

Enn ein blóðug rósin í hnappagat Kína

Við sem upplýst þjóð, hreinlega verðum að leggja okkar á vogaskálar réttlætis og gera eitthvað til að þrýsta á kínversk yfirvöld og láta þau vita að okkur er ekki sama um mannréttindi í heiminum. Þau kynda undir þetta stríð en hafa því sem næst komist upp með öll sín myrkraverk óáreitt vegna þess að, ég veit það ekki, Kína er svo langt í burtu!!???

Frábært framtak hjá hjálparstofn kirkjunnar að vekja athygli á Darfúr... það er vægast sagt skelfilegt ástandið þar. 

„Vandinn í Darfúr kallar á ábyrgð okkar allra”

Slóð í fréttina sem vitnað er í

Finnst þessi frétt frekar hrá og ekki nógu vel unnin, set því hér slóð í fréttina sem er þýtt upp úr, hún gefur manni raunsannari mynd en þetta litla skeyti:) Smellið hér til að lesa. Hvet alla sem vettlingi geta valdið að koma fyrir utan kínverska sendiráðið, Víðmel 29, á laugardaginn klukkan 13.

Eigum við að láta efnahagslega hvata stoppa okkur í að virða mannréttindi? Það vill Ingibjörg Sólrún í okkar nafni. Hvet fólk til að kynna sér aðbúnað verkafólks í Kína, en þar eru verkalýðsfélög bönnuð og fólk er í þrælabúðum svo við getum keypt ódýrt dót, sem er langt í frá að vera nauðsynjavara. Er ekki tími kominn á að fólk skoði aðeins hvað það er að taka þátt í. Allt sem við gerum hefur áhrif, líka það sem við verslum. 

 

Munkar trufla skoðunarferð

Er kínverski sendiherrann siðblindur eða heilaþveginn?

Við ætlum að kíkja í heimsókn til sendiherrans trúverðuga á laugardaginn kemur klukkan 13. Erum að skella saman skemmtilegri dagskrá og svo mun viðra vel til meðmæla með friði, mannréttindum og þess háttar. Ég hef verið að lesa fréttir frá hinum og þessum fjölmiðlum og þetta áróðurmyndband er bara sorglegt og siðlaust, því það er svo fjarri sannleikanum.

Hér eru nokkur myndbönd af youtube frá fréttamönnum sem voru á staðnum og eru ekki þátttakendur í kínversku áróðursmaskínunni. Ásamt sögu Tíbet, viðtöl við munka, og fleira sem ætti að gefa aðra mynd af þessu öllu... Endilega ef þið hafið ekki séð kvikmyndina Kundum, þá mæli ég með henni, alveg mögnuð sem og æviminningar Dalai Lama, friðarhöfðinginn.

 

 

 

 

 

Skrílslæti, ekki mótmæli

Leikhús fáránleikans heldur áfram í Kína

Þarf ekki einhver að útskýra fyrir Kínverjum hvað fjölmiðlafrelsi er? Ég veit ekki hvort skal hlægja eða gráta. Vona bara að fólk fatti að þetta er leiksýning frá kínverska áróðursleikhúsinu og þessir vesalings fréttamenn strengjabrúður leikrits sem gæti mögulega heitið "Ánauð er frelsi - stríð er friður". 

Erlendir blaðamenn í Tíbet

Ingibjörg vill eitt Kína

Hvað ætli þeim í Tíbet finnist um það sem hafa verið að berjast fyrir sjálfstæði Tíbet? Hvað ætli konunum í Tíbet sem hafa verið neyddar í fóstureyðingu eða ófrjósemisaðgerðir af hendi Kínverja finnist um það? Ég vona að Ingibjörg sjái sóma sinn í því að kynna sér hvað er raunverulega í gangi í Tíbet áður en hún ákveður fyrir hönd okkar Íslendinga að styðja nýlendustefnu Kína. 

Þessi frétt er afar villandi miðað við hvað hún lét út úr sér í tíufréttum sjónvarpsins. En við vitum þá alla vega hvar við höfum hana í þessu máli. Skora á aðra ráðamenn að leyfa okkur að vita þeirra afstöðu. Skora á blaðamenn að spyrja þá. 

Loksins

Nú fær Ingibjörg prik hjá mér:) Er að elda kvöldmat... meira seinna. Vildi bara hrósa henni strax fyrir að bregðast við á þennan máta.

Utanríkisráðherra lýsti yfir áhyggjum vegna Tíbet

Halló halló auglýsi eftir íslensku ríkisstjórninni

Þögn ykkar er neyðarleg og jafnframt skammarleg. Á meðan sendir eru lögreglubílar á klukkutíma fresti fyrir utan kínverska sendiráðið svo dögum skiptir, til að vernda sendiráðið fyrir kertaljósum og gulum úlpum, geta íslensk stjórnvöld ekki séð sóma sinn í að segja eitthvað um ástandið sem skekur heiminn allan... Við höfum kallað eftir svörum. Ég krefst þess að fá að vita hvar okkar ríkisstjórn stendur varðandi mannréttindabrot í Kína, NÚNA.

Sarkozy útilokar ekki hunsun Ólympíuleika

Hver segir að þrýstingur skipti ekki máli

Ríki heims hafa þrýst all rækilega á kínversk yfirvöld að efna loforð sín um aðgang fjölmiðla að landinu sem og aðgang almennings að fjölmiðlum, sem voru forsenda þess að Ólympíuleikarnar verða haldnir í Kína. Það er aðeins út af þessum þrýsting sem þetta er að gerast og hið besta mál. En gleymum ekki mannréttindabrotunum sem eru í gangi þarna. Í gær maður hnepptur í 5 ára fangelsi fyrir það eitt að safna undirskriftum fyrir bættum mannréttindum í Kína... Skora á íslenska ráðamenn að gera eitthvað til að auka á þrýsting gagnvart hinni miskunnarlausu stefnu kínverskra ráðamanna varðandi mannréttindi og annan munað eins og til dæmis tjáningarfrelsi.

Opnað fyrir vefsíðu BBC í Kína