Mótmæli í Njarðvík í dag

Fann þetta skeyti inn á facebook áðan og vil endilega koma henni á framfæri og hvetja fólk til að mæta sem blöskrar aðgerðir lögreglu í gær gagnvart hælisleitendum. Vil jafnframt minna á að á sama tíma og verið var að leita hjá flóttafólkinu var lögreglan ekki að leita að manni sem auglýstur var í öllum fjölmiðlum sem lífshættulegur ofbeldismaður og slapp sá hinn sami úr landi á meðan verið var að gramsa í persónulegum munum hælisleitenda. Kaldhæðnislegt í meira lagi.

Boðað er til mótmælasamkomu fyrir utan Lögreglustöðina í Njarðvík í dag, föstudaginn 12. september, klukkan 14:00, til að mótmæla meðferð hælisleitenda á Íslandi og krefja lögregluna svara um aðgerð gærdagsins.

Við krefjumst þess að allir hælisleitendur á Íslandi fái sömu meðferð og væru þeir ráðherradætur, ráðherrasynir.

----

Til lögregluyfirvalda beinum við þessum spurningum:

Hvaða framkoma við hælisleitendur krafðist 58 lögreglumanna gegn 40? Hvaða aðstæður kröfðust aðkomu sérsveitarmanna?

Hvaða vopn báru sérsveitarmenn við aðgerðirnar, var þeim beitt, og hvaða tilefni þótti þá til þess?

Margir voru handjárnaðir við aðgerðirnar, að sögn lögreglu. Hversu margir, af hvaða tilefni og hversu lengi? Voru þeir handteknir? Verða þeir kærðir?

Hvaða lagaheimildir lágu að baki aðgerðinni? Ræðst lögmæti hennar af því hvaða gögn komu í leitirnar og hvaða upplýsingar þau geyma? Ef svo er, hvaða gögn voru það og hvernig er mikilvægi þeirra metið?

Voru allir hælisleitendur beittir sömu meðferð, en ekki aðeins þeir grunuðu?

Gerði lögreglan lögmætar eigur hælisleitenda upptækar? Eða er sannað að þetta hafi verið þýfi og/eða ólögmætar tekjur? Eru lagaheimildir lögreglunnar til þessarar aðgerðar skýrar?

Var brotið á viðurkenndum mannréttindum og lýðréttindum hælisleitenda í aðgerðinni – friðhelgi einkalífs, réttinum til réttlátrar málsmeðferðar?

---

Dómsmálaráðuneytið spyrjum við:

Er það satt að eftir mánaða eða ára bið í algjörri óvissu frétti hælisleitendur á Íslandi af brottvikningu sinni með 10-15 mínútna fyrirvara, áður en þeir eru fluttir á Leifsstöð?

Starfar Útlendingastofnun út frá óskrifuðum reglum um meðferð fólks á grundvelli kynþáttar, upprunalands og/eða fjárhags og stéttar?

Er réttarstaða hælisleitenda og annarra útlendinga sem hingað koma tryggð með lögum og varin með eftirlitsstofnunum? Eða hafa lögregluyfirvöld frjálsar hendur gagnvart þessu fólki? Ráða duttlungar för í meðferð þess?


---

Tekið skal fram að á Íslandi er rétturinn til að koma saman til mótmæla ekki háður leyfi neins yfirvalds.

Athugasemdir

[Gunnar K. (IP-tala skráð) 12.9.2008 kl. 13:08]

Þetta er svolítið mikið vænisjúkt.  Lögregluyfirvöld hafa útskýrt hvers vegna farið var í þessar aðgerðir og að dómsúrskurður hafi legið fyrir.

Liðsmunurinn 58 á móti 40 er bara nokkuð eðlileg tala ef markmið aðgerðarinnar er að koma í veg fyrir að sönnunargögnum sé komið undan og tryggja öryggi.  Sérsveitarmenn vinna við almenna-löggæslu og aðstoða öll embætti landsins í stórum sem smáum verkefnum.  Af fréttamyndum að dæma eru sérsveitarmennirnir ekki vopnaðir skotvopnum frekar en aðrir lögreglumenn.  Lagaheimildir eru skýrar og lögreglan gerir aldrei hluti upptæka.  Árangur aðgerðarinnar var mjög góður að sögn lögreglustjóra.  T.d. góður á þann hátt að núna getur útlendingastofnun hraðað hælisumsóknum margra aðila sem hingað komu til lands og hafa logið til um hverjir þeir eru og eru á allan hátt ósamvinnufúsir við yfirvöld.

 Allir hælisleitendur eiga rétt á sömu meðferð hvort sem þeir eru Ramses eða séra Ramses.

[Stefán (IP-tala skráð) 12.9.2008 kl. 13:39]

Ég hef skömm á því hvimleiða fólki sem þarna sér ástæðu til að mótmæla algjörlega eðlilegum lögregluaðgerðum. Úr landi með þessa lán/vonlausu mótmælendur.

[Bjarni Kjartansson, 12.9.2008 kl. 14:40]

Endilega mótmæla þessu þetta er ótrúlegt, að menn þurfi að fara að lögum og ef þeir ekki geri það, sé von á löggimann, það er ekkert annað en ótrúlega léleg gestrisni, að ekki sé meira sagt, svo sem FASISMI, KommúnISMI nazISMI. ISMI ISMI og anfjölmennignarlegt --eitthvað.

Set inn það sem ég hef gert hjá Agli sjóðshaldara og Stormskerinu.

Alveg er ég sammála þér Egill, við verðum að láta alla njóta SÖMU MEÐÐFERÐAR. Annað er bara ljótt.

Setti þetta inn hjá Stormeskerinu um sama efni:

Nú er akkurat tíminn til að fleyta kertum, fara í mótmælagöngu, mótmælastöðu fyrir framan Dómsmálaráðuneytið og gera allt vitlaust.

Það er ótrúlega léleg gestrisni, að löggiman brjótist inn til að snuðra uppi rétt nafn og ríkisfang manna, sem hingað koma.

Svo eru þeir eitthvað að gera spooky að menn eigi smá skotsilfur og nokkur vegabréf.

Hvað er eiginlega að þessu liði? Ha, eins og það sé eitthvað asnalegt að eiga seðla til að redda smá málum? Ha, eru þessir menn svona kaldlyndir ?

Við fórum í allskonar göngur, stöður og fýlu, til að Ramses /Páll eða hvað svo sem hann heitir. fengi að vera hjá ,,konu sinni og barni” en ekki í sólinni á Ítalíu, enda vverða menn að fara að lögum þar, ferlega fúllyndir löggimannar þar.

Svo er það jafnréttisspursmál, að hinir sem eru að leita að hæli hér fái SÖMU MEÐFERÐ þegar ÞEIR LJÚGA EKKI NEITT MEIRA EN RAMSES EÐA hvað hann heitir. Jufhu eða hvað sem ættingjar hans segja.

Allir mega ljúga að löggimann, við verðum að skrifa lögguna upp og steikja á teini.

Miðbæjaríhaldið

Cosmopolitan og víðsýnn með afbrigðum

[Jon Mag (IP-tala skráð) 12.9.2008 kl. 15:56]

Auðvita átti þessi aðgerð rétt á sér. Fólk sem leynir vegabréfum sínum og öðrum einkennum fyrir yfirvöldum hefur einhverju að leyna og er það barnaskapur að halda annað.Í Noregi síðast þegar ég vissi voru um 200 hælisleitendur sem til og með höfðu brennd fingraför sín með sýru eða einhverju til að ekki væri hægt að finna út um upprunna þeirra.Það er fullt af fólki á ferðinni sem við viljum ekki hingað inn og einmitt það fólk gerir allt til að leyna sínum upprunna.Þó það kosti einhverja smá óþægindi þegar lögreglan reynir það sem hún getur til að hafa upp á óæskilegum hælisleitendum í búðum eins og í Keflavík þá verður bara að hafa það því mikið er í húfi.Og þeir sem eru með sitt á þurru ættu þá að fá fljótari afgreiðslu sinna mála þegar búið er að fækka í hópnum og eins hlýtur svona heimsókn að vera tilbreyting í annars tilbreytingarlausri bið.

[Elías (IP-tala skráð) 12.9.2008 kl. 16:31]

Hvar er lögreglustöðin í Njarðvík? Veit ekki til þess að það sé nein lögreglustöð í Njarðvík, nema ef vera skyldi uppi á Grænási (þar sem vallarlögreglan er/var til húsa).

Spyr sá sem ekki veit.

[Gísli Sigurðsson, 12.9.2008 kl. 17:44]

Að sjálfsögðu var lögreglan í fullum rétti að rannsaka mál þar sem grunur leikur á að eitthvað sé ekki eins og vera ber. Rétt eins og í öllum málum sem rannsaka þarf. Og annað, ég veit allavega um einn hælisleitanda sem er kominn í vinnu, og einn lögreglumaðurinn sem þarna var að störfum og vissi um hans hagi spurði hann hvort hann vildi ekki bara fara að drífa sig í vinnuna.

[Salvör Kristjana Gissurardóttir, 12.9.2008 kl. 20:39]

gott að benda á þetta og gæta mannréttinda þeirra sem eiga erfitt með að leita réttar síns.

[Siggi (IP-tala skráð) 13.9.2008 kl. 04:59]

Það er alveg merkilegt að það er eins og það meigi ekki Slá á puttana eða Vísa útlendingum heðan burt án þess að allir verði Crazy.  Mer finst bara alti legi að það sé Gerð hús leit hjá þeim enda fundus í þessu tilfelli Svartir peningar uppá Sextánhundruð þúsund.( Dóp peningar).? Þá eru vissir einstaklingar í þessum hóp strax orðnir að sakamönnum . Enda finst mer bara allur vari góður það þarf ekki en að líta til Nágtrannalandana til að Sjá Hvernig inflitendamál eru þar gersamlega í klessu þanneg að það er ok að fara sér hægt í þessum efnum ..

[Tína, 13.9.2008 kl. 07:09]

Innlitskvitt og vikuskammtur af knúsi darling.