Fréttatilkynning frá Saving Iceland

Hvet fólk eindregið til að kynna sér fyrirtækið Rio Tinto.

Að gefnu tilefni fyrir þá sem hafa þörf á að tjá sig um hvort að fólk sem tekur þátt í aðgerðum Saving Iceland eigi að fá sér vinnu eður ei, þá bendi ég þeim hinum sömu á að flestir sem ég hef rætt við sem hingað koma vinna mikið á veturna til að hafa fjárhagsleg tök á að sýna Íslenskum aðgerðasinnum stuðning. 

SAVING ICELAND STÖÐVAR UMFERÐ AÐ ÁLVERI RIO TINTO-ALCAN Í STRAUMSVÍK
- ,,STÖÐVUM VIRKJUN ÞJÓRSÁR FYRIR HERGAGNAFRAMLEIÐANDA!”

HAFNARFJÖRÐUR - Aðgerðasinnar frá Saving Iceland hafa nú stöðvað umferð að
álveri Rio Tinto-Alcan í Straumsvík með því að hlekkja sig við hlið sem
hleypa umferð til og frá álverslóðinni. Saving Iceland mótmælir
fyrirhugaðri framleiðsluaukningu, nýjum álverum
og samhliða eyðileggingu íslenskri náttúru fyrir raforkuframleiðslu.
Samstarf Rio Tinto-Alcan við fjölmarga hergagnaframleiðendur er einnig
fordæmt.

Rio Tinto-Alcan hyggst nú auka framleiðslu álversins í Straumsvík um 40
þúsund tonn á ári án þess að stækka álverið sjálft. Einnig vinnur
fyrirtækið að undirbúningi nýs álvers á Keilisnesi eða í Þorlákshöfn (1).

Orkuveita Reykjavíkur hugðist reisa Bitruvirkjun til að koma til móts við
orkuþörf stækkaðs álvers í Straumsvík (2) en nú hafa framkvæmdirnar á
Bitru verið fjarlægðar af teikniborðinu  vegna andstöðu almennings og O.R.
ekki framlengt samning sinn við Alcan (3).

Á sama tíma stefnir Landsvirkjun nú ótrauð að byggingu þriggja virkjanna í
Þjórsá auk Búðarhálsvirkjunar í Tungnaá, en Landsvirkjun og Alcan eiga
sín á milli viljayfirlýsingar um orkuöflun fyrir stækkun álversins í
Straumsvík eða nýrra álvera (4). Í Desember 2006 skrifuðu Alcan og
Landsvirkjun einmitt undir samning um orkuöflun, en í samningnum sagði
einnig að Alcan tæki þátt í undirbúningskostnaði fyrirhugaðra
Þjórsárvirkjanna (5).

Spilling í Hafnarfirði
Í lok Mars 2007 fóru fram íbúakosningar í Hafnarfirði, þar sem stækkun
álversins var hafnað. Lúðvík Geirsson, bæjarstjóri Hafnarfirði, sagði sama
kvöld og kosningarnar fóru fram að þær væru ,,sigur fyrir lýðræðið” og
bætti því við að hann myndi hlíta niðurstöðunni (6).

Aðeins þremur mánuðum seinna sat Lúðvík fund með Rannveigu Rist, forstjóra
Alcan á Íslandi, og Michel Jacques, forstjóra Alcan Primary Metal Group,
þar sem framhaldsstarfsemi fyrirtækisins hér á landi var rædd. Meðal
annars var rætt um mögulega stækkun á landfyllingu út í sjó (7), en um
mánuði áður höfðu forsvarsmenn Alcan hér á landi rætt um að flytja
starfsemi fyrirtækisins til Þorlákshafnar.

,,Er þetta það sem Lúðvík Geirsson kallar sigur lýðræðisins? Svikin
loforð?” segir Snorri Páll Jónsson Úlfhildarson frá Saving Iceland.
,,Hegðun Lúðvíks sýnir vel hversu mikið vald álfyrirtækin hafa hér á
landi. Valdhafar virðast einfaldlega ekki þora að standa í vegi fyrir
uppgangi stóriðju.”

Vafasamir viðskiptahættir Alcan
Þann 30. Ágúst 2006, skrifaði Alcan undir langtíma samning um þátttöku í
framleiðslu á orrustuþotunni F-35 Jointer Strike Fighter, ásamt
vopnaframleiðendunum Lockheed Martin, Northtrop-Grumman og BAE Systems
(8).

,,Þetta er ekki beint glæsilegur hópur” segir Sofie Larsen frá Saving
Iceland. ,,Hingað til hefur athyglin hér á landi aðallega beinst að Alcoa
þegar kemur að tengslum álframleiðslu og stríðsreksturs. Alcan er hins
vegar engu skárri, því fyrirtækið er viðriðið fjölmarga
hergagnaframleiðendur.”

Alcan framleiðir m.a. ál fyrir EADS (European Aerospace and Defense and
Space) (9), sem framleiðir herþyrlur, orrustuþoturnar Euorofighter Tycoon,
Mirage F1, EF18 Hornet og aðrar þotur. EADS er einnig leiðandi
framleiðandi flugskeyta (10).

,,EADS fullyrðir á heimasíðu sinni að vörur fyrirtækisins séu seldar til
landa þar sem sala á hátækni flughernaðartólum fer fram á ábyrgan hátt“
segir Sofie. ,,En á sömu síðu má finna myndbönd frá Þýskalandi á tímum
nasismans, þar sem fyrri heimsstyrjöldin og flugvélar Nasista eru lofaðar
hástöfum (11). Hvers konar siðferði er það?”

Virkjun Þjórsár
Nú stefnir allt í að Þjórsárvirkjanirnar þrjár og Búðarhálsvirkjun verði
að veruleika, þrátt fyrir  sterka andstöðu bænda við Þjórsá. Landsvirkjun
hefur farið hverja ferðina á fætur annarri upp að Þjórsá í þeim tilgangi að
reyna að fá bændur til að samþykkja framkvæmdirnar. Eftir að níu bændur af
þeim tíu sem munu verða fyrir áhrifum af byggingu Urriðafossvirkjunar,
afhentu Landsvirkjun bréf um að þeir tækju ekki frekari þátt í umræðum um
virkjanirnar, hefur Landsvirkjun hótað að beita eignarnámi til að ná sínu
fram.

Í viðtali við Sunnlenska, sagði Jón Árni Vignisson, bóndi við Þjórsá, að
Sveitastjórn Flóahrepps hafi samþykkt breytingu á aðalskipulagi þar sem
gert er ráð fyrir virkjun Urriðafoss, eftir að Landsvirkjun hafi lofað að
koma að ýmsum málum innan sveitarinnar, t.d. betra farsímasambandi,
vegagerð og vatnsöflun ásamt peningagreiðslu (12).

Stækkun álvers Rio Tinto-Alcan og virkjun Þjórsár eru stórspilltar
framkvæmdir, sem þarf að stöðva áður en þær hefjast.

Um Saving Iceland
Saving Iceland varð til þegar íslenskir umhverfissinnar kölluðu eftir
alþjóðlegri aðstoð til að verna íslensk öræfi - og samfélag - frá græðgi
ál- og orkufyrirtækja. Í sumar hefur hópurinn staðið fyrir fjórðu
aðgerðabúðum sínum; í þetta sinn á Hellisheiði, en áður hafa búðirnar átt
sér stað á Mosfellsheiði, við Kárahnjúka og á Reyðarfirði.

Nánari upplýsingar:
Sofie Larsen - s. 821 8236
Snorri Páll Jónsson Úlfhildarson - s. 857 3521
[e-mail]
www.savingiceland.org

Heimildir:

(1) Mbl.is, Álframleiðsla hjá Alcan aukin um 22 prósent,
http://www.mbl.is/mm/frettir/innlent/2007/12/29/alframleidsla_hja_alcan_aukin_um_22_prosent/
(2) Mbl.is, Fyrirhugaðar framkvæmdir og orkusala haldast í hendur,
http://www.mbl.is/mm/frettir/innlent/2007/11/13/fyrirhugadar_framkvaemdir_og_orkusala_haldast_i_hen/
(3) Mbl.is, 200 mw orkusala úr sögunni,
http://www.mbl.is/mm/frettir/innlent/2008/04/20/200_mw_orkusala_ur_sogunni/
(4) Vísir.is, Alcan keppir áfram um orku Þjórsár,
http://visir.is/article/20070909/FRETTIR01/70909058/0/leit&SearchID=73325485751226
(5) Heimasíða Rio Tinto-Alcan á Íslandi,
http://www.riotintoalcan.is/?PageID=12&NewsID=175
(6) Mbl.is, Sigur fyrir lýðræðið,
http://www.mbl.is/mm/frettir/innlent/2007/03/31/sigur_fyrir_lydraedid/
(7) Mbl.is, Álver á landfyllingu,
http://mbl.is/mm/frettir/innlent/2007/06/20/alver_a_landfyllingu/
(8) Vefsíða Alcan,
http://www.alcan.com/web/publishing.nsf/Content/Alcan+Becomes+Leading+Heavy+Gauge+Plate+Aluminum+Supplier+for+the+F-35,+Joint+Strike+Fighter+(JSF
(9) Vefsíða ABC Money, http://www.abcmoney.co.uk/news/13200786914.htm
(10) Vefsíða EADS,
http://www.eads.com/1024/en/businet/defence/mas/combat_aircraft/combat_aircraft.html
(11) Myndband sem segir sögu EADS,
http://www.eads.com/xml/content/OF00000000400004/0/64/41488640.asx
(12) Sunnlenska Fréttablaðið, 30. tölublað, Eigum marga aðra valkosti,
bls. 8-9, 24. Júlí 2008

Loka vegi við álverið í Straumsvík

Athugasemdir

[Svavar Örn Guðmundsson (IP-tala skráð) 1.8.2008 kl. 14:07]

Bara svo að þið vitið að þá var kosningin í Hafnarfirði ekki um stækkun álversins heldur um skipulag sem var að færa reykjanesbrautina þannig að álverið fengi meira pláss til þess að stækka sig en ekki beint um stækkun álversins. Þannig að álverið getur stækkað sig eins og það getur á því svæði sem það hefur til umráða án þess að vera á skjön við íbúakosninguna.

kv. Svavr

[Guðmundur (IP-tala skráð) 1.8.2008 kl. 14:07]

Fræðandi fréttatilkynning. Flott hjá SI. Þakka Birgitta fyrir að birta hana.

[Birgitta Jónsdóttir, 1.8.2008 kl. 14:19]

gefðu þér nú tíma ditta mannsbarn til að lesa tilkynninguna frá þeim áður en þú setur inn komment sem á að vera í samhengi við færslu.

[Guðmundur (IP-tala skráð) 1.8.2008 kl. 14:24]

Ansi urgar í þér bræðin ditta! Gaman að sjá hvað SI fara í taugarnar á liði eins og þér sem getur  ekki komið fram með haldbærari rök en þau að reyna að gera lítið úr fólkinu fyrir meintan aldur þeirra. Og þetta með flugvélarnar er líka útjöskuð klisja, langflest þeirra koma hingað með Norrænu, einmitt vegna þess að þau vilja ekki fljúga með flugvélum.

 Svavar, þú ert með gamlan pólitískann útúrsnúning sem RIO TINTO-ALCAN eru að fela sig bak við. Slappur gaur!

[Svavar Örn Guðmundsson (IP-tala skráð) 1.8.2008 kl. 14:29]

Guðmundur, nei ég er ekki með neinn útúrsnúning ég er bara að fara með staðreyndir og ég er ekki að segja að þetta hafi verið rétt en það var kosið um það.

 Svo fynnst mér nú frekar slappt af þér að vera kalla mig eitthvað sem ég er ekki af því ég er að viðra mitt álit án þess að vera með einhver leiðindi.

[Hilmir Arnarson, 1.8.2008 kl. 14:52]

Hvenær ætlar SI að fara að mótmæla almennilega?  Mér finnst eins og þau séu alltaf að skemmta sér, alltaf bara sprell og fjör og svaka gaman.  Einhvernveginn get ég ekki tekið SI alvarlega því mér stekkur bar bros á vör þegar ég sé myndir af þessum krökkum við mótmælaaðgerðir.  Af hverju er hópurinn svona fámennur?  Er ekki kominn tími til að fjölga og gera mótmælin almennilega?

[Guðmundur (IP-tala skráð) 1.8.2008 kl. 15:17]

Hilmir, þar til SI komu til hafa flest íslensk mótmæli helst verið svo leiðinleg að það mætti segja að þau væru einskonar jarðarfarir. Og þá um jarðarfarir málstaðarins.

Hvaða meinloka er þetta að manni þurfi að leiðast í mótmælum!? Þeim einu sem á að leiðast mótmælin er stjórnvöldum og þeim fyrirtækjum sem verið er að mótmæla. 

Hilmir, hvaða undarlega duld er það í þér að geta ekki "tekið mark" á því sem er líflegt og getur skemmt sér um leið og tekur á grafalvarlegum málum með vel rannsökuðum og rökstuddum yfirlýsingum til þess að bakka  upp mótmælin???

SI eru ekki samtök þess eðlis að þau þurfi á miklum fjölda til ná sínu marki. Þau ná að sparka í rassinn á fyrirtækjum og fólki, enda hefur umhverfisvitund almennings stóraukist síðustu árin m.a. vegna aðgerða SI.

En vissulega er tími til kominn að fleiri fari gera eitthvað í þessum málum, þ.e.  áður en það er orðið of seint og orkufyrirtækin verða búin að rústa því sem eftir er af því sem er ómetanlegt í náttúrunni okkar og stóriðjan því littla sem er af lýðræði hér á landi.

 Svavar, agalega ertu hörundsár maður. Það eina sem ég sagði var að þú værir slappur og stend við þau orð.

[Svavar Örn Guðmundsson (IP-tala skráð) 1.8.2008 kl. 15:33]

ég er als ekki hörundsár kallinn minn ég er bara að ræða málin aftur á móti finnst mér þetta vera barnalegar skoðanir og mjög einfaldðar, fólkið í landinu þarf vinnu með einum eða öðrum hætti og sérstaklega núna þegar verið er að segja fólki upp út um allt.

[Viðar Freyr Guðmundsson, 1.8.2008 kl. 15:48]

Augljósa fyrsta spurning er: Afhverju er verið að reyna að stöðva vopnaframleiðslu (og græðgi) með því að stöðva álversframkvæmdir á Íslandi?

Heita ekki samtökin 'saving iceland'? þau heita ekki 'stöðvum vopnaframleiðslu um allan heim'.

2: Hvað gerist þegar Ísland hættir að framleiða ál sem fer í vopnaframleiðslu? Leggst þá vopnaframleiðsla af og fer á hausinn vegna ál-skorts ? Eða kaupa þeir bara álið e.h. staðar annarstaðar frá? Hvaða afleiðingar hefur það í för með sér, t.d. á ál-verð í heiminum, fyrir þá sem hafa ekki endalausa peninga, líkt og vopnaframleiðendur ?

3: Ætlar Saving Iceland þá að stöðva alla álframleiðslu í heiminum til að koma í veg fyrir vopnaframleiðslu ?

4: Er allt ál vont ?

5: Væri ekki miklu skynsamlegra að berjast gegn vopnaframleiðendum með beinum hætti, t.d. með því að loka umferð um verskmiðjur þeirra sjálfra ?

6: Er það virkilega rétta leiðin til að berjast gegn græðgi ál og orkufyrirtækja, að reyna að tefja framkvæmdir þeirra. Síðast þegar ég athugaði var græðgi eitthvað sem er í hugum fólks. Þarf ekki frekar hugarfarsbreytingu til þess að stöðva græðgi ? Haldið þið virkilega að þið séuð að knýja fram hugarfarsbreytingu hjá hlutafjáreigendum með þessum aðgerðum ?

7: Er þetta raunhæft markmið hjá ykkur ? Haldið þið að stórfyrirtækin eigi eftir að pakka saman og fara heim á endanum ? Hvernig miða aðgerðir SI að því að það gerist ?

[Eva Hauksdóttir (IP-tala skráð) 1.8.2008 kl. 19:08]

Ditta: Ég óska hér með eftir rökstuðningi við þá hugmynd að fólk á vegum SI viti ekki hvað það er að tala um. Dæmi takk.

Ennfremur hvaða heimildir þú hefur fyrir aldri mótmælenda. Ef það er eingöngu æskufegurðu þeirra sem þú ert að horfa á, spurðu þá starfsmenn áfengisverslana af hverju þeir krefji harðfullorðið fólk um skilríki.

[Eva Hauksdóttir (IP-tala skráð) 1.8.2008 kl. 19:29]

Viðar Freyr:

1) Hreyfingin heitir Saving Iceland vegna þess að megin markmið hennar er að bjarga Íslandi úr klóm stóriðjustefnunnar. Við höfum þó nægar aðrar ástæður til að hafa andúð á áliðnaðinum og mannréttindabrot og hernaður eru meðal þeirra.

2) Þegar Íslendingar hætta að gefa álfyritækum færi á að leggja landið undir sig munu þau að líkindum fremja sín myrkraverk annarsstaðar. Það er svosem nógu slæmt en réttlætir ekki þátttöku okkar í ógeðinu. Þú getur alveg eins sagt að ef við útvegum ekki kókaínframleiðendum nánast ókeypis húsnæði til framleiðslunnar, muni þeir bara framleiða sitt kókaín annarsstaðar.

3) Saving Iceland ætlar ekki að stöðva alla álframleiðslu í heiminum enda er það óraunhæft markmið. Við hættum sennilega þegar Río Tinto/Alcan, Alcoa, Hydro, Glencore og dótturfyrirtæki þeirra eru öll farin á hausinn og álframleiðsla komin í hendur ábyrgra aðlila.

4) Nei, ál er ekki vont en álframleiðsla er mjög orkufrek og mengandi og veldur hroðalegu jarðraski. Það sem er vont er að við framleiðum miklu meira ál en jörðin ræður við og það er enn verið að auka álframleiðslu. Við getum vel dregið úr álframleiðslu án þess að nokkur þjáist fyrir það. 

5) Það er ágæt hugmynd að loka umferð að vopnaverksmiðjum. Láttu mig endilega vita þegar þú skipuleggur slíka aðgerð og þá skal ég hjálpa til. Reyndar hafa aktivistahreyfingar víða um heim ráðist beint á vopnaverksmiðjur en þar sem okkar markmið snúa sérstaklega að Íslandi er rökrétt að ráðast á hergagnaframleiðandann Alcoa hér á landi.

6) Ég hef ekki trú á því að það sé hægt að knýja fram eða laða fram hugarfarsbreytingu hjá hlutafjáreigendum stóriðjufyrirtækja með neinni aðferð. Ég held að eina leiðin sé þrýstingur frá stjórnvöldum og almenningi. Þessvegna notum við aðgerðir sem fá fólk eins og mig og þig til að velta upp siðferðilegum spurningum og krefjast svara.

7) Markmiðið er stórt og því verður ekki náð á skömmum tíma. Öll mikilvæg mál í mannkynssögunni hafa unnist með beinum aðgerðum sem fyrst hafa verið á höndum lítils hóps en almenningur hefur síðar stutt og tileinkað sér. Það tekur hinsvegar tíma. Aðgerðir SI miða annarsvegar að því að skapa og viðhalda umræðu meðal almennings (sem aftur veitir fyrirtækjum og stjórnvöldum aðhald) og hinsvegar að því að gera fyrirtækjunum erfitt fyrir, neyða þau til að svara fyrir voðaverk sín og koma til þeirra skilaboðum um að það sé fylgst með þeim.

[Eva Hauksdóttir (IP-tala skráð) 1.8.2008 kl. 19:32]

Hilmir: Hverjar eru þínar hugmyndir um almennileg mótmæli? Endilega leggðu í púkkið.

[Ingunn Ólafsdóttir (IP-tala skráð) 1.8.2008 kl. 23:26]

Áhugaverð og vissulega þörf umræða.

Mér finnst persónulega áhugavert að sjá hvað íslendingar eru svakalega hrædd við allar tegundir mótmæla. Það er eins og að það sé viðtekin staðreynd hjá íslenskum almenningi að það séu bara atvinnulausir hippar sem að ekkert vit hafa á gangi heimsins, sem að séu að mótmæla .. að þetta sé fólk sem að hefur bara ekkert betra við tíma sinn að gera og sé að finna sér afsökun til að gera uppreisn. Mér finnst þetta alveg ótrúlegt og reyndar sorglegt sjónarmið. Vissulega er þetta til, en engan vegin algilt.

Mér finnst virðingarvert að það sé til fólk sem að er rekið áfram af hugsjónum og sem að hugsar í stærra samhengi en bara gróðahugmynd augnabliksins.  Það hefur oft heyrst að þetta fólk ætti bara að fá sér vinnu og hætta þessu veseni, vera ekki að trufla vinnandi fólk. Svakalega finnst mér þetta þröngsýnt sjónarmið og lýsir ótrúlegri fáfræði.

Það sem að einmitt gagnast kapitalistiskum, siðlausum "glæpafyrirtækjum" víðsvegar í heiminum, er sú staðreynd að víða býr fátækt og fáfrótt fólk sem að getur ekki annað en að eyða orku sinni í að skaffa brauð fyrir morgundaginn. Öll orkan fer í brauðstreðið, það að lifa af, og þess vegna er ekkert afgangs til að berjast fyrir rétti sýnum. Ef að einvherjir svo gera það, þá er iðulega þaggað niður í þeim, eins og dæmi sýna. Td á Indlandi þar sem að ættflokkar hafa hreinlega verið myrtir til að þagga niður í mótmælum vegna trúarlega og söglega mikilvægra staða sem að hafa verið jafnaðir við jörðu vegna byggingar eldspúandi og mengandi verksmiðja.

Að mínu áliti ætti ekki að vera jafn auðvelt að þagga niður í íslendingum. Látum heyra í okkur! Ég hvet Saving Iceland til þesa að gefast aldrei upp, og öll ykkar sem að gagnrýnið þetta fólk og styðjið endalausa virkjun ómetanlegra íslenskra náttúrusvæða, hvet ég til að skoða hug ykkar og hugsa alvarlega um hverra hagsmunir eru í húfi, hvernig lítur framtíðin út, hvert mun núverandi stefna bera okkur íslendinga ?

Fljótum ekki sofandi að feigðarósi !

[Páll Geir Bjarnason, 2.8.2008 kl. 01:36]

"Þú getur alveg eins sagt að ef við útvegum ekki kókaínframleiðendum nánast ókeypis húsnæði til framleiðslunnar, muni þeir bara framleiða sitt kókaín annarsstaðar."

-Þetta er óhemju léleg samlíking verð ég að segja.

[Eva Hauksdóttir (IP-tala skráð) 2.8.2008 kl. 10:56]

Álrisarnir eru glæpafyrirtæki sem við útvegum nánast ókeypis rafmagn. Sumir réttlæta það með því að þeir myndu annars bara reisa álver annarsstaðar.

Kókaíframleiðendur eru líka glæpafyrirtæki og ef þeir fá ekki ódýrt húsnæði á einum stað, munu þeir samt halda framleiðslu sinni áfram á öðrum dýrari stað.

Hvernig er þessi samlíking léleg? Geturðu bent á rökvillu eða einhvern annan brest í henni eða ertu bara að þvaðra?

[Viðar Freyr Guðmundsson, 2.8.2008 kl. 18:20]

Þetta er léleg samlíking að því leiti að samfélagið þarfnast álframleiðslu, en ekki kókains. Þú sagðir það sjálf að ál væri ekki vont, en kókaín hinsvegar hjálpar engum.

Svo þegar álframleiðslan fer þangað sem hún er dýrari, þá hækkar verðið á áli, sem kemur niður á okkur neytendunum, mér og þér, en samt fyrst þeim sem minnst mega sín.

1: Hvernig tekur SI siðferðilega á þessari staðreynd ?

2: Hvaða rök hefurðu fyrir því að við getum dregið úr álframleiðslu ?

Mín mótrök eru einfaldlega þau: að það er markaður fyrir meira áli, sem þýðir að það er næg þörf. Það kaupir engin ál í stórum stíl að óþörfu.

3: Haldið þið að einhver kaupi ál að óþörfu ? Og sem afleiðing af því, að það sé verið að framleiða ál að óþörfu ? Hvernig fáið þið þá niðurstöðu ?

4: Hversu mikið ál er framleitt að óþörfu og hvert fer það ?

5: Eru allir hráefnisframleiðendur sjálfkrafa vopnaframleiðendur ef hráefnið sem þeir framleiða er keypt af vopnaframleiðanda á frjálsum markaði ?

6: Væri ekki nær að þrýsta á stjórnvöld um að leggjast gegn vopnaframleiðslu, heldur en að leggjast gegn hagkvæmri álframleiðslu ?

 Takk fyrir góð svör, Eva.

[Birgitta Jónsdóttir, 2.8.2008 kl. 18:40]

Verð bara að fá að svara lið 3:)

Ég myndi segja að fullt af áli er framleitt að óþörfu. Það er enginn sem ekki getur lifað án þess að drekka úr áldósum.

Ef áldósirnar sem eru urðaðar í Bandaríkjunum væru endurunnar væri nægilega mikið ál til að byggja allan flugvélaflotann þeirra á tíu ára fresti. Það er auðvitað sóun. Frumvinnsla á áli er afar frek á orku og hráefni. Ég hvet þig til að kynna þér þessi mál betur. Þessu betur sem ég hef kynnt mér þetta þessu furðulegra finnst mér að ekki sé gert eitthvað í að stuðla að frekari endurvinnslu. Áður en skilagjöld voru sett á plast og ál þá skilaði ekki mikið af því í endurvinnslu hérlendis. EN núna er skilað meira en 90% af áldósum í endurvinnslu, sem er bara frábært.

[Birgitta Jónsdóttir, 2.8.2008 kl. 18:42]

Verð líka að svara 6.

Við erum ekki að stuðla að hagkvæmri álframleiðslu. Við erum beinlýnis að gefa Alcoa orkuna. Sem er kannski hagkvæmt fyrir þá en ekki fyrir okkur og þær fórnir sem við höfum fært.

[Eva Hauksdóttir (IP-tala skráð) 2.8.2008 kl. 23:31]

Viðar Freyr:

"samfélagið þarfnast álframleiðslu, en ekki kókains."                       Gott og vel, við þurfum að vísu ekki nærri eins mikið ál og við notum en við getum tekið aðra líkingu í staðinn:                                              -Þú getur alveg eins sagt að ef íslenska ríkið semji ekki við barnknúna saumastofu á Indlandi um að sauma allt tau fyrir ríkisspítalana, þá muni þrælahaldarinn hvort sem er bara selja einhverjum öðrum framleiðslu sína. 

1. Hækkað verð á áli kemur ekki niður á þeim sem minnst mega sín, því þeir sem minnst mega sín nota ekki ál. Álverð til mín og þín lækkar ekkert þótt við gefum Alcan og Alcoa fossa og jarðhitasvæði. Með því að selja raforku á spottprís erum við ekki að stuðla að lægra verði á áli, heldur að meiri hagnaði álrisanna.

2: Stór hluti álframleiðslu er nýttur til hernaðar, sem sannarlega er óþarfur. Mjög margt af því sem er unnið úr áli er hægt að vinna úr öðrum og umhverfisvænni efnum. Það hve margt er unnið úr áli sýnir fremur áhrifavald og ítök álrisanna í markaðnum en raunverulega þörf. Margir hafa bent á kolefnatrefjar sem arftaka álsins en þar sem álfyrirtækin eru ósiðlega rík og voldug má búast við að þau tefji fyrir því að önnur efni nái kjölfestu.

"það er markaður fyrir meira áli, sem þýðir að það er næg þörf."  Með sömu rökum geturðu sagt að þar sem er markaður fyrir coca cola, nike skó og kókaín, þá sé þar með þörf fyrir það allt saman.

Það er vissulega þörf fyrir ál en hún er ekki svo mikil að fórnirnar séu þess virði að auka framleiðsluna.

3: Já. Eins og Birgitta bendir á þá eru það gerviþarfir sem ráða stórum hluta markaðarins.

4: Ég get ekki sagt nákvæmlega til um hversu mikið ál er framleitt að óþörfu en um 30% fara til hergangaframleiðslu og þann hluta mætti a.m.k. skera niður. Það er heldur ekki af þörf sem stór hluti framhaldsskólakrakka á bíla og Hannes Smárason gæti áreiðanlega lifað þolanlegu lífi án þess að eiga einkaþotu.

5: Þar sem hergagnamarkaðurinn er alls ekkert frjáls og fyrirtækin sem framleiða vopn eru iðulega í eigu álrisanna, þá er ekki hægt að slíta þetta tvennt í sundur. Ekki frekar en virkjanir og álframleiðslu eða álframleiðslu og báxítnám. Á sama hátt og mjólurbúin gætu ekki svarið af sér tengsl við ostagerð (ekki svo að skilja að ég sjái ástæðu til þess) þá geta álfyrirtækin (jafnvel þau sem ekki eiga vopnaverksmiðjur) ekki haldið því fram að hergagnaframleiðsla komi þeim ekki við.

6: Það þarf að sjálfsögðu að vinna gegn allri vopnaframleiðslu. Það er þó ekki nóg því hagkvæma álframleiðslan veldur líka margháttuðum og óafturkræfum skaða á náttúrunni og þar með á afkomumöguleikum fólks. Á Indlandi stendur yfir þjóðarmorð álfyrirtækjana á Adivasi fólkinu en þar er vopnaum sjaldnast beitt, heldur er lífsbjörgin tekin frá fólkinu svo það lendnir ýmist í þrældómi eða sveltur til bana.

[Jón Þórarinsson (IP-tala skráð) 3.8.2008 kl. 00:01]

Þetta er alveg hárrétt sem Eva og Birgitta segja en þar fyrir utan veldur uppbygging álvera og uppbygging virkjanna í þágu álvera ruðningsáhrifum í hagkerfinu sem þýðir hvað?

Jú ruðningsáhrif verða til þess að seðlabankinn þarf að hækka stýrivexti sem þýðir hvað?

Jú stýrivextirnir verða til þess að útflutnings og samkeppnis atvinnugreinarnar, nýsköpunar og sprotafyrirtæki hrökklast úr landi og þar tapast störf á móti störfum í álveri.

Sem sagt stórfelldur herkosnaður af stóriðjustefnunni.

Bestu kveðjur

Jón Þórarinsson

[Eva Hauksdóttir (IP-tala skráð) 3.8.2008 kl. 00:06]

Ditta:

"hef ekki hugmynd um aldur þessara unglingsbarna"

-Einmitt. Ég get þá sagt þér að flest þeirra eru á aldrinum 22ja til 30 ára.

"fullorðið fólk með skýra hugsun hlekkjar sig ekki eins og hunda við stórvirkar vinnuvélar"

-Ójú, það er ekkert sem bendir til þess að aktivistar séu neitt óskýrari í hugsun en hver annar. Þeir sem ég þekki eru í þokkabót mun betur upplýstir en meðalmaðurinn. 

"hver ber svo ábyrgð ef einhver slasast"

-Það fer væntanlega eftir því hvernig slysið ber að höndum.

"ég sé bara reiða krakka sem geta ekki almennilega svarað afhverju þau eru að þessu"

-Dæmi takk!  Ég hef nefnilega ekki séð eða heyrt eitt einasta viðtal sem styður þessa hugmynd þína og fylgist ég þó vel með SI. Hér http://savingiceland.puscii.nl/?language=is

er vefslóð á netsíðu sem þessir sömu, "reiðu krakkar" halda úti. Geturðu bent á eitthvað af þessari síðu sem bendir til þess að við vitum ekki um hvað við erum að tala? Eða ertu kannski bara að þvaðra?

"hvar eru þeir Íslendingar sem eru i þessum hóp eru það bara hvitflibba

Um hvað ertu eiginlega að tala manneskja? Saving Iceland fólkið hefur verið rakkað niður fyrir að klæða sig eins og druslur, ég hef nú heyrt ýmsar tegundir bulls um okkur en þetta með hvítflibbana er alveg nýtt fyrir mér. Þeir Íslendingar sem tilheyra þessum hópi eru t.d. listamenn, námsmenn, verkamaður hjá Reykjavíkurborg, eldri borgarar, pizzubakari, kaffibarþjónar, hljóðmaður og ég sjálf svo nokkrir séu nefndir. 

"sem koma fram i dagsljósið þegar haldnir eru tónleikar sem skilja ekkert eftir nema breiðu áldósa fallegur viðskilnaður."

Aftur, hvað ertu að tala um? Saving Iceland hefur staðið fyrir mörgum tónleikum, oftast á skemmtistöðum í Reykjavík. T.d. á Organ. Hefur þú sótt þessa tónleika eða hvaðan færð þú þessa hugmynd um breiðu áldósa? Ágiskun út í loftið kannski?

"núvildi ég endilega vita hvernig ég get hagað mér i sambandi við sparnað svo ég geti leikið mér allt sumarið"

-Það geturðu með því að hegða þér eins og aktivisti. Þú losar þig við litlu íbúðina og leigir með mörgum öðrum. Þú sparar rafmagnið og heita vatnið og notar síma sem neyðartæki en ekki afþreyingartól. Í stað þess að eiga bíl notarðu reiðhjól eða gengur eða tekur strætó ef þú þarft að fara langt. Þú notar fötin þín og aðra hluti upp til agna, hirðir dót sem aðrir henda og kaupir þér aldrei neitt nýtt. Reyndar kaupirðu eins lítið og þú kemst upp með og þegar þú neyðist til þess, þá verslarðu í Góða hirðinum eða Rauðakrossbúðinni. Þú býrð jólagjafirnar til sjálf. Ef þú ferðast, þá ferðu á puttanum eins langt og þú kemst og gistir í tjaldi. Þú hendir ekki mat bara af því að hann er kominn fram yfir "best fyrir" dagsetninguna, heldur nýtirðu allt sem mögulegt er. Þú borðar baunir, korn og grænmeti í staðinn fyrir kjöt og fisk.  Þú tekur aldrei lán og borgar þ.a.l. aldrei vexti. Þú vinnur aðeins 9 mánuði á ári og borgar því lægri skatta eða jafnvel enga. Þú átt ekkert sem verðmæti eru í og þ.a.l. borgarðu engar tryggingar.

Gangi þér svo vel að taka upp ódýrari og náttúruvænni lífsstíl.

[Páll Geir Bjarnason, 3.8.2008 kl. 01:35]

...hann Viðar Freyr svaraði af hverju samlíkingin var vond.

Annars hljómar líf "aktivista" ekki skemmtilega svo ég ætla að halda áfram að bruðla með ál.

[Eva Hauksdóttir (IP-tala skráð) 3.8.2008 kl. 10:25]

Þessi samlíking er reyndar ekkert slæm þar sem heilmikið ál er framleitt af öðrum ástæðum en þörf. Ég benti samt sem áður á aðra líkingu hér að ofan, því sjúkrahús þurfa þó sannarlega á rúmfatnaði og handklæðum að halda.

Það er einmitt þitt viðhorf Páll Geir, að ekkert sé nógu skemmtilegt eða gott fyrir okkur, sem leiðir af sér rót allra vandamála í heiminum, þ.e. ofneyslu og of mikla misskiptingu auðs. Aðeins 2% jarðarbúa eiga helming allra eigna. Konur eiga innan við 1% eigna og fá minna en 10% af tekjum heimilisins í sinn hlut. Um 20% jarðarbúa lifa við örbirgð (þ.e. líkamlegum þörfum þeirra er ekki fullnægt). Þetta ástand stafar af stórum hluta af því ríkjandi viðhorfi Vesturlandabúa að meira sé aldrei nóg. Hóglífið á okkur útheimtir rányrkju á náttúruauðlindum fátækra þjóða og um leið að þeir verst settu séu sviptir möguleikum til að hafa ofan í sig.

Við komumst ekkert hjá því að vera neytendur en það útheimtir enga þjáningu að verða pínulítið meðvitaðri neytandi. Flestir geta lækkað útgjöld sín um allavega 10% án þess að finna fyrir því og sá sparnaður skiptir máli fyrir jörðina. Og svo gefur það líka færi á meiri frítíma. 

[Eva Hauksdóttir (IP-tala skráð) 3.8.2008 kl. 12:18]

Ditta: Það er nú að verða æ augljósara að þú hefur ekki hundsvit á því sem þú ert að tala um.

Þú getur ekki nefnt eitt einasta dæmi um að fólk frá SI viti ekki um hvað það er að tala.

Þú hefur greinilega ekki heldur hlustað á neinar útskýringar á því hversvegna þessum aðferðum er beitt.

Þú hefur greinilega ekki hlustað á tillögur náttúruverndarsinna um það hvað geti komið í stað gengarlausrar stóriðju.

Þú veist ekki einu sinni að talsmenn SI, eru í langflestum tilfellum Íslendingar (ætli það sé ekki Sigurður Harðarson sem er þekktasta andlitið) og því kannski ekkert undarlegt að þú vitir ekki hvað við höfum að segja.

Hvítflibbi er maður sem nýtur virðingar fyrir þá stöðu sem hann gegnir og er oft í aðstöðu til að misnota. Hvaða orðabók notar þú eiginlega?

Saving Iceland kom ekkert nálægt skipulagingu þessara tónleika hennar Bjarkar.

Ég mæli svo með því að þú kynnir þér málin áður en þú tjáir þig um þau á opinberum vettvangi. Bullið í þér er að vera dálítið þreytandi.

[Eva Hauksdóttir (IP-tala skráð) 3.8.2008 kl. 14:52]

"af hverju eru þessir Íslendingar ekki sýnilegri"

Þessir Íslendingar eru alveg sýnilegir, það ert bara þú sem ert að þvaðra um hluti sem þú hefur ekki kynnt þér. 

Sem endurspeglast aftur í því að í stað þess að reyna að rökstyðja fullyrðingar um hreyfingu sem þú veist ekkert um, þá slengir þú fram öðrum órökstuddum fullyrðingum um sjálfsdýrkun og stórmennskubrjálæði.  

Það er auðvitað ekkert hægt að rökræða við fólk sem beitir ekki rökum og virðist ekki einu sinni vita út á hvað rökræður ganga, en það er þó allavega gott til þess að vita að andstæðingar okkar hafa ekki neitt bitastæðara fram að færa en rangfærslur og sleggjudóma.

[Páll Geir Bjarnason, 3.8.2008 kl. 15:56]

...viðhorf mitt leiðir af sér rót allra vandamála í heiminum! Jahá!

Mikið böl er mér ætlað en þigg ekki. Þú veist ekkert um mig og gerir mér upp viðhorf mín. Greinilega ekki orð markandi sem þú segir.

[Eva Hauksdóttir (IP-tala skráð) 3.8.2008 kl. 18:10]

"Annars hljómar líf "aktivista" ekki skemmtilega svo ég ætla að halda áfram að bruðla með ál."

Það er nú frekar erfitt að túlka þetta á annan veg en þann að þér finnist allt í lagi að bruðla með náttúruauðlindir vegna þess að það sé skemmtilegt. Áttu kannski við eitthvað allt annað?

[Eva Hauksdóttir (IP-tala skráð) 3.8.2008 kl. 18:13]

Ditta ef þú hefur lesið fréttatilkynningar frá SI, lesið eitthvað af efninu á netsíðunni eða hlustað á einhver viðtalanna sem hafa verið tekin við talsmenn okkar í fjölmiðlum, þá veist vel um hvað þetta snýst og hverju er verið að reyna að bjarga.

En það hefur þú greinilega ekki gert, sem sést á öllu sem þú hefur látið frá þér um þessi mál. Ef þú hefur raunverulega áhuga á að komast að því hvaða náttúruperlur er verið að eyðileggja eða áætlað að eyðileggja í þágu álrisanna, þá get ég bent þér á heimildir.

[Páll Geir Bjarnason, 3.8.2008 kl. 21:02]

Já, ég var að meina allt annað. Ég var að beita kaldhæðni. Það lítur nefninlega út fyrir að þar sem ég lifi ekki í samræmi við leikreglur "aktivista" hljóto ég að vera heimskur og illur álbruðlari sem keppist við að eyðileggja Jörðina. Þetta hljómar nefninlega svolítið svart-hvítt hjá ykkur. Þið virðist ekki gera ráð fyrir að til sé eðlilegt hófsamt fólk sem leggst ekki í taumlausa neysluhyggju þó það kjósi að leyfa sér að lifa lífinu í nýjum fötum og fá sér steik einu sinni í viku.

Það er til gott og gilt íslenskt orð yfir þetta ástand sem hrjáir ykkur, en það er "öfgahyggja". Gættu að því aðöfgar eru slæmar í báðar áttir.

[Birgitta Jónsdóttir, 3.8.2008 kl. 21:29]

elsku bloggarar - lífið er of stutt fyrir allan þennan skæting

ég held að ef við myndum öll setjast niður saman og horfa framan í hvert annað að við kæmust að þeirri niðurstöðu að við erum öll að leyta að hinu sama

það sem við aðgerðasinnar erum að leytast við að gera er að gefa almenningi kost á að fá upplýsingar sem allt of oft eru ekki aðgengilegar almenningi og sjást sjaldan á forsíðum blaða eða í skýrslum þeirra sem allt vilja leggja undir

ég kalla eftir samræðum hér sem fólk myndi þora að hafa mann á mann

það er allt of algengt að það sé farið út í skítkast sem engum gagnast og eykur bara á ömurleika lífsins

ég skil ekki af hverju það þarf alltaf að fara ofan í skotgrafirnar

ég vil bara taka það fram að ég hef engan áhuga á að fólk missi vinnuna sína eða lendi í örbyrgð en það er jafnframt mikilvægt að horfast í augu við að náttúruauðlindir okkar eru ekki takmarkalausar og ekki okkar að tæma

það er nauðsynlegt að sjá hlutina í hinu stóra samhengi og mjög mikilvægt að hvert og eitt okkar staldri við og skoði hvaða fórnir við erum tilbúin að færa til að eitthvað verði eftir fyrir komandi kynslóðir:)

[Árni Gunnarsson, 3.8.2008 kl. 23:20]

Það er þetta með börnin og mótmælendurna. Þegar mótmælendur hlekkjuðu sig við vinnuvélar og klifruðu upp í krana við Kárahnjúka þarna um árið hitti ég á förnum vegi kunningja minn sem starfar í viðskipalífinu. Þessi maður er rúmlega sextugur og svona fremur til hægri í pólitíkinni. Hann dáðist að eldmóði þessa fólks og sagði að það væri aumt að vera orðinn svo gamall og stirður að treysta sér ekki upp í kranaræfil til að mótmæla þessum hryllingi þarna fyrir austan.

Þegar ég sé virðingarleysi neyslukynslóðarinnar fyrir, t.d. gosdrykkjaumbúðum úr áli þá undrast ég ekki þó gert sé lítið úr þeirri fullyrðingu að unnt sé að draga úr álframleiðslunni. En margir flokka það undir samfélagslegt ofbeldi að krefjast virðingar fyrir verðmætum.

Sumir karlmenn telja líka að konur séu ekki verðar mikillar virðingar eftir að þeir eru staðnir á fætur og búnir að fjarlægja smokkinn.

[Birgitta Jónsdóttir, 4.8.2008 kl. 09:14]

Þakka þér fyrir þessa sögu Árni. Mikið er ég sammála þér;) Núna er tími kominn til að fólk fari að skoða sín eigin neyslumynstur og axli einhverja ábyrgð á því hvernig það nýtir auðlindir okkar og annarra. Því auðvitað erum við að nýta auðlindir annarra þjóða með því að versla vörur þaðan.

Einföld þumalputtaregla er: ef augljóst er að hluturinn sem ég er að kaupa er langt undir raunvirði er maðkur í mysunni. Við verðum að venja okkur af þeim ósið að kaupa bara að því að við getum keypt en ekki að því það er þörf á því. Jörðin okkar getur ekki gefið endalaust sér í lagi þegar svo margir eru að taka meira en þeir gefa til baka.

[Eva Hauksdóttir (IP-tala skráð) 4.8.2008 kl. 10:36]

Páll Geir: Mér þykir leitt ef þetta hefur hljómað eins og krafa um að allir taki upp þennan lífsstíl sem ég var að lýsa. Það var alls ekki ætlunin og ég geng ekki svona langt sjálf.

Ég var bara að reyna að svara spurningu Dittu um það hvernig væri hægt að "leika sér allt sumarið" en ég er að verða frekar þreytt á aðdróttunum fólks sem hefur enga þekkingu á málunum um að þeir sem standa í þessari baráttu séu upp til hópa aumingjar.

Ég biðst velvirðingar á því að hafa orðað þetta eins og fordæmingu gangvart þér eða öðru hugsandi fólki.

[Jón Þórarinsson (IP-tala skráð) 4.8.2008 kl. 17:48]

Ditta hér á eftir koma hugmundir um atvinnu annað en álver og olíuhreinsun.

Steingrímur: Ég held að það sé best að nefna dæmi til að kveða þessa vantrú á sjálfstrausti sem er í raun og veru fólgið í spurningunni ef þú vilt ekki álver og kannski olíuhreinsunarstöð hvað vilt þú þá? Því hvað er þetta eitthvað allt annað? Svar allt hitt

1. Hverjum hefði dottið það í hug fyrir kannski 10 árum að hugmynd í kollinum á Magnúsi Schefing um íþróttaálf sem stendur á höfði væri allt í einu orðin að verðmætri útflutningsafurð?

2. Hverjum hefði dottið í hug að Íslendingar ættu 1 af leiðandi tölvuleikjafyrirtækjum í heiminum?

3. Hverjum hefði dottið í hug fyrir bara nokkrum misserum að sjómannsfjölskylda á Árskógströnd væri búinn að stofna bjórverkssmiðju og væri að stækka hana því hún annar ekki eftirspurn?

4. Hverjum hefði dottið það í hug fyrir 15 árum að Húsavík yrði nú að hvalaskoðunarmiðstöð heimsins?

5. hverjum hefði dottið það í hug fyrir 30 árum að stoðtækjafyrirtækið hans Össurar Kristinnsonar er orðið að því sem það er í dag?

það er ekki skortur á möguleikum og hugmyndum sem stendur okkur fyrir þrifum heldur frekar að við höfum ekki skapað hina réttu umgjörð sem leyfir öllum þessum hlutum að blómstra.

[Páll Geir Bjarnason, 4.8.2008 kl. 21:55]

Ekkert mál, velvirðingu tekið.

[Viðar Freyr Guðmundsson, 5.8.2008 kl. 02:55]

-Þú getur alveg eins sagt að ef íslenska ríkið semji ekki við barnknúna saumastofu á Indlandi um að sauma allt tau fyrir ríkisspítalana, þá muni þrælahaldarinn hvort sem er bara selja einhverjum öðrum framleiðslu sína. 

Mér finnst þessi samlíking líka mjög furðuleg, en hún lýsir ykkar viðhorfum til frjálsrar verslunar mjög vel.

OK, segum að það sé algjör nauðsyn að fá tau á spítala. Hvað gerir ríkið þá. Það reynir að kaupa það sem er hagkvæmast. Nú vill svo til að það er 'barnknúin tau verksmiðja á Indlandi' sem er hagkvæmasti kosturinn. Hvað á ríkið að gera núna ? Kaupa næst-besta kostinn og setja verksmiðjuna á Indlandi á hausinn ? Hvað verður um börnin í verksmiðjunni þá ? Eru þau sjálfkrafa leist úr 'þrældómi' og lifa hamingjusöm það sem eftir er ? Nei, aldeilis ekki! Þau missa vinnuna og svelta í hel, allt vegna þess að við erum svo réttsýn að kaupa ekki ódýrustu vöruna.

Hvernig væri frekar þessi nálgun. Við kaupum vöruna sem er hagkvæmust fyrir okkur, styrkjum þannig atvinnuveg í löndum sem vilja bjóða lægra verð. En beitum okkur frekar gegn þrælahaldi með pólitískum hætti. Smátt og smátt byggist atvinnuvegurinn síðan upp með peningunum okkar og verður mannúðlegri með hverri krónunni sem rennur í kassann.

við þurfum að vísu ekki nærri eins mikið ál og við notum

Eina raunhæfa leiðin til að ákveða hvort nóg sé framleitt af e.h. vöru eða hráefni, sama hvaða vara eða hráefni það er, hlýtur að vera eftirspurn. Eða eruð þið með e.h. betri leið ?

Léleg nýting á hráefni (eða léleg endurnýting) minnkar ekki eftirspurn. Betri nýting gæti hinsvegar aukið framboðið, það er alveg rétt, en væri þá ekki nær að hvetja til endurnýtingar í stað þess að mótmæla framleiðslu sem mætir eftirspurn ?

Með því að selja raforku á spottprís erum við ekki að stuðla að lægra verði á áli, heldur að meiri hagnaði álrisanna.

Mér finnst það ljóst að það eru mjög pólitískar ástæður að baki þessara mótmæla SI. Það er óhætt að segja að SI sé með pólitískt 'agenda'. Þið eruð á móti frjálsum markaði. Eða þessi orð þín, Eva, bera vott um það.

Smá hugleiðing varðandi þetta:

Markmið allra fyrirtækja á hlutabréfamarkaði er að skila sem mestum hagnaði fyrir hlutafjáreigendur. Fyritæki sem ekki skilar hagnaði missir traust hlutafjáreigenda og fer yfirleitt fljótlega á hausinn, sem hefur slæmar afleiðingar fyrir starfsmenn og sem afleiðing af því, allt samfélagið.

Fyrirtæki í heilbrigðum rekstri reynir því stöðugt að gera reksturinn hagkvæmari til að geta boðið upp á vöru á samkeppnishæfu verði og samt sem áður skilað hagnaði og greitt laun. Hagnaður er ekkert annað en laun þeirra sem hafa trú á rekstri fyrirtækisins og sýna það með því að fjárfesta í viðkomandi fyrirtæki.

Þegar fyrirtæki stendur frammi fyrir því að geta lækkað framleiðslukostnað, þá geta þeir t.d. greitt hærri laun, greitt út meiri arð eða ráðið fleira starfsfólk og bætt við reksturinn.. Sem hefur allt saman góð áhrif á samfélagið. Með þessu er í raun verið að skapa verðmæti.. búa til peninga og spýta þeim út í hagkerfið.

Hvort við viljum selja eða leigja stórfyritæki: foss, eða nokkra hektara af landi, til þess að búa til peninga, ætti auðvitað að vera ákvörðun stjórnvalda. Sem eru lýðræðislega kjörnir fulltrúar okkar sem eigum viðkomandi foss eða land.

Svo ef einhver er ekki sáttur við það hvernig auðlindum er útdeilt. Þá er sjálfsagt að mótmæla. Þá helst með því að kjósa rétt (eða rangt, eftir því hvernig á það er litið). Að öðrum kosti ætti fólk að virða lýðræðið og lög landsins. Því það er meirihlutinn sem ræður. Stundum erum við sammála meirihlutanum, stundum ekki.

Það er vissulega þörf fyrir ál en hún er ekki svo mikil að fórnirnar séu þess virði að auka framleiðsluna.

Hver metur það hvort það sé nóg af: Coke, nike skóm eða áli í heiminum ?

Hver metur það hvort það sé verið að fórna of miklu fyrir framleiðslu á: Coke, nike skóm eða áli ?

Hvað gerist ef við setjum kvóta eða aðrar hömlur á eitthvað af þessu ?

Það er heldur ekki af þörf sem stór hluti framhaldsskólakrakka á bíla og Hannes Smárason gæti áreiðanlega lifað þolanlegu lífi án þess að eiga einkaþotu.

 Það verður bara hver og einn að meta fyrir sig hvað þeir þurfa. Það er ekki ríkið sem á að ákveða það, ekki heldur SI, eða nokkur annar. Ef þú hugsanlega kaupir e.h. sem þú þarft ekki, þá eru það þínir peningar, þitt (vanda)mál.

Á sama hátt og mjólurbúin gætu ekki svarið af sér tengsl við ostagerð (ekki svo að skilja að ég sjái ástæðu til þess) þá geta álfyrirtækin (jafnvel þau sem ekki eiga vopnaverksmiðjur) ekki haldið því fram að hergagnaframleiðsla komi þeim ekki við.

 En það sem þið eruð að gera er eins og að ráðast gegn ákveðnum mjólkurbónda vegna þess að þið eigið sökótt við ákveðna ostagerð. Hvar er skynsemin í því ? Væri ekki nær að fara beint að rót vandans ? Rót vandans er ekki sú að það er verið að mjólka allar þessar beljur að óþörfu, heldur að það er verið að framleiða alla þessa mygluosta sem ykkur þykir vondir. Eða öllu heldur sú staðreynd að fólk er sólgið í myglaða osta.

Svo ef það skildi gerast að mygluostar verða bannaðir, eða fólk vill ekki lengur neyta þeirra, þá dregst framleiðsla á mjólk saman sjálfkrafa, ef það er ekki þörf fyrir hana. Ekki satt ? Hvar er þá skynsemin í því að ráðast gegn framboðinu, þegar eftirspurnin er vandamálið ? (þetta sama má segja um kókaínið) Hvað með þá sem vilja bara jógúrt, hvers eiga þeir að gjalda ?

hagkvæma álframleiðslan veldur líka margháttuðum og óafturkræfum skaða á náttúrunni og þar með á afkomumöguleikum fólks.

 Hvernig þá ?

Á Indlandi stendur yfir þjóðarmorð álfyrirtækjana á Adivasi fólkinu en þar er vopnaum sjaldnast beitt, heldur er lífsbjörgin tekin frá fólkinu svo það lendnir ýmist í þrældómi eða sveltur til bana.

 Ef þetta er rétt, þá eru þetta bara rök fyrir því að framleiða heldur ál í landi þar sem virðing er borin fyrir mannslífum. Þannig að þið hjá SI eruð að vinna gegn þessu fólki ef eitthvað er.

[Eva Hauksdóttir (IP-tala skráð) 5.8.2008 kl. 13:17]

-Þrælahaldarar sem og aðrir skíthælar eru ekki bara sáttir við að fara á hausinn. Þeir bregðast við þrýstingi með því að koma til móts við kröfur viðskiptavina sinna, einnig ef krafan er sú að þeir láti af mannréttindabrotum. Auk þess væru mörg börn betur sett á götunni en í þrælaverksmiðjum. Mannréttindabarátta hefur aldrei unnist með því að styrkja kúgarann.

"Eina raunhæfa leiðin til að ákveða hvort nóg sé framleitt af e.h. vöru eða hráefni, sama hvaða vara eða hráefni það er, hlýtur að vera eftirspurn. Eða eruð þið með e.h. betri leið ?"

-Það er framleiðandinn sem skapar eftirspurnina að verulegu leyti. Þegar fyrirtæki er mjög fjársterkt setur það mikinn pening í markaðssetningu, einmitt vegna þess að það er ekki verið að mæta þörf, heldur að búa hana til. Ég er ekki með neina sérstaka formúlu til að reikna út álþörf heimsins en það væri t.d. hægt að taka þá stefnu að opna ekkert nýtt álver í eitt ár og sjá hver áhrifin yrðu. Og jú ég er alveg sammála því að við þurfum að endurnýta eins mikið og hægt er.

"Þið eruð á móti frjálsum markaði. Eða þessi orð þín, Eva, bera vott um það"

-Það er alveg rétt skilið hjá þér. Við erum mótfallin því markaðsfrelsi. sem gerir örfá fyrirtæki nógu valdamikil til að stjórna heiminum. Frelsi sem leiðir af sér kúgun og mannfall er ekki gott mál.

[Eva Hauksdóttir (IP-tala skráð) 5.8.2008 kl. 13:31]

"Fyrirtæki í heilbrigðum rekstri reynir því stöðugt að gera reksturinn hagkvæmari til að geta boðið upp á vöru á samkeppnishæfu verði og samt sem áður skilað hagnaði og greitt laun. Hagnaður er ekkert annað en laun þeirra sem hafa trú á rekstri fyrirtækisins og sýna það með því að fjárfesta í viðkomandi fyrirtæki."

 -Rétt og satt. En því miður eru til fyrirtæki sem setja of mikinn hluta ágóðans í vasa hlutafjáreigenda og of lítinn í að bæta aðbúnað starfsfólks og draga úr umhverfisskaða. Það má með fullri sanngirni kalla það arðrán þegar laun starfsfólks duga ekki fyrir nema 30-40% af framfærslu fjölskyldu en auk þess eru brot t.d.  Alcoa í Mexíkó og Hondúras gagnvart starfsfólki sínu svo alvarleg að engin gróðahyggja getur réttlætt það.

[Eva Hauksdóttir (IP-tala skráð) 5.8.2008 kl. 13:38]

"Það verður bara hver og einn að meta fyrir sig hvað þeir þurfa."

-Þetta er ekki bara spurning um það hvað við teljum okkur þurfa heldur líka hvað við getum leyft okkur. Við erum að blóðmjólka jörðina. Ef við byggjum í litlu þorpi þar sem vatn væri af skornum skammti, væri þá réttlætanlegt að láta fimmtung þorpsbúa deyja úr þurrki af því að ríki maðurinn í þorpinu metur það svo að hann þurfi á sundlaug að halda?

[Eva Hauksdóttir (IP-tala skráð) 5.8.2008 kl. 13:49]

"En það sem þið eruð að gera er eins og að ráðast gegn ákveðnum mjólkurbónda vegna þess að þið eigið sökótt við ákveðna ostagerð. Hvar er skynsemin í því ?"

Umræddur mjólkurbóndi á ostagerðina. Rót vandans er sú að verið er að pína kúna til að mjólka meira en raunhæft er og bóndinn lemur mjaltakonurnar áfram með svipu. Allt til að búa til eitraðan ost, sem drepur fólk.

"Ef þetta er rétt, þá eru þetta bara rök fyrir því að framleiða heldur ál í landi þar sem virðing er borin fyrir mannslífum. "

-Til að framleiða ál þarf báxít. Það er ekkert báxít á Íslandi. Báxítið sem er unnið hér er t.d. sótt til Ástralíu, Jamaíka og Indlands. Til að ná í báxít þarf að ryðja mikið skóglendi en regnskógarnir hafa verið kallaðir lungu jarðarinnar og það eru þeir sem vinna gegn menguninni sem álframleiðslan hefur í för með sér.

Um leið og lungu jarðarinnar eru sködduð, missir mikill fjöldi fátæklinga heimili sín og ræktarland. Rauðleðjan sem fylgir báxítnámi mengar vatnsból og hefur sjúkdóma í för með sér. 

Það er ekkert báxít á Íslandi. Með því að gefa álfyrirtækjunum færi á að starfa á Íslandi, erum við að stuðla að báxítnámi annarsstaðar.