Áherslur í fréttaflutningi

Í skjóli embættis síns hefur Friðrik Sophusson stuðlað að því að landeigendur við Þjórsá hafa sætt áþekkum aðgerðum og hann upplifði í morgun. Þeir sem vilja ekki beigja sig undir vilja Landsvirkjunar þurfa að þola heimsóknir frá starfsfólki Friðriks í viku hverri þar sem því er ýmist hótað eða reynt að tæla það að gefa eftir með gylliboðum. 

Er það allt í lagi? Er ekki verið að ráðast að þeirra friðhelgi? Er Friðrik ekki ábyrgur fyrir þessum ofsóknum? Ef ekki hver þá? Ég hef setið fundi með forustusauðum Alcoa, Landsvirkjunar og Bechtel, þar sem Íslandsvinum var boðið fé til að auglýsa okkar tjaldbúðir ef við gætum skít í Saving Iceland. Auðvitað afþökkuðum við, en mér finnst þetta dæmigert fyrir vinnubrögð þessara fyrirtækja.

Nú fær Friðrik heilmikið rými til að tjá sig, en í annarri frétt sem birtist stuttu síðar um heimsókn SI til höfuðstöðva Landsvirkjunar er ekkert lagt í fréttina. Ég hef tekið eftir því að fjölmiðlum er hreinlega réttar heimildir á silfurfati og þeir trekk í trekk gera ekkert til að rannsaka heimildirnar. Það er sláandi að lesa um aðbúnað verkafólks Alcoa í öðrum löndum. Það er líka sláandi að þessi fyrirtæki sem eiga að vera bjargvættir þjóðarinnar fá aldrei gagnrýna umfjöllun þar sem farið er ofan í saumana á lygum þeim sem þau stunda.

Man að það hafði samband við mig fólk sem hafði unnið um langa hríð fyrir Alcan. Það sagði mér að ef þú slasast, eins og til dæmis fótbrotnar eða brennist en getur unnið á skrifstofunni við að hefta blöð, þá er ekki þörf á að tilkynna slysið sem vinnuslys. Þannig gat Alcan auglýst mánuð eftir mánuð sem vinnuslysalausan mánuð á meðan að raunin var allt önnur. Af hverju er þetta til dæmis ekki skoðað?

Ég las reglurnar sem starfsmenn Alcan þurftu að starfa eftir og þar kom fram að þeir megi ekki tala við fjölmiðla á meðan þeir starfa þar ef þeir hafa eitthvað að gagnrýna. Mér finnst það ekki í lagi.

Ég skora á einhvern hugrakkan blaðamann eða konu að kafa vel ofan í sögu Rio Tinto, Alcoa og Landsvirkjunar og skrifa heilsteypta grein um þessi fyrirtæki. Það væri jafnvel hægt að hafa seríu þar sem fyrirtækin eru skoðuð. Svo væri gaman að fá að lesa greinar um Báxítvinnslu. Það er oft reynt að tóna niður veruleikann í kringum Báxítvinnslu og þá hrikalegu skaðsemi sem henni fylgir.  

Nú eiga margir eftir að hrópa á vefnum um að þeir hefðu haft hluttekningu með málstað Saving Iceland en þessi aðgerð hafi gert útslagið og þeir munu nú snúa baki í Saving Iceland vegna þessa. Svona grunnt liggur alltaf á hjá svo mörgum. Þeir nota fyrstu afsökun til að halda áfram að gera ekki neitt. 

Þáðu ekki boð um fund

Athugasemdir

[Sigurbjörn (IP-tala skráð) 25.7.2008 kl. 11:13]

Hvaða aumingjaskapur er það að þora ekki að tala við Friðrik.Ég held að furðuhópurinn sé .annig innréttaður að geta ekki talað viðfólk sem getur svarað fyrir sig.þessi hópur(Allavega talsmenn þeirra)Eru raæflar að þora ekki að tala við Friðrik

[Eva Hauksdóttir (IP-tala skráð) 25.7.2008 kl. 12:25]

Það er enginn í þessum hóp sem þorir ekki að tala við Friðrik. Það eru hinsvegar svo margir náttúruverndarsinnar búnir að ræða við hann svo oft að við teljum þá aðferð fullreynda.

Mótmælin snúast bæði um framgöngu Landsvirkjunar gagnvart bændum í nágrenni Þjórsár, og einnig er verið að mótmæla þeirri pólitík að greiða veg þrælahaldara á borð við Alcoa.

Fyrirtæki sem sviptir fólk tveggja daga launum ef það mætir korteri og seint í vinnuna, neyðir það til að halda í sér þar til það missir þvar og jafnvel saur, og lætur konur gyrða niður um sig til að sanna að þær séu á blæðingum ef þær þurfa að nota baðherbergið, svoleiðis fyrirtæki á Landsvirkjun, sem er í eigu þjóðarinnar, ekki að versla við. http://www.nlcnet.org/article.php?id=447

[sigurbjörn (IP-tala skráð) 25.7.2008 kl. 12:38]

Það lítur afskaplega aumingjalega út að neita að tala við karlinn.Og verra er að mæta og setja af stað brunaboða og hlaupa út eins og hræddir krakkar.Enn svo það sé á tæru þá hef ég sko ekkert á mót því að fólk mótmæli með því að setjast að í andyri landsvirkjunnar.ÞAu mega hanga þar eins lengi og þau vilja.Bara ekki valda skemmdum eða stunda heimskupör eins og að setja brunaboða í gang.Slíkt skemmir bara fyrir málstaðnum

[Björn S. Lárusson (IP-tala skráð) 25.7.2008 kl. 12:39]

Hvaða endemis bull er þetta - ég sat líka fund Alcoa, Bechtel og Saving Iceland. SA var boðið að fá greiðslu fyrir kostnað við mótmælin en einu skilyrðin voru að þeir færu ekki inn á svæðið. Það töldu forsvarsmenn SA ekki hægt þar sem þau "bæru ekki ábyrgð á gerðum einstakra mótmælenda" - Það er alltaf sama lygin og bullið og barið hausnum við steininn. SA hefur orðið uppvíst að þvílíku bulli og ósannindum að það er ekkert mark orðið takandi á þessum mótmælum. Hótanir í garð starfsmanna Bechtel, barna þeirra og fjölskyldna eru okkur enn í fersku minni. "Við vitum hvar þið búið og við vitum í hvaða skóla börnin ganga!!" Orðrétt eftir mótmælendum árið 2006 á svæði Alcoa við Reyðarfjörð. Ég var þarna á svæðinu en íslensku hugleysingjarnir öttu útlendingum inn á svæðið. Ólafur Sigurðsson og fleiri sátu uppi  á vegi - hvar var Birgitta þegar mótmælin voru á Reyðarfirði Birgitta og Co sendu óharnaða unglinga í gönguferð í kring um Snæfell til að mótmæla á vinnusvæði Arnarfells. Börnin voru að niðurlotum komin þegar á áfangastað kom. EN - nei það var ekki hægt að keyra þau til baka. Sjálfbirgingsleg tóku Birgitta og Co myndir af fólkinu og hurfu svo á braut - Birgitta - ég var þarna líka..... !!! Ég er búinn að sjá allt of mikið af þessum mótmælum og gott að þú minnist á fund Alcoa, Bechtel og SA. Hingað til mátti ekki minnast á þennan fund vegna hræðslu ykkar við almenningsálitið. Svei

Tilgangurinn helgar meðalið - birta myndir af Dettifossi sem dæmi um  þá fossa sem áttu að fara á kaf í Hálslón lýsir bara hvað 101 börnin eru fáfróð um Íslenska náttúru. Enn og aftur _ Dettifoss er í Jökulsá á fjöllum en Hálslón við upptök Jökulsár á Dal (Jöklu)

[Birgitta Jónsdóttir, 25.7.2008 kl. 12:54]

Ég veit nú ekki hvað þú ert að tala um Björn og efalaust að rugla mér við einhverja aðra manneskju. Ég er ekki að tala um fund SI heldur fund sem Íslandsvinir sátu og ég held að þú hafir nú ekki setið þann fund. Fundurinn er allur til á myndbandi og um hann enginn feluleikur. Sendar voru fréttatilkynningar út um þetta og fundurinn haldinn að beiðni stórfyrirtækjanna. Ég hef aldrei keyrt einn eða neinn eða verið að senda fólk eitt eða neitt fyrir mig.

Ég held að þú ættir nú aðeins að vera betur á verði um hvað þú ert að saka mig um herra Björn.

[Birgitta Jónsdóttir, 25.7.2008 kl. 12:55]

Vantaði keyrt einn eða neitt í mótmæli. Ég átti ekki einu sinni bíl á þessum tíma:)

[Villi Asgeirsson, 25.7.2008 kl. 13:25]

Þau hefðu átt að taka boðinu, mæta með myndavélar og minna hann á það hvernig Alcoa og Rio Tinto koma fram við fólk í þriðja heiminum. Þau hefðu fengið viðbrögð hans og við hefðum getað séð hvað hann er að hugsa. Þau klúðruðu því.

[Viðar Eggertsson, 25.7.2008 kl. 16:59]

Þetta er mjög athyglisverð umræða. Það eina sem veikir málstað annars aðilans er að talsmaður hans "sigurbjörn" skrifar ekki undir nafni. Ég skora á þig "sigurbjörn" að koma fram, annars er allar þínar fínu röksemdir véfengjanlegar... Birtu þig, stattu keikur við hvert orð, þá er hlustandi á þig!

[Birgitta Jónsdóttir, 25.7.2008 kl. 17:14]

Ég var rétt í þessu að lesa svar inn á náttúrvaktinni frá Snorra og þar kemur fram að Saving Iceland er tilbúið að taka gagnrýni. Ég skal koma þessum skilaboðum áleiðis:)

Ég er ekki endilega sammála öllum aðferðum allra mótmælenda en mér persónulega er mikið í mun að miðla áfram upplýsingum til almennings. Því finnst manni merkilegt að lesa fólk eins og Egil Helgason sem í stað þess að mæta á fyrirlestur Saving Iceland gerir lítið úr þessu og gefur í skyn að við höfum verið full. Og þetta á að heita helsti pólitíski vettvangur þjóðarinnar. Finnst hann oft æði grunnhygginn.

Það er ekki hægt að væna Saving Iceland um að hafa ekki gert heimavinnuna sína. Auðvitað eru misjafnir sauðir í þessum hóp eins og öllum en það hefur alltaf verið hlustað á gagnrýnisraddir og gerðar tilraunir til að koma til móts við það. Það var sagt á sínum tíma, þið gerið ekkert til að fræða almenning. Það var boðið upp á flotta og fræðandi dagskrá á síðasta ári. ENGINN fjölmiðill kom. Á fræðslufundinn á miðvikudagskvöld kom enginn blaðamaður... eina fréttin sem kom var á mbl.is og ég horfði á ljósmyndarann smessa hana...

[Gunnar Th. Gunnarsson, 25.7.2008 kl. 17:24]

SI er brandari og ekkert annađ

[Eva Hauksdóttir (IP-tala skráð) 25.7.2008 kl. 17:29]

Ég sé reyndar ekki þessar fínu röksemdir hjá Sigurbirni en ég skal með ánægju útskýra þetta með brunakerfið.

Um er að ræða táknrænt andsvar við framgöngu Landsvirkjunar gagnvart bændum við Þjórsá. Friðrik og félagar hafa nú árum saman stundað það að troðast inn á þetta fólk, undir því yfirskini að eigi að "ræða málin".  Þær viðræður snúast svo fljótlega upp í hótanir um eignarnám og aðrar þvingunaraðgerðir. Þegar blásaklaust fólk er farið að upplifa það eins og brunaboð að sjá útsendara Landsvirkjunar aka heimreiðina, þá er bara í góðu lagi þótt þeir hrökkvi einu sinni í kút sjálfir.

[sigurbjörn (IP-tala skráð) 25.7.2008 kl. 20:46]

Ég skrifa víst undir nafni.Síðast þegar ég athugaði málið þá hét ég Sigurbjörn.Vona að það hafi ekki breyst