Hvað á Búrma ekki?

Búrma á ekkert sem vesturlönd ásælast. Það er ekki langt síðan að fólkið í Búrma reis upp gegn þessum harðstjórum sem bera beina ábyrgð á þessu mikla mannfalli. Hvað gerði hinn vestræni heimur? Ekki neitt, eins og venjulega. Harðstjórarnir í Búrma varla saklausari en Saddam og co. Herforingjarnir í Búrma fá stuðning frá CCP til að halda áfram sínum óhæfuverkum. Ef CCP, þeas kommúnistastjórnin kapítalíska í Kína myndi segja stjórninni í Búrma að taka við neyðaraðstoð, þá myndu þeir gera það umsvifalaust. En það gerir CCP ekki. Þjónar ekki hagsmunum þeirra, nema kannski mögulega ef þeir finndu fyrir raunverulegum þrýstingi frá heimsbyggðinni, en það gerir hún ekki því heimurinn er háður ódýru drasli frá drekanum í austri eða býr í ógnarskugga hans. 

Um 60.000 börn hafa látist í Búrma núna, og miklu mun fleiri munu deyja ef fólk fær ekki aðstoð. Stjórnin þar vissi af þessu yfirvofandi voðaveðri 48 tímum áður en það brast á, en kaus að láta ekki þjóðina vita. Þarf ekki að gera eitthvað róttækt til að hjálpa fólkinu í Búrma? Er virkilega ekkert sem við getum gert?

Ég vildi að ég ætti auka eintök af sjálfri mér svo ég gæti gert meira en að tuða í þessu málefni. Ekkert hefur gegnið að fá þessa ríkisstjórn til að gera neitt fyrir Tíbet, hvað þá Búrma þegar fólkið þar var drepið og limlest fyrir að mótmæla note bene ofurhækkun á öllu sem og kúgun í hæsta gæðaflokki. Málefnið Tíbet: andvana í utanríkisnefnd, sem og Búrma - sjálfsagt mikilvægara að reka kosningarherferð til að komast í öryggisráð með geldan atkvæðisrétt. Getur einhver sagt mér hvaða gagn við gerðum í öryggisráðinu eða hvaða gagn þetta öryggisráð gerir yfir höfuð? 

Ég ætla að kveikja á kerti til að minnast allra sem hafa látist í Búrma, ég ætla að biðja fyrir fólkinu þar, ég ætla að tala um Búrma, ég ætla að læra meira um Búrma, en ég ætla ekki að skora á ríkisstjórnina að gera eitthvað, því sannað er að hún gerir ekki neitt til að styggja Kína, þeir ætla jú að styðja okkur í öryggisráðið.  

Matvælasendingar hindraðar

Athugasemdir

[Dunni, 8.5.2008 kl. 08:12]

Er svo innilega sammála þér.

Auðvitað vill ekki Ingibjörg styggja stórnvöld í Kína sem ætla að styðja íslenskt sæti í öryggisráði SÞ. En eigum við skilið sætið þar meðan við styðjum SÞ bara í þeim málum sem hentar okkur.

Mér finnst vera æði mikill tvískinnungur í málflutningi Íslands í mannréttindamálum.  Við hundsum ábendingu Mannréttindadómstólsins um mannréttindabrot á íslenskum sjómönnum  sem ekkert vilja annað en sjá sér og fjölskylkdum sínum farboða. Svo studdum við Kanann í innrásinni í Írak sem ekki naut neinnar hylli innan SÞ.

 Hvað ætli vitiborið fólk hugsi  um Íslendinga og íslensk stjórnvöld sem vitiborið fólk heldur sjáfsagt að sé spegilmynd af þjóðinni.

[Sævar Einarsson, 8.5.2008 kl. 08:15]

Ég var að hugsa um þetta í fyrradag sem þú skrifar um, það sést best hvurslags hræsnarar ríki eru þegar það snertir það ekki í efnahagsmálum. Aldrei hafa BNA náð að kaupa mína hylli með sínum innrásum í olíuríkin og sagt það vera vegna þess að fólkið sé kúgað og löndin séu hættuleg vegna meintrar kjarnorkuógnunar, góður pistill hjá þér.

[Lilja Kjerúlf, 8.5.2008 kl. 12:00]

þetta ástand í Búrma er búið að vera mér efst í huga undanfarna daga og ég var einmitt að velta fyrir mér að ef vesturlönd ættu einhverra hagsmuna að gæta í þessu þjáða landi þá væri löngu búið að gera eitthvað fyrir þetta fólk. 

Ég spyr eins og þú "Er virkilega ekkert sem við getum gert"?

Hvað gerist ef herforingjastjórninni verður steypt af stóli? Er einhver þarna úti sem er tilbúin til að gera það?

[Óskar Arnórsson, 8.5.2008 kl. 13:38]

Herforingjastjórn Burma verður ekki steypt af stóli enda Asíulönd með lítin áhuga á stríðsbrölti og vopnaviðskiptum. Kína kærir sig ekki heldur um hvað Vesturveldi eru að skipta sér af málum sem þeim kemur ekkert við.

Þetta er svipað og bæjarfélag í Asía færi að hneykslast á því hvernig er farið með gamalt fólk á Íslandi. Í þeirra augum er varla til einstaklingur sem ekki er gjörsamlega siðspillur og algjör sadisti í þeim málum. Sönnuninn sem þeir hafa fyrir því er að á vesturlöndum höfum við gamalmennageymslur sem við köllum elliheimili.

það eru bara miskunalausir og tilfinningalausir stórglæpamenn sem ekki virða foreldra sína meira enn þetta. vona lítum við út í augum Asíubúa. Burma á demanta-, rúbina-, smargaða-, gull- og silfurnámur í svo stórum mæli að þeir gætu gert allt þetta dót verðlaust  eins og Kúrdar í Íran, Írak og Sýriu. 

Þess vegna erum við þáttakendur í að einangra þessar þjóðir.  Við erum verra pakk enn Burma stjórnin. Við drepum bara fólk með öðruvísi aðferð. Skiptir einhverju máli hvort pennastrik verður þess valdandi að Íslendingur hengir sig, eða herforingjastórn tekur einhvern saklausan og hengir hann.

Báðir eru jafn dauðir og Íslendingar ættu að láta nefið standa beint fram enn ekki hafa það svo hátt að það rignir beint ofan í nefborurnar. Svo væri ágætt að kynna sér Burmaástandið áður enn maður talar um það.

Væri ekki bara ágætt að fólk beitti sér fyrir að laga fátækt, eymd og volæði á Íslandi áður enn það er með skoðun á öðrum löndum yfirleitt?

Sammála Dunna í tvískinnugshætti. Við eigum hemsmet í því líka eins og öðrum heimsmetum sem Ísland safnar í rugludallaleik þessa lands.

Sá sem er aðalstjórnandinn í Burma nú, drap pabba sinn til þess að komast til valda sjálfur ef ég kann söguna rétt. Hann þrætir að vísu fyrir það, enn það lagaði máli voða lítið.

Ég vona bara að það finnist ekki líf á öðrum plánetum, þá færu Íslendingar að hneykslast á lifnaðinum þar líka....amen

[Óskar Arnórsson, 8.5.2008 kl. 13:49]

..Svo lítum við út í augum Asíubúa, og þeir hafa rétt fyrir sér um okkar vandamál, og við ekki...átti þetta að vera...sorry

[Þórarinn Þ Gíslason (IP-tala skráð) 9.5.2008 kl. 01:29]

Sæl Birgitta.

Þetta er mál sem VIÐ ráðum ekkert við en við getum BEÐIÐ fyrir fólkinu.

Óskar þetta er mjög gott innlegg hjá þér,og þetta með gamalmennageymslunnar!

Keep on going. Sæll Óskar minn og sömuleiðis Birgitta.

[Ásthildur Cesil Þórðardóttir, 9.5.2008 kl. 10:38]

Nákvæmlega Davíð Oddsson kom í sjónvarpið á sínum tíma og sagði að það væri nauðsynlegt að koma Saddam Hussein frá völdum, af því að hann væri svo vondur harðstjóri.  Mér sýnist þessi herforingjaklíka vera ennþá verri harðstjórar, en þá bregður svo við að ekkert er að gert.  Ó þar er nefnilega enginn olía eða annað sem þeir sækjast í, heimsku, viðbjóðslegu stjórnendur hins vestræna heims.