Mamma dó í morgunn

8.3.2007 | 22:33

Þegar við bróðir minn vorum að stíga um borð í flugvélina til Danmerkur hringdi maðurinn hennar mömmu í okkur sagði okkur að hún hefði dáið í svefni við sólarupprás. Hef aldrei upplifað eins erfitt ferðalag. Tíminn sniglaðist og ég var að springa úr harmi. Ekki beint góð tímasetning en hvenær er dauðinn það? En á sama tíma fann ég til þakklætis yfir því að hún þurfti ekki að þjást. Hún var kominn á mjög hátt sig krabbameins í lungum og hafði dáið í fyrradag en verið endurlífguð...

Hún vildi fá að deyja eðlilega og fékk það með friði. Ég get ekki líst því hvað það er erfitt að hafa ekki fengið að kveðja hana almennilega, hún var svo hress þegar ég talaði við hana í síma í gær. Vildi í fyrstu ekki að við kæmum en samkvæmt læknunum leit þetta ekki allt of vel út. En hún var ógleymanleg lífsorku súper nóva sem tókst að lifa langt umfram en henni hafði verið gefið.

Ég er svo þakklát að hafa fengið að sjá hana þó að hún væri búin að yfirgefa þessa skel sem við köllum líkama. Finn að hvar svo sem hún er að henni líður betur og eins og amma sagði: "hún er bara búin að klæða sig úr þessari slitnu kápu sem líkami hennar var orðinn og miklu fargi af henni létt". Og ég gæti ekki verið meira sammála.

Annars merkilegt að áður en ég fór þá setti ég lagið sem hún samdi þegar föðursystir mín var að deyja fyrir margt löngu hér í tónlistarspilarann á síðunni "Veistu að þinn vinur er að deyja". Og það var mamma mér miklu frekar en móðir, góður vinur. Ég mun gera mitt besta til að láta minningu hennar lifa....

Bjartar kveðjur og takk fyrir samúðarkveðjurnar

tími til að reyna að veiða hana til mín í draumheimum

Í minningu Bergþóru Árnadóttur - 15.02.48 - rip 08.03.07

Flokkur: Vinir og fjölskylda | Facebook

Athugasemdir

Kæra Birgitta, ég votta þér samúð mína. Mamma þín var frábær baráttukona.

Hlynur Hallsson, 8.3.2007 kl. 22:38

Votta þér samúð Birgitta mín.

Ingibjörg Stefánsdóttir, 8.3.2007 kl. 22:47

Birgitta - innilegar samúðarkveðjur. Hugsa til ykkar. Knús alma

Alma Lísa Jóhannsdóttir, 8.3.2007 kl. 22:48

og henni líkt að deyja á baráttudegi kvenna:) eitthvað svo óraunvörulegt að fá aldrei að horfa í augun hennar aftur... þakka þér fyrir samúðarkveðjurnar Hlynur,,,, ég kann að meta það

Birgitta Jónsdóttir, 8.3.2007 kl. 22:49

Ég samhryggist innilega...Bergþóra var merkiskona!

Anna Benkovic Mikaelsdóttir, 8.3.2007 kl. 22:49

og takk öll, fyrir kveðjurnar og hugsanirnar og hlýjuna, ekkert verra en þögnin þegar maður stendur í svona...

Birgitta Jónsdóttir, 8.3.2007 kl. 22:50

Votta þér samúð mína. Að missa mömmu er mikil sorg en þú átt greinilega góðar minningar um hana til að hugga þig við

Heiða B. Heiðars, 8.3.2007 kl. 22:51

Innilegar samúðarkveðjur. Ég kannaðist við aðeins við mömmu þína. Hún var/er flott kona.

Jenný Anna Baldursdóttir, 9.3.2007 kl. 00:12

Sæl elsku frænka. Ég sendi hlýjar hugsanir og innilegar samúðarkveðjur. Já það var sannarlega líkt minni konu að kveðja á þessum degi ég minnist hennar með kærleik og virðingu. Ingibjörg G.G.

IGG , 9.3.2007 kl. 01:16

Sæl bloggvinkona.

Leitt að heyra með mömmu ykkar...

Mínar samúðarkveðjur!

Sveinn Hjörtur , 9.3.2007 kl. 12:18

Elsku Birgitta! Ég samhryggist þér. Gangi þér vel með allt. Heiða

Heiða, 9.3.2007 kl. 16:06

Elsku Birgitta mín! Innileg samúð frá okkur Simma. Knúsaðu Jón Tryggva frá okkur. Fyrir mánuði síðan var ég að skemmta mér með mömmu þinni og hún sagði okkur saumaklúbbskellunum sögur af sinni alkunnu snilld. Ógleymanlegt kvöld. Líklega höfum við ekki gert okkur grein fyri hversu veik hún var.

Megi allar góðar vættir hugga ykkur í sorginni.

Gunna Sigríks

Guðrún Sigríks (IP-tala skráð) 9.3.2007 kl. 20:19

Elsku Birgitta, vona að þú hafir fengið sms frá mér. Sendi ykkur nokkra engla í viðbót, veit að mömmu þinn hefði þótt þeir sætir. Mamma þín var algjörlega einstök. Hvílík rödd, hvílíkt bros, hvílíkur hlátur. Guð geymi ykkur og styrki í sorginni. Þín vinkona, ML

Margrét Lóa Jónsdóttir, 10.3.2007 kl. 10:22

Innilegar samúðarkveðjur.

Einar J.

Einar Jónsson (IP-tala skráð) 10.3.2007 kl. 13:25

bestu samúðarkveðjur

Ólafur fannberg, 11.3.2007 kl. 10:19

Kæra Birgitta. Innilegar samúðarkveðjur.

Davíð.

Davíð Stefánsson (IP-tala skráð) 15.3.2007 kl. 22:43

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst.

Netfang: birgitta@this.is

Tenglar

Nýja Ísland

Ég les:

Tíbet

Fréttir frá Tibet
Tibet Info Net An Independent Information Service on Contemporary Tibet
Undercover in Tibet Ný heimildarmynd frá Channel 4 um hvernig ástandið er í raun og veru í Tíbet
Leaving Fear Behind Viðtöl við Tíbeta í Tíbet stuttu fyrir mótmælin í mars
Cry of the Snow Lion Margverðlaunuð heimildarmynd um Tíbet
Yeti - heimildarmynd
Yogis of Tibet Heimildarmynd um Jógameistara Tíbets sem eru óðum að hverfa
Students for a Free Tibet
Dalai Lama
Tibetan Uprising
Kerti fyrir Tíbet
Tibet TV
Central Tibetan Administration
Om mani padme hum

Ýmsar slóðir

sem ég man eftir í andartakinu

The Hunger Site
THE MEATRIX
Myspace síðan mín
Úgáfan Beyond Borders Alþjóðleg útgáfa sem ég stofnaði árið 1999 í netheimum
Hitt bloggið mitt
Félagið Ísland-Palestína
Womb of Creation Vefurinn minn sem ég hef haldið við síðan 1995
Myspace síðan hennar mömmu
Saving Iceland
Be the change:)
Náttúra vefur með umhverfisvitund
Nattura info
Care 2 make a Difference

Bækur

Bækurnar mínar

Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
Þýddi þessa ásamt Jóni Karli Stefánssyni
don Miguel Ruiz: Lífsreglurnar fjórar - the Four Agreements (ISBN: 9979768835)
Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
Birgitta Jónsdóttir: Dagbók kameljónsins (ISBN: 9979973307)
Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.