Klám er klám

20.2.2007 | 07:27

og erótík er erótík. Þetta er bara alls ekki sami hluturinn. Mig langar nú að spyrja frjálshyggjufélagið hvort að það hafi verið samþykkt því að hefta för Falun Gong til landsins eða annarra mótmælenda. Hvernig er í þessu samhengi hægt að réttlæta að hefta för Hell Angels til landsins. Þeir voru ekki búnir að gera neitt af sér hérlendis og ætluðu kannski bara að funda um mansal en það er svosem ekkert að því ef það fer fram í hótelherbergjum en ekki á opinberum vettvangi.

Ráðamenn bera því við að ekki sé hægt að hefta för þessa fólks vegna þess að það hefur ekki gert neitt ólögmætt hérlendis. Hvernig stendur þá á því að meðlimir Falun Gong voru stöðvaðir við landamærin? Mér finnst þetta vægast sagt þrungið tvískinnungi.


Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Vissulega hefur allt fólk tilverurétt og er að ég held enginn að tala gegn því.

Hins vegar verður að viðurkennast að íslensk hegningarlög segja að öll dreifing og framleiðsla kláms er bönnuð hér á landi og því vel hægt að banna hópi að koma hingað sem hefur gefið út yfirlýsingar um einbeittan brotavilja og ætla sér að framleiða klám hér á landi. Það er einfaldlega bannað skv. íslenskum hegningarlögum.

Einnig væri hægt að fiska út þá aðila sem hafa gerst brotlegir um að framleiða og dreifa klámi og banna þeim innkomu í landið.

Þess má einnig geta að rannsóknir síðustu áratuga sýna að samband er milli ofbeldishneigðrar hegðunar og nauðgana á konum og börnum og áhorfs kláms þar sem niðurlæging kvenna, nauðganir og ofbeldi gagnvart konum er viðhaft (Russell, 1988). og eru menn eru líklegri til að hafa hvatir til að nauðga eftir að horfa á klám (Russell, 1988,1993). Í rannsókn Einsiedel (1986) á kynferðis- afbrotamönnum kemur fram að yfir þriðjungur þeirra notaði klám til að undirbúa nauðgunina og 53% þeirra sem nauðguðu börnum. Hinir afbrotamennirnir í þeirri rannsókn viðurkenndu að þeir notuðu það stundum. Og í enn einni rannsókn sem Russell greinir frá kemur fram að 56% nauðgara og 42% barnanauðgara greindu frá því að klám hefði haft áhrif á þá til að fremja brotin.

Andrea J. Ólafsdóttir, 20.2.2007 kl. 12:20

Klám er ekki endilega Klám.

T.d. er sala og dreyfing klámblaða lögleg á Íslandi en ekki Klámmynda. Allt klám er löglegt til kaups á Íslandi (þá auðvitað með lögráða einstaklingum). Svo er líka spurningin hvað er klám, en það eru mjög misjafnar skoðanir á því og engin skilgreyning til á blaði um það held ég örugglega.

Sem dæmi var maður hér á landi dæmdur fyrir dreyfingu á klámi í kringum 1980 þar sem hann sýndi mynd í bíóhúsi þar sem sáust kvennmannsbrjóst í ástersenu. Var það þá kannski erótík.

Og ef við förum í einhverjar tölur þá hafa nauðgunum fækkað mjög í t.d. Bandaríkjunum þar sem aðgengi að klámi hefur aukist síðastliðin ár. Árið 1980 voru 2,7 nauðganir á hver þúsund en 2004 voru þær 0,4. http://ssrn.com/abstract=913013

Á meðan lög um aldur og mannsal eru skýr og vel fylgt eftir eins og í USA þá er ég ekki á móti klámi sem slíku. Svo þeir sem eru á móti þessu þurfa ekkert að vera að kíkja á svona myndir.

HSV (IP-tala skráð) 20.2.2007 kl. 14:11

Hvernig væri nú að blogga undir nafni, svara aldrei nafnlausum bréfum, hvorki hér né í raunheimum.

Birgitta Jónsdóttir, 20.2.2007 kl. 19:28

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst.

Netfang: birgitta@this.is

Tenglar

Nýja Ísland

Ég les:

Tíbet

Fréttir frá Tibet
Tibet Info Net An Independent Information Service on Contemporary Tibet
Undercover in Tibet Ný heimildarmynd frá Channel 4 um hvernig ástandið er í raun og veru í Tíbet
Leaving Fear Behind Viðtöl við Tíbeta í Tíbet stuttu fyrir mótmælin í mars
Cry of the Snow Lion Margverðlaunuð heimildarmynd um Tíbet
Yeti - heimildarmynd
Yogis of Tibet Heimildarmynd um Jógameistara Tíbets sem eru óðum að hverfa
Students for a Free Tibet
Dalai Lama
Tibetan Uprising
Kerti fyrir Tíbet
Tibet TV
Central Tibetan Administration
Om mani padme hum

Ýmsar slóðir

sem ég man eftir í andartakinu

The Hunger Site
THE MEATRIX
Myspace síðan mín
Úgáfan Beyond Borders Alþjóðleg útgáfa sem ég stofnaði árið 1999 í netheimum
Hitt bloggið mitt
Félagið Ísland-Palestína
Womb of Creation Vefurinn minn sem ég hef haldið við síðan 1995
Myspace síðan hennar mömmu
Saving Iceland
Be the change:)
Náttúra vefur með umhverfisvitund
Nattura info
Care 2 make a Difference

Bækur

Bækurnar mínar

Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
Þýddi þessa ásamt Jóni Karli Stefánssyni
don Miguel Ruiz: Lífsreglurnar fjórar - the Four Agreements (ISBN: 9979768835)
Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
Birgitta Jónsdóttir: Dagbók kameljónsins (ISBN: 9979973307)
Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.