AGS styður almennar aðgerðir: fyrir suma

Það hefur borið nokkuð á því að AGS hafi haldið því fram, á fundum með þingmönnum, hagsmunasamtökum og fjölmiðla, að sjóðnum finnist það nauðsynlegt að fara í almennar aðgerðir fyrir heimilin.

AGS boðaði Hreyfinguna á sinn fund á föstudaginn og var um margt afar fróðlegur. Á fundinn mættu þingmenn Hreyfingarinnar og 4 fulltrúar frá AGS.

Ég hef í nokkur ár viðað að mér upplýsingar um það hvernig þeim löndum sem hafa verið undir handleiðslu AGS hefur farnast í því prógrammi og því var ekki laust við það að ég hefði af því þungar áhyggjur þegar engin önnur leið virtist fær en að kalla eftir aðstoð þeirraí árdaga hrunsins. Síðan þá hefur mikið vatn runnið til sjávar og við höfum fengið að finna fyrir því á eigin skinni hvernig okkur farnast í þessu prógrammi. Margir sérfræðingar og stjórnmálamenn héldu því fram að við myndum fá sérmeðferð og að við myndum koma betur út úr AGS prógrammi en t.d.  Argentína. 

Nú er svo komið að það lítur út fyrir að það sé að takast að þurrka út millistéttina hérlendis eins og tókst í Argentínu. Það sem var gagnlegt við fundinn með 4 fulltrúum AGS í gær var að hægt var að leiðrétta misskilning og fá á hreint álitamál.

Ég hóf fundinn á því að spyrja hvort að það væri rétt að sjóðurinn væri fylgjandi almennum aðgerðum. Þeir sögðu svo vera.  Fulltrúar AGS viðurkenndu að þeir hefðu lagt það til síðan í upphafi árs 2009 og það hefði verið rætt við ríkisstjórnina, þingmenn og hagsmunasamtök. Mér fannst eitthvað ekki passa og þrýsti á að fá vitneskju um hvað þeir ættu nákvæmlega þegar þeir töluðu um almennar aðgerðir. Þá kom hið merkilega í ljós: AGS styður almennar aðgerðir fyrir suma!  (Í mínum huga er þá ekki hægt að kalla það almennar aðgerðir, ef það er bara fyrir suma.) 

Hér er skilgreining AGS á almennum aðgerðum varðandi húsnæðislán.

Það eru tveir hópar húsnæðislántakenda. Fyrsti hópurinn er fólkið sem getur ekki borgað. (Þeir sem eru nú þegar komnir fram yfir bjargarbrúnna.) Seinni hópurinn er fólkið sem enn getur borgað.

Vegna þess að fyrsti hópurinn á ekkert og getur ekki borgað, þá fær hann leiðréttingu. Hinn hópurinn getur borgað og því er ekkert réttlæti samkvæmt hugmyndafræði AGS þeim til handa. Þeim ber að borga. AGS finnst ranglátt að aumingja vesalings fjárfestarnir taki á sig eitthvað af því vandamáli sem þeir báru höfuðábyrgð á að skapa. 

Mér fannst merkilegt að þeir hefðu ekki skilgreint þetta sem þrjá hópa og lagði til að þeir myndu flokka þetta á annan hátt, það væri ekki hægt að horfa fram hjá því að þriðji hópurinn sem hægt væri að staðsetja á milli fyrsta og þriðja er hópurinn sem rétt nær svo að borga núna, þessi hópur er kominn út að bjargbrúninni og mun fara sömu leið og fyrsti ef ekkert verður gert. Það vill svo til að þetta er langstærsti hópurinn. Ég spurði Franek Roswadowski hvort að fulltrúar AGS á Íslandi vildu vera ábyrgir fyrir því að þessi hópur myndi hrynja fram að bjargbrúninni á næstu mánuðum og við tók aðeins þögn frá fulltrúum sjóðsins.

Það er deginum ljósara að AGS styður EKKI almennar aðgerðir og munu aðeins leggja til að þeir sem reiknaðir eru sem fólkið sem getur ekki borgað útfrá viðmiðum umboðsmanns skuldara fái leiðréttingu.

Mér finnst í það minnsta mjög gott að þetta er þá komið á hreint,  því sumir sem hafa barist fyrir leiðréttingu hafa fallið fyrir mjúkmælgi AGS og ekki gengið nægilega hart að þeim að skilgreina hvað þeir eiga við. Það má ekki gleymast að AGS hefur yfirleitt alltaf staðið vörð um fjármagnseigendur og því fannst mér eitthvað bogið við tal þeirra um almennar aðgerðir.

Þeir þvertóku fyrir að orðalag sem hægt væri að skilja sem tillögu um að orkufyrirtækin yrðu einkavædd væri rétt,  eftir útskýringar þeirra um hvað þessi texti þýddi get ég tekið þá trúarlega, þeir leggja semsagt til að einkavæðingin verði víðtækari, ekkert samt sem undanskilur orkufyrirtækin, en þeir leggja til almennar einkavæðingar hjá hinu opinbera.

Ég læt svo fylgja bréf frá Gunnari Tómassyni sem hann skrifaði Roswadowski í gær út af þessum málum.

 

November 6, 2010

 

Dear Mr. Roswadowski,

As an old IMF hand(1966-1989), I noted with interest Althing member Margrét Tryggvadóttir’s following comments on her Facebook page (in my translation):

“[I] met with four IMF staff members today [November 5]. They found it totally incomprehensible why we are requesting that creditors and debtors should share losses resulting from the economic collapse.”

And, indeed, it makes no sense in the context of the IMF’s mainstream economic world-view (The Washington Consensus) to re-allocate losses incurred on account of Iceland’s economic collapse between creditors and debtors through the political process.

However, many/most of those who emerged as substantial creditors from the collapse owed their good fortune to strictly non-economic causes, namely, actions taken through thepolitical process to shelter their capital at the cost of their fellow citizensand foreign creditors.

As a matter of principle, the IMF does not interfere in the internal affairs of member countries. Thus, the IMF did not oppose the Icelandic government’s expansion of deposit insurance and retroactive re-ordering of the priority status of claims on the financial system in October 2008. 

The request that creditors and debtors should share losses resulting from the economic collapseis predicated on grounds of equity and justice. It envisages a partial roll-back of the pro-creditor measures previously taken by the Icelandic government on non-economic grounds. 

The request is one that the IMF, as an institution, based on law and moral authority“ in the words of former Managing Director Jacques de Larosière, can and should embrace and support.

 

With kind regards,

 

Gunnar Tómasson

IMF Advisor, ret.

  

Athugasemdir

[Ómar Geirsson, 7.11.2010 kl. 10:31]

Takk fyrir góða færslu Birgitta, og óþreytandi eldmóð við að vara við þeim hörmungum sem bíða handan hornsins.

Meðan einn stendur á kassa og varar við, þá er von um breytingar.

Kveðja að austan.

[Arnór Valdimarsson, 7.11.2010 kl. 11:17]

Sæl og takk fyrir að upplýsa þjóðina.

Ef að satt er. Sem ég efast reyndar ekki um, að Ríkisstjórnin elti í einu og öllu Þessar fáránlegu tillögur IMF. Þá er það 100% þjófnaður frá þjóðinni.

Sem sagt, bankaránið heldur áfram. Og nú ekki í felum bakvið Ríkisstjórnina heldur með fullum stuðningi hennar.

[Jónas Magnússon, 7.11.2010 kl. 11:20]

Ef satt reynist þá líst mér ekkert á það að stór hluti manna sem hafa náð að að borga sína reikniga en eru á bjargsbrúninni verði látnir afskiptalausir. Það hlýtur að vera mun dýrara til langstíma fyrir kerfið að þessi hópur verði gjaldþrota fyrir utan allt óréttlætið sem fasteignaeigendur búa við. Ég veit ekki betur en við höfum öll farið greiðslumat hjá þessum fjármagnsstofnunum en þá var ekki gert ráð fyrir slíkum þjófnaði  sem dundi á almenningi. Ég heimta leiðréttingu á brotnum mannréttindum okkar.

[Magnús Sigurðsson, 7.11.2010 kl. 11:34]

Takk fyrir upplýsingarnar Birgitta.  Tek undir með þeim hér að ofan.

[Aðalsteinn Agnarsson, 7.11.2010 kl. 12:04]

Flott ertu Birgitta!

Komdu með frumvarp Birgitta,

frjálsar handfæra veiðar, sem leysa fátæktar og

atvinnu vanda Íslendinga!

[Halldór Guðjónsson, 7.11.2010 kl. 12:43]

AGS virðist notast við sams konar þrískiptingu vandamála í hagstjórn og hefð er fyrir meðal herlækna á vígvelli. Triage heitir þetta á og úr frönsku. Sárum er skipt í þrjá hópa: sumir eru dauðvona, lofaðu þeim að deyja; sumir geta beðið, láttu þá bíða; sumir geta lifað ef þeim er sinnt vel, sinntu þeim. Ákvarðanir um hvernig skipta skuli í þrennt reynist oft vera á hendi annara en læknanna sem gera eiga það sem unnt er að gera.

Hér er ekki ljóst hver á að segja hvaða aðilar eru dauðvona efnahagslega, tæknilega gjaldþrota heitir það. Ekki er heldur ljóst skal miða þegar lífslíkur eru metnar. Hér skortir raunar bæði greinandi vit og einbeittan vilja til að kjósa aðilum örlög. Eitt ætti þó að vera öllum ljóst: menn, manneskjur og jafnvel fjöskyldur eru ekki bara persónur heldur lifandi verur. Fyrirtæki eru hins vegar bara persónur að lögum og geta ekki dáið vegna þess að þau hafa aldrei verið lífs. Er ekki rétt að menn fái fyrst mat og hús og föt? Er ekki að þessu gefnu rétt að sinna siðferðis og jafnvel siðfræði ef eitthverjuþykir þar ábotavant? 

[Högni Jóhann Sigurjónsson, 7.11.2010 kl. 12:45]

Aðalsteinn, Baldvinn Jónson varaþingmaður, ekki að hann sé með svo þykkar varir heldur er hann bara sí sonna til vara, ef að Birgitta mundi veikjast eða missa sig í frí og ferðalög á Sagaklass, það er nefnilega hægt að ánetjast slíkum ferðalögum því að þar og einungis þar í flugvélum fær maður moggann til aflestrar og hver leggur ekki hvað sem er á sig fyrir það, hún veikist síður...... eða sko hún lætur veikindi ekki leggja sig, uuuu já já ég var að tala um hann Badda en hann er að vinna að frumvarpi með honum Finnboga Vikari, sem er úr Ölfusinu ættaður og videre en ég veit ekki til þess að ættarnafn hans hafi neitt með vikur að gera, en sem semt Aðalsteinn þeir félagar BJ og Finnbogi Vikar væru vísir til að berja saman eitt frumvarp um frjálsar handfæraveiðar, sem ættu eiginlega vera frjálsar á forsendum mannréttinda og já Takk fyrir þennan pistil Birgitta.

[Andrea J. Ólafsdóttir, 7.11.2010 kl. 13:02]

Það er ekki rétt túlkun að Hagsmunasamtök heimilanna telji AGS samþykkja eða vera fylgjandi almennum leiðréttingum. Þvert á móti, þá vilja þeir nákvæmlega það sama og ríkisstjórnin er að gera, hjálpa einungis þeim sem eru í algerum vandræðum - enga almenna flata leið yfir alla.

Á fundi HH og AGS í síðustu viku kom fram að AGS lýsir yfir miklum

vonbrigðum með að ekki skuli hafa gengið betur að laga til í skuldum

þeirra verst settu eins og þeir töluðu fyrir strax eftir hrun.

Fulltrúar AGS standa þó gegn meiningu HH að orðið hafi

forsendubrestur í lánasamningum og standa ennþá gegn almennri

leiðréttingu sem myndi ná til allra húsnæðiseigenda.



Eins eru fulltrúar sjóðsins algerlega mótfallnir því að tekinn yrði eins konar "hrunskattur" af ríka fólkinu í landinu ( þessum 3% sem allt eiga hér).

[Högni Jóhann Sigurjónsson, 7.11.2010 kl. 13:13]

Eru þið Andrea og Birgitta að segja mér að AGS tali bara og segi bara það sem hljómar best eftir því með hverjum þeir funda?

[Aðalsteinn Agnarsson, 7.11.2010 kl. 14:14]

Högni, bjartsýni mín eykst um mörg %  að vita þetta.

[Birgitta Jónsdóttir, 7.11.2010 kl. 14:15]

Andrea ekki treysta þeim - þeir eru þjálfaðir í hálf-sannleika.

[Högni Jóhann Sigurjónsson, 7.11.2010 kl. 16:10]

:) Hvað af þessu bulli Aðalsteinn fannst þér best að fá vitneskju um, ég veit að þeir eru eitthvað að makka Baldvinn og Finnbogi en veit ekkert um hvað, en þeir væru vísir til þess að vinna að þessu hugarangri okkar ef þeir eru þá ekki einmitt að vinna að því.

Ég held Andrea, ekki að ég viti það neitt, en held að Birgitta sé að segja það eins og það er, þeir bulla bara það sem þeim hentar hverju sinni og ef að það getur fengið fólk til að taksat á um það líka og eitt í það tíma þá þykir þeim það ekkert verra, hvað þá að Jóhönnu þætti það verra.

[Guðjón Sigþór Jensson, 7.11.2010 kl. 16:15]

Eitt af því sem okkur ber að vera á varðbergi er að sýna ekki kæruleysi gagnvart ásælni í íslenskar orkulindir. Magma Energy er braskfyrirtæki sem hefur reynt að komast yfir íslenskar orkulindir m.a. með því að kaupoa íslenskar aflandskrónur á erlendum markaði sem íslenskum ríkisborgurum er ekki heimilt. Síðan hyggst þetta braskfyrirtæki selja áfram hverjum sem er þess vegna kínverksa ríkinu. Eru þeir ekki við öllu viðbúnir að gleypa íslenskt samfélag með aðstoð þeirra sem vilja selja allt, þ. á m. orkulindirnar?

Mosi

[Ásthildur Cesil Þórðardóttir, 7.11.2010 kl. 20:12]

Haltu áfram þínu góða starfi Birgitta mín í þágu þjóðarinnar.  Ég ber fyllsta traust til þín og þinna í þessum málum.

[Sigmundur H Friðþjófsson, 13.11.2010 kl. 23:23]

Sæl Birgitta

Ríkisstjórnin gerir sitt besta til að koma millitekjufólki í mikinn vanda með skattkerfisbreitingum og tekjutengingum. Oft hefur mann grunað að yfirlýsingar Alþjóða Gjaldeyrissjóðsins séu pantaðar af Íslenskum stjórnvöldum.

Þegar Ríkið átti alla bankana strax eftir hrun,var hlegið að þeim sem töluðu um flatan niðurskurð.Nú þykjast stjórnvöld vera að skoða þennan möguleika þegar þau hafa ekkert um málið að segja