Er mannanafnanefnd enn til?

23.3.2009 | 06:41

Ég hélt að búið væri að leggja niður þessa nefnd. Ég held að fá lýðræðisríki búi við það að þar sé einhver hópur manna sem sé að skipta sér að því hvað fólk kýs að nefna börnin sín.

Eitt sinn þurfti ég að glíma við mannanafnanefnd og vann hana á endanum eftir 8 ára baráttu. Heyrði svo einhvern halda því fullum fetum fram að búið væri að leggja þetta foræðishyggjubatterí niður. Hvað kostar það okkur að fólk sé að rífast um hvort það sé í lagi að fólk nefni börn sín eftir bestu samvisku - stundum bera þeir við málhefð - en stundum eru rökin engin nema að barnið geti mögulega þurft að upplifa stríðni.

Held að hægt sé að afbaka öll nöfn ef það er stemmningin meðal krakka. Því fannst mér þau rök afar hæpin og ansi langt seilst inn í friðhelgi fjölskyldunnar að þvinga fólk til að hlíta áliti nefndar eins og mannanafnanefndar sem oft er að þvarga um eigin skoðanir en tekur ekki mark á hefðum innan fjölskyldna.

	Mannanafnanefnd klofnaði
Ábyrgðarmaður færslu Tilkynna um óviðeigandi tengingu við frétt

Meginflokkur: Stjórnmál og samfélag | Aukaflokkar: Bloggar, Mannréttindi | Facebook

Athugasemdir

Það ætti að skylda fólk til að fara að sofa kl. 22.30 eins og Svíar gera. Þetta næturrölt á okkur er alveg óþolandi.
Háttatímanefnd strax!

Júlíus Valsson, 23.3.2009 kl. 08:22

Sammála.

Jenný Anna Baldursdóttir, 23.3.2009 kl. 09:55

Ég hélt líka að það væri búið að leggja þessa vitleysu niður.

Ef nafn er svo fáránlegt að búast megi við einelti vegna þess, þá á slíkt heima undir barnaverndarnefnd á barnaverndarforsendum, ekki á herðum þeirra sem vinna við að segja fólki hvað það megi heita.

Helgi Hrafn Gunnarsson (IP-tala skráð) 23.3.2009 kl. 11:02

Það eru til svipuð fyrirbæri út um allan heim sem banna foreldrum að skýra börnin sín strikamerki(línurnar) eða stærðfræðiformúlum og blótsyrðum. Það er nefnilega til fullt af foreldrum sem skýra börnin sín skrítnum nöfnum til fá sjálf áthygli.

Það er heldur ekkert einkamál foreldra hvað börnin þeirra heita!

Bjöggi (IP-tala skráð) 23.3.2009 kl. 11:56

Held eg verdi nu ad vera osammala, og er tho oftast sterklega a moti forraedishyggj. I fyrsta lagi verdum vid ad passa upp a malid okkar thar sem thad er svo serstakt, og i odru lagi tha er folki ekki alltaf treystandi sem er synd og skomm. En mig hryllir vid ad hugsa til thess ad eftri nokkur ar verdi Island fullt af Rhianna's, Britney's, Beyonce's og Fiddy Cents. En kannski er eg bara gamaldags. Hef ekkert a moti Skallagrimi thar sem thad gengur upp i Islenskri malfraedi, en eg get ekki ad thvi gert ad fyllast hryllingi thegar eg heyri foreldra kalla a bornin sin: 'Rainbow', 'Shaneeshia' og thar frameftir gotunum.

En eg er sammala thvi ad thad meiki litid sens (svo madur tali goda Islensku) ad leyfa nofn eins og Dreki (sem eg hef ekkert a moti) og banna svo Skallagrimur. Svo lendi sem malfraedilega thetta er i lagi aettu ekki ad vera hoft, en vid verdum ad reyna ad vernda malid okkar.

Sunna (IP-tala skráð) 23.3.2009 kl. 12:09

Bjöggi: Það er eitt að banna ákveðin nöfn vegna þess að það sé ógerningur að skrá þau, svosem ef þau eru strikamerki. Hérlendis eru reglurnar hinsvegar eins strangar og þær geta mögulega verið. Nöfnin þurfa að hafa einhverja sérstaka hefð (sem gerir að engu nafnahefðir einstakra fjölskyldna), þau þurfa að beygjast rétt og svo framvegis. Það er forræðishyggja og ekkert annað.

Ennfremur eru nöfn manna andskotann bara víst þeirra einkamál! Ef nafnið er ekki beinlínis brot á réttindum barnsins (svosem með því að nefna það Satan, Þvaðurblöðru eða eitthvað þvíumlíkt), þá á enginn að hafa neitt um nöfn manna að segja, aðrir en þeir menn sjálfir.

Helgi Hrafn Gunnarsson (IP-tala skráð) 23.3.2009 kl. 16:33

velferðarkerfi viðhalda sér sjálf og næra sig með alls kyns aðhaldi, umsjá, vernd yfir þegnunum sem alltaf gætu farið sér að voða.

oft erfitt að greina hvað af því er búið til af einhverri nauðsyn eða frekar í atvinnuskyni fyrir embættismennina sjálfa ..

umferðarráð, ungbarnaeftirlit, skipulagsstofnun ríkisins, barna- og unglingageðdeild, kvikmyndaeftirlit, mannanafnanefnd, barnaverndarstofa, velferðarráð, alls kyns heilsufagráð og teymi um nefnd til verndar bla bla bla.

mannanafnanefnd er eitt allra svæsnasta dæmið. og ég er alveg sammála Helga hér að ofan: ef nafn er svo svæsið að það skaðar hreinlega heilsu barns, ætti það að heyra undir Barnaverndarstofu bara. er það ekki nóg?

leggjum Mannanafnanefnd niður og stofnum í staðinn Eftirlitsstofnun með Eftirlitsstofnunum (EME). gætu verið Svartstakkabúningar.

ég pant fylgjast eð löggunni við störf (",).

Halldór Carlsson (IP-tala skráð) 23.3.2009 kl. 18:06

Það er nú þekkt að fólk heiti táknum út í hinum stóra heimi. Mér þætti eðlilegt að fólk gæti heitið nöfnum sem eru skrifuð með öðrum táknum en bókstöfum. Mér þætti td. ekkert ósniðugt ef einhver héti eilífð og táknaði það met áttunni sem snýr á hlið, og það yrði gert þannig í þjóðskrá.

Og hver á að ákveða hvort að nöfn eins og Satan, Þvaðurblaðra eða eitthvað þvíumlíkt séu nöfn sem beinlínis brjóta á réttindum barnsins? Ef það er einhver sem hefur skoðun á slíku eða vill koma í veg fyrir það, þá um leið eru nöfn barnanna ekki einkamál foreldra.

Það að heimta að engin skipti sér að því hvað börn heita og vilja á sama tíma að börn séu ekki skírð nöfnum sem brjóta á réttindum þess, er að mínu mati mótsögn.

En ef foreldrar eru djöflatrúar, þá gæti þeim fundist Satan mjög ásættanlegt nafn, á meðan þér finnst það ekki. Hvað villtu gera í slíkum málum, bara leyfa foreldrum að skíra barnið sitt Satan? Eða á einhver að skipta sér að?

Eins og ég sé þetta hefur nafn barns meira með barnið sjálft að gera en foreldrana, nafn getur haft áhrif á sjálfsmynd barna. Þannig að mér finnst hálfgerð frekja að gera þetta að einkamáli foreldra. Það væri t.d. ekkert ósniðugt að skapa þá hefð að börnum/unglingum væri gefið tækifæri á lífsleiðinni til að velja nýtt nafn eða staðfesta það sem foreldrar gáfu því.

Sumir vilja meina að hin kirkjulega ferming eigi að gera það, það var ekkert minnst á það við mig þegar ég fermdist að ég gæti skipt um nafn.

Bjöggi (IP-tala skráð) 23.3.2009 kl. 18:08

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst.

Netfang: birgitta@this.is

Tenglar

Nýja Ísland

Ég les:

Tíbet

Fréttir frá Tibet
Tibet Info Net An Independent Information Service on Contemporary Tibet
Undercover in Tibet Ný heimildarmynd frá Channel 4 um hvernig ástandið er í raun og veru í Tíbet
Leaving Fear Behind Viðtöl við Tíbeta í Tíbet stuttu fyrir mótmælin í mars
Cry of the Snow Lion Margverðlaunuð heimildarmynd um Tíbet
Yeti - heimildarmynd
Yogis of Tibet Heimildarmynd um Jógameistara Tíbets sem eru óðum að hverfa
Students for a Free Tibet
Dalai Lama
Tibetan Uprising
Kerti fyrir Tíbet
Tibet TV
Central Tibetan Administration
Om mani padme hum

Ýmsar slóðir

sem ég man eftir í andartakinu

The Hunger Site
THE MEATRIX
Myspace síðan mín
Úgáfan Beyond Borders Alþjóðleg útgáfa sem ég stofnaði árið 1999 í netheimum
Hitt bloggið mitt
Félagið Ísland-Palestína
Womb of Creation Vefurinn minn sem ég hef haldið við síðan 1995
Myspace síðan hennar mömmu
Saving Iceland
Be the change:)
Náttúra vefur með umhverfisvitund
Nattura info
Care 2 make a Difference

Bækur

Bækurnar mínar

Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
Þýddi þessa ásamt Jóni Karli Stefánssyni
don Miguel Ruiz: Lífsreglurnar fjórar - the Four Agreements (ISBN: 9979768835)
Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
Birgitta Jónsdóttir: Dagbók kameljónsins (ISBN: 9979973307)
Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.