Samfélagshrun og bananafáni

30.10.2008 | 16:11

Samfélagshrun og bananafáni

Og hvað gera ráðamenn? Þeir hækka stýrivexti og enginn gerir neitt nema að malda í móinn, tuð tuð tuð, bíb, bíb og bíb - samfélagshrunið er hafið og hvað skal gera? Taka þessu eins og hverju öðru óláni eða sýna með aðgerðum að við látum þetta ekki viðgangast. Og hvernig gerir maður það? Ég veit það ekki, ég fékk smá útrás við að búa til nýjan þjóðfána með svarthöfðaleg seðlabankaaugu og auðvitað banana. Við búum í nánast fasísku bananalýðveldi og þessu fyrr sem við horfumst í augu við það, þessu fyrr getum við gert eitthvað í því ...

	Uppsagnir hjá Klæðningu
Ábyrgðarmaður færslu Tilkynna um óviðeigandi tengingu við frétt

Meginflokkur: Stjórnmál og samfélag | Aukaflokkar: Spaugilegt, Tölvur og tækni, Viðskipti og fjármál | Breytt s.d. kl. 16:13 | Facebook

Athugasemdir

Vel gerð mynd hjá þér.

Guðjón Jónsson, 30.10.2008 kl. 16:23

Samkvæmt stjórnarskránni getur forsetinn slitið þingi, boðað til kosninga og í fjarveru alþingis sett sjálfur neyðarlög sem banna starfsemi tiltekinn félaga eða samtaka (xD, xS...) og þannig knúið fram stjórnarskipti. Ég rannsakaði þetta í dag og þetta virðist geta rúmast innan lagaramma stjórnarskrárinnar! Sá eini sem getur gert þetta með friðsamlegum hætti er forsetinn þannig að nú er boltinn hjá honum.

Guðmundur Ásgeirsson, 30.10.2008 kl. 17:29

Ójú, þetta er möguleiki, ekkert síður en það var möguleiki að hann yrði fyrsti forsetinn til að beita neitundarvaldinu gegn lögum frá Alþingi. Hinsvegar er alls ekkert víst að Ólafur hrindi þessu í framkvæmd, ég vildi einungis velta upp hugmyndinni...

Guðmundur Ásgeirsson, 30.10.2008 kl. 18:18

Fáni við hæfi.
Banönum hafa fylgt Davíð. Fyrir 6 árum var lagðir banönum kring um Alþingishúsið og karlinn var húsbóndinn þar.

Hvaða auðdjöfli var með fyrirtæki Bananar?

Heidi Strand, 30.10.2008 kl. 19:51

Heidi Strand, 30.10.2008 kl. 22:47

ó guð ég er farin að vorkenna þessum mönnum.

Luv Alva.

alva (IP-tala skráð) 30.10.2008 kl. 23:50

Verð að segja að við skoðun á bloggi almennt er ég orðin yfir mig þreytt á sama söngnum sem er einkenni mikillar reiðar í þjóðfélaginu sem er afar skiljanleg. Ég sé hins vegar að fólk vill breytingar og trúir því virkilega að stjórnarhættir ríkisstjórnar og ráðamanna muni eitthvað breytast við það. Fólk þyrfti að sameinast um að kjósa sérstaklega einn flokk umfram annan og það er að mínu mati ekki fræðilegur möguleiki miðað við hvað þjóðin hefur kosið yfir sig aftur og aftur. Auðvitað viljum við breytingar, en ekki bara breytingar út í loftið þ.e. breytinganna vegna. Hverju viljum við breyta í raun og veru? Við sem viljum breytingar þurfum að vita hvað við viljum í raun og veru og koma því á framfæri skýrt og skorinort. Málið er nefnilega flóknara en við höldum. T.d. hvað vill allt fólkið sem mótmælir á Austurvelli ? Er það klárt með úrlausnir, skilgreiningu óska á nýjum starfsaðferðum o.s.frv. Ég á við, fólk er reitt, vill Davíð burt, ríkisstjórnina burt, uppstokkun á mannafla í Fjármálaeftirlitinu, alþingi, jafnvel dómskerfinu o.fl. Er nýr flokkur í uppsiglingu? Hvað hefur hann til málanna að leggja sem styður óánægjuna og viljann til að stokka stjórnkerfið upp? Hef verið að velta þessu fyrir mér. Einnig því að þegar við erum að komast í gegnum þessa miklu reiði og óánægjubylgju, þá þurfum við að koma með lausnir. Kannski eitthvað sem gæti stutt Vinstri græna sem sópa til sín fylgi núna. En gætum að, það er með Vinstri græna eins og aðra flokka, þar eru nokkrir vinsælir stjórnmálamenn í forsvari, hvað með alla hina. Og hver yrði svo ábyrgðin sem hvílir á þessum örfáu í flokknum sem eru í sviðsljósinu? Hvað ef t.d. þau yrðu öll skyndilega tímabundið frá störfum, Steingrímur, Katrín og Ögmundur? Hverjir eru jafn sterkir og vinsælir foringjar sem kæmu í staðinn? Gagngerar breytingar þýða hreinlega að leggja niður flokkakerfið eins og það leggur sig og fá nýtt blóð í staðinn ásamt vinsælum foringjum, en það er bara ekki svo einfalt. Ég tel næsta skref að fólk setjist niður og komi sér saman um raunhæfar tillögur til breytingar á stjórnskipan flokkanna.

Auk þess legg ég til að Framsóknarflokkurinn verði lagður niður.

Nína S (IP-tala skráð) 31.10.2008 kl. 00:09

það þarf eitthvað meira að gerast hér en ræður og köll.

Það er kominn tími fyrir Mólótov og félaga.

Brjánn Guðjónsson, 31.10.2008 kl. 00:15

Þú hittir naglann á höfuðið Brjánn. Það er kominn tími fyrir meira en friðsöm mótmæli, ræður við Austurvöll og reið lesendabréf.

Þessi 63 einstaklingar sem að sitja á Alþingi þurfa nefninlega ekki að hafa áhyggjur af hóp uppsögnum, samdrætti í atvinnulífinu eða algjöru frosti á gjaldeyrismarkaði.

Þau geta setið áhyggjulaus næsta 2 og hálfa árið og gert það sem að þau hafa best gert hingað til. Nákvæmlega ekkert. Þau þurfa ekki að hafa áhyggjur af því að tapa lífeyrinum sínum eða ævisparnaðinum.

Þau lifa áhyggjulausu lífi á peningunum frá okkur hinum.

Það gera líka seðlabankastjórarnir og borgarfulltrúarnir.

Það er kominn tími fyrir mólótov og félaga.

Jón (IP-tala skráð) 31.10.2008 kl. 02:01

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst.

Netfang: birgitta@this.is

Tenglar

Nýja Ísland

Ég les:

Tíbet

Fréttir frá Tibet
Tibet Info Net An Independent Information Service on Contemporary Tibet
Undercover in Tibet Ný heimildarmynd frá Channel 4 um hvernig ástandið er í raun og veru í Tíbet
Leaving Fear Behind Viðtöl við Tíbeta í Tíbet stuttu fyrir mótmælin í mars
Cry of the Snow Lion Margverðlaunuð heimildarmynd um Tíbet
Yeti - heimildarmynd
Yogis of Tibet Heimildarmynd um Jógameistara Tíbets sem eru óðum að hverfa
Students for a Free Tibet
Dalai Lama
Tibetan Uprising
Kerti fyrir Tíbet
Tibet TV
Central Tibetan Administration
Om mani padme hum

Ýmsar slóðir

sem ég man eftir í andartakinu

The Hunger Site
THE MEATRIX
Myspace síðan mín
Úgáfan Beyond Borders Alþjóðleg útgáfa sem ég stofnaði árið 1999 í netheimum
Hitt bloggið mitt
Félagið Ísland-Palestína
Womb of Creation Vefurinn minn sem ég hef haldið við síðan 1995
Myspace síðan hennar mömmu
Saving Iceland
Be the change:)
Náttúra vefur með umhverfisvitund
Nattura info
Care 2 make a Difference

Bækur

Bækurnar mínar

Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
Þýddi þessa ásamt Jóni Karli Stefánssyni
don Miguel Ruiz: Lífsreglurnar fjórar - the Four Agreements (ISBN: 9979768835)
Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
Birgitta Jónsdóttir: Dagbók kameljónsins (ISBN: 9979973307)
Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.