Leita í fréttum mbl.is

Takk Ólafur Ragnar

Ólafur Ragnar Grímsson hefur einu sinni nýtt sér embætti sitt til að stoppa eitthvað sem honum fannst varða þjóðarheill. Fjölmiðlafrumvarpið! Það sýnir sig best í dag hvaða hagsmunum hann var að þjóna þá.  Ólafur Ragnar Grímsson er vanhæfur sem forseti á ögurstund. Dóttir hans Tinna er í stjórn Haga með Jóni Ásgeiri og Jóhannesi í Bónus. Þarna fara miklir hagsmunir.

Skil ekki af hverju enginn blaðamaður er búinn að búa til spillingartré - ættartré eða eitthvað sem útskýrir á myndrænan hátt hvernig stjórnmálamenn og viðskiptamenn eru tengdir.

Skora á atvinnulaust fjölmiðlafólk að taka sig saman og fara að vinna að þjóðþrifaverkinu að upplýsa almenning um stöðu mála á Stóru-Sikiley.

Ég ætla ekki að eyða orðum á Reyni - hef vitað um hans óheiðarlegu siðfræði um langa hríð og eins og allir vita þá vilja þeir hlutir sem maður hendir út í loft hafa tilhneigingu til að enda á hausnum á manni þegar síst skildi.


mbl.is Íhugar málsókn gegn Kastljósi
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Er ekki búið að segja fullt af fréttamönnum upp, nú geta þeir notað tímann sinn og skoðað tengsl. Já hann Ólafur Ragnar ætti að segja af sér og finnst mér að fólk ætti að senda honum uppsagnarbréf. Að fjölmiðlalögin komust ekki í gegn er í raun bæði honum og ISG að kenna

Guðrún Vestfirðingur (IP-tala skráð) 16.12.2008 kl. 11:48

2 Smámynd: Heiða B. Heiðars

Sammála þér Birgitta... það er með ólíkindum að ekki skuli verið búið að setja upp á myndrænan hátt hvernig hinir ýmsu embættismenn þjóðarinnar tengjast inn í fyrirtæki

Heiða B. Heiðars, 16.12.2008 kl. 11:52

3 Smámynd: Villi Asgeirsson

Þegar hugmyndir voru uppi um að gera www.NyjaIsland.is að einhvers konar frjálsum miðli, kom þessi hugmynd með spillingartréð upp. Það hefur ekki gerst. Er ekki til nóg af fólki sem hefur áhuga á að gera þetta?

Hafi einhver áhuga, er síðan enn í boði. Það yrði mj0g athyglisvert að sjá hvernig tréð liti út.

Villi Asgeirsson, 16.12.2008 kl. 12:03

4 Smámynd: Ólafur Tryggvason Þorsteinsson

Ég minni á að um það leyti sem Ólafur Grímsson synjaði fjölmiðlalögunum staðfestingar var hans og gimsteinasalinn hans á ferðum um heiminn i einkaþotu Jóns Ásgeirs. Í eitt skiptið var ferðinni heitið utan úr heimi í boð hjá Jóni Ásgeir og Ingibjörgu sjálfum. Mér finnst stórfurðulegt hve littla umfjöllum þessi beinu persónulegu tengsl sem forsetinn hefur við Baug hafa fengið.

Ólafur Tryggvason Þorsteinsson, 16.12.2008 kl. 12:47

5 Smámynd: Heidi Strand

þetta hefur komið betur og betur í ljós.

Heidi Strand, 16.12.2008 kl. 12:52

6 Smámynd: Jenný Anna Baldursdóttir

Ég verð að játa mig sammála þér.  Það eru ekki margir eftir af batteríinu sem hægt er að treysta.  Helst þingmönnum VG.

Jenný Anna Baldursdóttir, 16.12.2008 kl. 13:19

7 Smámynd: Magnús V. Skúlason

Birgitta á Bessastaði :)

Magnús V. Skúlason, 16.12.2008 kl. 14:24

8 Smámynd: Jón Snæbjörnsson

er sammaál þér og hef haldið þessu fram lengi - er hægt að hætta að tengja alþyngismenn við flokka nota bara nöfn þeirra og þá á þeim sem við "treystum"

Jón Snæbjörnsson, 16.12.2008 kl. 14:28

9 Smámynd: Jakobína Ingunn Ólafsdóttir

Já það þarf að koma spillingunni upp á yfirborðið. Framferði valdhafanna er svo gróft í eiginhagsmunagæslu að réttnefni yfir þessa aðila er RIBBALDAR

Jakobína Ingunn Ólafsdóttir, 16.12.2008 kl. 15:03

10 identicon

Hæ Birgitta!

Ég bjó til smá grín um daginn - ég get verið hroðalega kaldhæðinn þegar ég er reiður, sérstaklega þegar ég er orðinn langreiður, eða þannig.

Þetta grín mitt virtist samt ekki vekja nein sérstök viðbrögð, enda eru ótrúlega fáir að sinna því að uppfræða sig og þannig fatta í framhaldinu hvað við lifum við virkilega rotið stjórnskipulag *hrollur*

Kveðja,

Greppur Torfason (IP-tala skráð) 16.12.2008 kl. 16:57

11 Smámynd: Óskar Arnórsson

Hæ Birgitta!

Takk fyrir frábæran pistil um enn eitt "tabúið" á þessu skeri. Þetta eru alvöru viðskiptakallar sem geta selt þér þitt eigið hús tvisvar!

Og allt löglegt...og siðlaust..

20 - 30 menn eignast álíka mikið af peningum á einu bretti, og þessar 5000 milljarðar sem er komið að nýlega skuldlausa Ríkisstjórn!

Bættu bara Ólafi Ragnari á listann yfir "innherjasvikara" ef þú ert viss að hann hafi ekki gert neitt nema ferðast! Það er anskotinn engin glæpur. Kári sem rænir "bara" eigið fyrirtæki er eiginlega bara smábófi.

Það er svona ENRON skýtaltkt á öllu landinu. Þeir fengu 30 ár til lífstíðardóma þeir sem sátu í þeirri stjórn. Að misnota hlutafjárlög er sakamál. Forsetinn hefur alltaf verið pólítíkur. Pólitík er vanabindandi...Það væri búið að valta yfir Ríkisstjórnir í öllum siðmenntuðm löndum. Kanski sprengja þinghúsið á gamlárkvöld.

Það er eitthvað að venjulegu fólki á Íslandi! Lætur míga yfir sig af yfirvöldum á hverjum degi! Hendiði þessum skríl út úr embættum sínum og handtakið alla neðangreinda!

1.    Björgólfur Thor Björgólfsson   

2.    Björgólfur Guðmundsson   

3.    Magnús Þorsteinsson

4.    Ágúst Guðmundsson    

5.    Lýður Guðmundsson  

6.    Sigurður Einarsson  

7.    Hreiðar Már Sigurðsson  

8.    Jón Ásgeir Jóhannesson  

9.    Kristín Jóhannesdóttir  

10.  Ingibjörg Pálmadóttir  

11.  Gunnar Smári Egilsson   

12.  Gunnar Sigurðsson  

13.  Pálmi Haraldsson   

14.  Jóhannes Kristinsson 

15.  Magnús Ármann  

16.  Þorsteinn M. Jónsson  

17.  Kári Stefánsson       

18.  Hannes Smárason   

19.  Kristinn Björnsson  

20.  Magnús Kristinsson   

21.  Bjarni Ármannsson     

22.  Róbert Wessmann 

23.  Ólafur Ólafsson 

24.  Karl Wernersson  

25.  Þorsteinn Már Baldvinsson   

26.  Sigurjón Árnason    

27.  Halldór Kristjánsson 

Seðlabankastjórar og stjórn Seðlabankans

Fjáramálaeftirlitið

Forsætisráðherra, fjármálaráðherra, viðskiptaráðherra og Dómsmálaráðherra.

Í steininn með allt þetta lið og skrapa saman 5000 milljörðum. Leyfa þeim svo bara að fara! Það verður aldrei neitt sannað á þessu landi. Þeir eiga dómstólanna til og með! Hvað ætli dómstóll kosti á Íslandi?

Óskar Arnórsson, 16.12.2008 kl. 19:40

12 Smámynd: Birgitta Jónsdóttir

Villi minn - fyrirgefðu mér hve ömurlegur pennavinur ég er... en það er verið að vinna að því að koma fólkinu saman sem vill vinna að fréttamiðli - það eru nokkrir að vinna að ættartrénu en við eigum langt í land að finna öll tengsl - maður ætti kannski að panta viðtal hjá Davíð:)

Segja má að þjóðin sé að upplifa að horfa upp á siðspillingu sem teygir anga sína um alla afkima samfélagsins - þetta er hræðilega erfitt og ég hvet ykkur öll sem eruð að vinna að því að afla upplýsinga og vitið hve alvarlegt ástandið er - að styrkja hvert annað á einn eða annan máta. Ég finn fyrir miklum stuðning við það litla sem ég get gert - mér hefur aldrei fundist eins mikilvægt að leggja alla mína orku í að upplýsa þjóðina um ástandið - meira um það í næsta bloggi en við VERÐUM  að krefjast þess að Ólafi Ragnari að hann skrifi EKKI undir fjárlögin - þau verða að fara undir þjóðaratkvæði - það sem ég heyrt úr þeim er svo skelfilegt að ég verð að hafa mig alla við að brotna ekki saman af sorg vegna þess hvað það mun innibera fyrir þjóð mína. 

Það sem er mest um vert er að við stöndum saman um að uppræta siðspillingu og það krefst þess að við byrjum á vægðarlausum heiðarleika gagnavart okkur sjálfum og þeim sem við eigum samskipti við - ekkert er mikilvægara en heiðarleiki í dag og hugrekki til að takast á við breytt samfélag þar sem samfélagsvitund okkar þarf að spila stórt hlutverk.

Birgitta Jónsdóttir, 16.12.2008 kl. 21:02

13 Smámynd: Gunnlaugur B Ólafsson

Birgitta ef þér er annt um fólkið í landinu og "þjóð þína" að þá átt þú ekki að hamast á þeim sem að færa "þjóð minni" nokkuð vandað fréttablað endurgjaldslaust og bjóða enn upp á ódýrustu matvöruna.

Það er merkilegt að sjá að Björgólfsfeðgar sleppa við öll leiðindi þó þeir hafi skuldsett landsmenn mest og verst. Svo taka fulltrúar Vinstri grænna línuna beint frá Davíð Oddssyni að ráðast á Baug og forsetann.

Ólafur beitti 26. grein stjórnarskrár um að vísa umdeildu máli til þjóðaratkvæðis. Það var hinsvegar níðingsverk hjá Davíð og Halldóri að framfylgja ekki ákvörðun forseta heldur setja ný lög sem ógiltu hin.

Höldum smá sans og sanngirni. Drögum ekki upp þá mynd að vinnubrögð Davíðs Oddsssonar hafi verið til fyrirmyndar. Gangi þér vel. Mbk, G

Gunnlaugur B Ólafsson, 17.12.2008 kl. 01:28

14 Smámynd: Júlíus Björnsson

Davíð og Halldór töldu þetta áhættu.  Ég hefði leyft þjóðinni að samþykkja lögin.

EF 98% er sammála um að hér hafi verið stunduð fjármálaviðskipti sem stefndu [efnahagslegu] öryggi og orðspori þjóðarinnar í hættu,

þá á að sjálfsögðu að handa taka þessa sem frömdu og gera eigur þeirra upptækar. Þar sem um þjóðarhagsmuni er að ræða.

Enginn Dómari getur efast um vilja slíks meirihluta.  

Júlíus Björnsson, 17.12.2008 kl. 01:43

15 Smámynd: Óskar Arnórsson

Gamli Glitnir var minn banki og var ég ekki með nein lán, eingöngu yfirdrátt sem voru eitthvað 10 milljónir mest.

Ég stóð í skilum við allt og var meira segja búin að fá skriflegt frá fyrirtækjadeild bankans að ég væri traustur skilamaður bæði á ensku og Íslensku.

Það fyrsta sem Nýji Glitnir gerði var að segja upp restinni af yfirdrættinum. Vilja enga samninga af því ég skrifaði mig inn í Svíðþjóð vegna vinnu. Og þar með er ég orðin vanskilamaður og á leiðinni í gjaldþrot. Og mér er alveg nákvæmlega sama núna.

Líeyrisjóður sem ég er búin að borga í síðan 1988, var keyptur af Kaupþing bank í Svíþjóð. Það eru bara 7 ár þar til ég átti að byrja að fá greiðslur úr honum. Enn hann er gufaður upp.

Ég skil ekki af hverju þessir bankamenn rukki mann ekki með hafnarboltakylfum! Enn ég gerði bara nákvæmlega eins og þeir! Fékk mér bara nútt fyrirtæki, seldi allar eignir yfir þangað, og sagði þeim síðan að éta það sem úti frýs.

Tvö systkyni mín, búnar að vinna alla æfi, ein sem kennari og hin sem starfsmaður á hjúkrunarheimili eru á leiðinni í gjaldþrot. Launin duga ekki fyrir afborgunum bara af íbúðum þeirra! Þau eru með svo mörg börn að þau verða að flytja frá landinu.

Það er engin samhugur frá bönkum gagnvart fólki. Nú á bara að hrifsa til sín eins mikið af eignum og þeir komast yfir.

Og þeir ræna ekki bara sína eigin landsmenn! Heldur þúsundir manna erlendis fer á hausin út af þessu pakki. Þessi fjárlög eru algjör svívirða. ALLIR sem minnst meiga sín, má stærstu launalækkanirnar.

Íslandi er stýrt af glerhörðum psykópötum. Ekkert annað. Amen  

Óskar Arnórsson, 17.12.2008 kl. 01:51

16 identicon

Dóttir forsetans í stjórna haga.  Þetta versnar bara.

Er hægt að handtaka forseta Íslands fyrir alvarleg afglöp í starfi?

jonas (IP-tala skráð) 17.12.2008 kl. 04:59

17 Smámynd: Óskar Arnórsson

Hvar dóttir forsetans vinnur, eru ekki afglöp forsetans. Enn það stingur í augun þetta samband hans við Baug.

Tek undir þetta sem Júlíus kommenterar. Ekki einu sinni Kaupþingsbankastjórinn sem sendi 100 milljarða úr bankanum fáeinum mínutum áður enn yfirvöld tóku bankann, án skýringa til einhverrar skattapardísar er ekki tekinn og beðið um útskýra þetta.

Um miðja nótt!

Formaður Fjármálaeftirlitssins "fékk hugboð" og seldi öll hlutabréf sín í Landsbankanum daginn áður enn hann fór og lokaði bankanum og gerði þar með öll hlutabréf verðlaus.

Þvílík heppni hjá honum að fá þetta "hugboð"!

- Svona skrípaleikir eru gerðir fyrir framan augun á alþjóð og það skeður ekki neitt! Yfirvöld vilja ekki handtaka sjálfa sig. Rosalegt að sjá svona skríl sem ráðherra, þingmenn, saksóknara og Fjármálaeftirlit, verandi að rannsaka sig sjálfir... 

Óskar Arnórsson, 17.12.2008 kl. 05:44

18 identicon

Ólafur Ragnar stöðvaði ekki fjölmiðlafrumvarp Davíðs Oddssonar. Það gerði ríkisstjórnin með því að draga það til baka þegar forsetinin neitaði að kvitta undir það. Davíð og kó komu þar með í veg fyrir að þjóðin fengi að segja sitt álit á frumvarpinu.

Það má líka minna á að allir flokkar náðu skömmu seinna  samkomulagi um annað fjölmiðlafrumvarp sem m.a. takmarkaði eignarhald á fjölmiðlum. Brigitta, þið sjálfstæðismenn virðist einhverra hluta vegna ekki hafa haft mikinn áhuga á að það færi í gegn.

Bobbi (IP-tala skráð) 17.12.2008 kl. 08:58

19 Smámynd: Magnús Helgi Björgvinsson

Bara að minna fólk hér á að Ólafur synjaði ekki undirskrift fjölmiðlallagana. Hann lýsti því yfir að hann mundi ekki gera það og þá áttu þau að fara í þjóðaratkvæði. En ríkisstjórnin dró þau þá til baka. Hér logaði allt í látum út af þessu þá. Var talað um að fjölmiðlarnri mundu leggjast af. Forsetinn og aðrir vildu breytingu á þessu frumvarpi en Davíð varð reiður og hætti við allt saman. Skv. frumvarpinu hefði t.d. Útvarp Saga ekki mátt starfa í dag þar sem að hún er ekki nógu dreifðri eign. Ekki INN. Ekki Skjár 1. Ekki stöð 2, ekki DV ekki Fréttablaðið og svo mætti lengi telja.  Held að fólk ætti að rifja betur upp málin áður enn það dæmir.

Magnús Helgi Björgvinsson, 17.12.2008 kl. 09:51

20 Smámynd: Birgitta Jónsdóttir

ha ha ha ha ha ha ha ... Bobbi sem þorir ekki að koma undir nafni segir sem sýnir hve vel upplýstur maðurinn er: "Brigitta, þið sjálfstæðismenn virðist einhverra hluta vegna ekki hafa haft mikinn áhuga á að það færi í gegn."

Hve margir hér halda að ég sé í Sjálfstæðisflokknum? 

Birgitta Jónsdóttir, 17.12.2008 kl. 10:27

21 identicon

Þekki ekki konuna, en þessi færsla hjá þér í anda Valhallar.

Þú svarar engu um seinna fjölmiðlafrumvarpið !

Bobbi (IP-tala skráð) 17.12.2008 kl. 11:12

22 Smámynd: Óskar Arnórsson

Ekki ég Birgitta! Gleymdi að þakka beittan pistil. Vantar meira svona í umræðuna...

...líklegast ertu ekki í neinum flokki. Bara ágiskun. Ég er ekki í neinu pólitískum flokki eða trúarflokki sem er farið að verða keimlíkt fyrir mér. Kann hvorki pólitík né trúarbrögð.

Enn ekki talaru eins og Sjálfstæðismanneskja. Lýst vel á nafnið "Stóra Sikiley"... 

Óskar Arnórsson, 17.12.2008 kl. 11:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir
Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst. 

Netfang: birgitta@this.is

Bækur

Bækurnar mínar

  • Bók: Tuttugasta öldin og lærdómar hennar
    Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
    Þýddi þessa ásamt Jóni Karli Stefánssyni
  • Bók: Lífsreglurnar fjórar - the Four Agreements
    don Miguel Ruiz: Lífsreglurnar fjórar - the Four Agreements (ISBN: 9979768835)
    Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
  • Bók: Dagbók kameljónsins
    Birgitta Jónsdóttir: Dagbók kameljónsins (ISBN: 9979973307)
    Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.

Heimsóknir

Flettingar

  • Í dag (29.3.): 1
  • Sl. sólarhring: 1
  • Sl. viku: 10
  • Frá upphafi: 508655

Annað

  • Innlit í dag: 1
  • Innlit sl. viku: 10
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Nýjustu myndir

  • ...011-02-25_l
  • ...unknown
  • ...581_1050977
  • ...x-_28-of-81
  • ...490581
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.