Hvaða rugl er þetta?

28.10.2008 | 09:19

Var að hlusta á erindi í gærkvöld þar sem kom einmitt fram að hækkun stýrivaxta á svona tímum sé eins og olía á eld. Það var hagfræðingur sem flutti þetta erindi sem hefur skoðað hvernig IMF hefur krafist hækkunar stýrivaxta og þann eyðileggingarmátt sem það hefur haft í kjölfarið.

Ég er alveg búin að fá nóg af því hvernig stjórnvöld og seðlabanki stýra þessu landi í endalausar ógöngur ...

Hér er slóð í myndband sem var tekið upp af mbl.is með erindinu hennar Lilju hagfræðings frá borgarfundinum í gær... hvet alla til að horfa á þetta.

	Stýrivextir hækkaðir um 6 prósentur
Ábyrgðarmaður færslu Tilkynna um óviðeigandi tengingu við frétt

Meginflokkur: Stjórnmál og samfélag | Aukaflokkur: Viðskipti og fjármál | Breytt s.d. kl. 17:26 | Facebook

Athugasemdir

Hvaða hagfræðingi á að trúa ? - eins og þeir eru margir þá eru niðurstöðurnar langt frá því að vera eins, en hækkun stýrivaxta enn meira hlýtur að kalla yfir okkur enn meiri vanskil kanski hörmungar hjá fjölskyldum og fyrirtækjum, veit ekki en er hræddur um að svo geti orðið. Hvert er rétta svarið ? einhver ?

Jón Snæbjörnsson, 28.10.2008 kl. 10:05

Hvað veistu um stýrivexti?

Það þarf bara að byrja þarna, til að ná niður verðbólgunni til að við með verðtryggðlán förum ekki öll á hausinn.

Svo er það spurning um að finna lánsfé eins og staðan er í dag ef maður fær ekki hærri vexti en verðbólgan er þá vill maður ekki spara.

Þegar fé fer að koma hingað inn eftir þessum vöxtum þá fer krónan að styrkjast og þá lækka vörurnar.Það hjálpar öllum.

Varðandi fyrirtæki þá eru það ekki þessir vextir sem gilda heldur vextirnir hjá viðskiptabönkunum.

Ríkið mun örugglega halda fyrirtækjum á floti í gegnum bankana.

Það tók 6 daga síðast hjá viðskiptabönkum að breyta vöxtunum sjáum til hvað þeir verða fljótir núna.

Ef þetta er of mikil hækkun þá mun verðbólgan lækka hratt og krónan styrkjast mikið og þá er leikur einn að lækka þetta aftur.

Johnny Bravo, 28.10.2008 kl. 10:05

Las einhversstaðar að þar sem við hefðum verðtryggingu þyrfti ekki að bæta hækkun stýrivaxta við hörmungarnar. Djöfull er ég orðin þreytt á þessu. Ef ég væri ekki í svona góðri vinnu (enn þá) væri ég farin að leita fyrir mér í útlöndum með heimili og starf. Mér finnst verið að níðast á mér á allan hátt, þá sérstaklega í vaxta- og verðtryggingarmálum. ÞETTA ER EKKI EÐLILEGT! Ég sætti mig ekki við þetta. Sé ekki Evrópusambandið sem neina lausn, þótt Davíð og kó séu á móti því, það var einitt aðild okkar að EES sem gerði útrásarvíkingunum kleift að komast svona langt. Sumir segja að ES sé kapítalistaklúbbur og tryggi peningafólki mikið frelsi en almenningi síður. Arggg. Útrás dagsins var í boði frænku!

Guðríður Haraldsdóttir, 28.10.2008 kl. 10:37

elsku frænka - held að við ættum bara að stefna að ættarmóti til að létta lund á þessum hörmungartímum:)

ég er ráðvillt en veit að samkvæmt sögulegum heimildum þá hafa lönd farið verr út úr stýrivaxtahækkun á svona tímum - kannski hefur maðurinn á bak við Johnny Bravo rétt fyrir sér... ég veit svo sem ekki neitt nema ég upplifi eilífa hringrás upplýsinga og aðgerða sem rekast gegn hvert öðru...

ef ég væri ekki svona sannfærð um að einstaklingar geti breytt heiminum myndi ég enn og aftur fara frá landinu - ég á svo sem ekki neitt, en þarf sennilega að skrá mig atvinnulausa um miðjan næsta mánuð ... ekkert sem heldur í mig hér nema sú vissa að hér verði að vera staðföst viðspyrna fyrir land og þjóð... ég get ekki gert neitt nema að reyna sem einstaklingur að veita þessa viðspyrnu með því að taka þátt í allri mögulegri samfélagsmyndun. hvet alla þá sem missa atvinnu að gera það sem þeir geta til að taka þátt í þessari samfélagsuppbyggingu sem verður að eiga sér stað.

Birgitta Jónsdóttir, 28.10.2008 kl. 10:47

Frettatilkynning frá Himnaríki. Í Himnaríki sem og víða á jörðinni hafa menn áhyggjur af ástandinu á Ísland. Því var send nefnd þriggja aðila

smáenglana Pú og Pa auk púkans Tikk. Þeir hafa nú dvalið um skeið á Íslandi og kynnt sér ástandið og sent skýrslur til Himnaríkis. Þessar athugasemdir er hægt að skoða á wefsíðu Himnaríkis næstu daga, www.puandpa.com klikka á matseðilinn og siðan á pu and Pa. Þeim sem hafa áhuga er GUÐvelkomið að nota efni úr skýrslunum.

sigurður örn brynjólfsson (IP-tala skráð) 28.10.2008 kl. 11:51

ég er að bíða eftir að fá erindi Lilju hagfræðings sem var með erindi á borgarafundinum í gær þar sem margt áhugavert kom fram varðandi þetta tiltekna mál. mun setja inn myndbandið um leið og það kemur á netið.

Birgitta Jónsdóttir, 28.10.2008 kl. 15:23

Hvernig kemur þetta út fyrir fjölskyldur með verðtryggð lán?

Af hverju reikna fjölmiðlar það ekki út og sýna okkur?

http://okurvextir.blogspot.com

Rósa Halldórs (IP-tala skráð) 28.10.2008 kl. 15:23

Já, þetta er gjörsamlega vitlaust rugl.

persóna, 28.10.2008 kl. 16:01

Já, við þurfum að fá Lilju á bloggið. Gott ef þér tekst það.

María Kristjánsdóttir, 28.10.2008 kl. 16:09

Frá nettavisen.no

http://e24.no/makro-og-politikk/article2738150.ece

Heidi Strand, 28.10.2008 kl. 21:10

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Birgitta Jónsdóttir

Ég vil gjarnan láta eitthvað gott af mér leiða í samfélagi manna. Ég mun einbeita mér að því að því að búa til vettvang fyrir þjóðina að vinna að þeim lýðræðisumbótum sem hún krefst og vill leggja sína krafta í. Ég starfa sem þingmaður og þingflokksformaður fyrir Hreyfinguna - fyrir fólkið í landinu. Ég er formaður vina Tíbets.

Ég vil hafa athugasemdakerfið opið - bið fólk samt um að tjá sig eins og það myndi gera ef við stæðum augnlitis til augnlitis. Ég mun því miður ekki alltaf hafa tíma til að svara kommentum eða tölvupósti en ég reyni að lesa allt með opnum huga. Vil gjarnan nota þetta sem vettvang fyrir fólk að koma með hugmyndir um hvað mætti betur fara í samfélginu okkar.

Ég aðhyllist engin sérstök trúarbrögð, ég tilheyri engu sérstöku flokkakerfi, ég tilheyri engu sérstöku nema þessu stórmerkilega mannkyni og þessari yndislegu jörð. Ég er þakklát fyrir að lifa á sögulegum tímum þar sem allt getur gerst.

Netfang: birgitta@this.is

Tenglar

Nýja Ísland

Ég les:

Tíbet

Fréttir frá Tibet
Tibet Info Net An Independent Information Service on Contemporary Tibet
Undercover in Tibet Ný heimildarmynd frá Channel 4 um hvernig ástandið er í raun og veru í Tíbet
Leaving Fear Behind Viðtöl við Tíbeta í Tíbet stuttu fyrir mótmælin í mars
Cry of the Snow Lion Margverðlaunuð heimildarmynd um Tíbet
Yeti - heimildarmynd
Yogis of Tibet Heimildarmynd um Jógameistara Tíbets sem eru óðum að hverfa
Students for a Free Tibet
Dalai Lama
Tibetan Uprising
Kerti fyrir Tíbet
Tibet TV
Central Tibetan Administration
Om mani padme hum

Ýmsar slóðir

sem ég man eftir í andartakinu

The Hunger Site
THE MEATRIX
Myspace síðan mín
Úgáfan Beyond Borders Alþjóðleg útgáfa sem ég stofnaði árið 1999 í netheimum
Hitt bloggið mitt
Félagið Ísland-Palestína
Womb of Creation Vefurinn minn sem ég hef haldið við síðan 1995
Myspace síðan hennar mömmu
Saving Iceland
Be the change:)
Náttúra vefur með umhverfisvitund
Nattura info
Care 2 make a Difference

Bækur

Bækurnar mínar

Mikhail Gorbatsjov og Daisaku Ikeda : Tuttugasta öldin og lærdómar hennar (ISBN: 9979-772-77-8 )
Þýddi þessa ásamt Jóni Karli Stefánssyni
don Miguel Ruiz: Lífsreglurnar fjórar - the Four Agreements (ISBN: 9979768835)
Lífsreglurnar fjórar er ævaforn indjánaspeki sem hefur farið sigurför um heiminn. Bókin er byggð á fornri visku Tolteka-indjána og útskýrir sannindi sem er að finna í helgum dulspekihefðum víðsvegar um heim. Lesanda eru kynntar fjórar einfaldar en magnaðar lífsreglur sem vísa leiðina að frelsi og sjálfstæði einstaklingsins. Höfundurinn, don Miguel Ruiz, er af ætt græðara og seiðmanna sem hafa iðkað Toltekafræðin frá aldaöðli. Hann er heimsþekktur fyrir bækur sínar og fyrirlestra.
Birgitta Jónsdóttir: Dagbók kameljónsins (ISBN: 9979973307)
Dagbók kameljónsins er þroskasaga stúlku sem hefur þurft að berjast við að sogast ekki inn í geðveiki ættmenna sinna, en sjálfsvíg þeirrar manneskju sem hún leit á sem klettinn í lífi sínu verður til þess að hún gerir sér ljóst hve dýrmætt lífið er. Með því að þvinga sig til að muna fortíðina skapar hún möguleika á að eiga sér einhverja framtíð. Alkóhólismi móður hennar vegur jafnframt þungt í þessu verki og hefur afgerandi áhrif á sjálfmeðvitund söguhetjunnar sem á endanum öðlast þroska til að sjá manneskjuna handan sjúkdómsins sem brýst oft út í mikilli sjálfhverfu þess sem er haldin honum og skilur aðra fjölskyldumeðlimi eftir með því sem næst ósýnilegan geðrænan sjúkdóm sem jafnan er kenndur við meðvirkni. En þetta er engin venjuleg bók, hún er brimfull af von og lausnum, ævintýrum og einlægni og fellur aldrei inn í pytt sjálfsvorunnar. Bókin er tilraun til að brúa bilið á milli þess myndræna sem oft fyrirfinnst í dagbókum, en formið bíður upp á vægðarlausan heiðarleika og gefur lesandanum tækifæri á að nota sitt eigið hugarflug.